Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၁၅ 

လွင်ႈတၢင်းဢၼ်လုၵ်ႉၵႃႈတၢင်းတၢႆၶိုၼ်းလိပ်း

၁ ပီႈၼွင်ႉၶဝ်ဢိူၺ်း၊ၵဝ်ၶႂ်ႈႁႂ်ႈသူၶုၵ်းၸႂ်လႆႈတြႃးသတၢင်းသိူဝ်းပျေႃႇဢၼ်ၵဝ်လႆႈႁေႃးလၢတ်ႈယဝ်ႉတီႈသူဢၼ်သူၶၢမ်ႇဢဝ်လႄႈဢိင်ပိုင်ႈၸပ်းၸွမ်းၼၼ်ႉထႅင်ႈဢေႃႈ။

၂ လွင်ႈဢၼ်ၵဝ်ႁေႃးလၢတ်ႈမႃးယဝ်ႉၼၼ်ႉပေႃးသူယုမ်ႇဢဝ်ၸႂ်ၸပ်းၸႂ်ၸွႆးယူႇၸိုင်သူႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈတြႃးသတၢင်းသိူဝ်းပျေႃႇၼၼ်ႉဢေႃႈ။ဢမ်ႇၼၼ်တၵ်းပဵၼ်လၢႆလၢႆလွၵ်ႇလွၵ်ႇၵူၺ်းဢေႃႈ။

၃ လွင်ႈတၢင်းဢၼ်ၵဝ်ႁေႃးလၢတ်ႈတီႈသူဢွၼ်တၢင်းၵႃႈၼင်ႇဢၼ်ၵဝ်လႆႈၶၢမ်ႇဢဝ်ၼၼ်ႉၸမ်းၸဝ်ႈၶရိၸ်ႉၶၢမ်ႇတၢင်းတၢၵွပ်ႈပိူဝ်ႈဢပျႅတ်ႈႁဝ်းမႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈၼၼ်ႉဢေႃႈ။

၄ ၶၢမ်ႇတၢင်းဢၼ်သၢင်းၵျူဝ်ႇသေယဝ်ႉၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉမၼ်းၸဝ်ႈလုၵ်ႉၶိုၼ်းလိပ်းမႅၼ်ႈၸွမ်းၵႃႈၼင်ႇဢၼ်မႃးၼႂ်းၵျၢမ်းလိၵ်ႈၼၼ်ႉဢေႃႈ။

၅ ၵေႇၽႁၼ်မၼ်းၸဝ်ႈသေယဝ်ႉ၊ၶဝ်သိပ်းသွင်ပႃးၵေႃႈလႆႈႁၼ်ဢေႃႈ။လိုၼ်းၼၼ်ႉမၼ်းၸဝ်ႈထၢင်ႇသႃးပေႃႇမႃးတီႈပီႈၼွင်ႉႁႃႈပၢၵ်ႇလိူဝ်လိူဝ်မိူဝ်ႈလဵဝ်ၵၼ်ဢေႃႈ။

၆ ၼႂ်းၶဝ်ၸိူဝ်းၼၼ်ႉၵူၼ်းၼမ်ၼႃႇယင်းဢသၢၵ်ႈလိပ်းယူႇတေႃႇထိုင်ႁွတ်ႈမိူဝ်ႈလဵဝ်ၼႆႉဢေႃႈ။ၵမ်ႈၽွင်ႈၵေႃႈၼွၼ်းလပ်းၵွႃႇယဝ်ႉ။လိုၼ်းၼၼ်ႉမၼ်းၸဝ်ႈထၢင်ႇသႃးပေႃႇမႃးတီႈယႃႇၵုပ်ႉဢေႃႈ။

၇ လိုၼ်းၼၼ်ႉထၢင်ႇသႃးပေႃႇမႃးတီႈတမၢၼ်ႇၸဝ်ႈတင်းသဵင်ႈတင်းလူင်ဢေႃႈ။

၈ လိုၼ်းလင်သုတ်းထၢင်ႇသႃးပေႃႇမႃးတီႈၵဝ်ဢၼ်ပဵၼ်ၵူၼ်းမိူၼ်ၸိူဝ်ႉၼင်ႇၵေႃႉဢၼ်ၵိူတ်ႇလဵင်ႉမႃးၶိင်ႇဢမ်ႇထုၵ်ႇဝၼ်းဢမ်ႇထုၵ်ႇၼၼ်ႉဢေႃႈ။

