Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၁၂

ၸဝ်ႈၶရိၸ်ႉပဵၼ်ပုင်ႇပမႃႇပုၼ်ႈႁဝ်း

၁ ပိူဝ်ႈၼႆလႄႈၵွပ်ႈပိူဝ်ႈၶဝ်ၸိူဝ်းဢၼ်ၶၢမ်ႇသၢၵ်ႈသေႇၼမ်ၼႃႇဝႅင်းႁွပ်ႈႁဝ်းယူႇလႄႈႁဝ်းဢွၼ်ၵၼ်ပႄႇပႅတ်ႈၶူဝ်းၼၵ်းတင်းသဵင်ႈတင်းလူင်ဢိၵ်ႇတင်းတူႉၸရိူၵ်ႈဢပျႅတ်ႈဢၼ်ၸၢင်ႊယႃႉယူၵ်ႉၼၼ်ႉသေလႄႈႁႅင်းယင်းဢမ်ႇဢူၼ်ႈလႄႈဢွၼ်ၵၼ်ၶုၼ်ႇလႅၼ်ႈႁႂ်ႈလႆႈႁွတ်ႈထိုင်သဝ်ပၢၼ်းတုင်းဢၼ်ဝႆႉသိုဝ်ႈၼႃႈတႂ်ႈတႃႁဝ်းၼၼ်ႉတႃႉႁဝ်း။

၂ ႁဝ်းဢွၼ်ၵၼ်မုင်တူၺ်းၸဝ်ႈယေႇသုၸဝ်ႈဢၼ်တႄႇၸႃႉတႄႇတင်ႈတၢင်းဢၼ်ယုမ်ႇမၢတ်ႈလႄႈႁဵတ်းႁႂ်ႈၸေးၸုမ်ႇ၊ၸဝ်ႈဢၼ်ယင်းဢမ်ႇၵူဝ်တၢင်းဢၼ်လီဢူၵ်းလီဢၢႆဢၼ်လႆႈၶၢမ်ႇၵႃႈၼိူဝ်သဝ်လၵ်းဝႃးမိုဝ်းပုၼ်ႈတၵ်းပဵၼ်တၢင်းဢၼ်သိူဝ်းပျေႃႇဢၼ်မီးဝႆႉၵႃႈတီႈၽၢႆႇၼႃႈမၼ်းၸဝ်ႈၼၼ်ႉသေယဝ်ႉၼင်ႈယူႇၵႃႈတီႈၽၢႆႇၶႂႃပလၢင်ႇၽြႃးပဵၼ်ၸဝ်ႈၼၼ်ႉတႃႉႁဝ်း။

၃ လွင်ႈၼင်ႇႁိုဝ်သူတၵ်းလႆႈၵၢင်းလွတ်ႈတင်းတၢင်းဢၼ်ႁႅင်းဢူၼ်ႈၸႂ်လူႉၼၼ်ႉၸိုင်ဢွၼ်ၵၼ်ၶႆႈၸႂ်ဝူၼ်ႉၸႂ်လူၺ်ႈလွင်ႈဢၼ်မၼ်းၸဝ်ႈလႆႈၶၢမ်ႇတၢင်းဢၼ်ၵူၼ်းဢပျႅတ်ႈၶဝ်ႁႄႉၶႅၼ်ယႃႉယူၵ်ႉဢၼ်ယႂ်ႇၼႃႇလူင်လၢင်ၼၼ်ႉသေၵမ်း။

၄ ၼႂ်းတၢင်းဢၼ်သူလႆႈၶဵင်ႇလႆႈတိုၵ်းၵၼ်တင်းတူႉၸရိူၵ်ႈဢပျႅတ်ႈၼၼ်ႉသူဢမ်ႇပႆႇလႆႈၶၢမ်ႇတေႃႇထိုင်ႁွတ်ႈလိူတ်ႈတူဝ်ၸဝ်ႈၵဝ်ႇပေႃးဢွၵ်ႇ။

