Shan Missions

လိၵ်ႈဢေႃးဝႃႇတႃ့ယႃႇၵုပ်ႉ

Chapter           ၁          ၂          ၃          ၄          ၅         

၃

သူပ်းၵႂၢမ်းပဵၼ်သၢၵ်ႈသေႇတၢင်းယုမ်ႇမၢတ်ႈ

၁ ပီႈၼွင်ႉတင်းလၢႆၶဝ်ဢိူၺ်း၊သူႁူႉလွင်ႈဢၼ်သြႃႇၼၼ်ႉတၵ်းလႆႈၶၢမ်ႇတၢင်းဢၼ်ၸီႇယၢင်ႇယဵင်ႈၶႅၼ်းၼမ်ၼႃႇၼၼ်ႉလႄႈသူယႃႇပေႁဵတ်းသြႃႇၼမ်ၼႃႇလူင်လၢင်ၽႅဝ်။

၂ ႁဝ်းၵႃႈမီးၸၢင်ႊတိူဝ်ႉမႅၼ်ႈလႄႈလူမ်ႉၵွပ်ႈပိူဝ်ႈလွင်ႈတၢင်းၼမ်ၼႃႇဢေႃႈ။ၵေႃႉဢၼ်ဢမ်ႇတိူဝ်ႉမႅၼ်ႈလႄႈလူမ်ႉၵႂပ်ႈပိူဝ်ႈသူပ်းၵႂၢမ်းၼၼ်ႉပဵၼ်ၵေႃႉဢၼ်ၸေးၸုမ်ႇဢေႃႈ။ပဵၼ်ၵေႃႉဢၼ်ၶျူၵ်ႈတူဝ်ၸဝ်ႈၵဝ်ႇတင်းတူဝ်တင်းၶိင်းလႆႈယူႇဢေႃႈ။

၃ ပေႃးႁဝ်းဢဝ်ၵၵ်ႉသႂ်ႇၼႂ်းသူပ်းမႃႉႁႂ်ႈလႆႈပႄႉၼႅင်ႇမႃႉၸိုင်ႁဝ်းၸၢင်ႊႁႂ်ႈမႃႉၼၼ်ႉဝၢႆႇၵႂႃႇတင်းတူဝ်တင်းၶိင်းလႆႈယူႇဢေႃႈ။

၄ ႁိူဝ်းသၢင်းၽေႃးဢၼ်ယႂ်ႇၼႃႇလႄႈလႆႈပႃးၸွမ်းၵႂႃႇၼႂ်းလူမ်းဢၼ်ႁႅင်းၼႃႇၼၼ်ႉၵေႃႈလႆႈဝၢႆႇၵႂႃႇၸွမ်းၵႂႃႇၵွပ်ႈပိူဝ်ႈလၢမ်ႈဢၼ်လဵၵ်ႉဢၼ်ဢွၼ်ႇဢၼ်ၶတ်းႁၢင်ႁိူဝ်းၸွမ်းၵႃႈၼင်ႇဢၼ်ၵေႃႉဢၼ်ၶတ်းႁိူဝ်းမီးဢလူဝ်ႇၼၼ်ႉဢေႃႈ။

၅ မိူၼ်ၸိူဝ်ႉၼင်ႇၼၼ်လိၼ်ႉႁဝ်းၼႆႉပဵၵ်ႉသမ်ႉပဵၼ်ဢင်ႇၵႃႇဢၼ်လဵၵ်ႉဢၼ်ဢွၼ်ႇသေၵေႃႈၸၢင်ႊဢုပ်ႇဢၢတ်ႇၼႃႇလူင်လၢင်ဢေႃႈ။တူၺ်းၽႆးဢွၼ်ႇဢိတ်းၼိုင်ႈၵူၺ်းၸၢင်ႊမႆႈပႅတ်ႈၽိုၼ်းဢၼ်ယႂ်ႇၼႃႇထၢၼ်ႇႁိုဝ်ၼၼ်ႉတႃႉ။

၆ လိၼ်ႉႁဝ်းၼႆႉပဵၼ်ႆးဢေႃႈ။တူႉၸရိူၵ်ႈလေႃးၵႃႉၵေႃႈပဵၼ်ဢေႃႈ။မိူၼ်ၸိူဝ်ႉၼင်ႇၼၼ်လိၼ်ႉႁဝ်းၼႆႉမီးၼႂ်းတူဝ်ႁဝ်းလႄႈႁႂ်ႈတူဝ်ႁဝ်းၵူဝ်ႈၵိူၵ်ႇတင်းတူဝ်တင်းၶိင်းဢေႃႈ။ၸၢင်ႊတုတ်ႇၸၢၵ်ႈၸႃႇတိပၵတိလႄႈတူဝ်ၸဝ်ႈၵဝ်ႇၵေႃႈလႆႈၶၢမ်ႇတၢင်းဢၼ်ႆးငႃႈရၢႆးတုတ်ႇပႅတ်ႈဢေႃႈ။

