Shan Missions

လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ

Chapter          ၁           ၂          ၃          ၄         

၂

ႁႂ်ႈလႆႈမီးတၢင်းဢၼ်ယိူၼ်ႉၶၢမ်ႇ

၁ လုၵ်ႈၸၢႆးၵဝ်ဢိူၺ်း၊မီးတၢင်းဢၼ်မၼ်ႈၶိူင်ႇယူႇၼႂ်းၵျေးၸူးဢၼ်မီးၼႂ်းၸဝ်ႈယေႇသုၶရိၸ်ႉၼၼ်ႉတႃႉ။

၂ ဢဝ်ၵႃႈဢၼ်လႆႈငိၼ်းတီႈၵဝ်ဢိၵ်ႇတင်းၶဝ်ၸိူဝ်းဢၼ်ၶၢမ်ႇသၢၵ်ႈသေႇၼမ်ၼႃႇၼၼ်ႉဢၢပ်ႈပၼ်တီႈၶဝ်ၸိူဝ်းဢၼ်မီးသႅတ်ႈၸႃႇလႄႈမေႃသင်ႇသွၼ်ပၼ်ပိူၼ်ႈၸိူဝ်းၼၼ်ႉတႃႉ။

၃ ၸုၵ်းၶၢမ်ႇတုၵ်ႉၶႃႉတၢင်းၽၢၼ်လူၺ်ႈၵၼ်တင်းႁဝ်းမိူၼ်ၸိူဝ်ႉၼင်ႇၵူၼ်းသိုၵ်းၸဝ်ႈယေႇသုၶရိၸ်ႉဢၼ်လီၼၼ်ႉတႃႉ။

၄ ၵူၼ်းသိုၵ်းၸမ်းၸၢင်ႊပႅတ်ႈဝႆႉတၢင်းဢၼ်သုၵ်ႉသၢၵ်ႉလေႃးလႄးၼႂ်းဢမူႉလေႃးၵီႇတင်းလၢႆလႄႈႁဵတ်းႁႂ်ႈလႆႈထုၵ်ႇၸႂ်ၵေႃႉဢၼ်ၶၢၼ်းမၼ်းဝႆႉၼႂ်းဢရႃႇၵူၼ်းသိုၵ်းၼၼ်ႉဢေႃႈ။

၅ ၵေႃႉဢၼ်ၶႄႉၶဵင်ႇၵၼ်တင်းၵူၼ်းၼႂ်းပွႆးၼႂ်းလၢမ်းၸမ်းပေႃးဢမ်ႇၶႄႉၶဵင်ႇၸွမ်းၼင်ႇမၵ်းမၢႆၸိုင်ဢမ်ႇလႆႈပၢၼ်းၵုမ်း။

၆ ၵေႃႉဢၼ်ႁဵတ်းႁႆႊႁဵတ်းၼႃးၼၼ်ႉၵူၺ်းတၵ်းလႆႈပဵၼ်ၵေႃႉဢၼ်ၶၢမ်ႇဢဝ်မၢၵ်ႇမၼ်းႁူင်းမၼ်းဢွၼ်ႈတၢင်းဢေႃႈ။

၇ ၶႆႈၸႂ်ဝူၼ်ႉၸႂ်လူၺ်ႈလွင်ႈၵႂၢမ်းၵဝ်ၼႆႉတႃႉႁႂ်ႈထႃႇဝရႃႉၽြႃးဢိတ်းလူပၼ်ၺၢၼ်ႇတီႈမႂ်းၼႂ်းလွင်ႈတၢင်းၵူႈၸိူဝ်ႉၵူႈပိူင်သေၵမ်းလူၺ်ႈ။

၈ ၶုၵ်းၸႂ်လႆႈၶႆႈၸႂ်ထူပ်းၸဝ်ႈယေႇသုၶရိၸ်ႉဢၼ်ပဵၼ်ၸိူဝ်ႉၶိူဝ်းတႃႇဝဵတ်ႉ၊ဢၼ်လုၵ်ႉၵႃႈတၢင်းတၢႆၶိုၼ်းလိပ်းမႅၼ်ႈၼင်ႇတြႃးသတၢင်းသိူဝ်းပျေႃႇဢၼ်ၵဝ်ႁေႃးလၢတ်ႈၼၼ်ႉတႃႉ။

