Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၂

ၸဝ်ႈၶရိၸ်ႉၼႂ်းတၢင်းဢၼ်ၵႄႇသႄႇၶျွတ်ႈဢဝ်

၁ ပိူဝ်ႈၼႆလႄႈလွင်ႈၼင်ႇႁိုဝ်တၵ်းဢမ်ႇလႆႈလူင်လႆႈလိုမ်းတေႇသၼႃႇဢၼ်ႁဝ်းလႆႈငိၼ်းၼၼ်ႉၸိုင်တၵ်းလႆႈမီးတၢင်းဢၼ်ႁူဝ်ၸႂ်ယဵင်ႈၶႅၼ်းၸပ်းၸွႆးမၢတ်ႈတွင်းဝႆႉဢေႃႈ။

၂ လွင်ႈမၼ်းၸမ်းပေႃးပျႃႇတိၵ်ႈဢၼ်တမၢၼ်ႇၵၢင်ႁၢဝ်တင်းလၢႆပၼ်ၼၼ်ႉတႄႇယူႇလႄႈလွင်ႈဢၼ်ပူၼ်ႉလိူဝ်ၽိတ်းပိူင်ႈၵူႈၸိူဝ်ႉၵူႈပိူင်ၸိူဝ်းၼၼ်ႉလႆႈၶၢမ်ႇတၢမ်ႇဢၼ်ထိူၵ်ႈၶၢမ်ႇၼၼ်ႉၸိုင်ပေႃးႁဝ်းယင်းဢမ်ႇထွမ်ႇဢမ်ႇဢဝ်တၢင်းၵႄႇၶျွတ်ႈဢၼ်ယႂ်ႇဢၼ်မျၢတ်ႈၼၼ်ႉၸိုင်ႁဝ်းတၵ်းလွတ်ႈလႆႈၸိူဝ်ႉၼင်ႇႁိုဝ်။

၃ တေႇသၼႃႇတြႃးတၢင်းၵႄႇၶျွတ်ႈၼၼ်ႉပဵၼ်ၸဝ်ႈၽြႃးႁေႃးလၢတ်ႈဝႆႉဢွၼ်တၢင်းလႄႈၶဝ်ၸိူဝ်းဢၼ်လႆႈထွမ်ႇလႆႈငိၼ်းယဝ်ႉၼၼ်ႉႁဵတ်းသၢၵ်ႈသေႇတႄႇမၼ်ႈတီႈႁဝ်းဢေႃႈ။

၄ ၽြႃးပဵၼ်ၸဝ်ႈဢဝ်တင်းၼီႉမိၵ်ႈလၵ်ႈၶၼႃႇဢိၵ်ႇတင်းလွင်ႈတၢင်းဢၼ်လီဢၢမ်းတင်းတၼ်းၶူဝ်းဢၼ်လၢၵ်ႇလၢႆးၵူႈၸိူဝ်ႉၵူႈပိူင်တင်းသူႉၵျေးၸူးတၢင်းဢၼ်ဝိၺိၺ်ႇမူတ်းၸၢင်ႇၸဝ်ႈၽႄမႅင်ႇပၼ်ၸွမ်းၼင်ႇဢလူဝ်ႇမၼ်းၸဝ်ႈၼၼ်ႉသေလႄႈၶၢမ်ႇသၢၵ်ႈသေႇယူႇဢေႃႈ။

၅ မၼ်းၸဝ်ႈဢၢပ်ႈပၼ်ဢၶႂၢင်ႉဢၼ်လႆႈဢုပ်ႉပိူင်ႇၵၢပ်ႈၵမ်ႇၽႃႇၵမ်းလိုၼ်းဢၼ်ႁဝ်းလၢတ်ႈဝႃႈၼၼ်ႉတီႈတမၢၼ်ႇၵၢင်ႁၢဝ်တင်းလၢႆဢမ်ႇၸႂ်ႈ။