၇ မဵဝ်းၵူၼ်းႁဝ်းၼႆႉၸၢင်ႊပႄႉၼႅင်ႇၸႃႉၸဵမ်မဵဝ်းတူဝ်ႁၢႆႉလႂ်မဵဝ်းၼူၵ်ႉလႂ်၊မဵဝ်းတူဝ်ဢၼ်ၸၢင်ႊၵႂႃႇၸၢင်ႊၵၢၼ်းလႂ်၊မဵဝ်းပႃႊလႂ်၊ၵႃႈမီးတင်းသဵင်ႈတင်းလူင်ၵႃႈၼင်ႇဢၼ်လႆႈပႄႉၼႅင်ႇၼၼ်ႉယဝ်ႉ။

၈ ၵူၺ်းၵႃႈၵူၼ်းဢမ်ႇၸၢင်ႊပႄႉၼႅင်ႇလႆႈလိၼ်ႉ။လိၼ်ႉၼႆႉပဵၼ်တၢင်းဢၼ်ႁၢႆႉမိူၵ်ႈၵူဝ်ႈၵိူၵ်ႇဢၼ်ဢမ်ႇသင်ႇသွၼ်သုင်းမႃႉလႆႈၼၼ်ႉလႄႈတဵမ်ဝႆႉတင်းၵွင်ႉယၢင်ႊဢၼ်ၸၢင်ႊႁႂ်ႈတၢႆၼၼ်ႉဢေႃႈ။

၉ ႁဝ်းၸၢင်ႊဢဝ်တင်းလိၼ်ႉႁဝ်းသေလႄႈပၼ်တၢင်းလီတီႈၸဝ်ႈပေႃႈၽြႃးပဵၼ်ႈၸဝ်ႈဢေႃႈ။ၸၢင်ႊဢဝ်တင်းလိၼ်ႉႁဝ်းလႄႈၵိၼ်ႇလႃႇၵူၼ်းဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ၸိူဝ်ႉၼင်ႇပုင်ႇႁၢင်ႊမၼ်းၸဝ်ႈၼၼ်ႉဢေႃႈ။

၁၀ ၵႃႈၼႂ်းသူပ်းဢၼ်ၼိုင်ႈၵူၺ်း၊တၢင်းဢၼ်ႁဵတ်းထေႃးပၼႃႇယွင်ႈယေႃးဢိၵ်ႇတင်းတၢင်းဢၼ်ၵိၼ်ႇလႃႇၸၢင်ႊဢွၵ်ႇမႃးလူင်ပေႇ။

၁၁ ပီႈၼွင်ႉၵဝ်တင်းလၢႆၶဝ်ဢိူၺ်း၊ဢမ်ႇလီပဵၼ်ၸိူဝ်ႉၼင်ႇၼၼ်။ၵႃႈၼႂ်းႁူးၼမ်ႉဢၼ်ၼိုင်ႈၸၢင်ႊဢွၵ်ႇၼမ်ႉဝၢၼ်တင်းၼမ်ႉၶူမ်လႆႈႁိုဝ်။

၁၂ ပီႈၼွင်ႉၵဝ်တင်းလၢႆဢိူၺ်း၊တူၼ်ႈမၢၵ်ႇလိူဝ်ႇသၢင်းၽေႃးၸၢင်ႊမၢၵ်ႇမၢၵ်ႇသၼ်ႇလုၼ်ႇမႃးလႆႈႁိုဝ်။တူၼ်ႈမၢၵ်ႇၸပိတ်ႉၸၢင်ႊမၢၵ်ႇမၢၵ်ႇလိူဝ်ႇသၢင်းၽေႃးမႃးလႆႈႁိုဝ်။မိူၼ်ၸိူဝ်ႉၼင်ႇၼၼ်ၼမ်ႉဢၼ်ၸဵမ်းၵိူဝ်ဢမ်ႇၸၢင်ႊပၼ်ၼမ်ႉဢၼ်ဝၢၼ်လႆႈ။

