Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၁၃

တႃႇဝုၼ်ႇဝုတ်ႉတြႃး

၁ တႄႇယူႇၼႂ်းမႅတ်ႈတႃႇတၢင်းဢၼ်ပီႈၼွင်ႉၵၼ်ႁၵ်ႉပႅင်းၵၼ်ၼၼ်ႉတႃႉ။

၂ ယႃႇပေလူင်ပေလိုမ်းတၢင်းဢၼ်ႁဵတ်းဝၢတ်ႈၶႅၵ်ႇၼၼ်ႉ။လွင်ႈမၼ်းၸမ်းၵူၼ်းၵမ်ႈၽွင်ႈယင်းဢမ်ႇထၢင်ႇဢမ်ႇထိူမ်လႄႈလႆႈၶၢမ်ႇၶႅၵ်ႇတမၢၼ်ႇၵၢင်ႁၢဝ်ၼႂ်းတၢင်းဢၼ်ႁဵတ်းဝၢတ်ႈၶႅၵ်ႇၼၼ်ႉယဝ်ႉ။

၃ ၶုၵ်းၸႂ်လႆႈၶႆႈၸႂ်ထူပ်းၶဝ်ၸိူဝ်းဢၼ်လႆႈၶၢမ်ႇတူၵ်းၵႅၼ်းၼၼ်ႉသေလႄႈမၢတ်ႈတူဝ်ၸဝ်ႈၵဝ်ႇပဵၼ်ၸိူဝ်ႉၼင်ႇဢၼ်လႆႈၶၢမ်ႇလူၺ်ႈၵၼ်တင်းၶဝ်ၼၼ်ႉတႃႉ။

၄ သူၶုၵ်းၸႂ်လႆႈၶႆႈၸႂ်ထူပ်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉသေလႄႈမၢတ်ႈတူဝ်ၸဝ်ႈၵဝ်ႇပဵၼ်တူဝ်ၶိင်းၵေႃႉၼၼ်ႉတႃႉ။

ႁႂ်ႈလွင်ႈတၢင်းဢၼ်သွင်ႇမင်ႇၵလႃႇၼၼ်ႉမီးမူၼ်သရေႇတႃႉ။ယႃႇႁႂ်ႈၵူႇတီႈၼွၼ်းပဵၼ်ဢၼ်ဢမ်ႇမူတ်းသႂ်။လွင်ႈမၼ်းၸမ်းၽြႃးပဵၼ်ၸဝ်ႈတၵ်းၸႅတ်ႈထၢမ်ၸီႇယၢင်ႇၶဝ်ၸိူဝ်းဢၼ်ႁဵတ်းမေႇထုင်ႇဢၼ်ဢမ်ႇတြႃးဢိၵ်ႇတင်းၶဝ်ၸိူဝ်းဢၼ်ၽိတ်းပိူင်ႈမေးပိူၼ်ႈၼၼ်ႉဢေႃႈ။

၅ ႁႂ်ႈတၢင်းဢၼ်သူၵျၢမ်ႇပွင်သၢင်ႈႁဵတ်းၼၼ်ႉၵၢင်းလွတ်ႈတင်းတၢင်းဢၼ်ၸႂ်ၸပ်းၸႂ်ၸွႆးငိုၼ်းလႄႈမီးတၢင်းဢၼ်ဢိမ်ႇၸႂ်လူၺ်ႈဢုၵ်ႉၸႃႇဢၼ်တူဝ်ၸဝ်ႈၵဝ်ႇမီးၼၼ်ႉၵူၺ်းတႃႉ။လွင်ႈမၼ်းၸမ်းမၼ်းၸဝ်ႈမီးၵတိၸဝ်ႈလႄႈဝႃႈ၊-ၵဝ်တၵ်းဢမ်ႇၽၢတ်ႇဢမ်ႇယၢၼ်ၵၼ်တင်းမႂ်းလႃးလႃး။တၵ်းဢမ်ႇပႅတ်ႈမႂ်းဝႆႉလႃးလႃး၊ဝႃႈၼင်ႇၼႆဢေႃႈ။

၆ ပိူဝ်ႈၼႆလႄႈႁဝ်းမီးဢၶႂၢင်ႉဢၼ်ပႃးတင်းၸႂ်ဢၼ်ႁတ်းဢၼ်ႁၢၼ်လၢတ်ႈဝႃႈ၊-ထႃႇဝရႃႉၽြႃးၸွႆႈထႅမ်ၵဝ်ယူႇလႄႈၵဝ်တၵ်းဢမ်ႇၵူဝ်ဢမ်ႇႁႄ။ၵူၼ်းတၵ်းႁဵတ်းတီႈၵဝ်လႆႈၸိူဝ်ႉၼင်ႇႁိုဝ်၊ဝႃႈၼင်ႇၼႆဢေႃႈ။

