Shan Missions

လိၵ်ႈဢေႃးဝႃႇတႃ့ယူဝ်းႁၢၼ်ႇၽိုၼ်တုတိယ

Chapter         ၁          

၁

၁ ၵေႃႉဢၼ်ဢသၢၵ်ႈယႂ်ႇတႅမ်ႈပၼ်ငိၼ်းၵႂႃႇတီႈမေႈဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဝႆႉဢိၵ်ႇတင်းလုၵ်ႈလၢင်းမၼ်းဢၼ်ၵဝ်ႁၵ်ႉပႅင်းၼႂ်းသမ်ႇမႃႇတြႃးဢၼ်ၶဝ်ၸိူဝ်းဢၼ်ႁူႉသမ်ႇမႃႇတြႃးႁၵ်ႉပႅင်းၼၼ်ႉဢေႃႈ။

၂ သမ်ႇမႃႇတြႃးတႄႇယူႇၼႂ်းႁဝ်းလႄႈတၵ်းမီးယူႇတီႈႁဝ်းတႃႇသေႇဢေႃႈ။

၃ ႁႂ်ႈၵျေးၸူးဢိၵ်ႇတင်းၵရူႉၼႃႇတင်းတၢင်းၼိမ်ၼႂ်းသမ်ႇမႃႇတြႃးဢၼ်ပဵၼ်မႃးၵႃႈတီႈပေႃႈၸဝ်ႈၽြႃးပဵၼ်ၸဝ်ႈဢိၵ်ႇတင်းၵႃႈတီႈၸဝ်ႈယေႇသုၶရိၸ်ႉလုၵ်ႈပေႃႈၸဝ်ႈၼၼ်ႉမီးၼိူဝ်သူသေၵမ်းလူၺ်ႈ။

၄ မိူဝ်ႈဢၼ်ၵဝ်ထူပ်းႁၼ်လုၵ်ႈလၢင်းသူၵမ်ႈၽွင်ႈၸွမ်းၵႂႃႇၸွမ်းပႆယူႇၼႂ်းသမ်ႇမႃႇတြႃးၸွမ်းၼင်ႇဢၼ်ႁဝ်းလႆႈၶၢမ်ႇဢဝ်ပိင်းၺၢပ်ႈၸဝ်ႈၵႃႈတီႈၸဝ်ႈၼၼ်ႉၵဝ်မီးတၢင်းဢၼ်သိူဝ်းပျေႃႇၼႃႇလူင်လၢင်ဢေႃႈ။

၅ မေႈယိင်းၶဝ်ဢိူၺ်း၊တေႃႈလႅဝ်ၼႆႉၵဝ်တႅမ်ႈပိင်းၺၢပ်ႈၸဝ်ႈဢၼ်မႂ်ႇလႄႈပၼ်ႇၵႂႃႇတီႈသူဢမ်ႇၸႂ်ႈ။ၵဝ်တႅမ်ႈပိင်းၺၢပ်ႈၸဝ်ႈဢၼ်မီးယူႇတီႈႁဝ်းၸဵမ်မိူဝ်ႈၵေႃႇၸႃႉဢွၼ်ၼႆႉၼၼ်ႉလႄႈတွင်းပၢၼ်ႇႁႂ်ႈႁဝ်းၼင်ႇၵၼ်ၵၼ်လႆႈမီးတၢင်းႁၵ်ႉမႅတ်ႈတႃႇတီႈၵၼ်ၼၼ်ႉဢေႃႈ။

၆ တၢင်းဢၼ်ပႂ်ႉၵမ်ပႂ်ႉၸွမ်းၵႃႈၼင်ႇပိင်းၺၢပ်ႈမၼ်းၸဝ်ႈတင်းလၢႆမီးၼၼ်ႉပဵၼ်တၢင်းႁၵ်ႉမႅတ်ႈတႃႇဢေႃႈ။မႅၼ်ႈၵႃႈၼင်ႇဢၼ်သူလႆႈငိၼ်းၸႃႉၸဵမ်မိူဝ်ႈၵေႃႇၸႃႉဢွၼ်ၼႆႉၼၼ်ႉပိင်းၺၢပ်ႈၸဝ်ႈမီးဝႆႉၸမ်းႁႂ်ႈသူတၵ်းလႆႈပႆၼႂ်းတၢင်းႁၵ်ႉမႅတ်ႈတႃႇဢေႃႈ။

