Phi 2

လိၵ်ႈဢေႃးဝႃႇတႃႉၽိလိပ်ႉပိ

၂

၁ ပိူဝ်ႈၼႆလႄႈ၊ပေႃးမီးတၢင်းဢၼ်သၢၵ်ႈသႃႇၼႂ်းၸဝ်ႈၶရိၸ်ႉတၢင်းဢၼ်ၵတ်းယဵၼ်ၶျၢမ်းသႃႇဢၼ်ၸၢပ်ႈသႅင်ႇၵၼ်တင်းမႅတ်ႈတႃႇတၢင်းဢၼ်ႁဵတ်းမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းဝိၺိၺ်ႇၸဝ်ႈ၊တၢင်းဢၼ်ၸၢင်ႊႁၵ်ႉဢိတ်းလူၸိူဝ်းၼၼ်ႉသေၸိူဝ်ႉသေပိူင်ၸိုင်

၂ သူၵေႃႉၼိုင်ႈလႄႈၵေႃႉၼိုင်ႈႁၵ်ႉပႅင်းၵၼ်လႄႈယင်းဢမ်ႇမီးၸႂ်ဢၼ်ၽၢတ်ႇၽႄၵၼ်၊ပႃးတင်းတၢင်းၵျၢမ်ႇတၢင်းပွင်ႁွႆးလဵဝ်ၵၼ်၊မီးၸႂ်သၽေႃးဢၼ်လဵဝ်ၵၼ်သေလႄႈႁႂ်ႈလွင်ႈတၢင်းဢၼ်ၵဝ်သိူဝ်းပျေႃႇၼၼ်ႉၸေးၸုမ်ႇတႃႉ။

၃ ယႃႇပေမီးၸႂ်ဢၼ်ၶႂ်ႈၽိတ်းၵၼ်ၸႂ်ဢၼ်ၸပ်းဢၼ်ၸွႆးတင်းဢၼ်ၶႂ်ႈသႃႇႁၢဝ်ႉႁူင်ႁၢင်းဢၼ်ပဵၼ်လၢႆလၢႆဢမ်ႇပွင်ႇလွင်ႈသင်ၼၼ်ႉလႄႈႁဵတ်းလွင်ႈတၢင်းသေၸိူဝ်ႉသေပိူင်။

၄ မီးႁူဝ်ၸႂ်ဢၼ်ၶျႃးတႅမ်ႇသေလႄႈမၢတ်ႈပိူၼ်ႈတၢင်ႇၵေႃႉလီသေၵျႃႉသတေူဝ်ၸဝ်ႈၵဝ်ႇတႃႉ။

၅ ယႃႇပေတူၺ်းပုၼ်ႈဢလူဝ်ႇတူဝ်ၸဝ်ႈၵဝ်ႇၵူၺ်းလႄႈတူၺ်းထိုင်ဢလူဝ်ႇပိူၼ်ႈတၢင်ႇၵေႃႉတႃႉ။ႁႂ်ႈၸႂ်သၽေႃးဢၼ်မီးၼႂ်းၸဝ်ႈၶရိၸ်ႉၼၼ်ႉမီးၼႂ်းသူတႃႉ။

၆ မၼ်းၸဝ်ႈၼၼ်ႉပဵၵ်ႉသမ်ႉမီးတဵမ်ထူၼ်ႈတင်းလၢၵ်ႈၶၼႃႇၽြႃးပဵၼ်ၸဝ်ႈယူႇသေၵေႃႈယင်းဢမ်ႇတႅၵ်ႈဢမ်ႇတိူင်းၵၼ်တင်းၽြႃးပဵၼ်ၸဝ်ႈ။

၇ ၸုၼ်ႉပႅတ်ႈၵုင်ႇမူၼ်တူဝ်ၸဝ်ႈၵဝ်ႇသေယဝ်ႉဢဝ်ပုင်ႇႁၢင်ႊၶႃႈလႄႈၶၢမ်ႇတၢင်းဢၼ်ၵိူတ်ႇလဵင်ႉမႃးမိူၼ်ၸိူဝ်ႉၼင်ႇၵူၼ်းဢေႃႈ။

