Shan Missions

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

Chapter     ၁          ၂          ၃          ၄          ၅          ၆          ၇          ၈          ၉          ၁၀           ၁၁          ၁၂          ၁၃     

၂

၁ လိူဝ်သေၼၼ်ႉပွၵ်ႈၼႃႈထႃႈလိုၼ်းၵဝ်တၵ်းမႃးႁႂ်ႈသူလႆႈႁွတ်ႈထိုင်တၢင်းမႆႈၸႂ်ၶီၸႂ်ဢမ်ႇၸႂ်ႈ၊ဝႃႈၼႆၵဝ်တႅပ်းတတ်းၸႂ်ဝႆႉဢေႃႈ။

၂ လွင်ႈမၼ်းၸမ်းပေႃးၵဝ်ႁႂ်ႈသူမႆႈၸႂ်ၸိုင်လိူဝ်သေၶဝ်ၸိူဝ်းဢၼ်ၵဝ်ႁႂ်ႈမႆႈၸႂ်ၼၼ်ႉတၵ်းမီးၽူႈလႂ်တၵ်းႁဵတ်းႁႂ်ႈၵဝ်မီးတၢင်းဢၼ်သိူဝ်းပျေႃႇ။

၃ ၵဝ်တႅမ်ႈလိၵ်ႈၽိုၼ်ဢွၼ်တၢင်းၼၼ်ႉပၼ်ၵႂႃႇၼင်ႇႁိုဝ်သူတၵ်းဢမ်ႇႁဵတ်းႁႂ်ႈၵဝ်မီးတၢင်းဢၼ်မႆႈၸႂ်မိူဝ်ႈဢၼ်ၵဝ်ႁွတ်ႈၽႅဝ်မႃးၼၼ်ႉလႄႈတၵ်းပၼ်တၢင်းသိူဝ်းပျေႃႇတီႈၵဝ်ၼၼ်ႉဢေႃႈ။ၵဝ်ယုမ်ႇယမ်သူတင်းသဵင်ႈတင်းလူင်တၵ်းၸူမ်းသိူဝ်းလူၺ်ႈၵဝ်ဢေႃႈ။

၄ ၵဝ်ပႃးတင်းၼမ်ႉတႃၼမ်ၼႃႇတၢင်းဢၼ်တိူဝ်ႉၸႂ်ဢၼ်ယုင်ႈၸႂ်လႄႈတႅမ်ႈပၼ်ၵႂႃႇတီႈသူႁႂ်ႈသူလႆႈၸဵပ်းၸႂ်ဢမ်ႇၸႂ်ႈ။တႅမ်ႈပၼ်ၵႂႃႇႁႂ်ႈသူလႆႈႁူႉၸႂ်မႅတ်ႈတႃႇတၢင်းဢၼ်ၵဝ်ႁၵ်ႉသူၼႃႇလူင်လၢင်ၼၼ်ႉၵူၺ်းဢေႃႈ။

တၢင်းဢၼ်ပွႆႇလွတ်ႈၵေႃႉဢၼ်ၽိတ်းပိူင်ႈ

၅ ပေႃးသေၵေႃႉသေၵူၼ်းႁဵတ်းလွင်ႈတၢင်းဢၼ်ႁႂ်ႈလႆႈမႆႈၸႂ်ၸိုင်မၼ်းႁႂ်ႈၵဝ်မႆႈၸႂ်ၵူၺ်းဢမ်ႇၸႂ်ႈ။မၼ်းႁႂ်ႈသူမႆႈၸႂ်ယူႇတၢၼ်ႇတၢၼ်ႇဢေႃႈ။မိူဝ်ႈဢၼ်ဝႃႈမႆႈၸႂ်ယူႇတၢၼ်ႇတၢၼ်ႇဝႃႈၼင်ႇၼႆၼၼ်ႉၵဝ်ဢမ်ႇၶႂ်ႈဝႃႈယႂ်ႇယႂ်ႇၼမ်ၼမ်။