တၢင်းဢၼ်ပၼ်သတိလွင်ႈတၢင်းဢၼ်ႁၢႆႉမိူၵ်ႈ

၇ ၶုၵ်းၸႂ်လႆႈၶႆႈၸႂ်ထူပ်းၶဝ်ၸိူဝ်းဢၼ်ဢုပ်ႉၵႃႈၼိူဝ်သူဢၼ်ႁေႃးလၢတ်ႈၼုၵ်ႉၵပၢတ်ႈတြႃးၽြႃးပဵၼ်ၸဝ်ႈတီႈသူၼၼ်ႉတႃႉ။ၶႆႈၸႂ်ဝူၼ်ႉၸႂ်တူၺ်းလွင်ႈတၢင်းဢၼ်ၶဝ်ၵျၢမ်ႇပွင်ၵမ်ၵျၢင်ႉသၢင်ႈႁဵတ်းၸိူဝ်းၼၼ်ႉသေယဝ်ႉၶဝ်လႆႈၸၢမ်ႇၸႃးၸိူဝ်ႉၼင်ႇႁိုဝ်ဢၼ်ဝႃႈၼၼ်ႉလႄႈယိူင်ႈဢဝ်တၢင်းယုမ်ႇမၢတ်ႈၶဝ်တႃႉ။

၈ ၸဝ်ႈယေႇသုၶရိၸ်ႉၸိုင်မိူဝ်ႈဝႃး၊မိူဝ်ႈၼႆႉ၊ၵမ်းလိုၼ်းမိူဝ်းၼႃႈ၊ၼိၵ်ႉၸႃႉထႃႇဝရႃႉ၊ဢမ်ႇၶၢႆႉဢမ်ႇပုတ်ႈဢမ်ႇလႅၵ်ႈဢမ်ႇလၢႆဢေႃႈ။

၉ ယႃႇပေၸွမ်းဢယူႇဝႃႇတႃႉဢၼ်မႂ်ႇဢၼ်ပႅၵ်ႇပိူင်ႈၸိူဝ်းၼၼ်ႉလႄႈၽွၵ်ႈပျၢၼ်ႇၶိုၼ်းၵႂႃႇ။ယႃႇပေႁႂ်ႈႁူဝ်ၸႂ်မၼ်ႈၶိူင်ႇလူၺ်ႈတၢင်းၵိၼ်လႄႈႁႂ်ႈမီးၸႂ်ဢၼ်မၼ်ႈၶိူင်ႇလူၺ်ႈၵျေးၸူးၸဝ်ႈၵူၺ်းတႃႉ။ၶဝ်ၸိူဝ်းဢၼ်ၸပ်းၸွႆးလူၺ်ႈတၢင်းၵိၼ်ၼႂ်းပွႆးၼၼ်ႉဢမ်ႇမီးဢၵျူဝ်း။

၁၀ ႁဝ်းမီးယိတ်ႉပလၢင်ႇဢၼ်ႁဝ်းမီးဢၶႂၢင်ႉဢၼ်တၵ်းလႆႈၵိၼ်ယိၸ်ႉတၢင်းလူႇၼၼ်ႉဢၼ်ၽူႈႁဵတ်းဝၢတ်ႈၵႃႈၼႂ်းသုမ်ႉထဵင်ၶဝ်ယင်းဢမ်ႇမီးဢၶႂၢင်ႉဢၼ်လႆႈၵိၼ်ၼၼ်ႉဢေႃႈ။

၁၁ ၶုၼ်ယိတ်ႉပရေႃးႁိၵ်ႈၶဝ်ဢဝ်လိူတ်ႈတူဝ်သတ်းၶဝ်ႈသႂၢင်းသႂ်ႇၵႃႈၼႂ်းထႃႇၼႃႉတီႈမူတ်းၸၢင်ႇႁႂ်ႈလႆႈပဵၼ်ယိၸ်ႉဢၼ်ၽေႇဢပျႅတ်ႈတင်းလၢႆလႄႈတူဝ်သတ်းၼၼ်ႉၸမ်းလႆႈဢဝ်ဢွၵ်ႇလႄႈတုတ်ႇၽႆးၵႃႈၼွၵ်ႈသုမ်ႉထဵင်ဢေႃႈ။

