1 Pet 1

လိၵ်ႈဢေႃးဝႃႇတႃႉပေႇတရုၽိုၼ်ပထမ

၁

ၵႂၢမ်းတၵ်ႉလၢတ်ႈ

၁ ၵဝ်၊ပေႇတရုဢၼ်ပဵၼ်တမၢၼ်ႇၸဝ်ႈယေႇသုၶရိၸ်ႉၼႆႉတႅမ်ႈပၼ်ငိၼ်းၵႂႃႇၵႃႈတီႈၶႅၵ်ႇဢႃႇၵၼ်ႇတူႉဢၼ်ၽၢတ်ႇၽႄၵၼ်မီးယူႇၵူႈတီႈၵူႈလႅၼ်ၵႃႈၼႂ်းမိူင်းပွၼ်ႇတု၊မိူင်းၵလႃႇတိ၊

၂ မိူင်းၵၢပ်ႉပတေႃႇၵိ၊မိူင်းဢႃႇသိ၊ဢိၵ်ႇတင်းမိူင်းပိသုၼိ၊ဢၼ်ပဵၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်မၼ်းၸဝ်ႈလိူၵ်ႈၵဵပ်းဢဝ်ၵႃႈၼင်ႇၺၢၼ်ႇဢၼႃႇၵတမ်ႇသႃႉၸဝ်ႈပေႃႈၽြႃးပဵၼ်ၸဝ်ႈလႄႈႁွတ်ႈထိုင်တၢင်းဢၼ်ဝိၺိၺ်ႇၸဝ်ႈႁႂ်ႈမူတ်းၸၢင်ႇႁႂ်ႈလႆႈၶၢမ်ႇဢဝ်ၵျေးၸူးတၢင်းဢၼ်ထွမ်ႇဢဝ်ဢိၵ်ႇတင်းၵျေးၸူးဢၼ်ဢဝ်တင်းလိူတ်ႈၸဝ်ႈယေႇသုၶရိၸ်ႉၽႅတ်းသႂ်ႇၼၼ်ႉဢေႃႈ။ႁႂ်ႈၵျေးၸူးၸဝ်ႈဢိၵ်ႇတင်းတၢင်းၼိမ်ၸဝ်ႈၼမ်မႃးၵိုၼ်းမႃးၵႃႈတီႈသူသေၵမ်းလူၺ်ႈ။

ၸဝ်ႈယေႇသုဢၼ်လုၵ်ႉၶိုၼ်းလိပ်း

၃ ႁႂ်ႈၽြႃးပဵၼ်ၸဝ်ႈ၊ပေႃႈၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးမင်ႇၵလႃႇသေၵမ်းလူၺ်ႈ။ၸွမ်းလူၺ်ႈၵရူႉၼႃႇမၼ်းၸဝ်ႈဢၼ်ယႂ်ႇၼႃႇၼၼ်ႉမၼ်းၸဝ်ႈပၼ်တၢင်းဢၼ်မုင်ႈထႃႈမွင်းထႃႈဢၼ်ၸၢပ်ႈသႅင်ႇၵၼ်တင်းတၢင်းဢၼ်ဢသၢၵ်ႈလိပ်းၵွပ်ႈပိူဝ်ႈတၢင်းဢၼ်မၼ်းၸဝ်ႈ

၄ ႁႂ်ႈၸဝ်ႈယေႇသုၶရိၸ်ႉလုၵ်ႉၵႃႈတၢင်းတၢႆၶိုၼ်းလိပ်းသေယဝ်ႉႁႂ်ႈႁဝ်းလႆႈၶၢမ်ႇဢမူၺ်ႇၸဝ်ႈဢၼ်ၵၢင်းလွတ်ႈတင်းတၢင်းဢၼ်တူႇဢၼ်ၼဝ်ႈတၢင်းဢၼ်ၵူဝ်ႈဢၼ်ၵိူၵ်ႇတၢင်းဢၼ်ႁဵဝ်ႇဢၼ်ၸွပ်ႈၼၼ်ႉဢေႃႈ။