၆ တၢမ်ႇဢၼ်ၸီႇယၢင်ႇၼိူဝ်ၵေႃႉၼၼ်ႉပေႃးၵုမ်ႇပုၼ်ႈဢပျႅတ်ႈမၼ်းၼၼ်ႉဢေႃႈ။

၇ ၵွပ်ႈႁွႆးၼႆႉလႄႈၼင်ႇႁိုဝ်ၵေႃႉၼၼ်ႉတၵ်းဢမ်ႇမီးတၢင်းဢၼ်ၵႂင်ၸႂ်ယုင်ႈၸႂ်ၵွပ်ႈပိူဝ်ႈတၢင်းဢၼ်မႆႈၸႂ်ႁႅင်းယႂ်ႇၼႃႇၼၼ်ႉၸိုင်သူထုၵ်ႇလီႁဵတ်းႁႂ်ႈလႆႈပွႆႇလွတ်ႈဢပျႅတ်ႈမၼ်းလႄႈႁႂ်ႈမၼ်းသၢၵ်ႈသႃႇဢေႃႈ။

၈ ပိူဝ်ႈၼႆလႄႈၵဝ်တွင်းပၢၼ်ႇသူႁႂ်ႈႁဵတ်းၼႄလွင်ႈဢၼ်သူႁၵ်ႉမၼ်းတႄႉတႄႉဝႃႈဝႃႈၼၼ်ႉထၢင်ႇသႃးတႃႉ။

၉ လိူဝ်သေၼၼ်ႉလွင်ႈၼင်ႇႁိုဝ်ၵဝ်တၵ်းလႆႈႁူႉလွင်ႈဢၼ်ဝႃႈၸွင်ႇသူၸုၵ်းၶၢမ်ႇလႆႈတၢင်းဢၼ်ၸၢမ်းတူၺ်းႁိုဝ်၊ၸွင်ႇသူထွမ်ႇဢဝ်ႁိုဝ်၊ဢၼ်ဝႃႈၼၼ်ႉလႄႈၵဝ်ၸင်ႇတႅမ်ႈပၼ်ၵႂႃႇမိူဝ်ႈဢွၼ်တၢင်းၼၼ်ႉဢေႃႈ။

၁၀ ပေႃးသူပွႆႇလွတ်ႈဢပျႅတ်ႈသေၵေႃႉၵေႃႉၸိုင်ၵဝ်ၵေႃႈပွႆႇလွတ်ႈဢပျႅတ်ႈၵေႃႉၼၼ်ႉဢေႃႈ။ပေႃးမီးတၢင်းဢၼ်တၵ်းလႆႈပွႆႇလွတ်ႈၸိုင်ၵဝ်ထွၵ်ႈလူၺ်ႈသူသေလႄႈပွႆႇလွတ်ႈၽၢႆႇၼႃႈၸဝ်ႈၶရိၸ်ႉဢေႃႈ။

၁၁ ပေႃးဢမ်ႇၼၼ်ၸိုင်လႆႈၵူဝ်ၸႃႇတၢၼ်ႇမႃႇၼၢတ်ႈၸၢင်ႊပႄႉၼႅင်ႇႁဝ်းဢေႃႈ။တၢင်းၵျၢမ်ႇတၢင်းပွင်မၼ်းၸိူဝ်းၼၼ်ႉၵေႃႈႁဝ်းႁူႉယူႇဢေႃႈ။

ၵၢၼ်သႃႇသၼႃႇဢၼ်ဢွင်ႇမႅင်ႇ

၁၂ လိူဝ်သေၼၼ်ႉမိူဝ်ႈဢၼ်ၵဝ်ႁွတ်ႈထိုင်ၵႃႈတီႈဝဵင်းထရေႃႇႁႂ်ႈလႆႈႁေႃးလၢတ်ႈတြႃးသတၢင်းသိူဝ်းပျေႃႇဢၼ်ၸဝ်ႈၽြႃးၽုၺ်ႇၽၵ်းတူပၼ်တီႈၵဝ်ၼၼ်ႉၸိုင်ပိူဝ်ႈဢၼ်ၵဝ်ဢမ်ႇထူပ်းဢမ်ႇႁၼ်ၼွင်ႉၵဝ်တိတုလႄႈၸႂ်ၵဝ်ဢမ်ႇသႃႇ။

