Shan Missions

လိၵ်ႈဢေႃးဝႃႇတႃ့ယႃႇၵုပ်ႉ

Chapter           ၁          ၂          ၃          ၄          ၅         

၄

တၢင်းမိုတ်ႈၵိုဝ်းလႄႈတၢင်းဢၼ်ၶျႃးတႅမ်ႇ

၁ ၼႂ်းသူၼၼ်ႉတၢင်းဢၼ်တိုၵ်းတေႃးၵၼ်ဢိၵ်ႇတင်းတၢင်းဢၼ်ၽိတ်းၵၼ်ပိူင်ႈၵၼ်ၸိူဝ်းၼၼ်ႉပဵၼ်မႃးၵွပ်ႈပိူဝ်ႈလွင်ႈတၢင်းၸိူဝ်ႉၼင်ႇႁိုဝ်။ပဵၼ်ၵွပ်ႈပိူဝ်ႈၸႂ်ဢၼ်ၸပ်းၸွႆးၶႂ်ႈလႆႈဢၼ်တိုၵ်းတေႃးယူႇၵႃႈၼႂ်းဢင်ႇၵႃႇတူဝ်ၶိင်းသူၼၼ်ႉဢမ်ႇၸႂ်ႈႁိုဝ်း။

၂ သူၸႂ်ၸပ်းၸႂ်ၸွႆးယူႇၵေႃႈဢမ်ႇလႆႈ။သူမီးၸႂ်လေႃးၽႃႉၶႂ်ႈလႆႈယူႇလႄႈသူဢဝ်ပိူၼ်ႈတၢႆၵေႃႈဢလူဝ်ႇတူဝ်ၸဝ်ႈၵဝ်ႇဢမ်ႇတဵမ်ထူၼ်ႈ။သူၽိတ်းၵၼ်တိုၵ်းတေႃးၵၼ်ယူႇဢေႃႈ။လွင်ႈမၼ်းၸမ်းသူဢမ်ႇယွၼ်းတီႈၽြႃးပဵၼ်ၸဝ်ႈလႄႈသူဢမ်ႇလႆႈဢေႃႈ။

၃ သူးတွင်းယူႇၵေႃႈၵွပ်ႈပိူဝ်ႈယွၼ်းၸွမ်းၸႂ်ဢၼ်ၽိတ်းပိူင်ႈတႃႇတေႁႂ်ႈလႆႈပဵၼ်တၢင်းဢၼ်ၸၢမ်ႇၸႃးၼႂ်းၵႃႇမၵုင်ႇၼၼ်ႉၵူၺ်းလႄႈသူဢမ်ႇလႆႈ။

၄ ၵူၼ်းဢၼ်ႁဵတ်းမေႇထုင်ႇဢၼ်ဢမ်ႇတြႃးၶဝ်ဢိူၺ်း၊ၸွင်ႇသူဢမ်ႇႁူႉႁိုဝ်လွင်ႈဢၼ်ဝႃႈတၢင်းဢၼ်ႁဵတ်းမိၵ်ႈသႁႃႇယႃႉလူၺ်ႈၵၼ်တင်းလေႃးၵီႇၼႆႉပဵၼ်တၢင်းဢၼ်ၶတ်းၵၼ်တင်းၽြႃးပဵၼ်ၸဝ်ႈဢၼ်ႈဝႃႈၼၼ်ႉ။ၽူႈလႂ်သေဢမ်ႇဝႃႈၵေႃႉဢၼ်ႁဵတ်းမိၵ်ႈသႁႃႇယႃႉလူၺ်ႈၵၼ်တင်းလေႃးၵီႇၼႆႉၼၼ်ႉၵေႃႉၼၼ်ႉပဵၼ်ရၢၼ်ႇသူႇၽြႃးပဵၼ်ၸဝ်ႈဢေႃႈ။

၅ ၸွင်ႇသူထၢင်ႇၵျၢမ်းလိၵ်ႈဢၼ်ဝႃႈ၊-ဝိၺိၺ်ႇၸဝ်ႈဢၼ်မၼ်းၸဝ်ႈႁႂ်ႈတႄႇယူႇၼႂ်းႁဝ်းၼႆႉၼၼ်ႉမီးသၽေႃးဢၼ်ၶႂ်ႈႁၵ်ႉပိူင်ႇႁဝ်းဢေႃႈ၊ဝႃႈၼင်ႇၼႆၼၼ်ႉ၊ပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်ႁိုဝ်။