၅ လိူဝ်သေၼၼ်ႉသူယင်းလူင်လိုမ်းၵႂၢမ်းဢေႃးဝႃႇတႃႉဢၼ်တိုၵ်းယူင်းပၼ်ႁႅင်းသူမိူၼ်ၸိူဝ်ႉၼင်ႇလုၵ်ႈလၢင်းၼၼ်ႉလႄႈဝႃႈ၊-လုၵ်ႈၸၢႆးၵဝ်ဢိူၺ်း၊ယင်းဢမ်ႇမၢတ်ႈဢမ်ႇတွင်းဢၼ်ထႃႇဝရႃႉၽြႃးသင်ႇသွၼ်သုင်းမႃႉၼၼ်ႉလႄႈယႃႇပေယူႇ။မိူဝ်ႈဢၼ်မၼ်းၸဝ်ႈၸႅတ်ႈထၢမ်ဢပျႅတ်ႈမႂ်းၼၼ်ႉၸိုင်ယႃႇပေၸႂ်လူႉ။

၆ ထႃႇဝရႃႉၽြႃးၸၢင်ႊသင်ႇသွၼ်သုင်းမႃႉၵေႃႉဢၼ်မၼ်းၸဝ်ႈႁၵ်ႉၼၼ်ႉလႄႈၸၢင်ႊပၼ်တၢမ်ႇတီႈၵေႃႉဢၼ်မၼ်းၸဝ်ႈႁပ်ႉတုင်းဢဝ်ၸိူဝ်ႉၼင်ႇလုၵ်ႈလၢင်းၼၼ်ႉဢေႃႈ၊ဝႃႈၼင်ႇၼႆယဝ်ႉ။

၇ ပေႃးသူလႆႈၶၢမ်ႇတၢင်းဢၼ်မၼ်းၸဝ်ႈသင်ႇသွၼ်သုင်းမႃႉၼၼ်ႉၸိုင်ၽြႃးပဵၼ်ၸဝ်ႈႁဵတ်းတီႈသူမိူၼ်ၸိူဝ်ႉၼင်ႇပေႃႈႁဵတ်းတီႈလုၵ်ႈလၢင်းၼၼ်ႉဢေႃႈ။လွင်ႈမၼ်းၸမ်းလုၵ်ႈလၢင်းဢၼ်ပေႃႈဢမ်ႇသင်ႇသွၼ်သုင်းမႃႉၼၼ်ႉၸွင်ႇမီးသေၵေႃႉသေၵူၼ်းႁိုဝ်။

၈ ပေႃးသူဢမ်ႇလႆႈၶၢမ်ႇဢဝ်တၢင်းဢၼ်သင်ႇသွၼ်သုင်းမႃႉဢၼ်လုၵ်ႈလၢင်းထုၵ်ႇလီၶၢမ်ႇဢဝ်ၼၼ်ႉၸိုင်သူပဵၼ်လုၵ်ႈဢွၵ်ႇဢမ်ႇၸႂ်ႈ။ပဵၼ်လုၵ်ႈမၢၼ်းတၢင်းၵူၺ်းဢေႃႈ။

၉ ၼႄးၼိုင်ႈၸမ်းႁဝ်းမီးပေႃႈၵူၼ်းဢၼ်သင်ႇသွၼ်သုင်းမႃႉႁဝ်းၼၼ်ႉလႄႈႁဝ်းမီးတၢင်းဢၼ်ရူဝ်ႇသေႇၵူဝ်ယမ်ၶဝ်ဢေႃႈ။ႁဝ်းယဵင်ႈၶႅၼ်းတၵ်းလႆႈၸွမ်းဢလူဝ်ႇၸဝ်ႈၽြႃးဢၼ်ပဵၼ်ပေႃႈၸႂ်ဝိၺိၺ်ႇတင်းဢသၢၵ်ႈတၢင်းလၢႆၼၼ်ႉဢမ်ႇၸႂ်ႈႁိုဝ်။

