Shan Missions

လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ

Chapter          ၁           ၂           ၃           ၄           ၅           ၆         

၆

၁ ၼင်ႇႁိုဝ်ၼႃႇမႃႉၸိုဝ်သဵင်ၽြႃးပဵၼ်ၸဝ်ႈဢိၵ်ႇတင်းတြႃးၸဝ်ႈတၵ်းၵၢင်းလွတ်ႈတင်းတၢင်းဢၼ်သေႉသွမ်းၸိုင်ႁႂ်ႈၶႃႈဢၼ်ၶၢမ်ႇတၢင်းၸႂ်ႉတၢင်းသွႆၵႃႈမီးၼၼ်ႉမၢတ်ႈၸဝ်ႈၶဝ်ပဵၼ်ၵေႃႉဢၼ်ထိူၵ်ႈၶၢမ်ႇရူဝ်ႇသေႇၵူဝ်ယမ်ၼႃႇလူင်လၢင်ၼၼ်ႉတႃႉ။

၂ ပေႃးၸဝ်ႈၶဝ်ပဵၼ်ၵေႃႉဢၼ်ယုမ်ႇမၢတ်ႈၸိုင်ယႃႇပေႁႂ်ႈၶဝ်ၸိူဝ်းဢၼ်ပဵၼ်ၶႃႈၼၼ်ႉမီးၸႂ်ဝႃႈ၊ပဵၼ်ပီႈၼွင်ႉၵၼ်ဝႃႈၼႆလႄႈႁဵတ်းဢမ်ႇပေႃးၼင်ႇႁိုဝ်ၵႃႈၼိူဝ်ၸဝ်ႈၶဝ်ၼၼ်ႉ။ႁႂ်ႈၶဝ်ယဵင်ႈၶႅၼ်းၶၢမ်ႇတၢင်းဢၼ်ၸႂ်ႉသွႆတႃႉ။

၃ လွင်ႈမၼ်းၸမ်းၵေႃႉဢၼ်လႆႈၶၢမ်ႇဢဝ်ဢၵျူဝ်းၼၼ်ႉပဵၼ်ၵေႃႉဢၼ်ယုမ်ႇမၢတ်ႈၵေႃႉဢၼ်ထုၵ်ႇလီႁၵ်ႉလီပႅင်းဢေႃႈ။သင်ႇသွၼ်သုင်းမႃႉပၼ်ၸိူဝ်ႉၼင်ႇၼႆလႄႈတိုၵ်းယူင်းၶဝ်တႃႉ။

ဝႆႉသတိတၢင်းသင်ႇသွၼ်ဢၼ်ဢမ်ႇၸႅတ်ႈဢမ်ႇမၢၼ်ႇ

၄ ၵေႃႉဢၼ်သင်ႇသွၼ်ပၼ်ဢေႃးဝႃႇတႃႉဢၼ်ပႅၵ်ႇဢၼ်ပိူင်ႈ၊ၵေႃႉဢၼ်ဢမ်ႇႁပ်ႉတုင်းဢဝ်ၵႂၢမ်းၸဝ်ႈႁဝ်းၸဝ်ႈယေႇသုၶရိၸ်ႉဢၼ်ၶၢဝ်ၸၢင်ႇဢမ်ႇဢဝ်ဢေႃးဝႃႇတႃႉဢၼ်မႅၼ်ႈၼင်ႇတၢင်းဢၼ်မူၼ်ႈပျေႃႇၼႂ်းဝၢတ်ႈၽြႃးၼၼ်ႉၸမ်း၊ပဵၼ်ၵေႃႉဢၼ်မႃႇၼႃႉၸႂ်သုင်ၵေႃႉဢၼ်ဢမ်ႇႁူႉၵႃႈသင်လႃးလႃး၊ၵေႃႉဢၼ်ၸႂ်မဝ်မၢင်ႈၵွပ်ႈပိူဝ်ႈမၼ်းမေႃတိူင်ႇပၢင်ႇလွင်ႈပုၵ်ႉသႃႇတီႈတွင်ႈတီႈထၢမ်လႄႈတွပ်ႇထဵင်ၼၼ်ႉၵူၺ်းဢေႃႈ။