၁၃ ၵဝ်တၵ်ႉလၢတ်ႈၵၼ်တင်းၶဝ်ယဝ်ႉၸင်ႇၵႂႃႇၵႃႈတီႈမိူင်းမႃႇၵေႇတေႃးၼိဢေႃႈ။ႁႂ်ႈၵျေးၸူးၽြႃးပဵၼ်ၸဝ်ႈဢၼ်ပွင်ႁဵတ်းဢၼ်ႁႂ်ႈႁဝ်းလႆႈၶၢမ်ႇပွႆးဢၼ်ပႄႉၼႅင်ႇလူၺ်ႈၵၼ်တင်းၸဝ်ႈၶရိၸ်ႉ၊

၁၄ ဢၼ်ႁႂ်ႈတၢင်းႁွမ်တၢင်းႁူၺ်းတၢင်းဢၼ်ႁဝ်းႁူႉၸၵ်းၸဝ်ႈလႆႈၸွတ်ႇတူဝ်ၵႂႃႇၵူႈတီႈၵူႈလႅၼ်ၵွပ်ႈပိူဝ်ႈႁဝ်းၼၼ်ႉမီးတၢင်းဢၼ်ယွင်ႈယေႃးသေၵမ်းလူၺ်ႈ။

၁၅ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းႁဝ်းၼႆႉပဵၼ်ဢၼ်ႁွမ်ဢၼ်ႁူၺ်းၸဝ်ႈၶရိၸ်ႉၵႃႈတီႈၽြႃးပဵၼ်ၸဝ်ႈၼႂ်းၶဝ်ၸိူဝ်းဢၼ်ႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢိၵ်ႇတင်းၼႂ်းၶဝ်ၸိူဝ်းဢၼ်ႁွတ်ႈထိုင်တၢင်းဢၼ်သုမ်းၼၼ်ႉဢေႃႈ။

၁၆ ၵႃႈတီႈၶဝ်ၸိူဝ်းဢၼ်ႁွတ်ႈထိုင်တၢင်းဢၼ်သုမ်းၼၼ်ႉၸမ်းပဵၼ်ဢၢႆတၢင်းတၢႆဢေႃႈ။ၵႃႈတီႈၶဝ်ၸိူဝ်းဢၼ်ႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼၼ်ႉၸမ်းပဵၼ်ဢၼ်ႁွမ်ဢၼ်ႁူၺ်းတၢင်းဢၼ်ဢသၢၵ်ႈလိပ်းဢေႃႈ။

၁၇ ပေႃးပဵၼ်ၸိူဝ်ႉၼင်ႇၼႆၸိုင်ၽူႈလႂ်တၵ်းထိူၵ်ႈတၢၼ်ႇၵၼ်တင်းလွင်ႈတၢင်းၸိူဝ်းၼႆႉ။ႁဝ်းၼႆႉယင်းဢမ်ႇမိူၼ်ၵၼ်တင်းၵူၼ်းၼမ်ၼႃႇဢၼ်ႁႂ်ႈၼုၵ်ႉၵပၢတ်ႈတြႃးၽြႃးပဵၼ်ၸဝ်ႈယုတ်ႈၵႂႃႇယွမ်းၵႂႃႇၼၼ်ႉလႄႈႁဝ်းမီးတင်းၸႂ်ဢၼ်ၶၢဝ်ၸၢင်ႇႁေႃးလၢတ်ႈတြႃးၸဝ်ႈၶရိၸ်ႉၸွမ်းၼင်ႇဢလူဝ်ႇၽြႃးပဵၼ်ၸဝ်ႈၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉဢေႃႈ။