Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၁၈

လွင်ႈတၢင်းဢၼ်မိူင်းပႃႇပုလုၼ်ႇလူမ်ႉပင်း

၁ လိုၼ်းၼၼ်ႉၵဝ်ႁၼ်တမၢၼ်ႇၵၢင်ႁၢဝ်တၢင်ႇပႃးဢၼ်တဵမ်ဝႆႉတင်းတၼ်းၶူဝ်းဢၼ်ယႂ်ႇၼႃႇၼၼ်ႉလုၵ်ႉသေၵႃႈတီႈၼိူဝ်ၵၢင်ႁၢဝ်လူင်းမႃးဢေႃႈ။ၵွပ်ႈပိူဝ်ႈသၢႆဢရွင်ႇမၼ်းၼၼ်ႉလႄႈလိၼ်မိူင်းႁိူဝ်လႅင်းၵႂႃႇဢေႃႈ။

၂ မၼ်းႁဵတ်းတင်းသဵင်ဢၼ်ႁႅင်းၼႃႇႁွင်ႉသႅၼ်ႇလႄႈဝႃႈ၊-ဝဵင်းပႃႇပုလုၼ်ႇလူမ်ႉပင်းယဝ်ႉ။လူမ်ႉပင်းယဝ်ႉ။ပဵၼ်တီႈယူႇၽီႁၢႆႉၵႂႃႇယဝ်ႉ။ပဵၼ်ၶုမ်ပဵၼ်ႁူးဝိၺိၺ်ႇဢၼ်ၵူဝ်ႈၵိူၵ်ႇလႄႈလီႁင်ႈၵူႈၸိူဝ်ႉၵူႈမဵဝ်းၵႂႃႇယဝ်ႉ။

၃ လွင်ႈမၼ်းၸမ်းၵူၼ်းမဵဝ်းတင်းသဵင်ႈတင်းလူင်ဢွၼ်ၵၼ်ၵိၼ်ၼမ်ႉၸပိတ်ႉမေႇထုင်ႇဢၼ်ဢမ်ႇတြႃးမၼ်းယဝ်ႉ။ၶုၼ်ႁေႃၶမ်းလေႃးၵီႇတင်းလၢႆႁဵတ်းမေႇထုင်ႇဢၼ်ဢမ်ႇတြႃးလူၺ်ႈၵၼ်တင်းမၼ်းယဝ်ႉ။

၄ ၸဝ်ႈၵုၼ်ႇသိၼ်လေႃးၵီႇတင်းလၢႆၵေႃႈၸၢင်ႊမၢၵ်ႈၸၢင်ႊမီးၵွပ်ႈပိူဝ်ႈၵႃႇမၵုင်ႇၸေးၸိမ်ႇတၢင်းဢၼ်မၼ်းလိူင်ႇၸႂ်ၼၼ်ႉယဝ်ႉ၊ဝႃႈၼင်ႇၼႆဢေႃႈ။

ၵဝ်ငိၼ်းသဵင်တၢင်ႇၸိူဝ်ႉတၢင်ႇဢၼ်ၵႃႈၼိူဝ်ၵၢင်ႁၢဝ်ၼၼ်ႉလၢတ်ႈဝႃႈ၊-ၵူၼ်းမဵဝ်းၵဝ်ဢိူၺ်း၊ဢွၼ်ၵၼ်ဢွၵ်ႇသေၵႃႈၼႂ်းမၼ်းလႄႈႁႂ်ႈလႆႈၵၢင်းလွတ်ႈတင်းတၢင်းဢၼ်သိူၵ်ႈသမ်ႇၵၼ်တင်းဢပျႅတ်ႈမၼ်းဢိၵ်ႇတင်းတၢင်းဢၼ်ၶၢမ်ႇၽေးတၢမ်ႇမၼ်းၼၼ်ႉတႃႉ။

၅ လွင်ႈမၼ်းၸမ်းဢပျႅတ်ႈမၼ်းတင်းလၢႆၶိုတ်ႉထိုင်ၵၢင်ႁၢဝ်ပုၼ်ႉလႄႈၽြႃးပဵၼ်ၸဝ်ႈၶုၵ်းၸႂ်လႆႈလွင်ႈတၢင်းဢၼ်ဢမ်ႇတြႃးမၼ်းၸိူဝ်းၼၼ်ႉယဝ်ႉ။