၆ ၵေႃႉၼိုင်ႈၶၢမ်ႇသၢၵ်ႈသေႇဝႆႉၼႂ်းၵျၢမ်းလိၵ်ႈတီႈၼိုင်ႈလႄႈဝႃႈ၊-ၵူၼ်းၸိုင်၊ပဵၼ်ၵေႃႉၸိူဝ်ႉၼင်ႇႁိုဝ်လႄႈၸဝ်ႈႁဝ်းၶုၵ်းၸႂ်လႆႈၶႆႈၸႂ်ထူပ်းမၼ်းတီႈၶႃႈ။လုၵ်ႈၵူၼ်းၼၼ်ႉၸိုင်၊ပဵၼ်ၵေႃႉၸိူဝ်ႉၼင်ႇႁိုဝ်လႄႈၸဝ်ႈႁဝ်းမႃးလူမႃးတူၺ်းမၼ်းတီႈၶႃႈ။

၇ ၸဝ်ႈႁဝ်းႁဵတ်းႁႂ်ႈမၼ်းတႅမ်ႇသေတမၢၼ်ႇၵၢင်ႁၢဝ်ဢိတ်းၼိုင်ႈၵမ်းၼိုင်ႈသေၵေႃႈယႃႇၸဝ်ႈႁဝ်းဢဝ်မူၼ်ၽုင်းသရေႇၶႅၼ်းႁွပ်ႇႁူဝ်မၼ်းဝႆႉတီႈၶႃႈဢေႃႈ။

၈ မိူဝ်ႈဢၼ်ဝႃႈၸဝ်ႈႁဝ်းဢဝ်လွင်ႈတၢင်းၵႃႈမီးတင်းသဵင်ႈတင်းလူင်ၶျႃးဝႆႉၵႃႈတႂ်ႈတိၼ်မၼ်းတီႈၶႃႈဢေႃႈ၊ဝႃႈၼင်ႇၼႆၼၼ်ႉၸိုင်လွင်ႈတၢင်းဢၼ်ယင်းဢမ်ႇၶျႃးဝႆႉလႄႈၵိုတ်းၵျၢၼ်ႇယူႇၼၼ်ႉဢမ်ႇလႆႈမီးသေၸိူဝ်ႉသေပိူင်။တေႃႈလဵဝ်ၼႆႉၸမ်းႁဝ်းဢမ်ႇပႆႇလႆႈႁၼ်လွင်ႈတၢင်းၵႃႈမီးတင်းသဵင်ႈတင်းလူင်ၶျႃးဝႆႉတႂ်ႈတိၼ်ၼၼ်ႉ။

၉ ၵူၺ်းၵႃႈႁဝ်းႁၼ်ၸဝ်ႈယေႇသုဢၼ်လႆႈဝႆႉတႅမ်ႇသေတမၢၼ်ႇၵၢင်ႁၢဝ်ၵမ်းဢွၼ်ႇၼိုင်ႈသေယဝ်ႉမီးတၢင်းဢၼ်မူၼ်ၽုင်းသရေႇၶဵၼ်းႁွပ်ႇၵႃႈတီႈႁူဝ်မၼ်းၸဝ်ႈၵွပ်ႈပိူဝ်ႈဢၼ်မၼ်းၸဝ်ႈလႆႈၶၢမ်ႇတၢင်းတၢႆၸွမ်းလူၺ်ႈၵျေးၸူးၽြႃးပဵၼ်ၸဝ်ႈသေလႄႈၶၢမ်ႇတၢင်းတၢႆပုၼ်ႈၵူၼ်းတင်းသဵင်ႈတင်းလူင်ဢေႃႈ။