၅ ဢမူၺ်ႇၸဝ်ႈၼၼ်ႉၸမ်းသိမ်းဝႆႉၵႃႈၼိူဝ်မိူင်းၵၢင်ႁၢဝ်ပုၼ်ႈသူၸိူဝ်းဢၼ်လႆႈၶၢမ်ႇတၼ်းၶူဝ်းၽြႃးပဵၼ်ၸဝ်ႈပႂ်ႉထိင်းၸွမ်းလူၺ်ႈတၢင်းယုမ်ႇမၢတ်ႈသူၼၼ်ႉလႄႈႁႂ်ႈသူလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢၼ်မႄးဝႆႉႁႂ်ႈလႆႈထၢင်ႇသႃးၼႂ်းၶိင်ႇၵႃႇလႃႉၵမ်းလိုၼ်းပုၼ်ႉဢေႃႈ။

၆ ပေႃးမီးလွင်ႈဢၼ်တၵ်းလႆႈၶၢမ်ႇတၢင်းဢၼ်ၸႅတ်ႈထၢမ်ၸၢမ်းတူၺ်းၵူႈၸိူဝ်ႉၵူႈပိူင်ၸိုင်ပဵၵ်ႉသမ်ႉသူလႆႈၶၢမ်ႇၵမ်းဢွၼ်ႇၼိုင်ႈတေႃႈလဵဝ်ၼႆႉလႄႈၸႂ်လဵၵ်ႉသေၵေႃႈသူထွၵ်ႈလူၺ်ႈၵျေးၸူးဢၼ်ဝႃႈမႃးယဝ်ႉမိူဝ်ႈဢွၼ်တၢင်းၼၼ်ႉသေလႄႈမီးၸႂ်ဢၼ်မူၼ်ႈပျေႃႇယူႇတႃႉ။

၇ လွင်ႈတၢင်းဢၼ်ၸႅတ်ႈထၢမ်ၸၢမ်းတူၺ်းတၢင်းယုမ်ႇမၢတ်ႈသူၼၼ်ႉယဵင်ႈၶႅၼ်းမျၢတ်ႈလီၼႃႇသငေိုၼ်းၶမ်းဢၼ်ၸၢင်ႊလူႉၸၢင်ႊလႅဝ်ၼၼ်ႉလႄႈတၵ်းပဵၼ်တၢင်းဢၼ်ယွင်ႈယေႃးၵုင်ႇသရေႇမူၼ်ဢႃႇၼူႉၽေႃႇၼႂ်းမိူဝ်ႈဢၼ်ၸဝ်ႈယေႇသုၶရိၸ်ႉပေႃႇမႃးၼၼ်ႉဢေႃႈ။

၈ ပဵၵ်ႉသမ်ႉသူဢမ်ႇတွၼ်ႉႁၼ်မၼ်းၸဝ်ႈသေၵေႃႈသူႁၵ်ႉမၼ်းၸဝ်ႈဢေႃႈ။ပဵၵ်ႉသမ်ႉတေႃႈလဵဝ်ၼႆႉသူဢမ်ႇႁၼ်မၼ်းၸဝ်ႈသေၵေႃႈသူယုမ်ႇမၢတ်ႈမၼ်းၸဝ်ႈလႄႈမီးၸႂ်ဢၼ်သိူဝ်းသႂၢင်ႇၼႃႇဢၼ်လၢတ်ႈဢမ်ႇသဵင်ႈလႆႈဢၼ်ၸၢပ်ႈသႅင်ႇၵၼ်တင်းမူၼ်သရေႇၼၼ်ႉဢေႃႈ။

၉ သူလႆႈၶၢမ်ႇဢဝ်ဢၵျူဝ်းတၢင်းယုမ်ႇမၢတ်ႈဢၼ်ပဵၼ်တၢင်းဢၼ်ၵႄႇၶျွတ်ႈဢဝ်ၸႂ်ဝိၺိၺ်ႇၼၼ်ႉဢေႃႈ။

သၢၵ်ႈသေႇပရေႃးၽႅတ်ႈ

၁၀ လွင်ႈတၢင်းဢၼ်ၵႄႇၶျွတ်ႈဢဝ်ၼၼ်ႉ၊ပရေႃးၽႅတ်ႈတင်းလၢႆၸႅတ်ႈထၢမ်ၸၢမ်းတူၺ်းႁႃဢဝ်ၸေးၸေးၸွတ်ႇၸွတ်ႇယဝ်ႉၸင်ႇႁေႃးလၢတ်ႈလွင်ႈၵျေးၸူးၸဝ်ႈဢၼ်သူလႆႈၶၢမ်ႇဢဝ်ၼၼ်ႉယဝ်ႉ။