၆ တွပ်ႇတႅၼ်းပၼ်ၶိုၼ်းဢၵျူဝ်းဢပျႅတ်ႈတီႈမၼ်းၸွမ်းၵႃႈၼင်ႇဢၼ်မၼ်းပၼ်ၼၼ်ႉတႃႉ။ထွၵ်ႇႁိုဝ်ႈပၼ်မၼ်းသွင်ပုၼ်ႊၵႃႈၼႂ်းၵွၵ်းဢၼ်မၼ်းထွၵ်ႇႁိုဝ်ႈၼၼ်ႉတႃႉ။

၇ ၸွမ်းၵႃႈၼင်ႇဢၼ်မၼ်းယွင်ႈယေႃးတူဝ်ၸဝ်ႈၵဝ်ႇလႄႈမူၼ်ႈပျေႃႇၼႂ်းၵႃႇမၵုင်ႇၼၼ်ႉႁႂ်ႈဝူၺ်ႇတၼႃႇတၢင်းဢၼ်ၼိၵ်ႈၸၢၵ်ႈငႅၼ်းသေးဢိၵ်ႇတင်းတၢင်းဢၼ်ၸႂ်ဢမ်ႇသႃႇလႄႈၶင်းၶီၶင်းၽၢၼ်ၼၼ်ႉပဵၼ်ၵႃႈတီႈမၼ်းတႃႉ။လွင်ႈမၼ်းၸမ်းမၼ်းထၢင်ႇၼႂ်းၸႂ်လႄႈဝႃႈ၊-ၵဝ်ပဵၼ်ၼၢင်းႁေႃၶမ်းဢေႃႈ။ၵဝ်ဢမ်ႇပဵၼ်မေႈမုၵ်ႉမေႈမၢႆႈ။တၵ်းဢမ်ႇလႆႈမီးတၢင်းဢၼ်ၸႂ်ဢမ်ႇသႃႇလႄႈၶင်းၶီၶင်းၽၢၼ်ၼၼ်ႉ၊ဝႃႈၼင်ႇၼႆၼၼ်ႉဢေႃႈ။

၈ ပိူဝ်ႈၼႆလႄႈၼႂ်းဝၼ်းလဵဝ်ၵူၺ်းၽေးတၢမ်ႇဢၼ်ပဵၼ်ၽေးတၢင်းတၢႆၽေးတၢင်းဢၼ်ၸႂ်ဢမ်ႇသႃႇလႄႈၶင်းၶီၶင်းၽၢၼ်ၽေးတၢင်းဢၼ်ဢိုပ်းယၢၵ်ႈၸိူဝ်းၼၼ်ႉတၵ်းႁွတ်ႈထိုင်ၵႃႈၼိူဝ်မၼ်းလႄႈမၼ်းတၵ်းလႆႈၶၢမ်ႇတၢင်းဢၼ်ၽႆးမႆႈပႅတ်ႈဢေႃႈ။ပဵၼ်ၽြႃးပဵၼ်ၸဝ်ႈဢၼ်မုၼ်ၽုင်းယႂ်ႇၸီႇယၢင်ႇဢေႃႈ။

တၢင်းဢၼ်ပွင်ႉၶင်းလူၺ်ႈပႃႇပုလုၼ်ႇ

၉ ၶုၼ်ႁေႃၶမ်းလေႃးၵီႇဢၼ်ႁဵတ်းမေႇထုင်ႇဢၼ်ဢမ်ႇတြႃးလူၺ်ႈၵၼ်တင်းမၼ်းလႄႈမူၼ်ႈပျေႃႇၼႂ်းၵႃႇမၵုင်ႇၸိူဝ်းၼၼ်ႉမိူဝ်ႈဢၼ်ႁၼ်ၵႂၼႆ်းးတီႈဢၼ်မႆႈၽႆးၼၼ်ႉၸိုင်တၵ်းၸုၵ်းယူႇတီႈဢၼ်ၵႆၵွပ်ႈပိူဝ်ႈ

၁၀ ဢၼ်ၵူဝ်ႁႄဝူၺ်ႇတၼႃႇတၢင်းဢၼ်ၼိၵ်ႈၸၢၵ်ႈငႅၼ်းသေးဢၼ်မၼ်းလႆႈၶၢမ်ႇယူႇၼၼ်ႉလႄႈဢွၼ်ၵၼ်ႁွင်ႉႁႆႈလႄႈၸႂ်ဢမ်ႇသႃႇၶင်းၶီၶင်းၽၢၼ်ၵွပ်ႈပိူဝ်ႈမၼ်းလႄႈဝႃႈ၊-မၼ်းပဵၼ်ၸိူဝ်ႉၼင်ႇၼႆမၼ်းပဵၼ်ၸိူဝ်ႉၼင်ႇၼႆဝဵင်းပႃႇပုလုၼ်ႇဢိူၺ်း၊ဝဵင်းဢၼ်ႁူင်ႁၢင်းဢိူၺ်း၊ၼႂ်းၼႃႇရီႇၼိုင်ႈၵူၺ်းတၢင်းဢၼ်လူႉလႅဝ်ႁွတ်ႈထိုင်ၵႃႈၼိူဝ်မႂ်းယဝ်ႉလူင်ပေႇ၊ဝႃႈၼင်ႇၼႆဢေႃႈ။

