Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၁၃ 

လွင်ႈတၢင်းႁၵ်ႉမႅတ်ႈတႃႇဢၼ်ၸႅတ်ႈမၢၼ်ႇ

၁ ပဵၵ်ႉသမ်ႉၵဝ်ၸၢင်ႊလၢတ်ႈၵႂၢမ်းၽႃႇသႃႇၵူၼ်းဢိၵ်ႇတင်းၵႂၢမ်းၽႃႇသႃႇတမၢၼ်ႇၵၢင်ႁၢဝ်သေၵေႃႈပေႃးၵဝ်ယင်းဢမ်ႇမီးမႅတ်ႈတႃႇၸိုင်ပဵၼ်ၸိူဝ်ႉၼင်ႇၵွင်ႊဢၼ်မေႃးလၼ်းဢိၵ်ႇတင်းၸိူဝ်ႉၼင်ႇသႅင်ႇဢၼ်ၸၢင်ႊပၼ်သဵင်ႁႄၼၼ်ႉၵူၺ်းဢေႃႈ။

၂ ပဵၵ်ႉသမ်ႉၵဝ်လႆႈၺၢၼ်ႇပရေႃးၽႅတ်ႈလႄႈမေႃၸၢင်ႊတၢင်းဢၼ်လိုၵ်ႉဢၼ်လမ်ႇၵႃႈမီးတင်းသဵင်ႈတင်းလူင်ဢိၵ်ႇတင်းဢတၢတ်ႈပိင်ႇၺႃႇၵူႈၸိူဝ်ႉၵူႈပိူင်၊ပဵၵ်ႉသမ်ႉၵဝ်မီးတၢင်းယုမ်ႇမၢတ်ႈၵူႈၸိူဝ်ႉၵူႈပိူင်ဢၼ်ၶၢႆႉလွႆတင်းလၢႆလႆႈသေၵေႃႈပေႃးၵဝ်ယင်းဢမ်ႇမီးမႅတ်ႈတႃႇၸိုင်ပဵၼ်လၢႆလၢႆဢမ်ႇပွင်ႇလွင်ႈၵႃႈသင်ဢေႃႈ။

၃ ပဵၵ်ႉသမ်ႉၵဝ်ဢဝ်ဢုၵ်ႉၸႃႇၵဝ်တင်းသဵင်ႈတင်းမူတ်းၽေၸွၼ်းယိုၼ်မႅင်ႇပၼ်ၶဝ်ၸိူဝ်းဢၼ်ယၢၵ်ႈၽၢၼ်ၵူၺ်းဢမ်ႇၵႃးဢၢပ်ႈပၼ်တူဝ်ၶၼ်ႇထႃႇၵဝ်ႁႂ်ႈလႆႈတုတ်ႇၽႆးပႅတ်ႈသေၵေႃႈပေႃးဢမ်ႇပႃးမႅတ်ႈတႃႇၸိုင်ၵဝ်တၵ်းဢမ်ႇလႆႈဢၵျူဝ်းၵႃႈသင်။

၄ မႅတ်ႈတႃႇၸမ်း၊မီးၸႂ်ယႂ်ႇၸႂ်ယၢဝ်းလႄႈၸၢင်ႊႁဵတ်းၵျေးၸူးဢေႃႈ။မႅတ်ႈတႃႇၸမ်းဢမ်ႇမီး၊တၢင်းဢၼ်ၶႄႉၵၼ်ၶဵင်ႇၵၼ်။ဢမ်ႇမီးတၢင်းဢၼ်ဢုပ်ႇဝၢဝ်းမူင်မႅၼ်။ဢမ်ႇမီးတၢင်းဢၼ်မႃႇၼႃႉၸႂ်သုင်။

၅ ဢမ်ႇႁဵတ်းတၢင်းဢၼ်ဢမ်ႇထုၵ်ႇဢမ်ႇလီ။ဢမ်ႇႁႃဢၵျူဝ်းပုၼ်ႈတူဝ်ၸဝ်ႈၵဝ်ႇၵူၺ်း။

၆ တေႃးသႃႉတင်းၸႂ်မႆႈဢမ်ႇၸၢင်ႊဢွၵ်ႇ။ဢမ်ႇတၢင်ႇဢပျႅတ်ႈၵႃႈၼိူဝ်ပိူၼ်ႈ။ဢမ်ႇသိူဝ်းပျေႃႇၼႂ်းလွင်ႈတၢင်းဢၼ်ဢမ်ႇတြႃးၸိူဝ်းၼၼ်ႉ။

၇ ၸၢင်ႊသိူဝ်းပျေႃႇၼႂ်းသမ်ႇမႃႇတြႃးဢေႃႈ။ၸၢင်ႊယိူၼ်ႉၶၢမ်ႇၵႃႈမီးတင်းသဵင်ႈတင်းလူင်ဢေႃႈ။ၸၢင်ႊယုမ်ႇၵႃႈမီးတင်းသဵင်ႈတင်းလူင်ဢေႃႈ။ၸၢင်ႊမုင်ႈထႃႈမွင်းထႃႈၵႃႈမီးတင်းသဵင်ႈတင်းလူင်ဢေႃႈ။ၸၢင်ႊယိူၼ်ႉၶၢမ်ႇၵႃႈမီးတင်းသဵင်ႈတင်းလူင်ဢေႃႈ။