၉ ၵဝ်ၼႆႉပဵၼ်တမၢၼ်ႇၸဝ်ႈဢၼ်တႅမ်ႇယေႃႈသေပိူၼ်ႈဢၼ်ဢမ်ႇထိူၵ်ႈလႆႈၶၢမ်ႇတၢင်းဢၼ်ႁွင်ႉႁိၵ်ႈတမၢၼ်ႇၸဝ်ႈၵွပ်ႈပိူဝ်ႈဢၼ်ၵဝ်လႆႈၼိၵ်ႈၸၢၵ်ႈငႅၼ်းသေးၸိူဝ်းၸဝ်ႈၽြႃးပဵၼ်ၸဝ်ႈမႃးမိူဝ်ႈဢွၼ်ၼၼ်ႉဢေႃႈ။

၁၀ ၵူၺ်းၵႃႈၵွပ်ႈပိူဝ်ႈၵျေးၸူးၽြႃးပဵၼ်ၸဝ်ႈၵူၺ်းလႄႈၵဝ်ပဵၼ်ၸိူဝ်ႉၼင်ႇဢၼ်ၵဝ်ပဵၼ်ယူႇၼႆႉဢေႃႈ။ၵျေးၸူးၸဝ်ႈဢၼ်ၵဝ်လႆႈၶၢမ်ႇဢဝ်ၼၼ်ႉၵေႃႈလႆႈၶၢမ်ႇဢဝ်လၢႆလၢႆလွၵ်ႇလွၵ်ႇဢမ်ႇၸႂ်ႈ။ၵဝ်ႁဵတ်းတၢင်းဢၼ်ၶတ်းၸႂ်ၼမ်ၼႃႇသေတမၢၼ်ႇၸဝ်ႈတင်းသဵင်ႈတင်းမူတ်းဢေႃႈ။ပဵၵ်ႉသမ်ႉဝႃႈၸိူဝ်ႉၼင်ႇၼႆသေၵေႃႈပဵၼ်ၵဝ်ႁဵတ်းဢမ်ႇၸႂ်ႈ။ပဵၼ်ၵျေးၸူးၽြႃးပဵၼ်ၸဝ်ႈဢၼ်မီးယူႇၼႂ်းၵဝ်ၼၼ်ႉဢေႃႈ။

၁၁ ပိူဝ်ႈၼႆလႄႈပဵၼ်ၵဝ်သေဢမ်ႇဝႃႈ၊ပဵၼ်ၶဝ်သေဢမ်ႇဝႃႈ၊ႁဝ်းႁေႃးလၢတ်ႈၸိူဝ်ႉၼင်ႇၼႆလႄႈသူယုမ်ႇမၢတ်ႈၸိူဝ်ႉၼင်ႇၼႆဢေႃႈ။

၁၂ ပေႃးႁေႃးလၢတ်ႈတီႈသူလွင်ႈဢၼ်ၸဝ်ႈၶရိၸ်ႉလုၵ်ႉၵႃႈတၢင်းတၢႆၶိုၼ်းလိပ်းၸိုင်ႁဵတ်းသင်လႄႈၼႂ်းသူၼႆႉၵမ်ႈၽွင်ႈလၢတ်ႈဝႃႈ၊-

၁၃ ၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇမီးတၢင်းဢၼ်လုၵ်ႉၶိုၼ်းဝႃႈၼင်ႇၼႆ။ပေႃးၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇမီးတၢင်းဢၼ်လုၵ်ႉၶိုၼ်းၸိုင်ၸဝ်ႈၶရိၸ်ႉၵေႃႈဢမ်ႇလုၵ်ႉၶိုၼ်း။

၁၄ ပေႃးၸဝ်ႈၶရိၸ်ႉဢမ်ႇလုၵ်ႉၶိုၼ်းၸိုင်တၢင်းဢၼ်ႁဝ်းႁေႃးလၢတ်ႈၼႆႉၵေႃႈဢမ်ႇမီးဢၵျူဝ်း။

၁၅ တၢင်းဢၼ်သူယုမ်ႇမၢတ်ႈၼၼ်ႉၵေႃႈဢမ်ႇမီးဢၵျူဝ်း။လိူဝ်သေၼၼ်ႉဢမ်ႇၵႃးႁဝ်းတၵ်းပဵၼ်ၵူၼ်းၶၢမ်ႇသၢၵ်ႈသေႇဢၼ်ဢမ်ႇမၢၼ်ႇဢမ်ႇမႅၼ်ႈလူၺ်ႈလွင်ႈၽြႃးပဵၼ်ၸဝ်ႈယဝ်ႉ။လွင်ႈမၼ်းၸမ်းႁဝ်းပဵၼ်ၵူၼ်းၶၢမ်ႇသၢၵ်ႈသေႇလူၺ်ႈလွင်ႈၽြႃးပဵၼ်ၸဝ်ႈလွင်ႈဢၼ်မၼ်းၸဝ်ႈႁႂ်ႈၸဝ်ႈၶရိၸ်ႉလုၵ်ႉၶိုၼ်းလိပ်းၼၼ်ႉဢေႃႈ။ပေႃးၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇမီးတၢင်းဢၼ်လုၵ်ႉၶိုၼ်းၸိုင်မၼ်းၸဝ်ႈဢမ်ႇႁႂ်ႈၸဝ်ႈၶရိၸ်ႉလုၵ်ႉၶိုၼ်း။