၁၀ ပေႃႈၵူၼ်းၸိူဝ်းၼၼ်ႉၸွမ်းၵႃႈၼင်ႇဢၼ်ၶဝ်ထၢင်ႇတၵ်းပဵၼ်ဢၼ်လီလႄႈၶဝ်သင်ႇသွၼ်ပၼ်ၵမ်းဢွၼ်ႇၼိုင်ႈၵူၺ်းဢေႃႈ။မၼ်းၸဝ်ႈၸမ်းထွၵ်ႈလူၺ်ႈဢၵျူဝ်းႁဝ်းသေလႄႈသင်ႇသွၼ်သုင်းမႃႉႁဝ်းႁႂ်ႈၶဝ်ႈပႃးၼႂ်းပႃႇရမီႇတၢင်းဢၼ်မူတ်းၸၢင်ႇၸဝ်ႈၼၼ်ႉဢေႃႈ။

၁၁ တၢင်းဢၼ်သင်ႇသွၼ်သုင်းမႃႉဢၼ်ဝႃႈၼၼ်ႉၼႂ်းမိူဝ်ႈဢၼ်ယင်းတိုၵ်ႉလႆႈၶၢမ်ႇဢဝ်ယူႇၼၼ်ႉၸိုင်ဢမ်ႇထၢင်ႇပဵၼ်လွင်ႈဢၼ်လီၸူမ်းသိူဝ်း။ပဵၼ်လွင်ႈဢၼ်လီၸႂ်လဵၵ်ႉဢေႃႈ။

၁၂ ၵူၺ်းၵႃႈၶဝ်ၸိူဝ်းဢၼ်လႆႈၶၢမ်ႇဢဝ်တၢင်းဢၼ်သင်ႇသွၼ်သုင်းမႃႉပၼ်ယဝ်ႉၼၼ်ႉၵမ်းလိုၼ်းလႆႈၶၢမ်ႇဢဝ်ဢၵျူဝ်းတၢင်းဢၼ်သိုဝ်ႈတေႃႇဢၼ်ၸၢပ်ႈသႅင်ႇၵၼ်တင်းတၢင်းၼိမ်ၼၼ်ႉဢေႃႈ။

ပိူဝ်ႈၼႆလႄႈႁႂ်ႈၽႃႇမိုဝ်းဢၼ်ယွၼ်ႇႁွႆႈယူႇဢိၵ်ႇတင်းႁူဝ်ၶဝ်ႇဢၼ်ဢမ်ႇမီးႁႅင်းယူႇၸိူဝ်းၼၼ်ႉမၼ်ႈၶိူင်ႇတႃႉ။

၁၃ လွင်ႈၼင်ႇႁိုဝ်ပွင်ႈလုပ်ႇၶဝ်ၸိူဝ်းဢၼ်တိၼ်လူႉၼၼ်ႉတၵ်းဢမ်ႇသွၼ်ႇဢမ်ႇတူၵ်းဢမ်ႇၵႃး၊လွင်ႈၼင်ႇႁိုဝ်တၵ်းၵတ်းယဵၼ်ၶျၢမ်းသႃႇၸိုင်မႄးသဵၼ်ႈတၢင်းဢၼ်သိုဝ်ႈလီတေႃႇလီပုၼ်ႈဢၼ်သူတၵ်းၵႂႃႇၼၼ်ႉတႃႉ။

