Shan Missions

လိၵ်ႈဢေႃးဝႃႇတႃႉတိတု

Chapter          ၁           ၂            ၃         

၃

တၢင်းယုမ်ႇမၢတ်ႈတင်းတၢင်းႁဵတ်းတၢင်းသၢင်ႈ

၁ ပၼ်သတိတီႈၵူၼ်းတင်းလၢႆႁႂ်ႈၶဝ်ၶၢမ်ႇဢဝ်တၢင်းဢၼ်ၶုၼ်ဢႃႇၼႃႇဢုပ်ႉပိူင်ႇ၊ထွမ်ႇဢဝ်ၵႂၢမ်းၸဝ်ႈၶုၼ်၊ႁႂ်ႈလႆႈပဵၼ်ၶဝ်ၸိူဝ်းဢၼ်မႄးႁႅၼ်းႁႂ်ႈလႆႈႁဵတ်း

၂ လွင်ႈတၢင်းဢၼ်လီဢၼ်ငၢမ်းၵူႈၸိူဝ်ႉၵူႈပိူင်၊ႁႂ်ႈၶဝ်ယင်းဢမ်ႇသေႉသွမ်းၽူႈလႂ်သေၵေႃႉသေၵူၼ်းယင်းဢမ်ႇႁဵတ်းတၢင်းဢၼ်ၽိတ်းၵၼ်လႄႈမီးသၽေႃးဢၼ်ယိူၼ်ႉၶၢမ်ႇသေယဝ်ႉ၊ႁဵတ်းတၢင်းဢၼ်ၼိမ်သိမ်ႇဢူၼ်ႈဢွၼ်ႇၼႃႇလူင်လၢင်တီႈၵူၼ်းတင်းသဵင်ႈတင်းလူင်တႃႉ။ 

၃ လွင်ႈမၼ်းၸမ်းမိူဝ်ႈဢွၼ်ၼႆႉၼၼ်ႉႁဝ်းပဵၼ်ၵေႃႉဢၼ်ဢမ်ႇမီးပိင်ႇၺႃႇ၊ၵေႃႉဢၼ်ဢမ်ႇထွမ်ႇဢမ်ႇဢဝ်၊ၵေႃႉဢၼ်ၽိတ်းပိူင်ႈၵေႃႉဢၼ်ႁဵတ်းဢမူႉတၢင်းဢၼ်ၸႂ်ၸပ်းၸႂ်ၸွႆး၊ဢိၵ်ႇတင်းတၢင်းဢၼ်ၸၢမ်ႇၸႃးၵႃႇမၵုင်ႇၵူႈၸိူဝ်ႉၵူပိူင်၊ၵေႃႉဢၼ်ၵႂႃႇမႃးၼႂ်းတၢင်းဢၼ်ဢမ်ႇၼႃႇလူဝ်ႇ၊ဢိၵ်ႇတင်းတၢင်းဢၼ်သီႇၵေႉႁေႈတႃ၊ၵေႃႉဢၼ်လီႁင်ႈ၊ၵေႃႉဢၼ်ၼင်ႇၵၼ်ၵၼ်ၸင်းၵၼ်ၼၼ်ႉဢေႃႈ။ 

၄ မိူဝ်ႈဢၼ်ၸေႇတၼႃႇဢိၵ်ႇတင်းမႅတ်ႈတႃႇၽြႃးပဵၼ်ၸဝ်ႈၸဝ်ႈဢၼ်ၵႄႇၶျွတ်ႈဢဝ်ႁဝ်းပေႃႇမႃးၼၼ်ႉၸိုင်မၼ်းၸဝ်ႈၵႄႇၶျွတ်ႈဢဝ်ႁဝ်းၵွပ်ႈပိူဝ်ႈတၢင်းၵမ်တၢင်းၵျၢင်ႉတၢင်းသိုဝ်ႈတေႃႇဢၼ်ႁဝ်းၵမ်ၵျၢင်ႉၼၼ်ႉဢမ်ႇၸႂ်ႈ။ 