၁၁ ၼႂ်းမိူဝ်ႈဢၼ်ဝိၺိၺ်ႇၸဝ်ႈၶရိၸ်ႉဢၼ်မီးယူႇၵႃႈၼႂ်းၶဝ်ၶၢမ်ႇသၢၵ်ႈသေႇလွင်ႈဢၼ်ၸဝ်ႈယေႇသုတၵ်းလႆႈၶၢမ်ႇဢိၵ်ႇတင်းလွင်ႈၸေးၸိမ်ႇဢၼ်မၼ်းၸဝ်ႈတၵ်းလႆႈၸၢမ်ႇၸႃးၼၼ်ႉၸိုင်ၶဝ်ဢွၼ်ၵၼ်တွင်ႉထၢမ်လႄႈႁႃဢဝ်ႁႂ်ႈလႆႈႁူႉလွင်ႈၼၼ်ႉတၵ်းပဵၼ်ပုၼ်ႈၽူႈလႂ်၊တၵ်းပဵၼ်ၶိင်ႇၵႃႇလႃႉလႂ်ၼၼ်ႉဢေႃႈ။

၁၂ တီႈၶဝ်ၼၼ်ႉမၼ်းၸဝ်ႈၽုၺ်ႇဢွၵ်ႇၼႄပျႃးလွင်ႈဢၼ်ဝႃႈ၊လွင်ႈတၢင်းၼၼ်ႉလႆႈပွင်ႁဵတ်းပုၼ်ႈတူဝ်ၶဝ်ဢမ်ႇၸႂ်ႈ။ပဵၼ်ပုၼ်ႈသူၼႂ်းလွင်ႈတၢင်းဢၼ်ၵူၼ်းမူတ်းၸၢင်ႇၸဝ်ႈဢၼ်မၼ်းၸဝ်ႈပွႆႇၸႂ်ႉဢွၵ်ႇသေၵႃႈတီႈမိူင်းၵၢင်ႁၢဝ်ပုၼ်ႉမႃးလႄႈႁေႃးလၢတ်ႈတြႃးသတၢင်းသိူဝ်းပျေႃႇတီႈသူဢၼ်တမၢၼ်ႇၵၢင်ႁၢဝ်တင်းလၢႆၶႂ်ႈလူတူၺ်းႁူႉၸႅင်ႈၼၼ်ႉဢေႃႈ။

ႁႂ်ႈမီးၸူဝ်ႈတႃႇဢသၢၵ်ႈဢၼ်မူတ်းၸၢင်ႇ

၁၃ ပိူဝ်ႈၼႆလႄႈႁတ်ႉသၢႆဢႅဝ်ၵႃႈတီႈႁူဝ်ၸႂ်သူသေလႄႈမီးသမ်ႇမႃႇသတိယူႇတႃႉ။မုင်ႈထႃႈမွင်းထႃႈသူႉၵျေးၸူးၸဝ်ႈဢၼ်တၵ်းႁွတ်ႈထိုင်တီႈသူမိူဝ်ႈဢၼ်ၸဝ်ႈယေႇသုၶရိၸ်ႉတၵ်းပေႃႇမႃးၼၼ်ႉတႃႉ။

၁၄ ပဵၼ်ၸိူဝ်ႉၼင်ႇလုၵ်ႈဢွၼ်ႇဢၼ်ၸၢင်ႊထွမ်ႇဢဝ်ၼၼ်ႉလႄႈယႃႇပေမီးတၢင်းဢၼ်ၸွႆးၸပ်းၵႃႈၼႂ်းလပ်းသိင်ႇမိူဝ်ႈဢွၼ်ၼႆႉၼၼ်ႉလႄႈ

၁၅ မီးတၢင်းဢၼ်မူတ်းၸၢင်ႇယူႇၼႂ်းၵႃႈဢၼ်ၵမ်ၵျၢင်ႉသၢင်ႈႁဵတ်းတင်းသဵင်ႈတင်းလူင်ၸိူဝ်ႉၼင်ႇဢၼ်ၸဝ်ႈဢၼ်ႁွင်ႉဢဝ်သူမူတ်းၸၢင်ႇၼၼ်ႉတႃႉ။

