Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၅

တၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃး

၁ လွင်ႈတၢင်းဢၼ်ႁဵတ်းမေႇထုင်ႇဢၼ်ဢမ်ႇတြႃးဢၼ်ယင်းဢမ်ႇတွၼ်ႉလႆႈငိၼ်းၼႂ်းၵူၼ်းသႃႇသၼႃႇပႃႉတင်းလၢႆဢၼ်ဝႃႈတၢင်းဢၼ်လုၵ်ႈၸၢႆးသိမ်းဢဝ်မေးပေႃႈတူဝ်ၸဝ်ႈၵဝ်ႇၼၼ်ႉမီးယူႇၵႃႈၼႂ်းသူဢၼ်ဝႃႈၼၼ်ႉၸွတ်ႇတူဝ်ၵႂႃႇၵူႈတီႈၵူႈလႅၼ်ယဝ်ႉ။

၂ သူမီးၸႂ်မႃႇၼႃႉပႅၼ်သုင်ဢေႃႈ။သူယင်းဢမ်ႇမႆႈၸႂ်ၸဵပ်းၸႂ်ႁႂ်ႈလႆႈႁေႃႈဢွၵ်ႇပႅတ်ႈၵေႃႉဢၼ်ႁဵတ်းၸိူဝ်ႉၼင်ႇၼၼ်ၼၼ်ႉလူင်ပေႇ။ပိူဝ်ႈၼႆၸင်ႇပဵၵ်ႉသမ်ႉတူဝ်ၶၼ်ႇထႃႇၵဝ်ဢမ်ႇမီးယူႇၵႃႈတီႈသူသေၵေႃႈဝိၺိၺ်ႇၵဝ်မီးယူႇလူၺ်ႈတင်းသူဢေႃႈ။

၃ တေႃႈလဵဝ်ၼႆႉၵဝ်ၸီႇယၢင်ႇၵေႃႉဢၼ်ႁဵတ်းၸိူဝ်ႉၼင်ႇၼၼ်ၼၼ်ႉမိူၼ်ၸိူဝ်ႉၼင်ႇၵဝ်မီးယူႇလူၺ်ႈၵၼ်တင်းသူၼၼ်ႉယဝ်ႉ။

၄ သူၸူႉၵၼ်တုမ်ၵၼ်ၵႃႈၼႂ်းၸိုဝ်သဵင်ၼႃႇမႃႉၸဝ်ႈႁဝ်းၸဝ်ႈယေႇသုၶရိၸ်ႉလူၺ်ႈၵၼ်တင်းဝိၺိၺ်ႇၵဝ်သေလႄႈဢိင်တၼ်းၶူဝ်းၸဝ်ႈႁဝ်းၸဝ်ႈယေႇသုၶရိၸ်ႉသေယဝ်ႉ

၅ ဢဝ်ၵေႃႉၼၼ်ႉဢၢပ်ႈပၼ်ၼႂ်းမိုဝ်းၸႃႇတၢၼ်ႇမႃႇၼၢတ်ႈႁႂ်ႈတူဝ်ၶၼ်ႇထႃႇမၼ်းလႆႈလူႉၵႂႃႇလႄႈႁႂ်ႈဝိၺိၺ်ႇမၼ်းလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼႂ်းဝၼ်းၸဝ်ႈယေႇသုၶရိၸ်ႉၼၼ်ႉတႃႉ။

၆ တၢင်းဢၼ်သူဢုပ်ႇဝၢဝ်းၼၼ်ႉပဵၼ်ဢၼ်ဢမ်ႇလီဢမ်ႇထုၵ်ႇဢေႃႈ။သူဢမ်ႇႁူႉလွင်ႈဢၼ်ၸိူဝ်ႉပႅင်ႈဢိတ်းၼိုင်ႈၵူၺ်းၸၢင်ႊႁႂ်ႈၶဝ်ႈမုၼ်းလိပ်းတင်းၵွင်ႊပွင်းၶိုၼ်ႈၼၼ်ႉႁိုဝ်။

၇ ၼင်ႇႁိုဝ်သူတၵ်းပဵၼ်ၶဝ်ႈမုၼ်းလိပ်းဢၼ်မႂ်ႇၵွင်ႊၼိုင်ႈဢၼ်ဢမ်ႇပႃးၸိူဝ်ႉပႅင်ႈၼၼ်ႉၸိုင်ၽဵဝ်ႈပႅတ်ႈၸိူဝ်ႉပႅင်ႈဢၼ်ၵဝ်ႇမူတ်းမူတ်းတႃႉ။လွင်ႈမၼ်းၸမ်း၊ၸဝ်ႈၶရိၸ်ႉဢၼ်ပဵၼ်သူဝ်းဢွၼ်ႇပႃသၶႃႇႁဝ်းၼၼ်ႉပဵၼ်ယိၸ်ႉတၢင်းဢၼ်ပုၵ်ႉၸေႃႇပုၼ်ႈႁဝ်းဢေႃႈ။