၅ မၼ်းၸဝ်ႈၵႄႇၶျွတ်ႈဢဝ်ႁဝ်းၸွမ်းၵႃႈၼင်ႇၵရူႉၼႃႇတၢင်းဢၼ်မၼ်းၸဝ်ႈဢိတ်းလူၼၼ်ႉလႄႈပဵၼ်တၢင်းဢၼ်သုၵ်ႉပွတ်ႈတၢင်းဢၼ်ၶိုၼ်းၵိူတ်ႇလဵင်ႉမႃးဢိၵ်ႇတင်း

၆ တၢင်းဢၼ်ဝိၺိၺ်ႇမူတ်းၸၢင်ႇၸဝ်ႈဢၼ်မၼ်းၸဝ်ႈဢဝ်တင်းၸဝ်ႈယေႇသုၶရိၸ်ႉၸဝ်ႈဢၼ်ၵႄႇၶျွတ်ႈဢဝ်ႁဝ်းၼၼ်ႉသေလႄႈသွၼ်းလေႃႇၵႃႈၼိူဝ်ႁဝ်းၼမ်ၼႃႇလူင်လၢင်လႄႈႁဵတ်းႁႂ်ႈပဵၼ်ဢၼ်မႂ်ႇဢေႃႈ။ 

၇ လွင်ႈမၼ်းၸမ်းလွင်ႈၼင်ႇႁိုဝ်ႁဝ်းတၵ်းႁွတ်ႈထိုင်တၢင်းဢၼ်သိုဝ်ႈတေႃႇၵွပ်ႈပိူဝ်ႈၵျေးၸူးမၼ်းၸဝ်ႈလႄႈပဵၼ်ၵေႃႉဢၼ်လႆႈၶၢမ်ႇဢမူၺ်ႇဢၼ်မႅၼ်ႈၼင်ႇတၢင်းဢၼ်မုင်ႈထႃႈမွင်းထႃႈထႃႇဝရႃႉဢသၢၵ်ႈၼၼ်ႉဢေႃႈ။ 

၈ ၵႂၢမ်းၼႆႉၸမ်းပဵၼ်ၵႂၢမ်းသႅတ်ႈၸႃႇဢေႃႈ။ ၵဝ်မီးဢလူဝ်ႇၶႂ်ႈႁႂ်ႈမႂ်းၵျူဝ်းၸႃးႁေႃးလၢတ်ႈလွင်ႈတၢင်းၸိူဝ်းၼႆႉႁႂ်ႈၶဝ်ၸိူဝ်းဢၼ်ယုမ်ႇမၢတ်ႈၽြႃးပဵၼ်ၸဝ်ႈၼၼ်ႉလႆႈႁဵတ်းသတိၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းယူႇသေႇသေႇဢေႃႈ။ လွင်ႈတၢင်းၸိူဝ်းၼႆႉပဵၼ်ဢၼ်လီဢၼ်ငၢမ်းၵူၺ်းဢမ်ႇၵႃးပဵၼ်ဢၼ်ၸၢင်ႊပွင်ႁဵတ်းဢၵျူဝ်းၵူၼ်းတင်းလၢႆဢေႃႈ။ 

၉ ဝေႈပႅတ်ႈၵႂၢမ်းပုၵ်ႉသႃႇတီႈတွင်ႈတီႈထၢမ်ဢၼ်မိူၵ်ႈဢၼ်လပ်းသိင်ႇဢိၵ်ႇတင်းၸရၢင်းၸိူဝ်ႉၶိူဝ်းသိုပ်ႇသိုပ်ႇတၢမ်ႈတၢမ်ႈတၢင်းဢၼ်ၽိတ်းၵၼ်တၢင်းဢၼ်တွပ်ႇၵၼ်ထဵင်ၵၼ်ၵွပ်ႈပိူဝ်ႈပိင်းၺၢပ်ႈတြႃးတင်းလၢႆၼၼ်ႉတႃႉ။ လွင်ႈမၼ်းၸမ်းလွင်ႈတၢင်းၸိူဝ်းၼႆႉဢမ်ႇမီးဢၵျူဝ်းလႄႈပဵၼ်လၢႆလၢႆဢမ်ႇပွင်ႇလွင်ႈၵႃႈသင်ဢေႃႈ။ 