၉ ၵွပ်ႈပိူဝ်ႈတြႃးၼၼ်ႉလႄႈၵဝ်လႆႈၶၢမ်ႇတုၵ်ႉၶႃႉတၢင်းၽၢၼ်တေႃႇထိုင်ႁွတ်ႈထၼ်ႈပေႃးလႆႈၶၢမ်ႇတၢင်းဢၼ်မတ်ႉၽုၵ်ႇၸိူဝ်ႉၼင်ႇၵူၼ်းႁၢႆႉၼၼ်ႉဢေႃႈ။ၼႂ်းဝႃႈၼၼ်သေၵေႃႈၼုၵ်ႉၵပၢတ်ႈတြႃးၽြႃးပဵၼ်ၸဝ်ႈၵၢင်းလွတ်ႈတင်းတၢင်းဢၼ်မတ်ႉၽုၵ်ႇဢေႃႈ။

၁၀ ပိူဝ်ႈၼႆလႄႈၼင်ႇႁိုဝ်ၶဝ်ၸိူဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢၼ်မီးၼႂ်းၸဝ်ႈယေႇသုၶရိၸ်ႉဢိၵ်ႇတင်းမူၼ်သရေႇထႃႇဝရႃႉၸိုင်ၵဝ်လႆႈယိူၼ်ႉၶၢမ်ႇၵူႈၸိူဝ်ႉၵူႈပိူင်ပုၼ်ႈၶဝ်ဢေႃႈ။

၁၁ ၵႂၢမ်းသႅတ်ႈၸႃႇၸမ်းပေႃးႁဝ်းတၢႆလူၺ်ႈၵၼ်တင်းၸဝ်ႈၼၼ်ႉၸိုင်ႁဝ်းတၵ်းလိပ်းလူၺ်ႈၵၼ်တင်းၸဝ်ႈၼၼ်ႉဢေႃႈ။

၁၂ ပေႃးႁဝ်းယိူၼ်ႉၶၢမ်ႇၸိုင်ႁဝ်းတၵ်းၸၢမ်ႇၸႃးလူၺ်ႈၵၼ်တင်းၸဝ်ႈၼၼ်ႉဢေႃႈ။ပေႃးႁဝ်းထဵင်ပႅတ်ႈၸဝ်ႈၼၼ်ႉၸိုင်မၼ်းၸဝ်ႈတၵ်းထဵင်ပႅတ်ႈႁဝ်းဢေႃႈ။

၁၃ ပဵၵ်ႉသမ်ႉႁဝ်းဢမ်ႇမီးသႅတ်ႈၸႃႇသေၵေႃႈၸဝ်ႈၼၼ်ႉသႅတ်ႈၸႃႇတႄႇယူႇၵွပ်ႈပိူဝ်ႈမၼ်းၸဝ်ႈဢမ်ႇၸုၼ်ႉပႅတ်ႈလႆႈတူဝ်ၸဝ်ႈၵဝ်ႇၼၼ်ႉဢေႃႈ။

ႁႂ်ႈလႆႈပဵၼ်ၵေႃႉဢၼ်ၽြႃးပဵၼ်ၸဝ်ႈႁပ်ႉတုင်းဢဝ်

၁၄ ဢဝ်လွင်ႈတၢင်းၸိူဝ်းၼႆႉပၼ်သတိၶဝ်တႃႉ။ၼင်ႇႁိုဝ်ၶဝ်တၵ်းဢမ်ႇႁဵတ်းတၢင်းဢၼ်တွပ်ႇဢၼ်ထဵင်ၵၼ်ၵွပ်ႈပိူဝ်ႈၵႂၢမ်းဢၼ်ဢမ်ႇပွင်ဢၵျူဝ်းၵႃႈသင်ဢၼ်ၸၢင်ႊႁဵတ်းႁႂ်ႈၸႂ်ၶဝ်ၸိူဝ်းဢၼ်လႆႈထွမ်ႇလႆႈငိၼ်းၼၼ်ႉလူႉသုမ်းၼၼ်ႉၸိုင်သူင်းမႃႉၶဝ်ၵႃႈတီႈၽၢႆႇၼႃႈၽြႃးပဵၼ်ၸဝ်ႈတႃႉ။