၈ ပိူဝ်ႈၼႆလႄႈပႄႇပႅတ်ႈၸိူဝ်ႉပႅင်ႈဢၼ်ၵဝ်ႇဢိၵ်ႇတင်းၸိူဝ်ႉပႅင်ႈတၢင်းဢၼ်ႁၢႆႉမိူၵ်ႈတၢင်းဢၼ်ၵူဝ်ႈၵိူၵ်ႇၸိူဝ်းၼၼ်ႉသေလႄႈဢွၼ်ၵၼ်ဢဝ်တင်းၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈဢၼ်ဝႃႈတၢင်းဢၼ်ၶၢဝ်ၸၢင်ႇတၢင်းဢၼ်ပႂ်ႉသႅတ်ႈၸႃႇၼၼ်ႉသေလႄႈၶၢမ်ႇပွႆးတႃႉႁဝ်း။

တၢင်းဢၼ်ၸႅတ်ႈသေးၸီႇယၢင်ႇမေႇထုင်ႇဢၼ်ဢမ်ႇတြႃး

၉ ၼင်ႇႁိုဝ်သူတၵ်းဢမ်ႇႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်ၸိူဝ်းဢၼ်ႁဵတ်းမေႇထုင်ႇဢၼ်ဢမ်ႇတြႃးၼၼ်ႉၸိုင်ၵဝ်ၸီႇယၢင်ႇတႅမ်ႈဝႆႉၼႂ်းလိၵ်ႈဢေႃးဝႃႇတႃႉၽိုၼ်ဢွၼ်တၢင်းၼၼ်ႉယဝ်ႉ။

၁ဝ မိူဝ်ႈဢၼ်တႅမ်ႈဝႃႈၸိူဝ်ႉၼင်ႇၼၼ်ၼၼ်ႉၸိုင်ၵဝ်ဢမ်ႇၶႂ်ႈဝႃႈသူတၵ်းဢမ်ႇႁဵတ်းၵေႃႉႁဵတ်းသေႈလူၺ်ႈၵၼ်တင်းၵူၼ်းလေႃးၵီႇဢၼ်ႁဵတ်းမေႇထုင်ႇဢၼ်ဢမ်ႇတြႃး၊ဢၼ်လေႃးၽႃႉပူၼ်ႉလိူဝ်၊ဢၼ်ႁဵတ်းပႄႉႁဵတ်းၼႅင်ႇလႄႈႁိမ်ဢဝ်၊ဢၼ်ၵူဝ်းၵႂၢႆႇရူၵ်ႈထူႉၸိူဝ်းၼၼ်ႉ။ပေႃးဝႃႈၸိူဝ်ႉၼင်ႇၼၼ်ၸိုင်သူတၵ်းလႆႈဢွၵ်ႇသေၵႃႈၼႂ်းလေႃးၵႃႉၼႆႉၵႂႃႇဢိူဝ်ႈ။

၁၁ ၵဝ်ၶႂ်ႈဝႃႈ၊သူတၵ်းဢမ်ႇလႆႈႁဵတ်းၵေႃႉႁဵတ်းသေႈလူၺ်ႈၵၼ်တင်းၵေႃႉဢၼ်ႁွင်ႉၵၼ်ဝႃႈပဵၼ်ပီႈၼွင်ႉၵၼ်လႄႈသမ်ႉႁဵတ်းမေႇထုင်ႇဢၼ်ဢမ်ႇတြႃး၊တၢင်းဢၼ်လေႃးၽႃႉပူၼ်ႉလိူဝ်၊တၢင်းဢၼ်ၵူဝ်းၵႂၢႆႇရူၵ်ႈထူႉတၢင်းဢၼ်ၸင်းၼႃႈၸင်းလင်တၢင်းဢၼ်ၵိၼ်လဝ်ႈမဝ်းၵမ်တၢင်းဢၼ်ႁဵတ်းပႄႉႁဵတ်းၼႅင်ႇလႄႈႁိမ်ဢဝ်ၸိူဝ်းၼၼ်ႉဢေႃႈ။ယႃႇပေၵိၼ်ၶူပ်းလူၺ်ႈၵၼ်တင်းမၼ်းဝႃႈၼႆၵဝ်တႅမ်ႈပၼ်ဢေႃႈ။

၁၂ ၵဝ်တၵ်းလႆႈၸီႇယၢင်ႇၵူၼ်းၵႃႈၼွၵ်ႈတင်းလၢႆၸိူဝ်းၼၼ်ႉၸိူဝ်ႉၼင်ႇႁိုဝ်။သူတၵ်းလႆႈၸီႇယၢင်ႇၵူၼ်းၵႃႈၼႂ်းၸိူဝ်းၸဝ်ႈတင်းလၢႆၼၼ်ႉဢမ်ႇၸႂ်ႈႁိုဝ်။ၵူၼ်းၵႃႈၼွၵ်ႈၸိူဝ်းၼၼ်ႉၽြႃးပဵၼ်ၸဝ်ႈတၵ်းၸီႇယၢင်ႇယူႇဢေႃႈ။ႁေႃႈၵူၼ်းႁၢႆႉၵူၼ်းမိူၵ်ႈၼၼ်ႉဢွၵ်ႇပႅတ်ႈသေၵႃႈၼႂ်းသူတႃႉ။