ၸဝ်ႈၶရိၸ်ႉပဵၼ်ယိတ်ႉပရေႃးႁိၵ်ႈလူင်

၁၀ ၼႂ်းတၢင်းဢၼ်ၵႄႇၶျွတ်ႈဢဝ်လုၵ်ႈလၢင်းၼမ်ၼႃႇလႄႈဢဝ်သူင်ႇႁွတ်ႈထိုင်ၵႃႈတီႈဢၼ်တၵ်းလႆႈၸၢမ်ႇၸႃးမူၼ်ၸေးၸိမ်ႇၼၼ်ႉမႅၼ်ႈၸွမ်းၼင်ႇၽြႃးပဵၼ်ၸဝ်ႈဢၼ်ၽၢၼ်ႇသၢင်းႁဵတ်းပဵၼ်ၵႃႈမီးတင်းသိင်ႈတင်းမူတ်းၼၼ်ႉတၵ်းႁဵတ်းႁႂ်ႈတၢင်းၵႄႇၶျွတ်ႈႁွတ်ႈထိုင်တၢင်းဢၼ်ၸေးၸုမ်ႇၵွပ်ႈပိူဝ်ႈတုၵ်ႉၶႃႉဝူၺ်ႇတၼႃႇၼၼ်ႉဢေႃႈ။

၁၁ ၵေႃႉဢၼ်ႁဵတ်းႁႂ်ႈမူတ်းၸၢင်ႇဢိၵ်ႇတင်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ႁဵတ်းႁႂ်ႈမူတ်းၸၢင်ႇၼၼ်ႉပဵၼ်လုၵ်ႈပေႃႈလဵဝ်ၵၼ်ဢေႃႈ။ပိူဝ်ႈၼႆလႄႈၸဝ်ႈယေႇသုဢမ်ႇမီးတၢင်းဢၼ်ဢူၵ်းဢၢႆၼႂ်းတၢင်းဢၼ်တၵ်းလႆႈႁွင်ႉၶဝ်ၸိူဝ်းဢၼ်မၼ်းၸဝ်ႈႁဵတ်းႁႂ်ႈမူတ်းၸၢင်ႇၼၼ်ႉပဵၼ်ပီႈၼွင်ႉၵၼ်ဝႃႈၼႆမီးဝႆႉလႄႈဝႃႈ၊-

၁၂ ၵဝ်တၵ်းမွၵ်ႇလၢတ်ႈၼႃႇမႃႉၸိုဝ်သဵင်ၸဝ်ႈႁဝ်းတီႈပီႈၼွင်ႉၵဝ်ၶႃႈတင်းလၢႆၼၼ်ႉတီႈၶႃႈဢေႃႈ။ၵဝ်ၶႃႈတၵ်းယွင်ႈယေႃးၸဝ်ႈႁဝ်းၵႃႈတီႈၼႂ်းၵၢင်ပရိၵ်ႈသၢတ်ႈလႄႈႁဵတ်းၵႂၢမ်းတီႈၶႃႈဢေႃႈ၊ဝႃႈၼင်ႇၼႆဢေႃႈ။

၁၃ ဢၼ်သမ်ႉမႃးထႅင်ႈၵမ်းၼိုင်ႈလႄႈဝႃႈၸမ်း၊-ၵဝ်တၵ်းဢိင်ပိုင်ႈၽြႃးပဵၼ်ၸဝ်ႈဢေႃႈ၊ဝႃႈၼင်ႇၼႆဢေႃႈ။သမ်ႉမႃးထႅင်ႈၵမ်းၼိုင်ႈလႄႈဝႃႈၸမ်း၊-တူၺ်းလူႊ၊ၵဝ်ဢိၵ်ႇတင်းလုၵ်ႈဢွၼ်ႇဢၼ်ၽြႃးပဵၼ်ၸဝ်ႈပၼ်တီႈၵဝ်တင်းလၢႆၼၼ်ႉမီးယူႇဢေႃႈ၊ဝႃႈၼင်ႇၼႆဢေႃႈ။