၁၆ ပေႃးၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇမီးတၢင်းဢၼ်လုၵ်ႉၶိုၼ်းၸိုင်ၸဝ်ႈၶရိၸ်ႉၵေႃႈဢမ်ႇလုၵ်ႉၶိုၼ်း။

၁၇ ပေႃးၸဝ်ႈၶရိၸ်ႉဢမ်ႇလုၵ်ႉၶိုၼ်းၸိုင်တၢင်းဢၼ်သူယုမ်ႇမၢတ်ႈၼၼ်ႉၵေႃႈဢမ်ႇမီးဢၵျူဝ်း။သူယင်းတၵ်းမီးယူႇၼႂ်းဢပျႅတ်ႈတူႉၸရိူၵ်ႈဢေႃႈ။

၁၈ လိူဝ်သေၼၼ်ႉဢမ်ႇၵႃးၶဝ်ၸိူဝ်းဢၼ်ၼွၼ်းလပ်းၼႂ်းၸဝ်ႈၶရိၸ်ႉၼၼ်ႉတၵ်းႁွတ်ႈထိုင်တၢင်းသုမ်းယဝ်ႉ။

၁၉ ပေႃးႁဝ်းဢိင်ၸဝ်ႈၶရိၸ်ႉသေလႄႈမီးတၢင်းဢၼ်မုင်ႈထႃႈမွင်းထႃႈပုၼ်ႈၽဝႃႉတေႃႈလဵဝ်ၼႆႉၵူၺ်းၸိုင်ႁဝ်းပဵၼ်ၵေႃႉဢၼ်ယဵင်ႈၶႅၼ်းလီဢိတ်းလူသေပိူၼ်ႈၼႂ်းၵူၼ်းတင်းသဵင်ႈတင်းလူင်ဢေႃႈ။

၂၀ တေႃႈလဵဝ်ၼႆႉၸမ်းၸဝ်ႈၶရိၸ်ႉလႆႈၶၢမ်ႇတၢင်းဢၼ်လုၵ်ႉၵႃႈတၢင်းတၢႆၶိုၼ်းလိပ်းယဝ်ႉလႄႈပဵၼ်မၢၵ်ႇဢၼ်မၢၵ်ႇဢွၼ်တၢင်းသေပိူၼ်ႈၼႂ်းၶဝ်ၸိူဝ်းဢၼ်ၼွၼ်းလပ်းၵႂႃႇယဝ်ႉၼၼ်ႉဢေႃႈ။

၂၁ ပိူဝ်ႈဢၼ်ပဵၼ်ၼင်ႇၼႆလႄႈၸိူဝ်ႉၼင်ႇဢၼ်တြႃးတၢင်းတၢႆႁွတ်ႈမႃးၵွပ်ႈပိူဝ်ႈၵူၼ်းၵေႃႉၼိုင်ႈၼၼ်ႉတြႃးတၢင်းဢၼ်လုၵ်ႉၶိုၼ်းၼၼ်ႉၵေႃႈတႄႇဝႆႉမီးယူႇၵွပ်ႈပိူဝ်ႈၵေႃႉၼိုင်ႈဢေႃႈ။

၂၂ ၸိူဝ်ႉၼင်ႇဢၼ်ၵူၼ်းၵႃႈမီးတင်းသဵင်ႈတင်းလူင်ႁွတ်ႈထိုင်တၢင်းတၢႆၵွပ်ႈပိူဝ်ႈဢႃႇတမ်ႇၼၼ်ႉၵူၼ်းၵႃႈမီးတင်းသဵင်ႈတင်းလူင်တၵ်းလႆႈႁွတ်ႈထိုင်တၢင်းဢၼ်ဢသၢၵ်ႈလိပ်းၵွပ်ႈပိူဝ်ႈၸဝ်ႈၶရိၸ်ႉဢေႃႈ။

၂၃ ၼႂ်းဝႃႈၼၼ်သေၵေႃႈၵူၼ်းၵူႈၵေႃႉတၵ်းလႆႈၸွမ်းၵႃႈၼင်ႇဢၼ်ဢလႄႉၵမ်းၽႂ်ၵမ်းမၼ်းမီးၼၼ်ႉဢေႃႈ။