၈ တဵမ်ဝႆႉတင်းလၵ်ႈၶၼႃႇဢင်ႇၵႃႇၵူၼ်းသေယဝ်ႉၶျႃးတူဝ်ၸဝ်ႈၵဝ်ႇတူၵ်းတႅမ်ႇတေႃႇထိုင်ႁွတ်ႈထၼ်ႈပေႃးၶၢမ်ႇတၢႆဢေႃႈ။တေႃႇထိုင်ႁွတ်ႈၶၢမ်ႇတၢႆၵႃႈၼိူဝ်သဝ်လၵ်းဝႃးမိုဝ်းၼၼ်ႉဢေႃႈ။

၉ ၵွပ်ႈႁွႆးၼႆႉလႄႈၽြႃးပဵၼ်ၸဝ်ႈယုၵ်ႉယွင်ႈမၼ်းၸဝ်ႈၼႃႇလူင်လၢင်လႄႈပၼ်ၼႃႇမႃႉၸိုဝ်ႈသဵင်ဢၼ်ယႂ်ႇမျၢတ်ႈၼႃႇသေၼႃႇမႃႉၸိုဝ်ႈသဵင်တင်းသဵင်ႈတင်းလူင်ၼၼ်ႉတီႈမၼ်းၸဝ်ႈဢေႃႈ။

၁၀ ၼင်ႇၼၼ်လႄႈသတ်ႉတဝႃႇၵၢင်ႁၢဝ်သတ်ႉတဝႃႇလိၼ်မိူင်းသတ်ႉတဝႃႇဢၼ်မီးတႂ်ႈလိၼ်မိူင်းသတ်ႉတဝႃႇၵႃႈမီးတင်းသဵင်ႈတင်းလူင်တၵ်းလႆႈၶုပ်ႉၶဝ်ႇၵႃႈတီႈၼႃႇမႃႉၸိုဝ်ႈသဵင်ၸဝ်ႈယေႇသုၶရိၸ်ႉလႄႈဢဝ်တင်းသူပ်းႁပ်ႉတုင်းဢဝ်လႄႈဝႃႈ၊-

၁၁ ၸဝ်ႈယေႇသုၶရိၸ်ႉပဵၼ်ၸဝ်ႈဢေႃႈ၊ဝႃႈၼင်ႇၼႆလႄႈႁႂ်ႈမူၼ်သရေႇၽြႃးပေႃႈၸဝ်ႈထၢင်ႇသႃးမႃးဢေႃႈ။

တႃႇဝုၼ်ႇပုၼ်ႈၽွၼ်းၶရိၸ်ႉယၢၼ်ႇ

၁၂ ပိူဝ်ႈဢၼ်ပဵၼ်ၸိူဝ်ႉၼင်ႇၼၼ်လႄႈၵေႃႉဢၼ်ၵဝ်ႁၵ်ႉၶဝ်ဢိူၺ်း၊ၸိူဝ်ႉၼင်ႇဢၼ်သူထွမ်ႇဢဝ်တႂ်ႈတႃၵဝ်ၼၼ်ႉၵူၺ်းဢမ်ႇၵႃး၊လပ်ႉလင်ၵဝ်ၵေႃႈသူထွမ်ႇဢဝ်ယူႇသေႇသေႇၼၼ်ႉဢွၼ်ၵၼ်မီးတင်းၸႂ်ဢၼ်ႁူဝ်ႇသေႇၵူဝ်ယမ်သေလႄႈၵႆႉၶတ်းၸႂ်ႁႂ်ႈလႆႈတၢင်းၵႄႇၶျွတ်ႈဢဝ်တူဝ်ၸဝ်ႈၵဝ်ႇတႃႉ။

