Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၁၅

တမၢၼ်ႇၵၢင်ႁၢဝ်ၸဵတ်းပႃးလႄႈၽေးတၢမ်ႇၸဵတ်းပိူင်

၁ ၵမ်းၼၼ်ႉၵဝ်ႁၼ်ၼီႉမိၵ်ႈလၢၵ်ႈၶၼႃႇလူင်ဢၼ်လီဢၢမ်းၼႃႇတၢင်ႇၸိူဝ်ႉတၢင်ႇမဵဝ်းဢၼ်ဝႃႈတမၢၼ်ႇၵၢင်ႁၢဝ်ၸဵတ်းပႃးဢၼ်မီးၽေးတၢမ်ႇလိုၼ်းလင်သုတ်းၸဵတ်းပိူင်ဢၼ်ႁႂ်ႈတၢင်းၸႂ်မႆႈၶႂ််ႈၸႃႉၽြႃးပဵၼ်ၸဝ်ႈယဝ်ႉတူဝ်ၼၼ်ႉဢေႃႈ။

၂ ၵဝ်ႁၼ်ဢၼ်ပဵၼ်ၸိူဝ်ႉၼင်ႇပၢင်ႇလၢႆႇၽၢၼ်ႇပၢင်ႇလၢႆႇမၢၼ်ႇၸမ်ဢၼ်လေႃးၵၼ်တင်းၽႆးၼၼ်ႉလႄႈၶဝ်ၸိူဝ်းဢၼ်ၵၢင်းလွတ်ႈတင်းတူဝ်ထိူၼ်ႇႁၢႆႉတင်းရူၵ်ႈထူႉမၼ်းတင်းတၢင်းဢၼ်ၼပ်ႉဢၢၼ်ႇၼႃႇမႃႉၸိုဝ်သဵင်မၼ်းသေလႄႈပႄႉၼႅင်ႇၼၼ်ႉယိပ်းၵမ်တိင်ႇၽြႃးပဵၼ်ၸဝ်ႈယူႇသေလႄႈၸုၵ်းယူႇၵႃႈတီႈႁိမ်းပၢင်ႇလၢႆႇၽၢၼ်ႇပၢင်ႇလၢႆႇမၢၼ်ႇၸမ်ၼၼ်ႉဢေႃႈ။

၃ ၶဝ်ၼၼ်ႉႁဵတ်းၵႂၢမ်းမုဝ်းသေႇတင်းၵႂၢမ်းသူဝ်းဢွၼ်ႇၽြႃးပဵၼ်ၸဝ်ႈယူႇသေလႄႈဢွၼ်ၵၼ်လဝ်ႈလၢတ်ႈလႄႈဝႃႈ၊-ထႃႇဝရႃႉၽြႃးပဵၼ်ၸဝ်ႈဢၼ်တဵမ်ဝႆႉတင်းဢၼၼ်ႇတႃႉတၼ်းၶူဝ်းတီႈၶႃႈလွင်ႈတၢင်းဢၼ်ၸဝ်ႈႁဝ်းသၢင်ႈႁဵတ်းၸိူဝ်းၼၼ်ႉမျၢတ်ႈလီလႄႈပဵၼ်ဢၼ်လီဢၢမ်းၼႃႇလူင်လၢင်တီႈၶႃႈဢေႃႈ။ၶုၼ်ႁေႃၶမ်းၵူၼ်းမဵဝ်းတင်းလၢႆၼၼ်ႉတီႈၶႃႈလွင်ႈတၢင်းဢၼ်ၸဝ်ႈႁဝ်းႁဵတ်းၸိူဝ်းၼၼ်ႉမၢၼ်ႇမႅၼ်ႈၸိုဝ်ႈၸႂ်ႈလႄႈမူတ်းၸၢင်ႇတီႈၶႃႈဢေႃႈ။