၁၄ ဢဝ်ႁႅင်းၶတ်းၸႂ်ႁႂ်ႈလႆႈယူႇထုၵ်ႇထုၵ်ႇၵၼ်တင်းၵူၼ်းတင်းသဵင်ႈတင်းလူင်လႄႈႁႂ်ႈမီးပႃႇရမီႇတၢင်းဢၼ်မူတ်းၸၢင်ႇတႃႉ။ပေႃးဢမ်ႇမီးတၢင်းဢၼ်မူတ်းၸၢင်ႇၸိုင်ၽူႈလႂ်ၵေႃႈတၵ်းဢမ်ႇလႆႈထူပ်းႁၼ်ထႃႇဝရႃႉၽြႃးပဵၼ်ၸဝ်ႈ။

၁၅ ၼႂ်းသူၼၼ်ႉယႃႇပေႁႂ်ႈၽူႈလႂ်သေၵေႃႉသေၵူၼ်းယင်းဢမ်ႇလႆႈၵျေးၸူးၽြႃးပဵၼ်ၸဝ်ႈလႄႈယူႇ။ယႃႇႁႂ်ႈႁၢၵ်ႈတူၼ်ႈဢၼ်ၶူမ်ၼၼ်ႉဢွၵ်ႇႁုၼ်ႈမႃးလႄႈႁဵတ်းႁႂ်ႈၵူၼ်းၼမ်ၼႃႇလႆႈၵူဝ်ႈၵိူၵ်ႇလူၺ်ႈဢပျႅတ်ႈဢၼ်ယႃႉယူၵ်ႉၼၼ်ႉ။

၁၆ လွင်ႈၼင်ႇႁိုဝ်တၵ်းဢမ်ႇမီးၵေႃႉဢၼ်ႁဵတ်းမေႇထုင်ႇဢၼ်ဢမ်ႇတြႃးတၵ်းဢမ်ႇမီးၵေႃႉဢၼ်ႁဵတ်းဢၼ်ဢမ်ႇရူဝ်ႇသေႇၽြႃးတြႃးမိူၼ်ၸိူဝ်ႉၼင်ႇဢေးသေႃးဢၼ်ၶၢႆပႅတ်ႈဢရႃႇလုၵ်ႈတူၼ်ႈမၼ်းပုၼ်ႈဢၼ်တၵ်းလႆႈၵိၼ်ၶဝ်ႈတႃႇၼိုင်ႈၵူၺ်းၼၼ်ႉၸိုင်ဢွၼ်ၵၼ်ႁဵတ်းသတိတႃႉ။

၁၇ ၵႃႈၼင်ႇဢၼ်သူႁူႉယူႇၼၼ်ႉၵမ်းလိုၼ်းမိူဝ်ႈဢၼ်မၼ်းမီးဢလူဝ်ႇၶႂ်ႈၶၢမ်ႇဢဝ်တၢင်းလီမင်ႇၵလႃႇၼၼ်ႉမၼ်းလႆႈၶၢမ်ႇတၢင်းဢၼ်ပႄႇပႅတ်ႈဢေႃႈ။ပဵၵ်ႉသမ်ႉမၼ်းပႃးတင်းတၢင်းဢၼ်ၼမ်ႉတႃတူၵ်းလႄႈႁႃဢဝ်တၢင်းလီမင်ႇၵလႃႇသေၵေႃႈမၼ်းဢမ်ႇထူပ်းဢမ်ႇလႆႈဢၶႂၢင်ႉတၢင်းဢၼ်ၶုၵ်းၸႂ်လႆႈမႆႈၸႂ်။

၁၈ လိူဝ်သေၼၼ်ႉသူဢမ်ႇပႆႇလႆႈႁွတ်ႈထိုင်ၵႃႈတီႈလွႆဢၼ်ဢဝ်တင်းမိုဝ်းတိူဝ်ႉလႆႈ၊ၵႃႈတီႈဢၼ်ၽႆးမႆႈ၊ၵႃႈတီႈၽႃႉၽူၼ်ဢၼ်လမ်ႈၵမ်ႇၼႃႇ၊ၵႃႈတီႈလပ်းသိင်ႇ၊ၵႃႈတီႈလူမ်းလင်ႊသဵင်၊ၵႃႈတီႈသဵင်ဢၼ်ပဝ်ႇၶရႃႇ၊

