Rev 3

ၵျၢမ်းပျႃႇတိၵ်ႉ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇

၃

၁ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸိူဝ်းၸဝ်ႈဢၼ်မီးယူႇၵႃႈၼႂ်းဝဵင်းသႃႇတိၼၼ်ႉလႄႈဝႃႈ၊-ဢမိင်ႉၸဝ်ႈဢၼ်မီးဝိၺိၺ်ႇၽြႃးပဵၼ်ၸဝ်ႈၸဵတ်းပႃးဢိၵ်ႇတင်းလၢဝ်ၸဵတ်းလုၵ်ႈၼၼ်ႉမီးဝႆႉလႄႈဝႃႈၸမ်း၊ၵဝ်ႁူႉတၢင်းႁဵတ်းတၢင်းသၢင်ႈသူယူႇလႄႈပဵၵ်ႉသမ်ႉသူပဵၼ်ၸိူဝ်ႉၼင်ႇႁၢင်ႊဢသၢၵ်ႈလိပ်းယူႇသေၵေႃႈပဵၼ်ဢၼ်တၢႆယူႇဢေႃႈ။

၂ ယင်းဢမ်ႇၼွၼ်းလႄႈလုၵ်ႉတႃႉ။ႁႂ်ႈလွင်ႈတၢင်းဢၼ်ၵိုတ်းဢၼ်ၵျၢၼ်ႇဢၼ်ၸမ်တၵ်းတၢႆတင်းလၢႆၼၼ်ႉပဵၼ်ဢၼ်မၼ်ႈၶိူင်ႇတႃႉ။ၵဝ်ထူပ်းႁၼ်လွင်ႈတၢင်းဢၼ်သူႁဵတ်းၼၼ်ႉဢမ်ႇပႆႇၸေးၸုမ်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉ။

၃ ၵွပ်ႈႁွႆးၼႆႉလႄႈၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းဢၼ်သူၶၢမ်ႇဢဝ်လႆႈငိၼ်းဢဝ်ယဝ်ႉၼၼ်ႉသေလႄႈပႂ်ႉၵမ်ပႂ်ႉၸွမ်းတႃႉ။ၶုၵ်းၸႂ်လႆႈမႆႈၸႂ်တႃႉ။ပေႃးသူဢမ်ႇလုၵ်ႉလႄႈတိုၼ်ႇယူႇၸိုင်ၵဝ်တၵ်းမႃးၵႃႈတီႈသူမိူၼ်ၼင်ႇၽူႈလၵ်ႉမႃးၼၼ်ႉဢေႃႈ။

၄ ၶိင်ႇၼႃႇရီႇဢၼ်ၵဝ်တၵ်းမႃးၼၼ်ႉၵေႃႈသူတၵ်းဢမ်ႇႁူႉ။ၵူၺ်းၵႃႈၼႂ်းသူၵႃႈတီႈဝဵင်းသႃႇတိၼၼ်ႉယင်းမီးၶဝ်ဢိတ်းၼိုင်ႈၸိူဝ်းဢၼ်ဢမ်ႇႁႂ်ႈၶူဝ်းၼုင်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇၼၼ်ႉဢေႃႈ။

၅ ၶဝ်ၼၼ်ႉၵွပ်ႈပိူဝ်ႈပဵၼ်ၵေႃႉဢၼ်ၵိုင်ႇထိူၵ်ႈလႄႈတၵ်းၼုင်ႈၶူဝ်းဢၼ်ၽိူၵ်ႇဢၼ်ၶၢဝ်ယူႇသေလႄႈၵႂႃႇမႃးလူၺ်ႈၵၼ်တင်းၵဝ်ဢေႃႈ။ၵေႃႉဢၼ်ပႄႉၼႅင်ႇၼၼ်ႉတၵ်းလႆႈၼုင်ႈၶူဝ်းဢၼ်ၽိူၵ်ႇဢၼ်ၶၢဝ်ဢေႃႈ။ၸိုဝ်သဵင်ၵေႃႉၼၼ်ႉၸိုင်ၵဝ်တၵ်းဢမ်ႇဢဝ်မွတ်ႇပႅတ်ႈသေၵႃႈၼႂ်းလိၵ်ႈဢသၢၵ်ႈလႃးလႃးလႄႈတၵ်းႁပ်ႉတုင်းဢဝ်ၸိုဝ်သဵင်မၼ်းၵႃႈတီႈၽၢႆႇၼႃႈပေႃႈၵဝ်ဢိၵ်ႇတင်းၵႃႈတီႈၽၢႆႇၼႃႈတမၢၼ်ႇၵၢင်ႁၢဝ်တင်းလၢႆဢေႃႈ။

၆ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။

ထိုင်ၸိူဝ်းၸဝ်ႈဝဵင်းၽိလတေႇလၽိ

၇ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸိူဝ်းၸဝ်ႈဢၼ်မီးယူႇၵႃႈၼႂ်းဝဵင်းၽိလတေႇလၽိၼၼ်ႉလႄႈဝႃႈ၊-ဢမိင်ႉၸဝ်ႈဢၼ်မူတ်းၸၢင်ႇၸဝ်ႈဢၼ်မၢၼ်ႇမႅၼ်ႈၸိုဝ်ႈၸႂ်ႈ၊ၸဝ်ႈဢၼ်ယိပ်းၵမ်သေႃးၽၵ်းတူၶုၼ်တႃႇဝဵတ်ႉ၊ၸဝ်ႈဢၼ်ၽုၺ်ႇဝႆႉထၼ်ႈပေႃးၽူႈလႂ်ဢမ်ႇဢိုတ်းလႆႈ၊ၸဝ်ႈဢၼ်ဢိုတ်းဝႆႉထၼ်ႈပေႃးၽူႈလႂ်ဢမ်ႇၽုၺ်ႇလႆႈၼၼ်ႉမီးဝႆႉလႄႈဝႃႈၸမ်း၊-

၈ ၵဝ်ႁူႉတၢင်းႁဵတ်းတၢင်းသၢင်ႈသူယူႇဢေႃႈ။ၵဝ်ၽုၺ်ႇဝႆႉၽၵ်းတူဢၼ်ၽူႈလႂ်ဢမ်ႇဢိုတ်းလႆႈၼၼ်ႉၵႃႈတီႈၽၢႆႇၼႃႈသူယဝ်ႉ။လွင်ႈမၼ်းၸမ်းသူမီးႁႅင်းဢိတ်းၼိုင်ႈၵေႃႈယႃႇသူပႂ်ႉၵမ်ပႂ်ႉၸွမ်းၼုၵ်ႉၵပၢတ်ႈၵဝ်မႃးယဝ်ႉ။

၉ ၼႃႇမႃႉၸိုဝ်ႈသဵင်ၵဝ်ၵေႃႈသူဢမ်ႇပႄႇဢမ်ႇပႅတ်ႈ။ၵဝ်တၵ်းဢဝ်ၵူၼ်းၼႂ်းမုၵ်ႉၼႂ်းၸိူဝ်းၸႃႇတၢၼ်ႇမႃႇၼၢတ်ႈဢၼ်ၶဝ်ႁဵတ်းႁၢင်ႊပဵၼ်ၵူၼ်းယုတလႄႈယင်းဢမ်ႇပဵၼ်ဢၼ်ၸႅတ်ႈဢၼ်မၢၼ်ႇလႄႈလၢတ်ႈၵႂၢမ်းမူႉသႃႇၼၼ်ႉဢၢပ်ႈပၼ်တီႈသူႁႂ်ႈၶဝ်လႆႈမႃးၶုပ်ႉမူပ်ႇၵႃႈတီႈႁိမ်းတိၼ်သူလႄႈႁႂ်ႈၶဝ်လႆႈႁူႉလွင်ႈဢၼ်ၵဝ်ႁၵ်ႉသူၼၼ်ႉဢေႃႈ။

၁၀ ပိူဝ်ႈဢၼ်သူပႂ်ႉၵမ်ပႂ်ႉၸွမ်းၼုၵ်ႉၵပၢတ်ႈတြႃးဢၼ်ၸၢပ်ႈသႅင်ႇၵၼ်တင်းတၢင်းဢၼ်ယိူၼ်ႉၶၢမ်ႇၼၼ်ႉလႄႈၵဝ်တၵ်းပႂ်ႉသူယူႇၼႂ်းၶိင်ႇၵႃႇလႃႉဢၼ်ၸၢမ်းတူၺ်းဢၼ်တၵ်းၸွတ်ႇတူဝ်မိူင်းလေႃးၵီႇၵူႈတီႈၵူႈလႅၼ်ႁႂ်ႈလႆႈၸၢမ်းတူၺ်းၵူၼ်းတင်းလၢႆဢၼ်ယူႇၵႃႈတီႈၼိူဝ်လိၼ်မိူင်းၼႆႉၼၼ်ႉဢေႃႈ။

၁၁ ၵဝ်တၵ်းၸဵဝ်းမႃးယူႇဢေႃႈ။ၼင်ႇႁိုဝ်ၽူႈလႂ်တၵ်းဢမ်ႇလႆႈဢဝ်သရၽူႇသူၸိုင်ယိပ်းၵမ်လွင်ႈတၢင်းဢၼ်သူလႆႈမႃးယဝ်ႉၼၼ်ႉဝႆႉတႃႉ။