၁၃ လွင်ႈမၼ်းၸမ်းပဵၼ်ၽြႃးပဵၼ်ၸဝ်ႈပဵၼ်ၽူႈဢၼ်ပွင်ႁဵတ်းပွင်မႄးၵႃႈၼႂ်းသူႁႂ်ႈသူပႃးတင်းၸေႇတၼႃႇၸဝ်ႈသေလႄႈႁဵတ်းသၢင်ႈပုၼ်ႈတၢင်းၸူမ်းသိူဝ်းမၼ်းၸဝ်ႈဢေႃႈ။

၁၄ ယင်းဢမ်ႇမီးတၢင်းဢၼ်ပွင်ႉဢၼ်မိုၼ်တၢင်းဢၼ်တွပ်ႇဢၼ်ထဵင်လႄႈႁဵတ်းတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်၊သူတၵ်းဢမ်ႇမီးတီႈဢၼ်တၢင်ႇဢပျႅတ်ႈ၊ဢမ်ႇၽိတ်းဢမ်ႇပိူင်ႈၽူႈလႂ်သေၵေႃႉသေၵူၼ်းလႄႈတၵ်းပဵၼ်လုၵ်ႈၽြႃးပဵၼ်ၸဝ်ႈဢၼ်ဢမ်ႇပႃးဢပျႅတ်ႈၵႃႈသင်ၼႂ်းမဵဝ်းၵူၼ်းဢၼ်ဢမ်ႇသိုဝ်ႈဢမ်ႇတေႃႇလႄႈၸၢင်ႊၽွၵ်ႈပျၢၼ်ႇၼၼ်ႉဢေႃႈ။

၁၅ သူၼႄပျႃႉၼုၵ်ႉၵပၢတ်ႈတြႃးဢၼ်ၸၢပ်ႈသႅင်ႇၵၼ်တင်းတၢင်းဢၼ်ဢသၢၵ်ႈလိပ်းၼၼ်ႉလႄႈႁိူဝ်ႈလႅင်းယူႇၵႃႈၼႂ်းၵူၼ်းမဵဝ်းၼႆႉမိူၼ်ၸိူဝ်ႉၼင်ႇၵၢင်ဝၼ်း၊လိူၼ်၊လၢဝ်၊ဢၼ်မီးၼႂ်းၸၵျႃႉဝလႃႇၼၼ်ႉဢေႃႈ။

၁၆ ယိပ်းၵမ်ဢဝ်ၼုၵ်ႉၵပၢတ်ႈဢသၢၵ်ႈလႄႈၼႂ်းဝၼ်းၸဝ်ႈၶရိၸ်ႉၼၼ်ႉၵဝ်တၵ်းလႆႈဢုပ်ႇဝၢဝ်းလႄႈဝႃႈ၊-တၢင်းၶုၼ်ႇလႅၼ်ႈၵဝ်တၢင်းႁဵတ်းၵဝ်ဢမ်ႇပဵၼ်လၢႆလၢႆလွၵ်ႇလွၵ်ႇ၊ဝႃႈၼႆဢေႃႈ။

၁၇ လိူဝ်သေၼၼ်ႉပဵၵ်ႉသမ်ႉၵဝ်လႆႈၶၢမ်ႇတၢင်းဢၼ်သွၼ်းလေႃႇမိူၼ်ၼင်ႇယိၸ်ႉတၢင်းလူႇပုၵ်ႉၸေႃႇဢၼ်ပဵၼ်မႃးၵွပ်ႈတၢင်းယုမ်ႇမၢတ်ႈသူၼၼ်ႉၸိုင်ၵဝ်မီးတၢင်းဢၼ်သိူဝ်းပျေႃႇဢမ်ႇၵႃးမီးတၢင်းဢၼ်သိူဝ်းပျေႃႇလူၺ်ၵၼ်တင်းသူၵႃႈမီးတင်းသဵင်ႈတင်းလူင်ယူႇဢေႃႈ။