၂၄ ၸဝ်ႈၶရိၸ်ႉပဵၼ်မၢၵ်ႇဢၼ်မၢၵ်ႇဢွၼ်တၢင်းဢေႃႈ။လိုၼ်းၼၼ်ႉမိူဝ်ႈဢၼ်ၸဝ်ႈၶရိၸ်ႉပေႃႇမႃးၼၼ်ႉၸိုင်ၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်းၸဝ်ႈၶရိၸ်ႉၼၼ်ႉတၵ်းႁွတ်ႈထိုင်တၢင်းဢၼ်ဢသၢၵ်ႈလိပ်းဢေႃႈ။မိူဝ်ႈၼၼ်ႉၸဝ်ႈၶရိၸ်ႉတၵ်းယႃႉပႅတ်ႈဢႃႇၼႃႇၸၢၵ်ႈတၼ်းၶူဝ်းၵူႈၸိူဝ်ႉၵူႈပိူင်သေလႄႈၶိုၼ်းဢၢပ်ႈမိူင်းၸဝ်ႈပၼ်တီႈၽြႃးပဵၼ်ၸဝ်ႈဢၼ်ပဵၼ်ပေႃႈၸဝ်ႈၼၼ်ႉၸင်ႇၵမ်ႇၽႃႇၼႆႉတၵ်းသုတ်းသဵင်ႈဢေႃႈ။

၂၅ ၸဝ်ႈၶရိၸ်ႉတၵ်းလႆႈဢုပ်ႉပိူင်ႇတေႃႇထိုင်ႁွတ်ႈၸူဝ်ႈဢၼ်ဢဝ်ရၢၼ်ႇသူႇတင်းသဵင်ႈတင်းလူင်ဝႆႉၶျႃးတူၵ်းသႂ်ႇၵႃႈတႂ်ႈတိၼ်မၼ်းၸဝ်ႈၼၼ်ႉဢေႃႈ။

၂၆ ၶုၼ်တၢႆဢၼ်ပဵၼ်ရၢၼ်ႇသူႇလိုၼ်းလင်သုတ်းၼၼ်ႉတၵ်းလႆႈႁွတ်ႈထိုင်တၢင်းဢၼ်သုမ်းဢေႃႈ။

၂၇ မၼ်းၸဝ်ႈတၵ်းၶျႃးလွင်ႈတၢင်းၵႃႈမီးတင်းသဵင်ႈတင်းလူင်ဝႆႉၵႃႈတႂ်ႈတိၼ်မၼ်းၸဝ်ႈဢေႃႈ။မိူဝ်ႈဢၼ်ဝႃႈၵႃႈမီးတင်းသဵင်ႈတင်းလူင်ဢၼ်ဝႃႈၼၼ်ႉဢမ်ႇပႃးၽြႃးပဵၼ်ၸဝ်ႈ။

၂၈ ၽြႃးပဵၼ်ၸဝ်ႈဢဝ်ၵႃႈမီးတင်းသဵင်ႈတင်းလူင်ၶျႃးဝႆႉမီးယူႇၵႃႈတႂ်ႈၸဝ်ႈၶရိၸ်ႉဢေႃႈ။လုၵ်ႈၸဝ်ႈၼၼ်ႉတူဝ်ၸဝ်ႈၵဝ်ႇတၵ်းႁပ်ႉတုင်းဢဝ်တၢင်းဢၼ်ၽြႃးပဵၼ်ၸဝ်ႈဢၼ်ဢဝ်ၵႃႈမီးတင်းသဵင်ႈတင်းလူင်ၶျႃးဝႆႉၵႃႈတႂ်ႈတိၼ်မၼ်းၸဝ်ႈၼၼ်ႉဢေႃႈ။လွင်ႈမၼ်းၸမ်းၽြႃးပဵၼ်ၸဝ်ႈတၵ်းလႆႈဢုပ်ႉပိူင်ႇၵႃႈမီးတင်းသဵင်ႈတင်းမူတ်းၼၼ်ႉဢေႃႈ။

၂၉ ပေႃးၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇမီးတၢင်းဢၼ်လုၵ်ႉၶိုၼ်းလႃးလႃးၸိုင်လွင်ႈတၢင်းဢၼ်ၶဝ်ၶၢမ်ႇပပ်ႉတိၸၢမ်ႇတၢင်ႈတူဝ်ၶဝ်ၸိူဝ်းဢၼ်တၢႆယဝ်ႉၼၼ်ႉတၵ်းဝႃႈပွင်ႇသင်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၶဝ်ၶၢမ်ႇပပ်ႉတိၸၢမ်ႇတၢင်ႈတူဝ်ၶဝ်ၸိူဝ်းဢၼ်တၢႆယဝ်ႉၼၼ်ႉ။