၁၁ မိူၼ်ၸိူဝ်ႉၼင်ႇၼၼ်ၸဝ်ႈၵုၼ်ႇသိၼ်လေႃးၵီႇတင်းလၢႆတၵ်းဢွၼ်ၵၼ်ႁွင်ႉႁႆႈလႄႈၸႂ်ဢမ်ႇသႃႇၶင်းၶီၶင်းၽၢၼ်ယူႇဢေႃႈ။

၁၂ လွင်ႈမၼ်းၸမ်းၵမ်းလိုၼ်းၽူႈလႂ်တၵ်းဢမ်ႇသိုဝ်ႉဢဝ်ဢုၵ်ႉၸႃႇတၢင်းဢၼ်ၶဝ်ၵႃႉၶဝ်ၶၢႆဢၼ်ပဵၼ်ၶမ်း၊ငိုၼ်း၊သႅင်လီ၊ပူးလေး၊ပိၵ်ႈၶျေႃး၊ၶတီႇပႃႇ၊ၽႄး၊ၽႃႈလႅင်ႊ၊မႆႉသိၼ်ၵူႈမဵဝ်း၊ၶိူင်ႈငႃးၸၢင်ႉၵူႈမဵဝ်း၊ၶိူင်ႈမႆႉဢၼ်လီၵူႈမဵဝ်း၊ၶိူင်ႈတွင်းလိူင်၊

၁၃ ၶိူင်ႈလဵၵ်း၊ၶိူင်ႈမၢၵ်ႇႁိၼ်ၽိူၵ်ႇ၊ၵိင်ႇႁွမ်၊ဢမေႇမုင်ႇ၊ၼၢမ်ႇသႃႇၵူႈမဵဝ်း၊ၼမ်ႉမၼ်းႁွမ်၊လေႃႇပၢၼ်ႇ၊ၼမ်ႉၸပိတ်ႉ၊ၼမ်ႉမၼ်း၊ၽွင်ၶဝ်ႈမုၼ်း၊ၶဝ်ႈသၢၼ်ၵျုင်ႇ၊ဝူဝ်း၊သူဝ်း၊မႃႉ၊ရထႃး၊ၶႃႈ၊ဝိၺိၺ်ႇၵူၼ်းတင်းလၢႆၸိူဝ်းၼၼ်ႉ။ၶဝ်တၵ်းဝႃႈ၊-

၁၄ မၢၵ်ႇဢၼ်ႁူဝ်ၸႂ်သူၸပ်းၸွႆးၼႃႇလူင်လၢင်ၸိူဝ်းၼၼ်ႉၵေႃႈႁၢႆၵႂႃႇသဵင်ႈယဝ်ႉ။ၶိူင်ႈဢၼ်ပီးဢၼ်မၼ်းၶိူင်ႈဢၼ်သၢင်ႇထုၵ်ႇၵႃႈမီးတင်းသဵင်ႈတင်းလူင်ႁၢႆၵႂႃႇသဵင်ႈယဝ်ႉ။

၁၅ ၵမ်းလိုၼ်းဢမ်ႇလႆႈထူပ်းလႆႈႁၼ်။ၸဝ်ႈၵုၼ်ႇသိၼ်ဢၼ်ဢိင်ပိုင်ႈမၼ်းလႄႈၸၢင်ႊလႆႈငိုၼ်းၵွပ်ႈပိူဝ်ႈဢၼ်သိုဝ်ႉဢၼ်ၶၢႆၶိူင်ႈၸိူဝ်ႉၼင်ႇၼၼ်ၸိူဝ်းၼၼ်ႉတၵ်းၸုၵ်းယူႇတီႈဢၼ်ၵႆၵွပ်ႈပိူဝ်ႈဢၼ်ၵူဝ်ႁႄဝူၺ်ႇတၼႃႇတၢင်းဢၼ်ၼိၵ်ႈၸၢၵ်ႈငႅၼ်းသေးဢၼ်မၼ်းလႆႈၶၢမ်ႇယူႇၼၼ်ႉလႄႈဢွၼ်ၵၼ်ႁွင်ႉႁႆႈလႄႈၸႂ်ဢမ်ႇသႃႇၶင်းၶီၶင်းၽၢၼ်လႄႈဝႃႈ၊-