၅ ပေႃးႁဵတ်းတၢင်းဢၼ်သီႇၵေႉႁေႈတႃ၊တၢင်းဢၼ်ၽိတ်းၵၼ်၊တၢင်းဢၼ်ယႃႉသရေႇၵၼ်၊တၢင်းဢၼ်ၵျၢမ်ႇပွင်ဢၼ်ဢမ်ႇၼႃႇလူဝ်ႇ၊တၢင်းဢၼ်ႁူဝ်ၸႂ်တူႇၼဝ်ႈလႄႈဢမ်ႇမီးသမ်ႇမႃႇတြႃး၊တိူင်ႇပၢင်ႇလၢႆလၢႆဢမ်ႇပွင်ႇလွင်ႈၵႃႈသင်ဢေႃႈ။ၶဝ်ထၢင်ႇဝႃႈတၢင်းဢၼ်မူၼ်ႈပျေႃႇၼႂ်းဝၢတ်ႈတြႃးၼၼ်ႉပဵၼ်ၸီးပွႃးၵူၺ်းဢေႃႈ။

၆ ပေႃးမီးၸႂ်ဢၼ်ဢိမ်ႇၸႂ်ၼႂ်းဝၢတ်ႈၽြႃးၸိုင်ပဵၼ်ဢၵျူဝ်းၸီးပွႃးဢၼ်ယႂ်ႇၼႃႇလူင်လၢင်ဢေႃႈ။

၇ လွင်ႈမၼ်းၸမ်းႁဝ်းဢမ်ႇပႃးၵႃႈသင်မႃးၼႂ်းလေႃးၵႃႉၼႆႉ။မိူဝ်ႈဢၼ်ဢွၵ်ႇၵႂႃႇၼၼ်ႉၵေႃႈဢမ်ႇဢဝ်ၵႃႈသင်ဢွၵ်ႇၵႂႃႇလႆႈ။

၈ ၵွပ်ႈႁွႆးၼႆႉလႄႈပေႃးမီးတၢင်းၵိၼ်တၢင်းၼုင်ႈၸိုင်မီးၸႂ်ဢၼ်ဢိမ်ႇၸႂ်ၼိမ်ၸႂ်တႃႉႁဝ်း။ၶဝ်ၸိူဝ်းဢၼ်မီးဢလူဝ်ႇၶႂ်ႈမၢၵ်ႈၶႂ်ႈမီးၼၼ်ႉၸၢင်ႊတူၵ်းႁွတ်ႈၵႃႈၼႂ်းတၢင်းဢၼ်ဢပျႅတ်ႈၸူဝ်းၵႂႃႇၸူဝ်းပႆတၢင်းဢၼ်ၶမ်ၼႂ်းတူင်ႇႁဵဝ်ႉတၢင်းဢၼ်ၸႂ်ၸပ်းၸႂ်ၸွႆးဢၼ်မိူၵ်ႈဢၼ်လူႉလႅဝ်ၼမ်ၼႃႇၸိူဝ်းၼၼ်ႉဢေႃႈ။

၉ လွင်ႈတၢင်းၸိူဝ်ႉၼင်ႇၼၼ်ၼၼ်ႉၸၢင်ႊဢဝ်ၵူၼ်းတင်းလၢႆတူၵ်းၸူမ်ၵႃႈၼႂ်းတၢင်းဢၼ်ဢမ်ႇမီးဢၵျူဝ်းတၢင်းဢၼ်လူႉလႅဝ်ၸိူဝ်းၼၼ်ႉဢေႃႈ။

၁၀ လွင်ႈမၼ်းၸမ်းတၢင်းဢၼ်ၸႂ်ၸပ်းၸႂ်ၸွႆးငိုၼ်းၼၼ်ႉပဵၼ်မူႇလႃႉငဝ်ႈႁၢၵ်ႈၼႂ်းလွင်ႈတၢင်းဢၼ်ဢမ်ႇလီဢမ်ႇငၢမ်းတင်းသဵင်ႈတင်းလူင်ဢေႃႈ။ၵူၼ်းၵမ်ႈၽွင်ႈၵွပ်ႈပိူဝ်ႈၸႂ်ၸပ်းၸႂ်ၸွႆးၸိူဝ်ႉၼင်ႇၼၼ်လႄႈပိူင်ႈသဵၼ်ႈတၢင်းတြႃးတၢင်းယုမ်ႇမၢတ်ႈၼၼ်ႉၵႂႃႇသေယဝ်ႉဢဝ်ဝူၺ်ႇတၼႃႇတၢင်းဢၼ်မႆႈၸႂ်ယၢပ်ႇၸႂ်ၼမ်ၼႃႇၼၼ်ႉသဵပ်ႇတႅင်းတူဝ်ၸဝ်ႈၵဝ်ႇလႄႈႁႂ်ႈလူင်ႉႁႂ်ႈပွင်ႇယဝ်ႉ။