၁၄ ၵွပ်ႈပိူဝ်ႈဢၼ်လုၵ်ႈဢွၼ်ႇၸိူဝ်းၼၼ်ႉပဵၼ်ၼိူဝ်ႉပဵၼ်လိူတ်ႈလႄႈၸဝ်ႈၶရိၸ်ႉၵေႃႈၸင်ႇလႆႈၶၢမ်ႇဢဝ်ၼိူဝ်ႉလိူတ်ႈႁႂ်ႈမိူၼ်ၸိူဝ်ႉၼင်ႇလုၵ်ႈဢွၼ်ႇၸိူဝ်းၼၼ်ႉသေယဝ်ႉႁႂ်ႈလႆႈယႃႉႁၵ်းတၼ်းၶူဝ်းၵေႃႉဢၼ်ဢုပ်ႉပိူင်ႇတြႃးတၢင်းတၢႆဢၼ်ပဵၼ်ၸႃႇတၢၼ်ႇမႃႇၼၢတ်ႈၼၼ်ႉၼႂ်းတၢင်းဢၼ်မၼ်းၸဝ်ႈၶၢမ်ႇတၢင်းတၢႆၼၼ်ႉဢေႃႈ။

၁၅ ႁႂ်ႈလႆႈပွႆႇလွတ်ႈၶဝ်ၸိူဝ်းဢၼ်ၵူဝ်ႁႄၽေးတၢင်းတၢႆလႄႈလႆႈၶၢမ်ႇႁဵတ်းၶႃႈၸူဝ်ႈဢသၢၵ်ႈၼၼ်ႉဢေႃႈ။

၁၆ လွင်ႈမၼ်းၸမ်းၸဝ်ႈၶရိၸ်ႉၼၼ်ႉႁႂ်ႈလႆႈၸွႆႈထႅမ်တမၢၼ်ႇၵၢင်ႁၢဝ်တင်းလၢႆဢမ်ႇၸႂ်ႈ။မၼ်းၸဝ်ႈၸွႆႈထႅမ်ၸိူဝ်ႉၶိူဝ်းဢႃႇပြႁၢမ်ႇဢေႃႈ။

၁၇ ပိူဝ်ႈၼႆလႄႈၸဝ်ႈၶရိၸ်ႉၼၼ်ႉမီးလွင်ႈတၢင်းဢၼ်တၵ်းလႆႈပဵၼ်မိူၼ်ၸိူဝ်ႉၼင်ႇပီႈၼွင်ႉတူဝ်ၸဝ်ႈၵဝ်ႇတင်းလၢႆၼႂ်းလွင်ႈတၢင်းၵူႈၸိူဝ်ႉၵူႈပိူင်လႄႈတၵ်းလႆႈပဵၼ်ၶုၼ်ယိတ်ႉပရေႃးႁိၵ်ႈလူင်ဢၼ်တဵမ်ဝႆႉတင်းၵရူႉၼႃႇဢိၵ်ႇတင်းသႅတ်ႈၸႃႇၼၼ်ႉလႄႈတၵ်းလႆႈၸီႇယၢင်ႇပွင်ႁဵတ်းလွင်ႈတၢင်းဢၼ်တၵ်းၽေႇလိတ်ႈဢပျႅတ်ႈၵူၼ်းတင်းလၢႆဢေႃႈ။

၁၈ လွင်ႈမၼ်းၸမ်းမၼ်းၸဝ်ႈၼၼ်ႉၵွပ်ႈပိူဝ်ႈတူဝ်ၸဝ်ႈၵဝ်ႇလႆႈၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉတုၵ်ႉၶႃႉတၢင်းၽၢၼ်ၸိူဝ်ႉၼင်ႇၼၼ်လႄႈမၼ်းၸဝ်ႈတတ်ႈၼိုင်ႇလႆႈႁႂ်ႈလႆႈၸွႆႈလႆႈထႅမ်ၶဝ်ၸိူဝ်းဢၼ်လႆႈႁူပ်ႉလႆႈထူပ်းလွင်ႈတၢင်းဢၼ်ၸၢမ်းတူၺ်းယႃႉယူၵ်ႉၸိူဝ်းၼၼ်ႉဢေႃႈ။