Rev 21

ၵျၢမ်းပျႃႇတိၵ်ႉ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇

၂၁

ၵၢင်ႁၢဝ်တင်းလိၼ်မိူင်းဢၼ်မႂ်ႇ

၁ ၵၢင်ႁၢဝ်ဢၼ်မႂ်ႇဢိၵ်ႇတင်းလိၼ်မိူင်းဢၼ်မႂ်ႇၵေႃႈၵဝ်ႁၼ်ဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၵၢင်ႁၢဝ်မိူဝ်ႈဢွၼ်ႈၼႆႉဢိၵ်ႇတင်းလိၼ်မိူဝ်ႈဢွၼ်ႈၼႆႉၼၼ်ႉၶၢႆႉတီႈၵႂႃႇသဵင်ႈယဝ်ႉ။ၸႃႉၸဵမ်မိူဝ်ႈၼၼ်ႉလႄႈၼမ်ႉသမ်ႇမုၵ်ႉတြႃႇဢမ်ႇမီး။

၂ ၵဝ်ႁၼ်ဝဵင်းဢၼ်မူတ်းၸၢင်ႇဢၼ်ဝႃႈဝဵင်းယေႇရူႉသလႅမ်ႇဢၼ်မႂ်ႇၼၼ်ႉမႄးႁႅၼ်းဝႆႉမိူၼ်ၸိူဝ်ႉၼင်ႇလုၵ်ႈယိင်းသၢဝ်ဢၼ်သွင်ႇမင်ႇၵလႃႇႁၢင်ႈၶိူင်ႈပုၼ်ႈၽူဝ်မၼ်းၼၼ်ႉလႄႈလုၵ်ႉသေၵႃႈတီႈၽြႃးပဵၼ်ၸဝ်ႈၵႃႈၼိူဝ်ၵၢင်ႁၢဝ်လူင်းမႃးဢေႃႈ။

၃ ၵဝ်ငိၼ်းသဵင်ဢၼ်ယႂ်ႇၵႃႈၼိူဝ်ၵၢင်ႁၢဝ်ၼၼ်ႉလႄႈဝႃႈ၊-တူၺ်းလူ၊သုမ်ႉထဵင်ၽြႃးပဵၼ်ၸဝ်ႈမီးယူႇၼႂ်းၵူၼ်းတင်းလၢႆဢေႃႈ။မၼ်းၸဝ်ႈတၵ်းၵိင်းဝၢပ်ႈယူႇလူၺ်ႈၵၼ်တင်းၶဝ်ဢေႃႈ။ၶဝ်တၵ်းပဵၼ်ၵူၼ်းမၼ်းၸဝ်ႈဢေႃႈ။ၽြႃးပဵၼ်ၸဝ်ႈတူဝ်ၸဝ်ႈၵဝ်ႇတၵ်းယူႇလူၺ်ႈၵၼ်တင်းၶဝ်လႄႈပဵၼ်ၽြႃးပဵၼ်ၸဝ်ႈၶဝ်ဢေႃႈ။

၄ မၼ်းၸဝ်ႈတၵ်းၸဵတ်ႉၼမ်ႉတႃဢၼ်မီးၵႃႈတီႈတႃၶဝ်ၼၼ်ႉပႅတ်ႈတင်းသဵင်ႈတင်းမူတ်းဢေႃႈ။ၵမ်းလိုၼ်းၽေးတင်းလၢႆဢမ်ႇလႆႈမီး။တၢင်းဢၼ်ၸႂ်ဢမ်ႇသႃႇလႄႈၶင်းၶီၶင်းၽၢၼ်၊တၢင်းဢၼ်ႁွင်ႉသႅၼ်ႇ၊တၢင်းဢၼ်ယၢပ်ႇဢၼ်ၽိုတ်ႇၵေႃႈဢမ်ႇလႆႈမီး။လွင်ႈမၼ်းၸမ်းလွင်ႈတၢင်းဢၼ်ယၢမ်ႈပဵၼ်မႃးယဝ်ႉမိူဝ်ႈဢွၼ်တၢင်းၸိူဝ်းၼၼ်ႉၶၢႆႉတီႈၵႂႃႇသဵင်ႈယဝ်ႉ။