တၢင်းတိုၵ်းတေႃးဢၼ်လီၼႂ်းတၢင်းယုမ်ႇမၢတ်ႈ

၁၁ ပိူဝ်ႈၼႆလႄႈ၊မႂ်း၊ဢၼ်ပဵၼ်ၵူၼ်းၽြႃးပဵၼ်ၸဝ်ႈၼႆႉဢိူၺ်း၊ဝေႈပႅတ်ႈဢပျႅတ်ႈၸိူဝ်းၼၼ်ႉတႃႉ။ၸွမ်းႁႂ်ႈၶိုတ်းတၢင်းဢၼ်ၵမ်ၵျၢင်ႉဢၼ်သိုဝ်ႈတေႃႇတၢင်းဢၼ်မူၼ်ပျေႃႇၼႂ်းဝၢတ်ႈၽြႃးတၢင်းဢၼ်ယုမ်ႇမၢတ်ႈ၊တၢင်းဢၼ်ႁၵ်ႉပႅင်း၊တၢင်းဢၼ်ယိူၼ်ႉၶၢမ်ႇ၊တၢင်းဢၼ်ၼိမ်သိမ်ႇဢူၼ်ႈဢွၼ်ႇၸိူဝ်းၼၼ်ႉတႃႉ။

၁၂ ႁဵတ်းတၢင်းဢၼ်တိုၵ်းတေႃးဢၼ်လီဢၼ်ငၢမ်းဢၼ်ၸၢပ်ႈသႅင်ႇၵၼ်တင်းတၢင်းဢၼ်ယုမ်ႇမၢတ်ႈၼၼ်ႉတႃႉ။ယိပ်းၵမ်ဢဝ်ထႃႇဝရႃႉဢသၢၵ်ႈဢၼ်မၼ်းၸဝ်ႈပၼ်ၼႂ်းလွင်ႈတၢင်းဢၼ်မၼ်းၸဝ်ႈႁွင်ႉဢဝ်မိူဝ်ႈဢၼ်မႂ်းၶၢမ်ႇသၢၵ်ႈသေၽၢႆႇၼႃႈၵူၼ်းၼမ်ၼႃႇၼၼ်ႉတႃႉ။

၁၃ ၵႃႈတီႈၽၢႆႇၼႃႈၽြႃးပဵၼ်ၸဝ်ႈဢၼ်ႁႂ်ႈၵႃႈမီးတင်းသဵင်ႈတင်းလူင်ဢသၢၵ်ႈလိပ်းဢိၵ်ႇတင်းၵႃႈတီႈၽၢႆႇၼႃႈၸဝ်ႈယေႇသုၶရိၸ်ႉဢၼ်ၶၢမ်ႇသၢၵ်ႈသေႇဢၼ်လီဢၼ်ငၢမ်းၽၢႆႇၼႃႈၶုၼ်ပွၼ်ႇတိပိလၢတ်ႉၼၼ်ႉၵဝ်ပိင်းၺၢပ်ႈမႂ်းႁႂ်ႈမႂ်းလႆႈၵၢင်းလွတ်ႈတင်းတၢင်းဢၼ်ၵူဝ်ႈဢၼ်ၵိူၵ်ႇ၊

၁၄ ဢိၵ်ႇတင်းတီႈဢၼ်တၵ်းလႆႈတၢင်ႇဢပျႅတ်ႈၼၼ်ႉလႄႈပႂ်ႉၵမ်ပႂ်ႉၸွမ်းပိင်းၺၢပ်ႈၸဝ်ႈတေႃႇထိုင်ႁွတ်ႈၸဝ်ႈႁဝ်းၸဝ်ႈယေႇသုၶရိၸ်ႉတၵ်းပေႃႇမႃး၊

၁၅ ၸဝ်ႈဢၼ်ပဵၼ်ၸဝ်ႈသူႇလဵဝ်ပႃးလဵဝ်ဢၼ်မီးမင်ႇၵလႃႇ၊ၶုၼ်ႁေႃၶမ်းၼိူဝ်ၶုၼ်ႁေႃၶမ်းၵႃႈမီးတင်းသဵင်ႈတင်းလူင်၊ၸဝ်ႈၼိူဝ်ၸဝ်ႈၵႃႈမီးတင်းသဵင်ႈတင်းလူင်၊ၸဝ်ႈဢၼ်ၵၢင်းလွတ်ႈတင်းမႃႇရၼႃႉ