၆ မၼ်းၸဝ်ႈၼၼ်ႉပၼ်ၵျေးၸူးဢၼ်ယဵင်ႈၶႅၼ်းၼမ်ၼႃႇဢေႃႈ။ၵွပ်ႈပိူဝ်ႈၸိူဝ်ႉၼင်ႇၼႆလႄႈၵျၢမ်းလိၵ်ႈမႃးလႄႈဝႃႈ၊-ၽြႃးပဵၼ်ၸဝ်ႈႁၢမ်ႈတၢပ်ႈႁႄႉၶႅၼ်ၶဝ်ၸိူဝ်းဢၼ်မႃႇၼႃႉပႅၼ်သုင်ၼၼ်ႉလႄႈႁဵတ်းၵျေးၸူးတီႈၶဝ်ၸိူဝ်းဢၼ်မီးႁူဝ်ၸႂ်ၶျႃးတႅမ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။

၇ ပိူဝ်ႈၼႆလႄႈၸွမ်းဢလူဝ်ႇၽြႃးပဵၼ်ၸဝ်ႈတႃႉ။ႁႄႉၶႅၼ်မႃႇၼၢတ်ႈတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မၼ်းတၵ်းဢွၵ်ႇပၢႆသေၵႃႈတီႈသူၵႂႃႇဢေႃႈ။

၈ သုတ်ႉၸမ်တီႈၽြႃးပဵၼ်ၸဝ်ႈတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မၼ်းၸဝ်ႈတၵ်းသုတ်ႉၸမ်ၵႃႈတီႈသူဢေႃႈ။ၵူၼ်းၸိူဝ်းဢၼ်မီးဢပျႅတ်ႈၶဝ်ဢိူၺ်း၊ႁႂ်ႈမိုဝ်းသူသႂ်ၸၢင်ႇတႃႉ။ၵူၼ်းၸိူဝ်းဢၼ်မီးႁူဝ်ၸႂ်သွင်ငၢမ်ႈၶဝ်ဢိူၺ်း၊ႁႂ်ႈႁူဝ်ၸႂ်သူမူတ်းသႂ်တႃႉ။

၉ မီးတၢင်းဢၼ်ယၢပ်ႇၸႂ်ယုင်ႈၸႂ်၊တၢင်းဢၼ်ၸႂ်ဢမ်ႇသႃႇ၊မႆႈၸႂ်ၶီၸႂ်၊တၢင်းဢၼ်ႁွင်ႉႁႆႈတႃႉ။ႁႂ်ႈတၢင်းဢၼ်သူယုမ်ႉၶူဝ်ၼၼ်ႉပဵၼ်တၢင်းဢၼ်ၸႂ်ဢမ်ႇသႃႇမႆႈၸႂ်ၶီၸႂ်တႃႉ။ႁႂ်ႈတၢင်းဢၼ်သူသိူဝ်းပျေႃႇၼၼ်ႉပဵၼ်တၢင်းဢၼ်ၸႂ်လဵၵ်ႉၸႂ်ဢူၼ်ႈတႃႉ။

၁၀ ဢဝ်တူဝ်ၸဝ်ႈၵဝ်ႇၶျႃးတႅမ်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မၼ်းၸဝ်ႈတၵ်းယုၵ်ႉယွင်ႈသူဢေႃႈ။

ယႃႇပေသေႉသွမ်းၵၼ်

၁၁ ပီႈၼွင်ႉၶဝ်ဢိူၺ်း၊ၵေႃႉၼိုင်ႈလႄႈၵေႃႉၼိုင်ႈယႃႇပေသေႉသွမ်းၵၼ်။ၵေႃႉဢၼ်သေႉသွမ်းပီႈၼွင်ႉမၼ်းလႄႈၸီႇယၢင်ႇဝႃႈမၼ်းမီးဢပျႅတ်ႈဢေႃႈ၊ဝႃႈၼင်ႇၼႆၼၼ်ႉပဵၼ်ၵေႃႉဢၼ်သေႉသွမ်းပိင်းၺၢပ်ႈတြႃးလႄႈၸီႇယၢင်ႇပိင်းၺၢပ်ႈတြႃးယဝ်ႉ။ပေႃးႁဵတ်းၸိူဝ်ႉၼင်ႇၼၼ်ၸိုင်မႂ်းပဵၼ်ၵေႃႉဢၼ်ၵမ်ၵျၢင်ႉပိင်းၺၢပ်ႈတြႃးဢမ်ႇၸႂ်ႈ။ပဵၼ်ၵေႃႉဢၼ်ၸႅတ်ႈထၢမ်ၸီႇယၢင်ႇပိင်းၺၢပ်ႈတြႃးဢေႃႈ။