၁၈ မိူၼ်ၸိူဝ်ႉၼင်ႇၼၼ်သူၵေႃႈသိူဝ်းပျေႃႇတႃႉ။မီးတၢင်းဢၼ်သိူဝ်းပျေႃႇလူၺ်ႈၵၼ်တင်းၵဝ်တႃႉ။

တိမေႃးသေႇတင်းဢေႇပၽရေႃႇတိတ်ႉႁွတ်ႈထိုင်မႃး

၁၉ ၵဝ်မီးတၢင်းဢၼ်ဢိင်ပိုင်ႈၼႂ်းၸဝ်ႈယေႇသုသေလႄႈဢမ်ႇပေႃးႁိုင်ပေႃးၼၢၼ်းၵဝ်တၵ်းလႆႈပွႆႇၸႂ်ႉတိမေႃးသေႇၵႂႃႇၵႃႈတီႈဢၼ်သူမီးၼၼ်ႉသေယဝ်ႉႁႂ်ႈၵဝ်လႆႈႁူႉလွင်ႈသူလႄႈႁႂ်ႈၸႂ်ၵဝ်လႆႈသၢၵ်ႈသႃႇဢေႃႈ။

၂၀ လွင်ႈမၼ်းၸမ်းတီႈၵဝ်ၼႆႉဢမ်ႇမီးၵေႃႉဢၼ်မီးၸႂ်သၽေႃးမိူၼ်ၵၼ်တင်းမၼ်းဢၼ်မီးၸႂ်ၸေႇတၼႃႇဢၼ်ၶႂ်ႈလူႈၶႂ်ႈတူၺ်းဢၵျူဝ်းသူၼၼ်ႉ။

၂၁ ၶဝ်တင်းသဵင်ႈတင်းလူင်ၸၢင်ႊႁႃဢၵျူဝ်းပုၼ်ႈတူဝ်ၸဝ်ႈၵဝ်ႇၵူၺ်းလႄႈဢမ်ႇႁႃဢၵျူဝ်းပုၼ်ႈၸဝ်ႈယေႇသုၶရိၸ်ႉ။

၂၂ ၵူၺ်းၵႃႈသူႁူႉသၢၵ်ႈသေႇဢၼ်မၼ်းၼႄပျႃးလွင်ႈဢၼ်မၼ်းပွင်ႁဵတ်းၵၢၼ်တြႃးသတၢင်းသိူဝ်းပျေႃႇလူၺ်ႈၵၼ်တင်းၵဝ်မိူၼ်ၸိူဝ်ႉၼင်ႇလုၵ်ႈလၢင်းပွင်ႁဵတ်းၵၢၼ်လူၺ်ႈၵၼ်တင်းပေႃႈၼၼ်ႉဢေႃႈ။

၂၃ ပိူဝ်ႈၼႆလႄႈမိူဝ်ႈဢၼ်ၵဝ်ႁူႉလွင်ႈဢၼ်တၵ်းပဵၼ်မႃးၸိူဝ်ႉၼင်ႇႁိုဝ်တီႈၵဝ်ၼၼ်ႉ၊ၵဝ်ၵျၢမ်ႇပွင်ႁႂ်ႈလႆႈပွႆႇၸႂ်ႉမၼ်းၵႂႃႇၵႃႈတီႈဢၼ်သူမီးၼၼ်ႉၵမ်းလဵဝ်ယူႇဢေႃႈ။

၂၄ လိူဝ်သေၼႆႉဢမ်ႇၵႃးၵဝ်မီးတၢင်းယုမ်ႇမၢတ်ႈၼႂ်းၸဝ်ႈၽြႃးဝႃႈၵဝ်ၵေႃႈတၵ်းလႆႈမႃးတီႈသူၶၼ်ၶၼ်ၽႂ်းၽႂ်းယူႇဢေႃႈ။