၁၆ ဢၼ်ယူႇၵႃႈၼႂ်းဢၼ်လႅင်းဢၼ်ၽူႈလႂ်ဢမ်ႇသုတ်ႈဢမ်ႇၸမ်လႆႈ၊ဢၼ်သူဢမ်ႇတွၼ်ႉႁၼ်ဢၼ်ၽူႈလႂ်ဢမ်ႇႁၼ်လႆႈၼၼ်ႉ၊တၵ်းၼႄပျႃးၼႂ်းၶိင်ႇၵႃႇလႃႉမိူဝ်ႈဢၼ်မၼ်းၸဝ်ႈႁွတ်ႈထိုင်ၼၼ်ႉဢေႃႈ။ႁႂ်ႈမၼ်းၸဝ်ႈမီးမူၼ်သရေႇဢႃႇၼူႉၽေႃႇထႃႇဝရႃႉသေၵမ်းလူၺ်ႈ။ဢႃႈမိၼ်ႈ။

တၢင်းဢၼ်သုင်းတိုဝ်းတၢင်းမၢၵ်ႈမီး

၁၇ ဝႆႉပိင်းၺၢပ်ႈတီႈၶဝ်ၸိူဝ်းဢၼ်ၸၢင်ႊမၢၵ်ႈၸၢင်ႊမီးၼႂ်းလေႃးၵႃႉၼႆႉႁႂ်ႈၶဝ်လႆႈၵၢင်းလွတ်ႈတင်းမႃႇၼႃႉၸႂ်သုင်၊ယင်းဢမ်ႇဢိင်ပိုင်ႈၸေးၸိမ်ဢၼ်ဢမ်ႇမၼ်ႈဢမ်ႇၶိူင်ႇၼၼ်ႉလႄႈႁႂ်ႈဢိင်ပိုင်ႈၽြႃးပဵၼ်ၸဝ်ႈဢၼ်ဢိတ်းလူပၼ်တင်းသဵင်ႈတင်းလူင်ၼမ်ၵိုၼ်းၼႃႇလူင်လၢင်ပုၼ်ႈဢၼ်ႁဝ်းတၵ်းလႆႈၸၢမ်ႇၸႃးၼၼ်ႉတႃႉ။

၁၈ ႁႂ်ႈၶဝ်ႁဵတ်းတၢင်းဢၼ်ႁဵတ်းၵျေးၸူးတီႈပိူၼ်ႈတၢင်းဢၼ်ၼမ်ၵိုၼ်းၼႂ်းတၢင်းၵမ်တၢင်းၵျၢင်ႉဢၼ်လီဢၼ်ငၢမ်း၊တၢင်းဢၼ်မီးၸႂ်ၸေႇတၼႃႇဢၼ်ၶႂ်ႈယိုၼ်ႈၶႂ်ႈပၼ်၊

၁၉ တၢင်းဢၼ်ၵေႃႉၼိုင်ႈလႄႈၵေႃႉၼိုင်ႈသိူၵ်ႈသမ်ႇႁူမ်ႈပွင်းၵၼ်၊တၢင်းဢၼ်သိမ်းပႅင်းၽၼ်ႇတႃႇဢၼ်လီဢၼ်ငၢမ်းပုၼ်ႈတူဝ်ၸဝ်ႈၵဝ်ႇၼႂ်းၸၢတ်ႈၼႃႈႁႂ်ႈလႆႈၶဝ်ႈၸၢမ်ႇၸႃးဢသၢၵ်ႈဢၼ်ၸိုဝ်ႈဢၼ်ၸႂ်ႈၼၼ်ႉတႃႉ။

ပုၼ်ႈၽွၼ်းလႄႈတၢင်းလီ

၂၀ ဢူဝ်းတိမေႃးသေႇဢိူၺ်း၊ပႂ်ႉၵမ်ပႂ်ႉၸွမ်းလွင်ႈတၢင်းဢၼ်ဢၢပ်ႈဝႆႉၵႃႈတီႈမႂ်းၼၼ်ႉတႃႉ။ဝေႈပႅတ်ႈတၢင်းဢၼ်လၢတ်ႈၵႂၢမ်းဢၼ်လၢႆလၢႆဢၼ်ဢမ်ႇၶဝ်ႈၼႂ်းတြႃးဢိၵ်ႇတင်းတၢင်းဢၼ်ၶတ်းၵၼ်တင်းတြႃးတၢင်းယုမ်ႇမၢတ်ႈဢၼ်ပဵၼ်ဢတၢတ်ႈပိင်ႇၺႃႇဢၼ်ၽိတ်းပိူင်ႈၼၼ်ႉတႃႉ။ႁႂ်ႈသူႉၵျေးၸူးၸဝ်ႈမီးၼိူဝ်သူသေၵမ်းလူၺ်ႈ။ဢႃႈမိၼ်ႈ။