၁၀ သင်ႇသွၼ်သုင်းမႃႉၵေႃႉဢၼ်ၽႄၸုမ်းၶႂၢႆးၸုမ်းၼၼ်ႉတေႃႇထိုင်ႁွတ်ႈသွင်ပွၵ်ႈယဝ်ႉၸင်ႇပေႃးဢမ်ႇထွမ်ႇဢမ်ႇဢဝ်ၸိုင်ထုၵ်ႉဢွၵ်ႇပႅတ်ႈသေတႃႉ။ 

၁၁ ၵူၼ်းၸိူဝ်ႉၼင်ႇၼၼ်ၼၼ်ႉပဵၼ်ၵေႃႉဢၼ်မီးၸႂ်ဢၼ်ၶႂ်ႈႁႂ်ႈၶႂၢမ်ႈပိၼ်ႈပႅတ်ႈၼၼ်ႉလႄႈပဵၼ်ၵေႃႉဢၼ်တၢင်ႇဢပျႅတ်ႈတူဝ်ၸဝ်ႈၵဝ်ႇဢေႃႈ။ 

တၢင်းလီမင်ႇၵလႃႇ

၁၂ မိူဝ်ႈဢၼ်ၵဝ်ပွႆႇၸႂ်ႉဢႃႇတေႇမဢမ်ႇၼၼ်တုၶိၵ်ႉၵႂႃႇၵႃႈတီႈမႂ်းၼၼ်ႉၸိုင်မႂ်းၶတ်းၸႂ်ႁႂ်ႈလႆႈမႃးၸူးၵႃႈတီႈၵဝ်တီႈဝဵင်းၼိၵေႃႇပလိတႃႉ။ ၵဝ်ဢၢင်ႈတၵ်းယူႇၵႃႈတီႈဝဵင်းၼၼ်ႉႁႂ်ႈပူၼ်ႉၶိင်ႇၵတ်းဢေႃႈ။ 

၁၃ ၼင်ႇႁိုဝ်ၸေႇၼ၊ဢၼ်ပဵၼ်သြႃႇမေႃၵျၢမ်းလိၵ်ႈ၊ဢိၵ်ႇတင်းဢႃႇပေႃးလုတၵ်းဢမ်ႇလူဝ်ႇထႅင်ႈသေၸိူဝ်ႉသေပိူင်ၼၼ်ႉၸိုင်ၶတ်းၸႂ်ဢဝ်သူင်ႇတၢင်းပၼ်တႃႉ။ 

၁၄ ႁႂ်ႈၵူၼ်းႁဝ်းတင်းလၢႆသွၼ်ဢဝ်ႁႂ်ႈလႆႈပွင်ႁဵတ်းဢၼ်လီဢၼ်ငၢမ်းသေလႄႈႁႂ်ႈလႆႈၸွႆထႅမ်မိူဝ်ႈဢၼ်လူဝ်ႇၼၼ်ႉတႃႉ။ ယႃႇပေႁႂ်ႈလႆႈပဵၼ်ၵေႃႉဢၼ်ဢမ်ႇမီးမၢၵ်ႇမီးႁူင်းၼၼ်ႉ။ 

၁၅ ၶဝ်ၸိူဝ်းဢၼ်မီးယူႇလူၺ်ႈၵၼ်တင်းၵဝ်ၵႃႈတီႈၵဝ်ၼႆႉတင်းသဵင်ႈတင်းလူင်တၵ်ႉၼၢႆသူဢေႃႈ။ တၵ်ႉလၢတ်ႈၶဝ်ၸိူဝ်းဢၼ်ႁၵ်ႉပႅင်းႁဝ်းၼႂ်းတၢင်းယုမ်ႇမၢတ်ႈၼၼ်ႉတႃႉ။ ႁႂ်ႈၵျေးၸူးၸဝ်ႈမီးၼိူဝ်သူတင်းသဵင်ႈတင်းလူင်သေၵမ်းလူၺ်ႈ။