၃၀ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈႁဝ်းႁႂ်ႈတူဝ်ၸဝ်ႈၵဝ်ႇလႆႈႁူပ်ႉလႆႈထူပ်းၽေးတုၵ်ႉၶႃႉၵူႈၶိင်ႇၵူႈၼႃႇရီႇယူႇ။

၃၁ ၵဝ်လႆႈတၢႆၵူႈဝၼ်းဝႃႈၼႆၵဝ်ဢဝ်တင်းတၢင်းဢၼ်ဢုပ်ႇဝၢဝ်းသိူဝ်းပျေႃႇၵွပ်ႈပိူဝ်ႈသူၼႂ်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉလႄႈႁတ်းတိူင်ႇႁတ်းဝႃႈယူႇဢေႃႈ။

၃၂ ပေႃးၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇမီးတၢင်းဢၼ်လုၵ်ႉၶိုၼ်းၸိုင်ၸွမ်းၼင်ႇတၢင်းႁဵတ်းၵူၼ်းလႄႈၵဝ်တိုၵ်းတေႃးၵၼ်တင်းတူဝ်ထိူၼ်ႇႁၢႆႉၵႃႈၼႂ်းဝဵင်းဢေးၽႅတ်ႈၼၼ်ႉသေၵေႃႈတၵ်းမီးဢၵျူဝ်းၵႃႈသင်။

၃၃ ပေႃးဢမ်ႇမီးတၢင်းဢၼ်လုၵ်ႉၶိုၼ်းၸိုင်မိူဝ်ႈၼႆႉဢွၼ်ၵၼ်ၵိၼ်တႃႉၶူပ်းတႃႉ။မိူဝ်ႈၽုၵ်ႈတၵ်းတၢႆဢေႃႈ။ယႃႇပေဢဝ်ဢၼ်ပႅၵ်ႇဢၼ်ပိူင်ႈ။တၢင်းဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်ၸိူဝ်းဢၼ်ဢမ်ႇလီၼၼ်ႉၸၢင်ႊႁႂ်ႈတၢင်းၵမ်တၢင်းၵျၢင်ႉႁႄႈႁၢႆၵႂႃႇဢေႃႈ။တိုၼ်ႇမႃးတီႈတြႃးတႃႉ။

၃၄ ယႃႇပေႁဵတ်းဢပျႅတ်ႈတူႉၸရိူၵ်ႈ။ၵူၼ်းၵမ်ႈၽွင်ႈဢမ်ႇႁူႉၸၵ်းၽြႃးပဵၼ်ၸဝ်ႈ။မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်ၵဝ်ဝႃႈႁႂ်ႈသူလႆႈဢူၵ်းဢၢႆဢေႃႈ။

၃၅ သေၵေႃႉသေၵူၼ်းတၵ်းထၢမ်လႄႈဝႃႈၶဝ်ၸိူဝ်းဢၼ်တၢႆယဝ်ႉၼၼ်ႉတၵ်းလုၵ်ႉၶိုၼ်းၸိူဝ်ႉၼင်ႇႁိုဝ်တၵ်းပႃးတင်းတူဝ်ၸိူဝ်ႉၼင်ႇႁိုဝ်သေလႄႈလုၵ်ႉမႃး၊ဝႃႈၼင်ႇၼႆဢေႃႈ။

၃၆ ၵူၼ်းငိူဝ်ႈဢိူၺ်း၊မဵတ်ႉၽၼ်းဢၼ်မႂ်းၽုၵ်ႇသွမ်ႈၼၼ်ႉပေႃးဢမ်ႇလူႉၸိုင်မၼ်းဢမ်ႇၸၢင်ႊလိပ်း။

၃၇ မိူဝ်ႈဢၼ်မႂ်းၽုၵ်ႇသွမ်ႈၼၼ်ႉမႂ်းၽုၵ်ႇသွမ်ႈတူၼ်ႈဢမ်ႇၸႂ်ႈ။ပဵၼ်မဵတ်ႉၶဝ်ႈၵျုင်ႇသေဢမ်ႇဝႃႈ၊ပဵၼ်မဵတ်ႉၶဝ်ႈတၢင်ႇၸိူဝ်ႉတၢင်ႇမဵဝ်းသေဢမ်ႇဝႃႈ၊မႂ်းၽုၵ်ႇသွမ်ႈမဵတ်ႉမၼ်းၵူၺ်းဢေႃႈ။

၃၈ ၽြႃးပဵၼ်ၸဝ်ႈၸွမ်းၵႃႈၼင်ႇဢၼ်ဢလူဝ်ႇမၼ်းၸဝ်ႈမီးၼၼ်ႉပၼ်တူၼ်ႈဢေႃႈ။တီႈမဵတ်ႉႁင်းၽႂ်ႁင်းမၼ်းၼၼ်ႉၵေႃႈမဵဝ်းလႂ်မဵဝ်းၼၼ်ႉမၼ်းၸဝ်ႈပၼ်တူၼ်ႈဢေႃႈ။