၁၂ ၵေႃႉဢၼ်ဝႆႉပိင်းၺၢပ်ႈတြႃး၊ၵေႃႉဢၼ်ၸႅတ်ႈသေးၸီႇယၢင်ႇတြႃးၼၼ်ႉမီးပႃးလဵဝ်ၵူၺ်းဢေႃႈ။မၼ်းၸဝ်ႈပဵၼ်ၵေႃႉဢၼ်တတ်ႈၼိုင်ႇႁႂ်ႈလႆႈၵႄႇၶျွတ်ႈဢဝ်၊ႁႂ်ႈလႆႈယႃႉၽဵဝ်ႈပႅတ်ႈဢေႃႈ။မႂ်းပဵၼ်ၽူႈလႂ်လႄႈႁႂ်ႈလႆႈၸႅတ်ႈသေးၸီႇယၢင်ႇပီႈၼွင်ႉမႂ်း။

၁၃ ၵူၼ်းၸိူဝ်းဢၼ်ၸၢင်ႊလၢတ်ႈလႄႈဝႃႈ၊-မိူဝ်ႈၼႆႉမိူဝ်ႈၽုၵ်ႈႁဝ်းတၵ်းၵႂႃႇၵႃႈတီႈဝဵင်းၼၼ်ႉယူႇပီႊၼိုင်ႈလႄႈၵႃႉၶၢႆႁႂ်ႈလႆႈဢမႅတ်ႈမၼ်းဢေႃႈ၊ဝႃႈၼင်ႇၼႆၼၼ်ႉဢိူၺ်း၊ဢွၼ်ၵၼ်ထွမ်ႇငိၼ်းတႃႉ။

၁၄ သူဢမ်ႇႁူႉလွင်ႈဢၼ်ဝႃႈၼႂ်းဝၼ်းမိူဝ်ႈၽုၵ်ႈၼၼ်ႉတၵ်းပဵၼ်မႃးၸိူဝ်ႉၼင်ႇႁိုဝ်။ဢသၢၵ်ႈသူၼၼ်ႉပဵၼ်ၸိူဝ်ႉၼင်ႇႁိုဝ်။ပဵၼ်ၸိူဝ်ႉၼင်ႇဢၢႆၵွၼ်းဢၼ်မီးယူႇၵမ်းဢွၼ်ႇၼိုင်ႈၵူၺ်းလႄႈသမ်ႉႁၢႆလၢႆၵႂႃႇၼၼ်ႉဢေႃႈ။သူထုၵ်ႇလီလၢတ်ႈလႄႈဝႃႈ၊-

၁၅ ပေႃးထႃႇဝရႃႉၽြႃးမီးဢလူဝ်ႇၸိုင်ႁဝ်းတၵ်းဢသၢၵ်ႈလိပ်းယူႇလႄႈတၵ်းႁဵတ်းၸိူဝ်ႉၼင်ႇၼႆတၵ်းႁဵတ်းၸိူဝ်ႉၼင်ႇၼၼ်ဢေႃႈ၊ဝႃႈၼင်ႇၼႆတႃႉ။

၁၆ ၵူၺ်းၵႃႈတေႃႈလဵဝ်ၼႆႉသူဢုပ်ႇဢၢတ်ႇယူႇၵႃႈၼႂ်းတၢင်းဢၼ်ႁူဝ်ၸႂ်တူဝ်ၸဝ်ႈၵဝ်ႇပႅၼ်သုင်ၼၼ်ႉဢေႃႈ။တၢင်းဢၼ်ၸၢင်ႊဢုပ်ႇဢၢတ်ႇၸိူဝ်ႉၼင်ႇၼၼ်ၵႃႈမီးတင်းသဵင်ႈတင်းလူင်ၼၼ်ႉပဵၼ်ဢၼ်ဢမ်ႇလီဢမ်ႇထုၵ်ႇဢေႃႈ။

၁၇ ပိူဝ်ႈၼႆလႄႈၵေႃႉဢၼ်ႁူႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းလႄႈဢမ်ႇၵမ်ဢမ်ႇၵျၢင်ႉၼၼ်ႉမီးဢပျႅတ်ႈဢေႃႈ။