၅ ၸဝ်ႈဢၼ်ၼင်ႈယူႇၵႃႈၼိူဝ်ပလၢင်ႇၸဝ်ႈၼၼ်ႉၵေႃႈလၢတ်ႈလႄႈဝႃႈ၊-လွင်ႈတၢင်းၵႃႈမီးတင်းသဵင်ႈတင်းလူင်ၵဝ်ၽၢၼ်ႇသၢင်းႁဵတ်းပဵၼ်ဢၼ်မႂ်ႇယဝ်ႉ၊ဝႃႈၼင်ႇၼႆဢေႃႈ။ၵမ်းၼၼ်ႉမၼ်းၸဝ်ႈၵေႃႈမီးဢမိင်ႉလႄႈဝႃႈ၊-တႅမ်ႈဝႆႉတႃႉ။ၵႂၢမ်းၼႆႉပဵၼ်ၵႂၢမ်းသႅတ်ႈၸႃႇၵႂၢမ်းဢၼ်မၢၼ်ႇမႅၼ်ႈၸိုဝ်ႈၸႂ်ႈယဝ်ႉ၊ဝႃႈၼင်ႇၼႆဢေႃႈ။

၆ မၼ်းၸဝ်ႈၵေႃႈသမ်ႉလၢတ်ႈတီႈၶဝ်လႄႈဝႃႈ၊-လွင်ႈတၢင်းယဝ်ႉတူဝ်ယဝ်ႉ။ၵဝ်ပဵၼ်ဢႃႇလၽႃႉဢေႃႈ။ဢေႃႇမေႇၶႃႉၵေႃႈပဵၼ်ဢေႃႈ။တီႈတႄႇၸႃႉဢိၵ်ႇတင်းတီႈသုတ်းၵေႃႈပဵၼ်ဢေႃႈ။ယင်းဢမ်ႇဢဝ်ၵႃႊမၼ်းၶၼ်မၼ်းလႄႈၵဝ်တၵ်းပၼ်ၼမ်ႉဢွၵ်ႇႁူးဢသၢၵ်ႈတီႈၵေႃႉဢၼ်ယၢၵ်ႇၼမ်ႉၼၼ်ႉဢေႃႈ။

၇ ၵေႃႉဢၼ်ပႄႉၼႅင်ႇၼၼ်ႉတၵ်းလႆႈၶၢမ်ႇဢမူၺ်ႇလွင်ႈတၢင်းၸိူဝ်းၼႆႉဢေႃႈ။ၵဝ်တၵ်းပဵၼ်ၽြႃးပဵၼ်ၸဝ်ႈမၼ်းဢေႃႈ။

၈ မၼ်းၵေႃႈတၵ်းပဵၼ်လုၵ်ႈၵဝ်ဢေႃႈ။ၵေႃႉဢၼ်ၸၢင်ႊၵူဝ်ၸၢင်ႊႁႄၵေႃႉဢၼ်ဢမ်ႇယုမ်ႇမၢတ်ႈ၊ၵေႃႉဢၼ်ပဵၼ်ဢၼ်ဝူၺ်ႇဢၼ်ႁင်ႈၵေႃႉဢၼ်ဢဝ်ဢသၢၵ်ႈၵူၼ်းတၢႆၵေႃႉဢၼ်ႁဵတ်းမေႇထုင်ႇဢၼ်ဢမ်ႇတြႃးၵေႃႉဢၼ်ၸၢင်ႊၸေႃႉၸၢင်ႊႁဵတ်းတီႈပိူၼ်ႈၵေႃႉဢၼ်ၸၢင်ႊၵူဝ်းၵႂၢႆႇရူၵ်ႈထူႉၵေႃႉဢၼ်ယႃႉသႅတ်ႈၸႃႇတင်းသဵင်ႈတင်းလူင်ၼၼ်ႉၸမ်းတၵ်းလႆႈတူၵ်းတီႈယူႇၵႃႈၼႂ်းၼွင်ၽႆးဢၼ်လေႃးၵၼ်တင်းၵၢၼ်ႉဢၼ်ဝႃႈတၢင်းတၢႆတုတိယၼၼ်ႉဢေႃႈ၊ဝႃႈၼင်ႇၼႆဢေႃႈ။