၁၉ ၵႃႈတီႈသဵင်ၵႂၢမ်းၼုၵ်ႉၵပၢတ်ႈၸဝ်ႈၸိူဝ်းၼၼ်ႉ။ၶဝ်ၸိူဝ်းဢၼ်လႆႈငိၼ်းသဵင်ၸဝ်ႈၼၼ်ႉဢွၼ်ၵၼ်တွင်းပၢၼ်လွင်ႈၼင်ႇႁိုဝ်မၼ်းၸဝ်ႈတၵ်းဢမ်ႇထၢပ်ႈထႅင်ႈလႄႈမီးဢမိင်ႉထႅင်ႈၼၼ်ႉဢေႃႈ။

၂၀ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၶဝ်ဢမ်ႇၶၢမ်ႇလႆႈသဵင်ပိင်းၺၢပ်ႈဢၼ်ဝႃႈတရိၵ်သၢၼ်ႇၵေႃႈပေႃးတိူဝ်ႉမႅၼ်ႈလွႆၼၼ်ႉၸိုင်တၵ်းလႆႈဢဝ်မၢၵ်ႇႁိၼ်ထိမ်ႈတၢႆဢေႃႈ။

၂၁ ၵွပ်ႈပိူဝ်ႈလွင်ႈတၢင်းဢၼ်ထၢင်ႇသႃးၸိူဝ်ႉၼင်ႇၼၼ်လႄႈပဵၼ်ဢၼ်လီၵူဝ်လီႁႄၼႃႇလႄႈမုဝ်းသေႇၸင်ႇလၢတ်ႈလႄႈဝႃႈ၊-ၵဝ်မီးတၢင်းဢၼ်ၵူဝ်ႁႄလႄႈသၼ်ႇဝႆယူႇဢေႃႈ၊ဝႃႈၼင်ႇၼႆဢေႃႈ။

၂၂ ၵူၺ်းၵႃႈသူလႆႈႁွတ်ႈထိုင်ၵႃႈတီႈလွႆၸိဢုၼ်ႇၵႃႈတီႈဝဵင်းၽြႃးပဵၼ်ၸဝ်ႈဢၼ်ဢသၢၵ်ႈလိပ်းဝဵင်းယေႇရုသလႅမ်ႇၵၢင်ႁၢဝ်ၵႃႈတီးဢၼ်တမၢၼ်ႇၵၢင်ႁၢဝ်ၼမ်ၼႃႇၸူႉၵၼ်တုမ်ၵၼ်၊

၂၃ ၵႃႈတီႈၸိူဝ်းၸဝ်ႈလုၵ်ႈတူၼ်ႈဢၼ်ၶဝ်ႈပႃးၼႂ်းၸရၢင်းၵၢင်ႁၢဝ်ၵႃႈတီႈၽြႃးပဵၼ်ၸဝ်ႈဢၼ်ၸီႇယၢင်ႇတြႃးတီႈၵူၼ်းတင်းသဵင်ႈတင်းလူင်၊ၵႃႈတီႈၸႂ်ဝိၺိၺ်ႇၵူၼ်းမူတ်းၸၢင်ႇတင်းလၢႆ

၂၄ ဢၼ်ႁွတ်ႈထိုင်တၢင်းဢၼ်ၸေးၸုမ်ႇၵႃႈတီႈၸဝ်ႈယေႇသုဢၼ်ပဵၼ်ၵူၼ်းဝူင်ႈၵၢင်ပတိၺိၺ်ႇတြႃးဢၼ်မႂ်ႇ၊ၵႃႈတီႈလိူတ်ႈတၢင်းဢၼ်ၸုပ်ႉၽႅတ်းဢၼ်မျၢတ်ႈလီလိူဝ်တွၼ်းၼႃႇသေလိူတ်ႈဢႃႇပေႇလၼၼ်ႉဢေႃႈ။

၂၅ လွင်ႈၼင်ႇႁိုဝ်သူတၵ်းဢမ်ႇထဵင်လႄႈပႄႇပႅတ်ႈၵႂၢမ်းၸဝ်ႈဢၼ်မီးဢမိင်ႉၼၼ်ႉၸိုင်ႁဵတ်းသတိတႃႉ။လွင်ႈမၼ်းၸမ်းပေႃးၵူၼ်းမဵဝ်းဢိသရေႇလယင်းဢမ်ႇလွတ်ႈၵွပ်ႈပိူဝ်ႈၶဝ်ပႄႇပႅတ်ႈၵႂၢမ်းမူဝ်းသေႇၵေႃႉဢၼ်သင်ႇလၢတ်ႈပျႃႇတိၵ်ႈၸဝ်ႈၵႃႈလိၼ်မိူင်းၼႆႉၼၼ်ႉပေႃးႁဝ်းထဵင်ပႅတ်ႈၽူႈဢၼ်လုၵ်ႉသေၵႃႈၼိူဝ်မိူင်းၵၢင်ႁၢဝ်လႄႈမီးမိင်ႉၼၼ်ႉၸိုင်ႁဝ်းတၵ်းၵၢင်းလွတ်ႈတင်းၽေးဢၼ်လီၵူဝ်ၼႃႇၼၼ်ႉလႆႈၸိူဝ်ႉၼင်ႇႁိုဝ်။

၂၆ မိူဝ်ႈၼၼ်ႉသဵင်မၼ်းၸဝ်ႈႁႂ်ႈလိၼ်မိူင်းသၼ်ႇဝႆဢေႃႈ။ၵူၺ်းၵႃႈတေႃႈလဵဝ်ၼႆႉမၼ်းၸဝ်ႈဝႆႉၵတိလႄႈဝႃႈ၊-ၵဝ်တၵ်းႁႂ်ႈလိၼ်မိူင်းသၼ်ႇၶွၼ်းဝႆထႅင်ႈလူးၵွၼ်ႇဢမ်ႇၵႃးၵၢင်ႁၢဝ်ၵေႃႈၵဝ်တၵ်းႁႂ်ႈသၼ်ႇၶွၼ်းဝႆလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။

၂၇ ဢထိၵ်ႈပႄႇၸမ်းၶႂ်ႈဝႃႈတၵ်းယႃႉပႅတ်ႈလွင်ႈတၢင်းဢၼ်သၼ်ႇၶွၼ်းဝႆတင်းလၢႆဢၼ်ပဵၼ်ၶိူင်ႈပိူင်လေႃးၵီႇၼၼ်ႉလႄႈႁႂ်ႈလွင်ႈတၢင်းဢၼ်ဢမ်ႇသၼ်ႇၶွၼ်းဝႆလႆႈၼၼ်ႉၵူၺ်းတႄႇယူႇဢေႃႈ။

၂၈ ပိူဝ်ႈၼႆၸင်ႇၵွပ်ႈပိူဝ်ႈဢၼ်ႁဝ်းလႆႈမိူင်းဢၼ်ဢမ်ႇသၼ်ႇၶွၼ်းဝႆလႆႈၼၼ်ႉလႄႈမီးၸႂ်တၢင်ႇၵျေးၸူးသေယဝ်ႉရူဝ်ႇသေႇၵူဝ်ယမ်ႁဵတ်းဝၢတ်ႈလီလီထုၵ်ႇထုၵ်ႇၵႃႈတီႈၽြႃးပဵၼ်ၸဝ်ႈလႆႈၼၼ်ႉတႃႉႁဝ်း။

၂၉ လွင်ႈမၼ်းၸမ်းၽြႃးပဵၼ်ၸဝ်ႈႁဝ်းပဵၼႆ်းဢၼ်မႆႈဢေႃႈ။