၁၆ မၼ်းပဵၼ်ၸိူဝ်ႉၼင်ႇၼႆမၼ်းပဵၼ်ၸိူဝ်ႉၼင်ႇၼႆ။ဝဵင်းလူင်ဢၼ်ၼုင်ႈမႆႊပိၵ်ႈၶျေႃးဢိၵ်ႇတင်းၶူဝ်းလႅင်ႊတင်းၶူဝ်းၵမ်ႇလႄႈႁၢင်ႈၶိူင်ႈၶမ်း၊ၶိူင်ႈသႅင်လီ၊ၶိူင်ႈပူးလေးၼႆႉၼႂ်းၼႃႇရီႇၼိုင်ႈၵူၺ်းၸေးၸိမ်ႇဢၼ်ယႂ်ႇၼႃႇထၢၼ်ႇၼႆႉလူႉလႅဝ်ယဝ်ႉလူင်ပေႇ၊ဝႃႈၼင်ႇၼႆဢေႃႈ။

၁၇ ၵႄႇႁိူဝ်းသၢင်းၽေႃးတင်းသဵင်ႈတင်းလူင်ၶဝ်ၸိူဝ်းဢၼ်ၶၢမ်ႈၼမ်ႉၵႂႃႇၵူႈတီႈၵူႈလႅၼ်တင်းသဵင်ႈတင်းလူင်ၵူၼ်းႁိူဝ်းသၢင်းၽေႃးတင်းလၢႆဢိၵ်ႇတင်းၸဝ်ႈၵုၼ်ႇသိၼ်ပၢင်ႇလၢႆႇၵႃႈမီးၸိူဝ်းၼၼ်ႉတၵ်းၸုၵ်းယူႇတီႈဢၼ်ၵႆလႄႈ

၁၈ မိူဝ်ႈဢၼ်ႁၼ်ၵႂၼ်းၽႆးတီႈဢၼ်မၼ်းမႆႈၽႆးၼၼ်ႉၸိုင်တၵ်းႁွင်ႉသႅၼ်ႇလႄႈဝႃႈ၊-ဝဵင်းဢၼ်လႂ်တၵ်းမိူၼ်ၵၼ်တင်းဝဵင်းၼႆႉဝႃႈၼင်ႇၼႆဢေႃႈ။

၁၉ ၶဝ်ၼၼ်ႉတၵ်းဢဝ်မုၼ်ႈလိၼ်ပိုၼ်သႂ်ႇၵႃႈၼိူဝ်ႁူဝ်တူဝ်ၸဝ်ႈၵဝ်ႇယူႇႁွင်ႉႁႆႈယူႇလႄႈၸႂ်ဢမ်ႇသႃႇၶင်းၶီၶင်းၽၢၼ်ယူႇသေလႄႈဝႃႈ၊-မၼ်းပဵၼ်ၸိူဝ်ႉၼင်ႇၼႆမၼ်းပဵၼ်ၸိူဝ်ႉၼင်ႇၼႆ။ဝဵင်းလူင်ဢၼ်ဢဝ်ၸေးၸိမ်ႇတူဝ်ၸဝ်ႈၵဝ်ႇပၼ်တီႈၶဝ်ၸိူဝ်းဢၼ်ဢုပ်ႉပိူင်ႇႁိူဝ်းသၢင်းၽေႃးဢၼ်ၶၢမ်ႈပၢင်ႇလၢႆႇလႄႈႁႂ်ႈၸၢင်ႊလႆႈငိုၼ်းၼၼ်ႉၼႂ်းၼႃႇရီႇၼိုင်ႈၵူၺ်းလူႉလႅဝ်ယဝ်ႉလူင်ပေႇ၊ဝႃႈၼင်ႇၼႆဢေႃႈ။

၂၀ ၸႃႉၸဵမ်ၵၢင်ႁၢဝ်လႄႈၵူၼ်းမူတ်းၸၢင်ႇဢိၵ်ႇတင်းတမၢၼ်ႇၸဝ်ႈတင်းပရေႃးၽႅတ်ႈၶဝ်ဢိူၺ်း၊တူၺ်းမၼ်းလႄႈသိူဝ်းပျေႃႇတႃႉ။ၽြႃးပဵၼ်ၸဝ်ႈယူႇၽၢႆႇသူသေလႄႈၸီႇယၢင်ႇတြႃးတီႈမၼ်းယဝ်ႉ၊ဝႃႈၼင်ႇၼႆဢေႃႈ။