၃၉ ၼိူဝ်ႉၵႃႈမီးတင်းသဵင်ႈတင်းလူင်ပဵၼ်ၼိူဝ်ႉမဵဝ်းလဵဝ်ၵူၺ်းဢမ်ႇၸႂ်ႈ။ၼိူဝ်ႉၵူၼ်းမဵဝ်းၼိုင်ႈၼိူဝ်ႉသတ်းမဵဝ်းၼိုင်ႈ၊ၼိူဝ်ႉပႃမဵဝ်းၼိုင်ႈ၊ၼိူဝ်ႉၼူၵ်ႉမဵဝ်းၼိုင်ႈ၊မီးဝႆႉႁင်းၽႂ်ႁင်းမၼ်းဢေႃႈ။

၄၀ ႁၢင်ႊၽၢင်တူဝ်ၵၢင်ႁၢဝ်တင်းလၢႆၵေႃႈမီးဢေႃႈ။ႁၢင်ႊၽၢင်တူဝ်လိၼ်မိူင်းတင်းလၢႆၵေႃႈမီးဢေႃႈ။မူၼ်သရေႇႁၢင်ႊၽၢင်တူဝ်ၵၢင်ႁၢဝ်ပဵၼ်မဵဝ်းၼိုင်ႈဢေႃႈ။မူၼ်သရေႇႁၢင်ႊၽၢင်တူဝ်လိၼ်မိူင်းပဵၼ်မဵဝ်းၼိုင်ႈဢေႃႈ။

၄၁ မူၼ်သရေႇၵၢင်ဝၼ်းမဵဝ်းၼိုင်ႈ၊မူၼ်သရေႇလိူၼ်မဵဝ်းၼိုင်ႈ၊မူၼ်သရေႇလၢဝ်မဵဝ်းၼိုင်ႈ၊မီးဝႆႉႁင်းၽႂ်ႁင်းမၼ်းဢေႃႈ။မူၼ်သရေႇလၢဝ်တင်းလၢႆပႅၵ်ႇပိူင်ႈၵၼ်ႁင်းၽႂ်ႁင်းမၼ်းဢေႃႈ။

၄၂ လွင်ႈတၢင်းဢၼ်ၶဝ်ၸိူဝ်းဢၼ်တၢႆယဝ်ႉလုၵ်ႉၶိုၼ်းၼၼ်ႉပဵၼ်မိူၼ်ၸိူဝ်ႉၼင်ႇၼၼ်ဢေႃႈ။တူဝ်ၼႆႉမိူဝ်ႈဢၼ်ၽုၵ်ႇသွမ်ႈၸိုင်မီးသၽေႃးဢၼ်ၸၢင်ႊတူႇၸၢင်ႊၼဝ်ႈဢေႃႈ။မိူဝ်ႈဢၼ်လုၵ်ႉၶိုၼ်းၸမ်းတႄႇယူႇၼႂ်းတၢင်းဢၼ်ဢမ်ႇၸၢင်ႊတူႇၸၢင်ႊၼဝ်ႈၼၼ်ႉဢေႃႈ။

၄၃ မိူဝ်ႈဢၼ်ၽုၵ်ႇသွမ်ႈၸိုင်မူၼ်သရေႇလူႉဢေႃႈ။မိူဝ်ႈဢၼ်လုၵ်ႉၶိုၼ်းၼၼ်ႉတဵမ်ဝႆႉတင်းမူၼ်သရေႇဢေႃႈ။မိူဝ်ႈဢၼ်ၽုၵ်ႇသွမ်ႈၸိုင်ဢမ်ႇမီးႁႅင်း။မိူဝ်ႈဢၼ်လုၵ်ႉၶိုၼ်းၸမ်း၊တဵမ်ဝႆႉတင်းႁႅင်းဢေႃႈ။

၄၄ မိူဝ်ႈဢၼ်ၽုၵ်ႇသွမ်ႈၸိုင်ပဵၼ်တူဝ်ၸႃႇတိပၵတိဢေႃႈ။မိူဝ်ႈဢၼ်လုၵ်ႉၶိုၼ်းၼၼ်ႉပဵၼ်တူဝ်ဝိၺႃႇၼဢေႃႈ။ပေႃးမီးတူဝ်ၸႃႇတိပၵတိၸိုင်မီးတူဝ်ဝိၺႃႇၼဢေႃႈ။