ဝဵင်းယေႇရူႉသလႅမ်ႇဢၼ်မႂ်ႇ

၉ ၼႂ်းတမၢၼ်ႇၵၢင်ႁၢဝ်ၸဵတ်းပႃးဢၼ်ပႃးတင်းၵွၵ်းၸဵတ်းလုၵ်ႈဢၼ်တဵမ်ဝႆႉတင်းၽေးတၢမ်ႇလိုၼ်းလင်သုတ်းၸဵတ်းပိူင်ၼၼ်ႉပႃးၼိုင်ႈလၢတ်ႈလႄႈဝႃႈ၊-မႃးတႃႉ။ၵဝ်တၵ်းၼႄပျႃႉလုၵ်ႈယိင်းသၢဝ်ဢၼ်သွင်ႇမင်ႇၵလႃႇဢၼ်ဝႃႈမေႈသူဝ်းဢွၼ်ႇၼၼ်ႉတီႈသူဢေႃႈ၊ဝႃႈၼင်ႇၼႆသေယဝ်ႉ

၁၀ မၼ်းပႃးတင်းဝိၺိၺ်ႇၸဝ်ႈလႄႈဢဝ်ၵဝ်ၵႂႃႇသူင်ႇၵႃႈတီႈလွႆဢၼ်ယႂ်ႇသုင်ၼႃႇၼၼ်ႉသေလႄႈၼႄပျႃႉဝဵင်းယေႇရူႉသလိမ်ႇဢၼ်မူတ်းၸၢင်ႇဢၼ်တဵမ်ဝႆႉတင်းမုၼ်ၽြႃးပဵၼ်ၸဝ်ႈဢၼ်လုၵ်ႉသေၵႃႈတီႈၽြႃးပဵၼ်ၸဝ်ႈမိူင်းၵၢင်ႁၢဝ်လူင်းမႃးၼၼ်ႉဢေႃႈ။

၁၁ ငဝ်းသၢႆဢရွင်ႇဝဵင်းၼၼ်ႉမိူၼ်ၸိူဝ်ႉၼင်ႇသႅင်လီဢၼ်မျၢတ်ႈၼႃႇသေပိူၼ်ႈဢၼ်ပဵၼ်ၸိူဝ်ႉၼင်ႇၼၵႃးသွႆႇဢၼ်သႂ်လႅင်းၸိူဝ်ႉၼင်ႇမၢၵ်ႇႁိၼ်ၸိင်ႇၼၼ်ႉဢေႃႈ။

၁၂ လမ်းဝဵင်းဢၼ်ယႂ်ႇသုင်ၼႃႇၵေႃႈမီးဢေႃႈ။ၽၵ်းတူသိပ်းသွင်ႁူးၵေႃႈမီးဢေႃႈ။ၵႃႈတီႈၽၵ်းတူသိပ်းသွင်ႁူးၼၼ်ႉမီးတမၢၼ်ႇၵၢင်ႁၢဝ်သိပ်းသွင်ပႃးဢေႃႈ။ၼႃႇမႃႉၸိုဝ်သဵင်ၵူၼ်းဢိသရေႇလသိပ်းသွင်မဵဝ်းၵေႃႈတႅမ်ႈဝႆႉမီးယူႇၵႃႈၼိူဝ်ၽၵ်းတူၸိူဝ်းၼၼ်ႉဢေႃႈ။

၁၃ ၽၵ်းတူၸိူဝ်းၼၼ်ႉၸမ်းမီးတၢင်းဝၼ်းဢွၵ်ႇၽၵ်းတူသၢမ်ႁူး၊တၢင်းႁွင်ႇၽၵ်းတူသၢမ်ႁူး၊တၢင်းၸၢၼ်းၽၵ်းတူသၢမ်ႁူး၊တၢင်းဝၼ်းတူၵ်းၽၵ်းတူသၢမ်ႁူးဢေႃႈ။

၁၄ တိၼ်လမ်းဝဵင်းၼၼ်ႉမီးသိပ်းသွင်ထၢပ်ႈဢေႃႈ။ၼႃႇမႃႉၸိုဝ်ႈသဵင်တမၢၼ်ႇၸဝ်ႈသိပ်းသွင်ပႃးၵေႃႈတႅမ်ႈဝႆႉမီးယူႇၵႃႈၼိူဝ်တိၼ်လမ်းဝဵင်းၼၼ်ႉဢေႃႈ။