၇ ၶဝ်ၸိူဝ်းဢၼ်ပႅတ်ႉဢၼ်လႅၼ်ဢၼ်ထဵင်ပႅတ်ႈလွင်ႈဢၼ်ဝႃႈၸဝ်ႈယေႇသုၶရိၸ်ႉမႃးၶၢမ်ႇဢဝ်ၸႃႇတိၵူၼ်းဢေႃႈ၊ဢၼ်ဝႃႈၼၼ်ႉဢွၵ်ႇၵႂႃႇၸူးၵႃႈတီႈၼႂ်းလေႃးၵႃႉၼႆႉၼမ်ၼႃႇယဝ်ႉ။ၶဝ်ပဵၼ်ၵေႃႉဢၼ်ပႅတ်ႉလႅၼ်ဢေႃႈ။ဢၼ်ႇတိၶရိၸ်ႉၵေႃႈပဵၼ်ဢေႃႈ။

၈ လွင်ႈၼင်ႇႁိုဝ်တၵ်းဢမ်ႇလူႉဢမ်ႇႁၢႆဢၼ်သူပွင်ႁဵတ်းယူႇၼၼ်ႉလႄႈတၵ်းလႆႈသူးလၢပ်ႈဢၼ်ၸေးၸုမ်ႇၸိုင်ဢွၼ်ၵၼ်ႁဵတ်းသတိတူဝ်ၸဝ်ႈၵဝ်ႇသေလႄႈပႂ်ႉယူႇတႃႉ။

၉ ၵေႃႉဢၼ်ဢမ်ႇတႄႇယူႇၼႂ်းတေႇသၼႃႇၸဝ်ႈၶရိၸ်ႉလႄႈပူၼ်ႉလိူဝ်ၼၼ်ႉဢမ်ႇႁူႉၸၵ်းၽြႃးပဵၼ်ၸဝ်ႈ။ၵေႃႉဢၼ်တႄႇယူႇၼႂ်းတေႇသၼႃႇၸဝ်ႈၶရိၸ်ႉၼၼ်ႉႁူႉၸၵ်းပေႃႈၸဝ်ႈဢိၵ်ႇတင်းလုၵ်ႈၸဝ်ႈဢေႃႈ။

၁၀ ပေႃးၵေႃႉဢၼ်ဢမ်ႇပႃးတေႇသၼႃႇလႄႈမႃးၵႃႈတီႈသူၸိုင်သူယႃႇပေႁပ်ႉတုင်းဢဝ်မၼ်းဝႆႉၵႃႈၼႂ်းႁိူၼ်းသူ။ယႃႇပေတၵ်ႉလၢတ်ႈမၼ်းလႄႈဝႃႈ၊-

၁၁ ႁႂ်ႈမီးမင်ႇၵလႃႇသေၵမ်းလူၺ်ႈ၊ဝႃႈၼင်ႇၼႆႉ။ပေႃးသူတၵ်ႉလၢတ်ႈၵေႃႉၼၼ်ႉလႄႈဝႃႈ၊-ႁႂ်ႈမီးမင်ႇၵလႃႇသေၵမ်းလူၺ်ႈ၊ဝႃႈၼႆၸိုင်ပဵၼ်တၢင်းဢၼ်သိူၵ်ႈသမ်ႇၵၼ်တင်းတၢင်းႁဵတ်းဢၼ်ႁၢႆႉဢၼ်မိူၵ်ႈမၼ်းၸိူဝ်းၼၼ်ႉဢေႃႈ။

၁၂ ပဵၵ်ႉသမ်ႉၵဝ်မီးလွင်ႈဢၼ်လီတႅမ်ႈပၼ်ၵႂႃႇတီႈသူၼမ်ၼႃႇသေၵေႃႈၵဝ်ဢမ်ႇမီးဢလူဝ်ႇၶႂ်ႈဢဝ်တင်းၼမ်ႉမိုၵ်ႉတႅမ်ႈသႂ်ႇၵႃႈၼိူဝ်ၸေႈ။လွင်ႈၼင်ႇႁိုဝ်တၢင်းသိူဝ်းပျေႃႇတီႈႁဝ်းတၵ်းၸေးၸုမ်ႇၸိုင်ၵဝ်မုင်ႈထႃႈမွင်းထႃႈလွင်ႈဢၼ်ၵဝ်တၵ်းမႃးတီႈသူသေလႄႈလၢတ်ႈၵႂၢမ်းတေႃႇၵၼ်တင်းသူၼၼ်ႉယူႇဢေႃႈ။

၁၃ လုၵ်ႈလၢင်းမေႈယိင်းဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဝႆႉတင်းသဵင်ႈတင်းလူင်တၵ်ႉၼၢႆသူယူႇဢေႃႈ။