Shan Missions

လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ

Chapter          ၁          ၂          ၃          ၄          ၅         

၅



တၢင်းဢၼ်ၸဝ်ႈယေႇသုၵျွႃးမႃး

၁ ပီႈၼွင်ႉၶဝ်ဢိူၺ်း၊ၸၢပ်ႈသႅင်ႇလူၺ်ႈလွင်ႈၶိင်ႇၵႃႇလႃႉၼၼ်ႉဢမ်ႇမီးတီႈဢၼ်တၵ်းလႆႈတႅမ်ႈပၼ်ၵႂႃႇတီႈသူ။

၂ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်းသူႁူႉလွင်ႈဢၼ်ဝၼ်းဢၼ်ၸဝ်ႈၽြႃးတၵ်းမႃးၼၼ်ႉမိူၼ်ၸိူဝ်ႉၼင်ႇၽူႈလၵ်ႉမႃးၶိင်ႇၵၢင်ၶိုၼ်းၼၼ်ႉဢေႃႈ။

၃ ၼႂ်းမိူဝ်ႈဢၼ်ၶဝ်ယင်းတိုၵ်ႉလၢတ်ႈလႄႈဝႃႈ၊-ႁဝ်းမီးတၢင်းၼိမ်ယူႇ၊ႁဝ်းလွတ်ႈၽေးယူႇ၊ဝႃႈၼင်ႇၼႆယူႇၼၼ်ႉ၊တၢင်းလူႉတၢင်းလႅဝ်ၶိုၵ်ႉၶၵ်ႉတၵ်းႁွတ်ႈထိုင်ၵႃႈၼိူဝ်ၶဝ်မိူၼ်ၸိူဝ်ႉၼင်ႇဝူၺ်ႇတၼႃႇတၢင်းဢၼ်ၵိူတ်ႇလဵင်ႉလုၵ်ႈႁွတ်ႈမႃးၵႃႈတီႈမေႈယိင်းဢၼ်ပႃးပတိၵ်ႉသၼ်ႇထေႇၼၼ်ႉလႄႈဢမ်ႇမီးဢၶႂၢင်ႉတၢင်းဢၼ်လႆႈၵၢင်းလွတ်ႈ။

၄ ၵူၺ်းၵႃႈပီႈၼွင်ႉၶဝ်ဢိူၺ်း၊လွင်ႈတၢင်းဢၼ်ဝၼ်းၼၼ်ႉတၵ်းႁွတ်ႈမႃးၵႃႈၼိူဝ်သူမိူၼ်ၸိူဝ်ႉၼင်ႇၽူႈလၵ်ႉမႃးၼၼ်ႉသေၵေႃႈသူယူႇၼႂ်းဢၼ်လပ်းသိင်ႇဢမ်ႇၸႂ်ႈ။

၅ သူၵႃႈမီးတင်းသဵင်ႈတင်းလူင်ပဵၼ်လုၵ်ႈဢၼ်လႅင်းၵၢင်ဝၼ်းဢေႃႈ။ဢမ်ႇၸႂ်ႈပဵၼ်လုၵ်ႈၵၢင်ၶိုၼ်းဢၼ်လပ်းသိင်ႇ။

၆ ပိူဝ်ႈဢၼ်ပဵၼ်ၼင်ႇၼႆလႄႈႁဝ်းယင်းဢမ်ႇၼွၼ်းလပ်းမိူၼ်ၸိူဝ်ႉၼင်ႇၵူၼ်းတၢင်ႇတီႈတၢင်ႇလႅၼ်တင်းလၢႆၼွၼ်းလပ်းယူႇၼၼ်ႉလႄႈႁဝ်းမီးသမ်ႇမႃႇသတိယူႇသေလႄႈပႂ်ႉယူႇတႃႉႁဝ်း။

၇ လွင်ႈမၼ်းၸမ်းၶဝ်ၸိူဝ်းဢၼ်ၼွၼ်းလပ်းယူႇၼၼ်ႉၸၢင်ႊၼွၼ်းလပ်းၶိင်ႇၵၢင်ၶိုၼ်းဢေႃႈ။ၶဝ်ၸိူဝ်းဢၼ်မဝ်းလဝ်ႈမဝ်းၵမ်ၼၼ်ႉၵေႃႈၸၢင်ႊမဝ်းၶိင်ႇၵၢင်ၶိုၼ်းဢေႃႈ။

၈ ႁဝ်းၸိူဝ်းဢၼ်ပဵၼ်လုၵ်ႈၵၢင်ဝၼ်းၸမ်းမီးသမ်ႇမႃႇသတိယူႇတႃႉႁဝ်း။ဢဝ်ၶိူင်ႈပိူင်ဢၼ်ႁႄႉႁူဝ်ဢူၵ်းဢၼ်ဝႃႈတၢင်းယုမ်ႇမၢတ်ႈတင်းတၢင်းႁၵ်ႉဢိၵ်ႇတင်းမွၵ်ႇႁူဝ်လဵၵ်းဢၼ်ဝႃႈတၢင်းဢၼ်မုင်ႈထႃႈမွင်းထႃႈဢၼ်တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၸိူဝ်းၼၼ်ႉတိုဝ်းၼုင်ႈတႃႉႁဝ်း။