၁၅ ၵေႃႉဢၼ်လၢတ်ႈၵႂၢမ်းတေႃႇၵၼ်တင်းၵဝ်ၼၼ့်ပႃးမႆႉဢေႃႈၶမ်းပုၼ်ႈဢၼ်တၵ်းတႅၵ်ႈၼၼ်ႉလႅမ်ႈၼိုင်ႈႁႂ်ႈလႆႈတႅၵ်ႈတူၺ်းဝဵင်းဢိၵ်ႇတင်းၽၵ်းတူဝဵင်းတင်းလမ်းဝဵင်းဢေႃႈ။

၁၆ ဝဵင်းၼၼ်ႉပဵၼ်သီႇၸဵင်ႇၶိုင်ႈလႄႈၼႃႈယၢဝ်းမၼ်းထၢၼ်ႇပဵင်းၵၼ်ဢေႃႈ။ၵေႃႉၼၼ်ႉဢဝ်မႆႉဢေႃႈၶမ်းတႅၵ်ႈတူၺ်းဝဵင်းၼၼ်ႉလႄႈမီးယူႇၸၼႃႇပၢၵ်ႇပၢႆသၢဝ်းၼိုင်ႈဢေႃႈ။ၼႃႈယၢဝ်းၼႃႈပွတ်းဢၼ်သုင်ဝဵင်းၼၼ်ႉထၢၼ်ႇပဵင်းၵၼ်ဢေႃႈ။

၁၇ မၼ်းတႅၵ်ႈတူၺ်းဢၼ်သုင်လမ်းဝဵင်းၼၼ်ႉလႄႈၸွမ်းၼင်ႇသွၵ်ႇၵူၼ်းဢၼ်ဝႃႈသွၵ်ႇတမၢၼ်ႇၵၢင်ႁၢဝ်ၼၼ်ႉမီးပၢၵ်ႇသီႇသိပ်းပၢႆသီႇသွၵ်ႇဢေႃႈ။

၁၈ တူဝ်လမ်းဝဵင်းၼၼ်ႉပဵၼ်ၼၵႃးသွႆႇဢေႃႈ။ဝဵင်းၼၼ်ႉၵေႃပဵၼ်ၶမ်းၸႅတ်ႈၸႅတ်ႈမိူၼ်ၸိူဝ်ႉၼင်ႇၽၢၼ်ႇၼင်ႇမၢၼ်ႇၸမ်ဢၼ်သႂ်လႅင်းၼၼ်ႉဢေႃႈ။

၁၉ တိၼ်လမ်းဝဵင်းၸိူဝ်းၼၼ်ႉတဵမ်ထူၼ်ႈဝႆႉတင်းသႅင်လီၵူႈၸိူဝ်ႉၵူႈမဵဝ်းဢေႃႈ။တိၼ်ပထမၸမ်းပဵၼ်သႅင်ၼၵႃးသွႆႇဢေႃႈ။တိၼ်တုတိယၸမ်းပဵၼ်သႅင်ၼီႇလႃႇဢေႃႈ။တိၼ်တတိယၸမ်းပဵၼ်သႅင်မႁူႇရႃႇဢေႃႈ။

၂၀ တိၼ်ၸတုၵ်ႉထၸမ်းပဵၼ်သႅင်မျႃႉဢေႃႈ။တိၼ်ပိၼ်ႇၸမၸမ်းပဵၼ်သႅင်ၸၢႆးၶႃးယွတ်ႈဢေႃႈ။တိၼ်သထမၸမ်းပဵၼ်သႅင်လႅင်ႊဢေႃႈ။တိၼ်သတ်ႉတမၸမ်းပဵၼ်သႅင်ၶရူႉသူႉလိတ်ႈဢေႃႈ။တိၼ်ဢတ်ႉထမၸမ်းပဵၼ်သႅင်ၶဵဝ်ဢေႃႈ။တိၼ်ၼဝမၸမ်းပဵၼ်သႅင်ဢူၵ်ႉသၽူႉရႃးဢေႃႈ။တိၼ်တသမၸမ်းပဵၼ်သႅင်ၶရူႉသူႉပတ်ႉဢေႃႈ။တိၼ်ဢေႇၵႃႇတသမၸမ်းပဵၼ်သႅင်ဝႃႇၵိၼ်ႇသူႉဢေႃႈ။တိၼ်တႂႃႇတသမၸမ်းပဵၼ်သႅင်မွၵ်ႇမၢၵ်ႇၶိူဝ်ဢေႃႈ။

၂၁ မႂ်ႊၽၵ်းတူသိပ်းသွင်မႂ်ႊၸိူဝ်းၼၼ်ႉပဵၼ်ပူးလေးသိပ်းသွင်ၶႅပ်းဢေႃႈ။မႂ်ႊၽၵ်းတူႁင်းၽႂ်ႁင်းမၼ်းပဵၼ်ပူးလေးယေႈမႂ်ႊယေႈၶႅပ်းဢေႃႈ။သဵၼ်ႈတၢင်းလူင်ဝဵင်းၼၼ်ႉပဵၼ်ၶမ်းၸႅတ်ႈၸႅတ်ႈၸိူဝ်ႉၼင်ႇၽၢၼ်ႇၼင်ႇမၢၼ်ႇၸမ်ဢၼ်သႂ်လႅင်းၼၼ်ႉဢေႃႈ။

၂၂ ၼႂ်းဝဵင်းၼၼ်ႉၵဝ်ဢမ်ႇႁၼ်ပိၵ်ႉမၢၼ်ႇၸဝ်ႈ။လွင်ႈမၼ်းၸမ်းထႃႇဝရႃႉၽြႃးပဵၼ်ၸဝ်ႈဢၼ်ပျေႉၸုမ်ႇတင်းဢၼၼ်ႇတႃႉတၼ်းၶူဝ်းဢိၵ်ႇတင်းသူဝ်းဢွၼ်ႇၼၼ်ႉပဵၼ်ပိၵ်ႉမၢၼ်ႇဝဵင်းၼၼ်ႉဢေႃႈ။

၂၃ ဝဵင်းၼၼ်ႉဢမ်ႇလူဝ်ႇငဝ်းဢရွင်ႇၵၢင်ဝၼ်းတင်းဢရွင်ႇလိူၼ်။လွင်ႈမၼ်းၸမ်းမုၼ်ၽြႃးပဵၼ်ၸဝ်ႈႁႂ်ႈႁိူဝ်ႈလႅင်းယူႇၵႃႈၼႂ်းဝဵင်းၼၼ်ႉဢေႃႈ။သူဝ်းဢွၼ်ႇၵေႃႈပဵၼ်ၵွၵ်းၽႆးဝဵင်းၼၼ်ႉဢေႃႈ။ၵူၼ်းၵူႈၸိူဝ်ႉၵူႈမဵဝ်းတၵ်းဢိင်ပိုင်ႈဢၼ်လႅင်းဝဵင်းၼၼ်ႉသေလႄႈၵႂႃႇမႃးယူႇဢေႃႈ။

၂၄ ၶုၼ်ႁေႃၶမ်းလေႃးၵီႇတင်းလၢႆၵေႃႈတၵ်းပႃးဢဝ်မုၼ်သရေႇတူဝ်ၸဝ်ႈၵဝ်ႇမႃးၵႃႈၼႂ်းဝဵင်းၼၼ်ႉဢေႃႈ။

၂၅ ၼႂ်းၶိင်ႇၵၢင်ဝၼ်းဢမ်ႇၸၢင်ႊဢိုတ်းၽၵ်းတူဝဵင်းၼၼ်ႉ။ၶိင်ႇၵၢင်ၶိုၼ်းဢမ်ႇမီး။

၂၆ ၶဝ်တၵ်းပႃးဢဝ်မုၼ်သရေႇၵူၼ်းၵူႈၸိူဝ်ႉၵူႈမဵဝ်းတင်းလၢႆမႃးၵႃႈၼႂ်းဝဵင်းၼၼ်ႉဢေႃႈ။

၂၇ လွင်ႈတၢင်းဢၼ်ၵူဝ်ႈဢၼ်ၵိူၵ်ႇလွင်ႈတၢင်းဢၼ်ဝူၺ်ႇဢၼ်ႁင်ႈလွင်ႈတၢင်းဢၼ်ယႃႉသႅတ်ႈၸႃႇသေၸိူဝ်ႉသေပိူင်ၼၼ်ႉဢမ်ႇလႆႈၶဝ်ႈၸူးလႄႈၶဝ်ၸိူဝ်းဢၼ်ၶဝ်ႈပႃးၼႂ်းၸရၢင်းၽိုၼ်လိၵ်ႈဢသၢၵ်ႈသူဝ်းဢွၼ်ႇၼၼ်ႉၵူၺ်းတၵ်းလႆႈၶဝ်ႈၸူးဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