၈ မႅတ်ႈတႃႇၸမ်းဢၼ်ၽွၵ်ႈပျၢၼ်ႇလူႉသုမ်းသေပွၵ်ႈ။ၺၢၼ်ႇပရေႃးၽႅတ်ႈၸိုင်ၸၢင်ႊႁၢႆလၢႆဢေႃႈ။ဢၶႂၢင်ႉဢၼ်ၸၢင်ႊလၢတ်ႈၵႂၢမ်းၽႃႇသႃႇၵူႈၸိူဝ်ႉၵူႈပိူင်ၵေႃႈၸၢင်ႊထၢတ်ႇသုတ်းဢေႃႈ။

၉ ဢတၢတ်ႈပိင်ႇၺႃႇၵေႃႈၸၢင်ႊႁၢႆလၢႆဢေႃႈ။လွင်ႈမၼ်းၸမ်းတၢင်းႁူႉႁဝ်းဢမ်ႇၸေးဢမ်ႇၸွတ်ႇလႄႈႁဝ်းဢဝ်တင်းၺၢၼ်ႇပရေႃးၽႅတ်ႈႁေႃးလၢတ်ႈဢမ်ႇၸေးဢမ်ႇၸွတ်ႇဢေႃႈ။

၁၀ မိူဝ်ႈဢၼ်တၢင်းဢၼ်ၸေးၸုမ်ႇႁွတ်ႈထိုင်မႃးၼၼ်ႉၸိုင်ဢၼ်ဢမ်ႇၸေးဢမ်ႇၸုမ်ႇၼၼ်ႉတၵ်းႁၢႆလၢႆၵႂႃႇဢေႃႈ။

၁၁ မိူဝ်ႈဢၼ်ၵဝ်ပဵၼ်လုၵ်ႈဢွၼ်ႇၼၼ်ႉၵဝ်ၸၢင်ႊလၢတ်ႈၵႂၢမ်းၸိူဝ်ႉၼင်ႇလုၵ်ႈဢွၼ်ႇဢေႃႈ။ၸၢင်ႊထၢင်ႇၸိူဝ်ႉၼင်ႇလုၵ်ႈဢွၼ်ႇဢေႃႈ။ၸၢင်ႊၵျၢမ်ႇၸၢင်ႊပွင်ၸိူဝ်ႉၼင်ႇလုၵ်ႈဢွၼ်ႇဢေႃႈ။မိူဝ်ႈဢၼ်ဢသၢၵ်ႈယႂ်ႇၼၼ်ႉၵဝ်ပႅတ်ႈဝႆႉလွင်ႈတၢင်းဢၼ်ၸၢပ်ႈသႅင်ႇၵၼ်တင်းလုၵ်ႈဢွၼ်ႇၼၼ်ႉဢေႃႈ။

၁၂ တေႃႈလဵဝ်ၼႆႉႁဝ်းယဵၵ်ႉတူၺ်းမၢၼ်ႇၸမ်လႄႈႁၼ်မူဝ်းမူဝ်းယူႇၵူၺ်းဢေႃႈ။ဝၼ်းလိုၼ်းမိူဝ်းၼႃႈၸမ်းႁဝ်းတၵ်းလႆႈႁၼ်သိုဝ်ႈၼႃႈတႂ်ႈတႃထၢင်ႇထၢင်ႇသႃးသႃးဢေႃႈ။တေႃႈလဵဝ်ၼႆႉတၢင်းဢၼ်ၵဝ်ႁူႉၵဝ်ႁၼ်ၼၼ်ႉဢမ်ႇၸေးဢမ်ႇၸုမ်ႇဢေႃႈ။ဝၼ်းလိုၼ်းမိူဝ်းၼႃႈၸမ်းၵဝ်တၵ်ႁူႉႁၼ်ၸေးၸေးၸုမ်ႇၸုမ်ႇမိူၼ်ၸိူဝ်ႉၼင်ႇဢၼ်ပိူၼ်ႈတၢင်ႇၵေႃႉႁူႉၵဝ်ၸေးၸေးၸုမ်ႇၸုမ်ႇၼၼ်ႉဢေႃႈ။

၁၃ တေႃႈလဵဝ်ၼႆႉတၢင်းယုမ်ႇမၢတ်ႈ၊တၢင်းမုင်ႈထႃႈမွင်းထႃႈ၊တၢင်းႁၵ်ႉမႅတ်ႈတႃႇ၊သၢမ်ပႃးၼႆႉတႄႇဝႆႉမီးယူႇဢေႃႈ။ၼႂ်းသၢမ်ပႃးၼႆႉတၢင်းႁၵ်ႉမႅတ်ႈတႃႇပဵၼ်ဢၼ်ယႂ်ႇမျၢတ်ႈၼႃႇသေပိူၼ်ႈဢေႃႈ။