၄၅ ဢၼ်မီးမႃးၼႂ်းၵျၢမ်းလိၵ်ႈလႄႈဝႃႈၸမ်း၊ဢႃႇတၢမ်ႇဢၼ်ပဵၼ်မႃးဢွၼ်တၢင်းၼၼ်ႉပဵၼ်သတ်ႉတဝႃႇဢၼ်ဢသၢၵ်ႈလိပ်းဢေႃႈ။ဢႃႇတမ်ႇဢၼ်ပဵၼ်မႃးၵမ်းလိုၼ်းၸမ်းပဵၼ်ဝိၺိၺ်ႇဢၼ်ပၼ်ဢသၢၵ်ႈၼၼ်ႉဢေႃႈ။

၄၆ တူဝ်ဝိၺႃႇၼပဵၼ်ဢွၼ်တၢင်းဢမ်ႇၸႂ်ႈ။တူဝ်ၸႃႇတိပၵတိပဵၼ်ဢွၼ်တၢင်းဢေႃႈ။

၄၇ ၵမ်းလိုၼ်းတူဝ်ဝိၺႃႇၼၸင်ႇပဵၼ်ဢေႃႈ၊ၵူၼ်းဢွၼ်တၢင်းပဵၼ်မႃးၵႃႈတီႈလိၼ်လႄႈပဵၼ်ၵူၼ်းလိၼ်ဢေႃႈ။

၄၈ ၵူၼ်းတုတိယၸမ်းပဵၼ်ၵူၼ်းဢၼ်ပဵၼ်မႃးၵႃႈတီႈၵၢင်ႁၢဝ်ဢေႃႈ။ၵူၼ်းလိၼ်တင်းလၢႆလႆႈပဵၼ်ၸိူဝ်ႉၼင်ႇၵူၼ်းလိၼ်ၼၼ်ႉဢေႃႈ။ၵူၼ်းၵၢင်ႁၢဝ်တင်းလၢႆလႆႈပဵၼ်ၸိူဝ်ႉၼင်ႇၵူၼ်းၵၢင်ႁၢဝ်ၼၼ်ႉဢေႃႈ။

၄၉ ၸိူဝ်ႉၼင်ႇဢၼ်ႁဝ်းလႆႈဢဝ်ပုင်ႇႁၢင်ႊၽၢင်ၵူၼ်းလိၼ်ၼၼ်ႉႁဝ်းတၵ်းလႆႈဢဝ်ပုင်ႇႁၢင်ႊၽၢင်ၵူၼ်းၵၢင်ႁၢဝ်ဢေႃႈ။

၅ဝ ပီႈၼွင်ႉၶဝ်ဢိူၺ်း၊ၵဝ်ဝႃႈၸမ်း၊ၼိူဝ်ႉလိူတ်ႈၵူၼ်းဢမ်ႇၶၢမ်ႇဢဝ်ဢမူၺ်ႇမိူင်းၽြႃးပဵၼ်ၸဝ်ႈလႆႈ။လွင်ႈတၢင်းဢၼ်ၸၢင်ႊတူႇၸၢင်ႊၼဝ်ႈၼၼ်ႉဢမ်ႇၸၢင်ႊၶၢမ်ႇဢမူၺ်ႇလွင်ႈတၢင်းဢၼ်ဢမ်ႇၸၢင်ႊတူႇၸၢင်ႊၼဝ်ႈၼၼ်ႉလႆႈ။

၅၁ ၵဝ်တၵ်းၼႄပျႃးတၢင်းဢၼ်လိုၵ်ႉဢၼ်လမ်ႇဢၼ်ၼိုင်ႈလူးၵွၼ်ႇဢေႃႈ။ႁဝ်းၵႃႈမီးတၵ်းလႆႈၼွၼ်းလပ်းဢမ်ႇၸႂ်ႈ။ၵူၺ်းၵႃႈမိူဝ်ႈဢၼ်ပဝ်ႇၼႄးၶရႃႇဢၼ်လိုၼ်းလင်သုတ်းၼၼ်ႉၵမ်းဢွၼ်ႇၼိုင်ႈၸူဝ်ႈၽႅပ်ႉတႃဢွၼ်ႇၼိုင်ႈၵူၺ်းၼၼ်ႉႁဝ်းၵႃႈမီးတင်းသဵင်ႈတၵ်းႁွတ်ႈထိုင်တၢင်းဢၼ်ၶၢႆႉပုတ်ႈဢေႃႈ။

၅၂ မိူဝ်ႈဢၼ်ႁွတ်ႈထိုင်ၶိင်ႇဢၼ်တၵ်းပဝ်ႇၼႄးၶရႃႇၼၼ်ႉၸိုင်ၶဝ်ၸိူဝ်းဢၼ်တၢႆယဝ်ႉၼၼ်ႉတၵ်းလုၵ်ႉၶိုၼ်းလႄႈတႄႇယူႇၼႂ်းလွင်ႈတၢင်းဢၼ်ဢမ်ႇၸၢင်ႊတူႇၸၢင်ႊၼဝ်ႈၼၼ်ႉလႄႈႁဝ်းၵႃႈမီးတၵ်းႁွတ်ႈထိုင်တၢင်းဢၼ်ၶၢႆႉပုတ်ႈဢေႃႈ။