၉ ၽြႃးပဵၼ်ၸဝ်ႈၶၢၼ်းႁဝ်းဝႆႉႁႂ်ႈလႆႈၶၢမ်ႇတၢင်းၸႂ်မႆႈၶႂ်ႈၸႃႉမၼ်းၸဝ်ႈဢမ်ႇၸႂ်ႈ။

၁၀ ၶၢၼ်းႁဝ်းဝႆႉႁႂ်ႈလႆႈတၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈၸဝ်ႈႁဝ်းၸဝ်ႈယေႇသုၶရိၸ်ႉဢၼ်ၶၢမ်ႇတၢင်းတၢႆပုၼ်ႈႁဝ်းၼၼ်ႉဢေႃႈ။

၁၁ ႁဝ်းတိုၼ်ႇယူႇသေဢမ်ႇဝႃႈၼွၼ်းလပ်းယူႇသေဢမ်ႇဝႃႈတၵ်းလႆႈဢသၢၵ်ႈလိပ်းလူၺ်ႈၵၼ်တင်းမၼ်းၸဝ်ႈၼၼ်ႉဢေႃႈ။ပိူဝ်ႈၼႆလႄႈၵႃႈၼင်ႇဢၼ်သူႁဵတ်းယူႇတေႃႈလဵဝ်ၼႆႉၼၼ်ႉၼင်ႇၵၼ်ၵၼ်တိုၵ်းယူင်းၵၼ်လႄႈၵေႃႉၼိုင်ႈလႄႈၵေႃႉၼိုင်ႈတႄႇႁဵတ်းၵၼ်ယူႇတႃႉ။

၁၂ လိူဝ်သေၼၼ်ႉပီႈၼွင်ႉၶဝ်ဢိူၺ်း၊ႁဝ်းတွင်းပၢၼ်ႇသူႁႂ်ႈသူႁူႉၸၵ်းၶဝ်ၸိူဝ်းဢၼ်ႁဵတ်းပွင်ဢမူႉၸဝ်ႈၵႃႈတီႈၼႂ်းသူ၊တၢင်းဢၼ်ၶဝ်ဢုပ်ႉပိူင်ႇသူၼႂ်းၸဝ်ႈၽြႃး၊တၢင်းဢၼ်ၶဝ်ပၼ်သတိတီႈသူၸိူဝ်းၼၼ်ႉလႄႈသူမီးတင်းၸႂ်ၸေႇတၼႃႇရူဝ်ႇသေႇၵူဝ်ယမ်ႁၵ်ႉပႅင်းၶဝ်ၼႃႇလူင်လၢင်ၵွပ်ႈပိူဝ်ႈလွင်ႈတၢင်းဢၼ်ၶဝ်ႁဵတ်းၼၼ်ႉတႃႉ။

၁၃ ၵေႃႉၼိုင်ႈလႄႈၵေႃႉၼိုင်ႈယူႇထုၵ်ႇထုၵ်ႇမေႃမေႃၵၼ်တႃႉ။

ပီႈၼွင်ႉၶဝ်ဢိူၺ်း၊ၵႂၢမ်းဢၼ်ႁဝ်းတိုၵ်းယူင်းၸူဝ်းဢဝ်သူၸမ်း၊ပၼ်သတိတီႈၶဝ်ၸိူဝ်းဢၼ်ႁဵတ်းဢမ်ႇတြႃးၼၼ်ႉတႃႉ။ပၼ်ႁႅင်းတီႈၶဝ်ၸိူဝ်းဢၼ်ၸႂ်လဵၵ်ႉၸႂ်ဢူၼ်ႈၼၼ်ႉတႃႉ။

၁၄ ထွၵ်ႈၵမ်ႉၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၼၼ်ႉတႃႉ။ႁႂ်ႈမီးၸႂ်ဢၼ်ယိုၼ်းယၢဝ်းၵႃႈတီႈၵူၼ်းတင်းသဵင်ႈတင်းလူင်တႃႉ။

၁၅ လွင်ႈၼင်ႇႁိုဝ်ၽူႈလႂ်တၵ်းဢမ်ႇၶိုၼ်းတွပ်ႇၶိုၼ်းတႅၼ်းတၢင်းဢၼ်ၽိတ်းပိူင်ႈၼၼ်ႉၵႃႈတီႈပိူၼ်ႈတၢင်ႇၵေႃႉၸိုင်ႁဵတ်းသတိလႄႈၶတ်းၸႂ်ႁဵတ်းၵျေးၸူးတီႈၵေႃႉၼိုင်ႈလႄႈ