၄ ဢူဝ်း၊ထႃႇဝရႃႉၽြႃး၊ၽူႈလႂ်ယင်းဢမ်ႇရူဝ်ႇသေႇၵူဝ်ယမ်ၸဝ်ႈႁဝ်းယင်းဢမ်ႇယွင်ႈယေႃးၼႃႇမႃႉၸိုဝ်သဵင်ၸဝ်ႈႁဝ်းလႄႈတၵ်းယူႇလႆႈၶႃႈႁိုဝ်း။လွင်ႈမၼ်းၸမ်းၸဝ်ႈႁဝ်းၶႃႈသူႇလဵဝ်ၵူၺ်းမူတ်းၸၢင်ႇတီႈၶႃႈဢေႃႈ။ၵူၼ်းမဵဝ်းၵႃႈမီးတင်းသဵင်ႈတင်းလူင်တၵ်းမႃးလႄႈၵူဝ်းၵႂၢႆႇၵႃႈတီႈၽၢႆႇၼႃႈၸဝ်ႈႁဝ်းတီႈၶႃႈဢေႃႈ။လွင်ႈတၢင်းဢၼ်ၸဝ်ႈႁဝ်းၸီႇယၢင်ႇၸွမ်းၼင်ႇတြႃးၼၼ်ႉထၢင်ႇသႃးတီႈၶႃႈယဝ်ႉ၊ဝႃႈၼင်ႇၼႆယူႇဢေႃႈ။

၅ လိုၼ်းၼၼ်ႉၵဝ်တူၺ်းလႄႈႁၼ်သုမ်ႉထဵင်ပိၵ်ႉမၢၼ်ႇၸဝ်ႈဢၼ်ပဵၼ်တၢင်းဢၼ်ၶၢမ်ႇသၢၵ်ႈသေႇၼၼ်ႉၽုၺ်ႇဝႆႉယူႇဢေႃႈ။

၆ တမၢၼ်ႇၵၢင်ႁၢဝ်ၸဵတ်းပႃးဢၼ်မီးၽေးတၢမ်ႇၸဵတ်းပိူင်ၸိူဝ်းၼၼ်ႉၼုင်ႈၶူဝ်းဢၼ်ႁိူဝ်ႈလႅင်းမူတ်းၸၢင်ႇလႄႈၵႃႈတီႈဢူၵ်းၶဝ်ၵေႃႈဢဝ်တင်းသၢႆဢႅဝ်ၶမ်းႁတ်ႉယူႇၼၼ်ႉဢွၵ်ႇမႃးဢေႃႈ။

၇ ၼႂ်းသတ်ႉတဝႃႇသီႇပႃးၼၼ်ႉပႃးၼိုင်ႈဢဝ်ၵွၵ်းၶမ်းၸဵတ်းလုၵ်ႈဢၼ်တဵမ်ဝႆႉတင်းတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈၼၼ်ႉပၼ်တီႈတမၢၼ်ႇၵၢင်ႇႁၢဝ်ၸဵတ်းပႃးၼၼ်ႉဢေႃႈ။

၈ ပိၵ်ႉမၢၼ်ႇၸဝ်ႈၼၼ်ႉတဵမ်ဝႆႉတင်းၵႂၼ်းၽႆးၵွပ်ႈပိူဝ်ႈမုၼ်ဢႃႇၼူႉၽေႃႇၽြႃးပဵၼ်ၸဝ်ႈၼၼ်ႉလႄႈၸူဝ်ႈဢၼ်ၽေးတၢမ်ႇၸဵတ်းပိူင်ဢၼ်ပၼ်တီႈတမၢၼ်ႇၵၢင်ႁၢဝ်ၸဵတ်းပႃးၼၼ်ႉဢမ်ႇပႆႇသဵင်ႈပႆႇမူတ်းၼၼ်ႉၸိုင်ၽူႈလႂ်ဢမ်ႇၶဝ်ႈၵႃႈၼႂ်းပိၵ်ႉမၢၼ်ႇၸဝ်ႈၼၼ်ႉလႆႈ။