၁၆ လွင်ႈမၼ်းၸမ်းၵျၢမ်းလိၵ်ႈမႃးလႄႈဝႃႈ၊-ၵွပ်ႈပိူဝ်ႈဢၼ်ၵဝ်မူတ်းၸၢင်ႇလႄႈသူၵေႃႈမီးတၢင်းဢၼ်မူတ်းၸၢင်ႇတႃႉ၊ဝႃႈၼင်ႇၼႆဢေႃႈ။

၁၇ ပေႃးသူႁွင်ႉမၼ်းၸဝ်ႈၸဝ်ႈဢၼ်ဢမ်ႇတူၺ်းၼႃႈၵူၼ်းလႄႈၸီႇယၢင်ႇၸွမ်းၼင်ႇတၢင်းၵမ်တၢင်းၵျၢင်ႉၵူၼ်းတင်းသဵင်ႈတင်းလူင်ၼၼ်ႉလႄႈဝႃႈ၊-ၸဝ်ႈပေႃႈ၊ဝႃႈၼင်ႇၼႆၸိုင်၊သူမီးတင်းၸႂ်ဢၼ်ၵူဝ်ႁႄသေလႄႈၵမ်ၵျၢင်ႉယူႇၼႂ်းၶိင်ႇၵႃႇလႃႉၸူဝ်ႈဢၼ်ယင်းတိုၵ်ႉပဵၼ်ၶႅၵ်ႇယူႇၼၼ်ႉတႃႉ။

၁၈ မၢတ်ႈတွင်းလွင်ႈဢၼ်မၼ်းၸဝ်ႈဢဝ်တင်းငိုၼ်းတင်းၶမ်းဢၼ်ပဵၼ်ဢုၵ်ႉၸႃႇဢၼ်ၸၢင်ႊလူႉၸၢင်ႊလႅဝ်ၼၼ်ႉသေလႄႈထူတ်ႇဢဝ်သူဢွၵ်ႇသေၵႃႈၼႂ်းတၢင်းဢၼ်ၵမ်ၵျၢင်ႉသၢင်ႈႁဵတ်းလၢႆလၢႆဢမ်ႇပွင်ႇလွင်ႈၵႃႈသင်ဢၼ်သိုပ်ႇလူင်းမႃးၵႃႈတီႈပူႇမွၼ်ႇသူၼၼ်ႉဢမ်ၸႂ်ႈ။

၁၉ မၼ်းၸဝ်ႈဢဝ်တင်းလိူတ်ႈမျၢတ်ႈၸဝ်ႈၶရိၸ်ႉ၊ဢၼ်ပဵၼ်ၸိူဝ်ႉၼင်ႇသူဝ်းဢွၼ်ႇဢၼ်ဢမ်ႇမီးဢပျႅတ်ႈၵႃႈသင်လႃးလႃးလႄႈၵၢင်းလွတ်ႈတင်းတၢင်းဢၼ်ၵူဝ်ႈဢၼ်ၵိူၵ်ႇၼၼ်ႉထူတ်ႇဢဝ်သူဢေႃႈ။

၂၀ ၸဝ်ႈၶရိၸ်ႉၼၼ်ႉလႆႈၶၢမ်ႇတၢင်းဢၼ်ၶၢၼ်းဝႆႉၸႃႉၸဵမ်မိူဝ်ႈၸူဝ်ႈဢၼ်ၵမ်ႇၽႃႇၼႆႉဢမ်ႇပႆႇတႄႇပႆႇမီးၼၼ်ႉလႄႈတေႃႈလဵဝ်ၼႆႉၵေႃႈထၢင်ႇသႃးဝႆႉပုၼ်ႈသူၸိူဝ်းဢၼ်ယုမ်ႇမၢတ်ႈၽြႃးပဵၼ်ၸဝ်ႈၵွပ်ႈပိူဝ်ႈမၼ်းၸဝ်ႈၼႂ်းၶိင်ႇၵႃႇလႃႉလိုၼ်းသုတ်းမိူဝ်ႈလဵဝ်ၼႆႉယဝ်ႉ။