၁၂ ၸဝ်ႈယေႇသုၵေႃႈၼင်ႇႁိုဝ်တၵ်းႁႂ်ႈၵူၼ်းတင်းလၢႆမူတ်းၸၢင်ႇလူၺ်ႈလိူတ်ႈမၼ်းၸဝ်ႈၼၼ်ႉၸိုင်မၼ်းၸဝ်ႈၶၢမ်ႇတၢင်းတၢႆၵႃႈၼွၵ်ႈၽၵ်းတူဝဵင်းဢေႃႈ။

၁၃ ပိူဝ်ႈၼႆလႄႈႁဝ်းဢွၼ်ၵၼ်ဢွၵ်ႇၵႂႃႇၵႃႈတီႈမၼ်းၸဝ်ႈၵႃႈၼွၵ်ႈသုမ်ႉထဵင်ၼၼ်ႉသေလႄႈၶၢမ်ႇတၢင်းဢၼ်သေႉသွမ်းလူၺ်ႈၵၼ်တင်းၸဝ်ႈၼၼ်ႉတႃႉႁဝ်း။

၁၄ လွင်ႈမၼ်းၸမ်းၼႂ်းၽဝႃႉမိူဝ်ႈလဵဝ်ၼႆႉႁဝ်းဢမ်ႇမီးဝဵင်းဢၼ်တႄႇယူႇတႃႇသေႇၼၼ်ႉ။ႁဝ်းႁႃဢဝ်ဝဵင်းဢၼ်တၵ်းပဵၼ်ၵမ်းလိုၼ်းၼၼ်ႉဢေႃႈ။

၁၅ ပိူဝ်ႈၼႆလႄႈႁဝ်းဢိင်ၸဝ်ႈယေႇသုၶရိၸ်ႉၼၼ်ႉသေယဝ်ႉဢွၼ်ၵၼ်ပုၵ်ႉၸေႃႇယိၸ်ႉတၢင်းဢၼ်ယွင်ႈယေႃးဢၼ်ဝႃႈမၢၵ်ႇသီႇသူပ်းဢၼ်ယွင်ႈယေႃးၼႃႇမႃႉၸိုဝ်သဵင်ၸဝ်ႈၼၼ်ႉၵႃႈတီႈၽၢႆႇၼႃႈၽြႃးပဵၼ်ၸဝ်ႈယူႇသေႇသေႇတႃႉႁဝ်း။

၁၆ ယႃႇပေလူင်ပေလိုမ်းတၢင်းဢၼ်ႁဵတ်းၵျေးၸူး၊တၢင်းဢၼ်ၽေမႅင်ႇဢုၵ်ႉၸႃႇၼၼ်ႉ။လွင်ႈမၼ်းၸမ်းယိၸ်ႉၸိူဝ်ႉၼင်ႇၼၼ်ၼၼ်ႉထုၵ်ႇၸႂ်ၽြႃးပဵၼ်ၸဝ်ႈဢေႃႈ။

၁၇ ထွမ်ႇဢဝ်ၵႂၢမ်းၶဝ်ၸိူဝ်းဢၼ်ဢုပ်ႉၵႃႈၼိူဝ်သူၼၼ်ႉသေလႄႈၶျႃးတႅမ်ႇယူႇတႃႉ။ၶဝ်ၼၼ်ႉပႂ်ႉပုၼ်ႈဢၵျူဝ်းၸႂ်ဝိၺိၺ်ႇသူမိူၼ်ၸိူဝ်ႉၼင်ႇၶဝ်ပဵၼ်ၵေႃႉဢၼ်တၵ်းလႆႈၶၢမ်ႇတၢင်းဢၼ်ၸႅတ်ႈထၢမ်ပုၼ်ႈသူၼၼ်ႉဢေႃႈလွင်ႈၼင်ႇႁိုဝ်ၶဝ်တၵ်းဢမ်ႇမီးတၢင်းဢၼ်ၸႂ်လဵၵ်ႉဢၼ်ဢမ်ႇပၼ်ဢၵျူဝ်းၼၼ်ႉလႄႈတၵ်းမီးတၢင်းဢၼ်သိူဝ်းပျေႃႇသေယဝ်ႉၶၢမ်ႇတၢင်းဢၼ်ၸႅတ်ႈထၢမ်ၸိုင်ထွမ်ႇဢဝ်ၵႂၢမ်းၶဝ်တႃႉ။

၁၈သူး တွင်းပုၼ်ႈႁဝ်းတႃႉ။ႁဝ်းႁူႉတူဝ်ၸဝ်ႈၵဝ်ႇဝႃႈႁဝ်းမီးဢလူဝ်ႇၶႂ်ႈၵမ်ၵျၢင်ႉလီလီငၢမ်းငၢမ်းၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉယူႇဢေႃႈ။

၁၉ လွင်ႈၼင်ႇႁိုဝ်သူတၵ်းသူးတွင်းၸိူဝ်ႉၼင်ႇၼၼ်ၸိုင်ႁႂ်ႈၵဝ်လႆႈမီးဢၶႂၢင်ႉဢၼ်လႆႈၶိုၼ်းၵႂႃႇတီႈဢၼ်သူမီးၼၼ်ႉၶၼ်ၶၼ်ၽႂ်းၽႂ်းသေၵမ်း။

တၢင်းလီမင်ႇၵလႃႇ

၂၀ ႁႂ်ႈၽြႃးပဵၼ်ၸဝ်ႈၸဝ်ႈတၢင်းၼိမ်ဢၼ်ၼုၵ်ႈဢဝ်ၸဝ်ႈႁဝ်းၸဝ်ႈယေႇသုဢွၵ်ႇသေၵႃႈၼႂ်းတၢင်းတၢႆၵွပ်ႈပိူဝ်ႈလိူတ်ႈပတိၺိၺ်ႇတြႃးထႃႇဝရႃႉၸဝ်ႈ၊ဢၼ်ပဵၼ်ၼင်ႇၵူၼ်းလဵင်ႉသူဝ်းထိင်းသူဝ်းလူင်ဢၼ်လဵင်ႉထိင်းသူဝ်းတင်းလၢႆၼၼ်ႉ

၂၁ ဢဝ်လွင်ႈတၢင်းဢၼ်လီဢၼ်ငၢမ်းတိူဝ်းၼုင်ႈပၼ်သူႁႂ်ႈသူလႆႈႁဵတ်းလွင်ႈတၢင်းဢၼ်ထုၵ်ႇၸႂ်မၼ်းၸဝ်ႈၼႂ်းတၢင်းၵမ်တၢင်းၵျၢင်ႉဢၼ်လီၵူႈၸိူဝ်ႉၵူႈပိူင်လႄႈၸွမ်းဢလူဝ်ႇမၼ်းၸဝ်ႈသေၵမ်းလူၺ်ႈ။ႁႂ်ႈၸဝ်ႈယေႇသုၶရိၸ်ႉမူၼ်ယႂ်ႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။ဢႃႈမိၼ်ႈ။

၂၂ ပီႈၼွင်ႉၶဝ်ဢိူၺ်း၊ၵွပ်ႈပိူဝ်ႈဢၼ်ၵဝ်တႅမ်ႈပၼ်ၵႂႃႇဢိတ်းဢွၼ်ႇၼိုင်ႈၵူၺ်းလႄႈၵဝ်တွင်းပၢၼ်ႇၸူဝ်းဢဝ်သူႁႂ်ႈသူယိူၼ်ႉၶၢမ်ႇၵႂၢမ်းဢေႃးဝႃႇတႃႉတၢင်းဢၼ်ၵဝ်သင်ႇသွၼ်သုင်းမႃႉပၼ်ၼႆႉဢေႃႈ။

၂၃ သူႁူႉလွင်ႈဢၼ်ၼွင်ႉႁဝ်းတိမေႃးသေႇလႆႈၶၢမ်ႇတၢင်းဢၼ်ပွႆႇၸႂ်ႉၵႂႃႇတၢင်ႇတီႈတၢင်ႇလႅၼ်ၼၼ်ႉသေၵမ်း။ဢမ်ႇႁိုင်ဢမ်ႇၼၢၼ်းပေႃးမၼ်းႁွတ်ႈမႃးၸိုင်ၵဝ်တၵ်းၵႂႃႇလူၺ်ႈၵၼ်တင်းမၼ်းလႄႈထူပ်းႁၼ်သူဢေႃႈ။

၂၄ တၵ်ႉလၢတ်ႈၶဝ်ၸိူဝ်းဢၼ်ဢုပ်ႉၵႃႈၼိူဝ်သူဢိၵ်ႇတင်းၵူၼ်းမူတ်းၸၢင်ႇတင်းလၢႆၼၼ်ႉတႃႉ။ၵူၼ်းမိူင်းဢိတလိၸိူဝ်းၼႆႉတၵ်ႉၼၢႆသူဢေႃႈ။

ႁႂ်ႈၵျေးၸူးၸဝ်ႈမီးၵႃႈၼိူဝ်သူတင်းသဵင်ႈတင်းလူင်သေၵမ်းလူၺ်ႈ။ဢႃႈမိၼ်ႈ။