၂၁ တမၢၼ်ႇၵၢင်ႁၢဝ်ဢၼ်ႁႅင်းယႂ်ႇၼႃႇပႃးၼိုင်ႈယွင်ႊဢဝ်မၢၵ်ႇႁိၼ်ဢၼ်မိူၼ်ၸိူဝ်ႉၼင်ႇမၢၵ်ႇႁိၼ်လုၺ်ၼၼ်ႉသေလႄႈထိမ်ႈတူၵ်းသႂ်ႇၵႃႈၼႂ်းပၢင်ႇလၢႆႇသေယဝ်ႉလၢတ်ႈလႄႈဝႃႈ၊-မိူၼ်ၸိူဝ်ႉၼင်ႇၼၼ်ဝဵင်းပႃႇပုလုၼ်ႇတၵ်းလႆႈၶၢမ်ႇတၢင်းဢၼ်ဢဝ်တင်းႁႅင်းဢၼ်ယႂ်ႇၼႃႇထိမ်ႈတူၵ်းသႂ်ႇလႄႈၵမ်းလိုၼ်းဢမ်ႇလႆႈပေႃႇလႆႈမီး။

၂၂ သဵင်ၵေႃႉဢၼ်လဵတ်းတိင်ႇ၊ၵေႃႉဢၼ်ႁႆႇသဵင်ဢူၼ်ႈသဵင်ဢွၼ်ႇ၊ၵေႃႉဢၼ်ပဝ်ႇပီႇပဝ်ႇၼႄး၊ၵေႃႉဢၼ်ပဝ်ႇၼႄးၶရႃႇၸိူဝ်းၼၼ်ႉၵေႃႈၵမ်းလိုၼ်းဢမ်ႇလႆႈလင်ႊလႆႈမေႃးၵႃႈၼႂ်းသူ။ၶဝ်ၸိူဝ်းဢၼ်မေႃတိၼ်မေႃမိုဝ်းၵေႃႈၵမ်းလိုၼ်းဢမ်ႇလႆႈပေႃႇလႆႈမီးၵႃႈၼႂ်းသူသေၵေႃႉသေၵူၼ်း။သဵင်လုၺ်ၶဝ်ႈၵေႃႈၵမ်းလိုၼ်းဢမ်ႇလႆႈႁူၼ်ႈလႆႈမေႃးၵႃႈၼႂ်းသူ။

၂၃ ဢၼ်လႅင်းၵွၵ်းၽႆးၵေႃႈၵမ်းလိုၼ်းဢမ်ႇလႆႈႁိူဝ်ႈလႆႈလႅင်းၵႃႈၼႂ်းမႂ်း။သဵင်ၽူႈၸၢႆးၽူႈယိင်းသွင်ႇမင်ႇၵလႃႇၵေႃႈၵမ်းလိုၼ်းဢမ်ႇလႆႈငိၼ်းၵႃႈၼႂ်းသူ။လွင်ႈမၼ်းၸမ်းၸဝ်ႈၵုၼ်ႇသိၼ်သူၸိူဝ်းၼၼ်ႉပဵၼ်မူးမၢတ်ႈၽွင်းမိူင်းလေႃးၵီႇယဝ်ႉ။ၵူၼ်းၵူႈၸိူဝ်ႉၵူႈမဵဝ်းၼၼ်ႉလႆႈၶၢမ်ႇတၢင်းဢၼ်ပႅတ်ႉလႅၼ်ၵွပ်ႈပိူဝ်ႈပရီႉယႄႇတၢင်းဢၼ်သူၸေႃႉသူႁဵတ်းၼၼ်ႉယဝ်ႉ၊ဝႃႈၼင်ႇၼႆဢေႃႈ။

၂၄ လိူတ်ႈပရေႃးၽႅတ်ႈဢိၵ်ႇတင်းလိူတ်ႈၵူၼ်းမူတ်းၸၢင်ႇတင်းလၢႆတင်းလိူတ်ႈၵူၼ်းၵႃႈဢၼ်ဢဝ်တၢႆၵႃႈၼိူဝ်လိၼ်မိူင်းၼႆႉတင်းသဵင်ႈတင်းလူင်ၼၼ်ႉထူပ်းႁၼ်ၵႃႈၼႂ်းဝဵင်းၼၼ်ႉဢေႃႈ။