၁၆ ၵေႃႉၼိုင်ႈဢိၵ်ႇတင်းတီႈၵူၼ်းတင်းသဵင်ႈတင်းလူင်ၵူႈၶိင်ႇၵူႈၶႃႇတႃႉ။မီးတၢင်းဢၼ်သိူဝ်းပျေႃႇယူႇသေႇသေႇတႃႉ။

၁၇ -၁၈ ႁဵတ်းသူးတွင်းပထၼႃႇယူႇတႃႇသေႇတႃႉ။ၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉယွင်ႈယေႃးၵျေးၸူးၸဝ်ႈတႃႉ။လွင်ႈမၼ်းၸမ်းၼင်ႇႁိုဝ်သူတၵ်းၵမ်ၵျၢင်ႉၸိူဝ်ႉၼင်ႇၼၼ်ၸိုင်ၽြႃးပဵၼ်ၸဝ်ႈမီးဢလူဝ်ႇၼႂ်းၸဝ်ႈယေႇသုၶရိၸ်ႉဢေႃႈ။

၁၉ ယႃႇပေႁႂ်ႈဢႁူင်ႇဝိၺိၺ်ႇၸဝ်ႈလႆႈထၢတ်ႇလႆႈယဵၼ်။

၂၀ ယႃႇပေမၢတ်ႈတၢင်းဢၼ်ႁဵတ်းပရေႃးၽႅတ်ႈလႄႈႁေႃးလၢတ်ႈၼၼ်ႉပဵၼ်လၢႆလၢႆဢမ်ႇပွင်ႇလွင်ႈၵႃႈသင်။

၂၁ ၸၢမ်းတူၺ်းလွင်ႈတၢင်းၵႃႈမီးတင်းသဵင်ႈတင်းလူင်သေလႄႈယိပ်းၵမ်ဢဝ်ဢၼ်လီဢၼ်ငၢမ်းယူႇသေႇသေႇတႃႉ။

၂၂ ဝေႈပႅတ်ႈလွင်ႈတၢင်းဢၼ်ဢမ်ႇလီဢမ်ႇငၢမ်းၵူႈၸိူဝ်ႉၵူႈမဵဝ်းတႃႉ။

ၵႂၢမ်းသင်ႇ

၂၃ ႁႂ်ႈၽြႃးပဵၼ်ၸဝ်ႈၸဝ်ႈတၢင်းၼိမ်ၼၼ်ႉႁႂ်ႈသူတင်းသဵင်ႈတင်းမူတ်းမူတ်းၸၢင်ႇသေၵမ်းလူၺ်ႈ။ၼင်ႇႁိုဝ်ဝိၺိၺ်ႇသူတင်းၸႂ်သူတင်းတူဝ်ၶၼ်ႇထႃႇသူတင်းသဵင်ႈတင်းမူတ်းတၵ်းၵၢင်းလွတ်ႈတင်းဢၶႂၢင်ႉတီႈဢၼ်တၵ်းလႆႈတၢင်ႇဢပျႅတ်ႈ

၂၄ ၼႂ်းမိူဝ်ႈဢၼ်ၸဝ်ႈႁဝ်းၸဝ်ႈယေႇသုၶရိၸ်ႉၵျွႃးမႃးၼၼ်ႉၸိုင်ႁႂ်ႈမၼ်းၸဝ်ႈပႂ်ႉၸွႆႈပႂ်ႉထႅမ်သူသေၵမ်းလူၺ်ႈ။ၵေႃႉဢၼ်ႁွင်ႉဢဝ်သူၼၼ်ႉတဵမ်ဝႆႉတင်းသႅတ်ႈၸႃႇလႄႈတၵ်းႁဵတ်းၸိူဝ်ႉၼင်ႇၼၼ်ဢေႃႈ။

၂၅ ပီႈၼွင်ႉၶဝ်ဢိူၺ်း၊သူးတွင်းပုၼ်ႈႁဝ်းတႃႉ။ဢဝ်တင်းတၢင်းၼူမ်ဢၼ်မူတ်းၸၢင်ႇလႄႈတၵ်ႉလၢတ်ႈပီႈၼွင်ႉတင်းသဵင်ႈတင်းလူင်တႃႉ။

၂၆ ၵဝ်တိူင်ႇၸဝ်ႈၽြႃးလႄႈတိၵ်ႉထၢၼ်ႇပၼ်သႅတ်ႈၸႃႇတီႈသူၼင်ႇႁိုဝ်သူတၵ်းၽတ်းလိၵ်ႈၼႆႉ

၂၇ ပၼ်တီႈပီႈၼွင်ႉဢၼ်မူတ်းၸၢင်ႇတင်းလၢႆၸိူဝ်းၼၼ်ႉဢေႃႈ။

၂၈ ႁႂ်ႈၵျေးၸူးၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူသေၵမ်းလူၺ်ႈ။ဢႃႈမိၼ်ႈ။