ၺၢၼ်ႇဢၼ်ၸႅတ်ႈမၢၼ်ႇ

၁၃ ၼႂ်းသူၼၼ်ႉၽူႈလႂ်မီးၺၢၼ်ႇဢတၢတ်ႈပိင်ႇၺႃႇတၢင်းဢၼ်လၵ်းဢၼ်လႅမ်။ႁႂ်ႈၵေႃႉၼၼ်ႉဢဝ်လွင်ႈတၢင်းဢၼ်မၼ်းၵမ်ၵျၢင်ႉဢၼ်မျၢတ်ႈဢၼ်လီဢိၵ်ႇတင်းၺၢၼ်ႇဢၼ်ၼိမ်သိမ်ႇဢူၼ်ႈဢွၼ်ႇၼၼ်ႉသေလႄႈၼႄပျႃႉလွင်ႈဢၼ်တူဝ်ၸဝ်ႈၵဝ်ႇႁဵတ်းၸိူဝ်းၼၼ်ႉတႃႉ။

၁၄ ပေႃးသူမီးတၢင်းၶူမ်ဢၼ်ဢမ်ႇၼႃႇလူဝ်ႇၵၼ်ၼႂ်းႁူဝ်ၸႂ်သူမီးတၢင်းဢၼ်တူၺ်းပုၼ်ႈတူဝ်ၸဝ်ႈၵဝ်ႇယူႇၸိုင်ယႃႇပေဢုပ်ႇဝၢဝ်းလႄႈဢဝ်မူႉသႃႇလၢတ်ႈပူၼ်ႉလၢတ်ႈလိူဝ်သမ်ႇသမ်ႇတြႃး။

၁၅ ၺၢၼ်ႇၸိူဝ်ႉၼင်ႇၼၼ်ၼၼ်ႉပဵၼ်ၺၢၼ်ႇဢၼ်လုၵ်ႉသေၵႃႈၼိူဝ်မႃးဢမ်ႇၸႂ်ႈ။ပဵၼ်ၺၢၼ်ႇလိၼ်မိူင်းပဵၼ်ၺၢၼ်ႇၸႃႇတိပၵတိၺၢၼ်ႇၽီႁၢႆႉဢေႃႈ။

၁၆ လွင်ႈမၼ်းၸမ်းပေႃးမီးတၢင်းဢၼ်ၶႄႉၶဵင်ႇၵၼ်ဢိၵ်ႇတင်းတၢင်းဢၼ်ၽိတ်းၵၼ်ၽၢတ်ႇၽႄၵၼ်ယူႇၸိုင်ၸၢင်ႊမီးတၢင်းဢၼ်ဢူၼ်ဢဵၼ်ႁူၼ်ႈမေႃးဢိၵ်ႇတင်းတၢင်းဢၼ်ႁဵတ်းၵူဝ်ႈၵိူၵ်ႇၵူႈၸိူဝ်ႉၵူႈပိူင်ဢေႃႈ။

၁၇ ၺၢၼ်ႇဢၼ်လုၵ်ႉသေၵႃႈၼိူဝ်မႃးၼၼ်ႉၸမ်းမိူဝ်ႈဢွၼ်တၢင်းပဵၼ်ဢၼ်မူတ်းသႂ်ဢေႃႈ။လိူဝ်သေၼၼ်ႉဢမ်ႇၵႃးၸၢင်ႊယူႇထုၵ်ႇထုၵ်ႇၵၼ်ဢေႃႈ။မီးသၽေႃးဢၼ်ၼိမ်သိမ်ႇဢူၼ်ႈဢွၼ်ႇဢေႃႈ။မီးတၢင်းဢၼ်မေႃထွမ်ႇဢဝ်ဢေႃႈ။တဵမ်ဝႆႉတင်းၵရူႉၼႃႇဢိၵ်ႇတင်းဢၵျူဝ်းဢၼ်လီဢၼ်ငၢမ်းတင်းလၢႆဢေႃႈ။ဢမ်ႇမီးတၢင်းဢၼ်ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈ။ၵၢင်းလွတ်ႈတင်းတၢင်းဢၼ်ၸၢင်ႊထိမ်ႇၸၢင်ႊမႅပ်းဢေႃႈ။

၁၈ ၶဝ်ၸိူဝ်းဢၼ်ၸၢင်ႊႁဵတ်းႁႂ်ႈယူႇထုၵ်ႇထုၵ်ႇၵၼ်ၼၼ်ႉၸၢင်ႊဝၢၼ်ႇမဵတ်ႉဝၢၼ်ႇၽၼ်းတြႃးတၢင်းသိုဝ်ႈတေႃႇၼၼ်ႉၼိမ်ၼိမ်လီလီဢေႃႈ။