၁၂ ၵေႃႉဢၼ်ပႄႉၼႅင်ႇၼၼ်ႉၸိုင်ၵဝ်တၵ်းႁႂ်ႈပဵၼ်သဝ်ပိၵ်ႉမၢၼ်ႇၽြႃးပဵၼ်ၸဝ်ႈၵဝ်ၼၼ်ႉဢေႃႈ။ၵမ်းလိုၼ်းမၼ်းတၵ်းဢမ်ႇလႆႈၶၢႆႉတီႈလႄႈဢွၵ်ႇၵႃႈၼွၵ်ႈ။ၵဝ်တၵ်းဢဝ်ၼႃႇမႃႉၸိုဝ်ႈသဵင်ၽြႃးပဵၼ်ၸဝ်ႈၵဝ်ၸိုဝ်ႈသဵင်ဝဵင်းၽြႃးပဵၼ်ၸဝ်ႈၵဝ်ဢၼ်ဝႃႈယေႇရုသလႅမ်ႇဢၼ်မႂ်ႇဢၼ်ဢွၵ်ႇသေၵႃႈတီႈၽြႃးပဵၼ်ၸဝ်ႈၵဝ်ဢၼ်လူင်းသေၵႃႈၼိူဝ်ၵၢင်ႁၢဝ်မႃးၼၼ်ႉဢေႃႈ။ၵဝ်တၵ်းဢဝ်ၼႃႇမႃႉၸိုဝ်ႈသဵင်ၵဝ်ဢၼ်ပဵၼ်ဢၼ်မႂ်ႇၼၼ်ႉတႅမ်ႈသႂ်ႇၵႃႈၼိူဝ်ၵေႃႉၼၼ်ႉဢေႃႈ။

၁၃ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။

ထိုင်ၸိူဝ်းၸဝ်ႈဝဵင်းလေႃႇတိၵိ

၁၄ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸိူဝ်းၸဝ်ႈဢၼ်မီးယူႇၵႃႈၼႂ်းဝဵင်းလေႃႇတိၵိၼၼ်ႉလႄႈဝႃႈ၊-ဢမိင်ႉၸဝ်ႈဢၼ်ၶၢမ်ႇသၢၵ်ႈသေႇဢၼ်ဝႃႈ၊ဢႃႈမိၼ်ႈ၊ဢၼ်မီးသႅတ်ႈၸႃႇလႄႈမၢၼ်ႇမႅၼ်ႈၸဝ်ႈဢၼ်ပဵၼ်ပၢႆၸိၵ်းၸွမ်ဝူၺ်ႇၼေႇယႃႉသတ်ႉတဝႃႇဢၼ်ၽြႃးပဵၼ်ၸဝ်ႈၽၢၼ်ႇသၢင်းဝႆႉၼၼ်ႉမီးဝႆႉလႄႈဝႃႈၸမ်း၊-

၁၅ ၵဝ်ႁူႉတၢင်းႁဵတ်းတၢင်းသၢင်ႈသူလွင်ႈဢၼ်သူပဵၼ်ဢၼ်ၵတ်းၵေႃႈဢမ်ႇၸႂ်ႈဢၼ်မႆႈၵေႃႈဢမ်ႇၸႂ်ႈၼၼ်ႉဢေႃႈ။ၵဝ်မီးဢလူဝ်ႇၶႂ်ႈႁႂ်ႈသူပဵၼ်ဢၼ်ၵတ်းဢမ်ႇၼၼ်ၵေႃႈပဵၼ်ဢၼ်မႆႈဢေႃႈ။

၁၆ ၵွပ်ႈပိူဝ်ႈသူပဵၼ်ဢၼ်ၵတ်းၵေႃႈဢမ်ႇၸႂ်ႈ၊ဢၼ်မႆႈၵေႃႈဢမ်ႇၸႂ်ႈ၊ပဵၼ်ႁမ်ႉဢုၼ်ႇဢုၼ်ႇၵူၺ်းၼၼ်ႉလႄႈၵဝ်တၵ်းထုမ်ႇသူဢွၵ်ႇသူပ်းပႅတ်ႈယဝ်ႉ။သူလၢတ်ႈလႄႈဝႃႈ၊-