၂၁ ၵွပ်ႈလူၺ်ႈမၼ်းၸဝ်ႈလႄႈသူလႆႈႁွတ်ႈထိုင်တၢင်းဢၼ်ယုမ်ႇမၢတ်ႈၽြႃးပဵၼ်ၸဝ်ႈၸဝ်ႈဢၼ်ႁႂ်ႈမၼ်းၸဝ်ႈလုၵ်ႉၵႃႈတၢင်းတၢႆၶိုၼ်းလိပ်းလႄႈပၼ်မူၼ်သရေႇတီႈမၼ်းၸဝ်ႈၼၼ်ႉဢေႃႈ။ႁႂ်ႈမီးတၢင်းယုမ်ႇမၢတ်ႈဢိၵ်ႇတင်းတၢင်းဢၼ်မုင်ႈထႃႈမွင်းထႃႈၵႃႈၼိူဝ်ၽြႃးပဵၼ်ၸဝ်ႈတႃႉ။

၂၂ ၸိူဝ်ႉၼင်ႇဢၼ်သူလႆႈထွမ်ႇဢဝ်သမ်ႇမႃႇတြႃးၵႃႈၼႂ်းၸႂ်သူယူႇသေလႄႈႁႂ်ႈႁူဝ်ၸႂ်သူမူတ်းသႂ်ႁႂ်ႈလႆႈႁၵ်ႉပႅင်းဢမၢၼ်ႇၶၼ်ပဵၼ်ၼၼ်ႉၼင်ႇၵၼ်ၵၼ်မီးတၢင်းႁၵ်ႉမႅတ်ႈတႃႇဢၼ်ႁႅင်းယႂ်ႇၼႃႇတီႈၵၼ်တႃႉ။

၂၃ သူသမ်ႉၶိုၼ်းၵိူတ်ႇပဵၼ်မႃးမိူၼ်ၸိူဝ်ႉၼင်ႇမဵတ်ႉၽၼ်းဢၼ်ၸၢင်ႊလူႉၸၢင်ႊလႅဝ်ၼၼ်ႉဢမ်ႇၸႂ်ႈ။ၵွပ်ႈပိူဝ်ႈဢၼ်ၶိုၼ်းၵိူတ်ႇပဵၼ်မႃးမိူၼ်ၸိူဝ်ႉၼင်ႇမဵတ်ႉၽၼ်းဢၼ်ဢမ်ႇၸၢင်ႊလူႉၸၢင်ႊလႅဝ်ဢၼ်ပဵၼ်ၼုၵ်ႉၵပၢတ်ႈၽြႃးပဵၼ်ၸဝ်ႈဢၼ်ဢသၢၵ်ႈလိပ်းၼၼ်ႉလႄႈတႄႇယူႇသေႇသေႇၼၼ်ႉဢေႃႈ။

၂၄ လွင်ႈမၼ်းၸမ်းမဵဝ်းၵူၼ်းၵႃႈမီးတင်းသဵင်ႈတင်းလူင်ပဵၼ်ၸိူဝ်ႉၼင်ႇတူၼ်ႈယိူဝ်ႈတူၼ်ႈယႃႈၼၼ်ႉဢေႃႈ။မူၼ်ၽုင်းၵူၼ်းၵႃႈမီးတင်းသဵင်ႈတင်းလူင်ၼၼ်ႉၵေႃႈပဵၼ်ၸိူဝ်ႉၼင်ႇမွၵ်ႇယိူဝ်ႈမွၵ်ႇယႃႈၼၼ်ႉဢေႃႈ။တူၼ်ႈယိူဝ်ႈတူၼ်ႈယႃႈၼၼ်ႉၸၢင်ႊႁဵဝ်ႇၸွပ်ႈႁႅင်ႈၵႂႃႇဢေႃႈ။

၂၅ မွၵ်ႇမၼ်းၵေႃႈၸၢင်ႊလူၼ်ႇၵႂႃႇႁူင်ႈၵႂႃႇဢေႃႈ။ၼုၵ်ႉၵပၢတ်ႈတြႃးထႃႇဝရႃႉၽြႃးၸမ်းတႄႇယူႇသေႇသေႇဢေႃႈ။ၼုၵ်ႉၵပၢတ်ႈတြႃးၼၼ်ႉပဵၼ်တြႃးသတၢင်းသိူဝ်းပျေႃႇဢၼ်ႁေႃးလၢတ်ႈတီႈသူၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