၅၃ လွင်ႈတၢင်းဢၼ်ၸၢင်ႊတူႇၸၢင်ႊၼဝ်ႈတေႃႈလဵဝ်တႂ်ႈတႃၼႆႉတၵ်းလႆႈၶဝ်ႈၼႂ်းလွင်ႈတၢင်းဢၼ်ဢမ်ႇၸၢင်ႊတူႇၸၢင်ႊၼဝ်ႈၼၼ်ႉဢေႃႈ။လွင်ႈတၢင်းဢၼ်ၸၢင်ႊတၢႆတေႃႈလဵဝ်တႂ်ႈတႃၼႆႉတၵ်းလႆႈၶဝ်ႈၼႂ်းလွင်ႈတၢင်းဢၼ်ဢမ်ႇၸၢင်ႊတၢႆၼၼ်ႉဢေႃႈ။

၅၄ မိူဝ်ႈဢၼ်လွင်ႈတၢင်းဢၼ်ၸၢင်ႊတူႇၸၢင်ႊၼဝ်ႈၼႆႉၶဝ်ႈႁွတ်ႈၶဝ်ႈထိုင်ၵႃႈၼႂ်းလွင်ႈတၢင်းဢၼ်ဢမ်ႇၸၢင်ႊတူႇၸၢင်ႊၼဝ်ႈလႄႈလွင်ႈတၢင်းဢၼ်ၸၢင်ႊတၢႆၼႆႉၶဝ်ႈႁွတ်ႈၶဝ်ႈထိုင်ၵႃႈၼႂ်းလွင်ႈတၢင်းဢၼ်ဢမ်ႇၸၢင်ႊတၢႆၼၼ်ႉၸိုင်ၵႂၢမ်းဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-တၢင်းတၢႆၸိုင်လႆႈၶၢမ်ႇတၢင်းပႄႉၼႅင်ႇဢိုၼ်ႈပဵတ်ႈယဝ်ႉၼင်ႇၼႆၼၼ်ႉတၵ်းတဵမ်ထူၼ်ႈဢေႃႈ။

၅၅ ၶုၼ်တၢႆဢိူၺ်း၊ၵွင်ႊႁိၼ်ဢၼ်မႂ်းဢဝ်ၸီႇဝႆႉၼၼ်ႉမီးၵႃႈလႂ်။ၶုၼ်တၢႆဢိူၺ်း၊တၢင်းဢၼ်မႂ်းပႄႉၼႅင်ႇၼၼ်ႉမီးၵႃႈလႂ်။

၅၆ ၵွင်ႊႁိၼ်ဢၼ်ၶုၼ်တၢႆဢဝ်ၸီႇဝႆႉၼၼ်ႉၸမ်းပဵၼ်တူႉၸရိူၵ်ႈဢပျႅတ်ႈဢေႃႈ။

၅၇ တၼ်းၶူဝ်းတူႉၸရိူၵ်ႈဢပျႅတ်ႈၸမ်းပဵၼ်ပိင်းၺၢပ်ႈတြႃးဢေႃႈ။ၵျေးၸူးၽြႃးပဵၼ်ၸဝ်ႈဢၼ်ပၼ်ဢၶႂၢင်ႉတီႈႁဝ်းတၢင်းဢၼ်ပႄႉၼႅင်ႇၵွပ်ႈပိူဝ်ႈၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉယႂ်ႇၼႃႇလူင်လၢင်ဢေႃႈ။

၅၈ ၵွပ်ႈႁွႆးၼႆႉလႄႈပီႈၼွင်ႉဢၼ်ၵဝ်ႁၵ်ႉၶဝ်ဢိူၺ်း၊တဵမ်ဝႆႉတင်းၸႂ်ဢၼ်တႄႇမၼ်ႈသေလႄႈယင်းဢမ်ႇၶၢႆႉဢမ်ႇပုတ်ႈပွင်ႁဵတ်းဢမူႉၸဝ်ႈၽြႃးတႃႉ။ႁူႉလွင်ႈဢၼ်ဢၵျူဝ်းသူယႂ်ႇၼႃႇၼၼ်ႉသေယဝ်ႉဢွၼ်ၵၼ်ၵႆႉၵျူဝ်းၸႃးႁဵတ်းဢမူႉၸဝ်ႈၽြႃးတႃႉ။