၂၅ ၵဝ်ထၢင်ႇၵဝ်ထုၵ်ႇလီပွႆႇၸႂ်ႉဢေႇပၽရေႃႇတိတ်ႉဢၼ်ပဵၼ်ၵေႃႉသေႈၵဝ်ၼႂ်းတၢင်းဢၼ်ပွင်ႁဵတ်းဢမူႉၸဝ်ႈၵူၼ်းသိုၵ်းၼင်ႇတင်းၵဝ်ၵေႃႉဢၼ်လူႈတူၺ်းၵဝ်ဢၼ်ပဵၼ်တမၢၼ်ႇသူၼၼ်ႉၵႂႃႇၵႃႈတီႈသူဢေႃႈ။

၂၆ လွင်ႈမၼ်းၸမ်းမၼ်းၸႂ်ထိုင်သူတင်းသဵင်ႈတင်းလူင်လႄႈမီးၸႂ်ဢမ်ႇသႃႇၵွပ်ႈပိူဝ်ႈဢၼ်သူလႆႈငိၼ်းဝႃႈမၼ်းမီးတၢင်းၶႆႈတၢင်းပဵၼ်ၼၼ်ႉဢေႃႈ။

၂၇ မၼ်းမီးတၢင်းၶႆႈတၢင်းပဵၼ်တေႃႇထိုင်ႁွတ်ႈထၼ်ႈပေႃးၸမ်တၵ်းတၢႆတႄႉတႄႉဢေႃႈ။ၽြႃးပဵၼ်ၸဝ်ႈဢိတ်းလူမၼ်းဢေႃႈ။ဢိတ်းလူမၼ်းၵူၺ်းဢမ်ႇၸႂ်ႈ။ၵဝ်ၵေႃႈမၼ်းၸဝ်ႈဢိတ်းလူဢေႃႈ။ဢမ်ႇႁႂ်ႈၵဝ်လႆႈမီးတၢင်းဢၼ်ၸႂ်လဵၵ်ႉၶိူဝ်းၶိူဝ်းယႂ်းယႂ်းဢေႃႈ။

၂၈ ပိူဝ်ႈၼႆလႄႈၵဝ်ယဵင်ႈၶႅၼ်းၶတ်းၸႂ်ပွႆႇၸႂ်ႉမၼ်းၵႂႃႇႁႂ်ႈသူၶိုၼ်းလႆႈထူပ်းလႆႈႁၼ်မၼ်းလႄႈသိူဝ်းပျေႃႇၵူၺ်းဢမ်ႇၵႃးႁႂ်ႈၸႂ်ၵဝ်လႆႈသၢၵ်ႈသႃႇဢေႃႈ။

၂၉ ပိူဝ်ႈၼႆလႄႈထွၵ်ႈလူၺ်ႈၸဝ်ႈၽြႃးသေယဝ်ႉမီးၸႂ်ဢၼ်သိူဝ်းပျေႃႇသေလႄႈႁပ်ႉတွၼ်ႈမၼ်းတႃႉ။

၃၀ ပၼ်ၵုင်ႇသရေႇတီႈၵူၼ်းၸိူဝ်ႉၼင်ႇၼၼ်တႃႉ။လွင်ႈမၼ်းၸမ်းၼင်ႇႁိုဝ်တၵ်းႁႂ်ႈဝၢတ်ႈဢၼ်သူဢမ်ႇၸၢင်ႊပွင်ႁဵတ်းတီႈၵဝ်ၼၼ်ႉပေႃးတၵ်းလႆႈတဵမ်ထူၼ်ႈၸိုင်၊မၼ်းႁတ်းၶၢမ်ႇၸုၼ်ႉဢသၢၵ်ႈတူဝ်ၸဝ်ႈၵဝ်ႇတေႃႇထိုင်ႁွတ်ႈမၼ်းၸမ်တၵ်းတၢႆၼႂ်းဢမူႉၸဝ်ႈၶရိၸ်ႉယဝ်ႉ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