၁၇ ၵဝ်ၸၢင်ႊမၢၵ်ႈၸၢင်ႊမီးဢေႃႈ။ၽၼ်ႇတႃႇၼမ်ၼႃႇၵေႃႈသိမ်းပႅင်းဝႆႉယဝ်ႉ။ဢမ်ႇလူဝ်ႇထႅင်ႈသေၸိူဝ်ႉသေပိူင်ယဝ်ႉဝႃႈၼင်ႇၼႆလႄႈသူဢမ်ႇႁူႉလွင်ႈဢၼ်တူဝ်ၸဝ်ႈၵဝ်ႇပဵၼ်တၢင်းဢၼ်ယၢပ်ႇၸႂ်ၶၢၼ်ၸႂ်၊တၢင်းဢၼ်ထုၵ်ႇလီဢိတ်းလူ၊တၢင်းဢၼ်ယၢၵ်ႈဢၼ်ၽၢၼ်၊တၢင်းဢၼ်တႃမွတ်ႇ၊တၢင်းဢၼ်ဢမ်ႇမီးၶူဝ်းမီးလဵင်းၼၼ်ႉလူင်ပေႇ။

၁၈ ၵဝ်ပၼ်တၢင်းၵျၢမ်ႇတၢင်းပွင်တီႈသူလႄႈဝႃႈ၊-သိုဝ်ႉဢဝ်ၶမ်းတီႈၵဝ်ဢၼ်ဢဝ်ၽႆးၸႅတ်ႈၶႃႇယဝ်ႉၼၼ်ႉႁႂ်ႈလႆႈပဵၼ်ၵေႃႉဢၼ်မၢၵ်ႈမီးၶူဝ်းလဵင်းဢၼ်ၽိူၵ်ႇဢၼ်ၶၢဝ်ပုၼ်ႈဢၼ်တၵ်းၼုင်ႈတၵ်းမႆႊဢမ်ႇႁႂ်ႈလႆႈပဵၼ်ၵေႃႉဢၼ်ယူႇတူဝ်ပူၺ်လႄႈဢူၵ်းဢၢႆၵႃႈတီႈၽၢႆႇၼႃႈပိူၼ်ႈယႃႈယႃဢၼ်တၵ်းလႆႈၶၢတ်ႈသႂ်ႇၼႂ်းမၢၵ်ႇတႃသူႁႂ်ႈမၢၵ်ႇတႃသူလႆႈႁၼ်ၼၼ်ႉတႃႉ၊ဝႃႈၼင်ႇၼႆဢေႃႈ။

၁၉ ၵဝ်ၸႅတ်ႈထၢမ်ဢပျႅတ်ႈၶဝ်ၸိူဝ်းဢၼ်ၵဝ်ႁၵ်ႉၵႃႈမီးတင်းသဵင်ႈတင်းလူင်ၼၼ်ႉလႄႈသင်ႇသွၼ်ၶဝ်ဢေႃႈ။ပိူဝ်ႈၼႆလႄႈတိုၵ်းယူင်းၸႂ်တူဝ်ၸဝ်ႈၵဝ်ႇတႃႉ။ၶုၵ်းၸႂ်လႆႈမႆႈၸႂ်တႃႉ။

၂၀ တူၺ်းလူ။ၵဝ်ၸုၵ်းယူႇၵႃႈတီႈၽၢႆႇၼႃႈၽၵ်းတူသေလႄႈတွႆႇယူႇဢေႃႈ။ၽူႈလႂ်သေဢမ်ႇဝႃႈၵေႃႉဢၼ်ငိၼ်းသဵင်ၵဝ်လႄႈၽုၺ်ႇၽၵ်းတူပၼ်ၼၼ်ႉတီႈၵေႃႉၼၼ်ႉၵဝ်တၵ်းၶဝ်ႈၸူးလႄႈၵိၼ်ၶူပ်းလူၺ်ႈၵၼ်တင်းမၼ်းဢေႃႈ။မၼ်းၵေႃႈတၵ်းလႆႈၵိၼ်ၶူပ်းလူၺ်ႈၵၼ်တင်းၵဝ်ဢေႃႈ။

၂၁ တီႈၵေႃႉဢၼ်ပႄႉၼႅင်ႇၼၼ်ႉၵဝ်တၵ်းပၼ်ဢၶႂၢင်ႉႁႂ်ႈလႆႈၼင်ႈယူႇလူၺ်ႈၵၼ်တင်းၵဝ်ၵႃႈၼိူဝ်ပလၢင်ႇၵဝ်မိူၼ်ၸိူဝ်ႉၼင်ႇၵဝ်ပႄႉၼႅင်ႇၼၼ်ႉလႄႈၼင်ႈယူႇလူၺ်ႈၵၼ်တင်းပေႃႈၵဝ်ၵႃႈၼိူဝ်ပလၢင်ႇမၼ်းၸဝ်ႈၼၼ်ႉဢေႃႈ။

၂၂ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