၁၅ မႂ်းၸမ်းဢဝ်ႁႅင်းၶတ်းၸႂ်ႁဵတ်းႁႂ်ႉႈလႆႈၵိုင်ႇထိုၵ်ႈပဵၼ်ၵေႃႉဢၼ်မၼ်းၸဝ်ႈႁပ်ႉတုင်းဢဝ်ၼၼ်ႉလႄႈယင်းဢမ်ႇမီးတၵ်းဢူၵ်းတၵ်းဢၢႆလႄႈပဵၼ်သြႃႇသမႃးဢၼ်ၸၢင်ႊႁူႉၸႅင်ႈၸၢၵ်ၽႄသမ်ႇမႃႇတြႃးမၢၼ်ႇမၢၼ်ႇမႅၼ်ႈမႅၼ်ႈၼၼ်ႉတႃႉ။

၁၆ ဝေႈပႅတ်ႈၵႂၢမ်းဢၼ်လၢႆလၢႆဢၼ်ဢမ်ႇၶဝ်ႈၼႂ်းတြႃးၼၼ်ႉတႃႉ။

၁၇ လွင်ႈမၼ်းၸမ်းၵႂၢမ်းၼၼ်ႉတၵ်ႈႁႂ်ႈဢမူႉဢၼ်ဢမ်ႇတြႃးယႂ်ႇၼမ်မႃးဢေႃႈ။ၵႂၢမ်းၶဝ်ၼၼ်ႉမိူၼ်ၸိူဝ်ႉၸိူဝ်ႉၼင်ႇတၢင်းၸဵပ်းၶူႇဢၼ်ၵိၼ်ၼင်ၼိူဝ်ႉၼၼ်ႉဢေႃႈ။

၁၈ ၼႂ်းၶဝ်ၼၼ်ႉႁူႉမေႇၼေႇတင်းၽိလိတ်ႉၵေႃႈပႃးဢေႃႈ။ၶဝ်ပိူင်ႈၼႂ်းသဵၼ်ႈတၢင်းသမ်ႇမႃႇတြႃးၵႂႃႇသေလႄႈလၢတ်ႈဝႃႈ၊-တၢင်းဢၼ်လုၵ်ႈၶိုၼ်းလိပ်းၼၼ်ႉပူၼ်ႉၵႂႃႇယဝ်ႉ၊ဝႃႈၼင်ႇၼႆလႄႈၸၢင်ႊၶႂၢမ်ႈပိၼ်ႈတၢင်းယုမ်ႇမၢတ်ႈၵူၼ်းၵမ်ႈၽွင်ႈပႅတ်ႈဢေႃႈ။

၁၉ ၼႂ်းဝႃႈၼၼ်သေၵေႃႈငဝ်ႈႁၢၵ်ႈတိူၵ်ႈၽြႃးပဵၼ်ၸဝ်ႈၸမ်းမၼ်ႈၵႅၼ်ႇလႄႈတွၵ်ႇတၼ်းသိၵ်ႈဝႆႉဝႃႈ၊-ၸဝ်ႈၽြႃးႁူႉၸၵ်းၵူၼ်းမၼ်းၸဝ်ႈတင်းလၢႆယူႇဢေႃႈ။ၵေႃႉဢၼ်ႁပ်ႉတုင်းဢဝ်ၼႃႇမႃႉၸိုဝ်သဵင်ၸဝ်ႈၽြႃးၼၼ်ႉတၵ်းလႆႈဝေႈပႅတ်ႈလွင်ႈတၢင်းဢၼ်ဢမ်ႇတြႃးဢေႃႈ၊ဝႃႈၼင်ႇၼႆၼၼ်ႉမၼ်ႈၶိူင်ႇယူႇဢေႃႈ။

၂၀ ၼႂ်းႁိူၼ်းဢၼ်ယႂ်ႇဢၼ်လူင်ၼၼ်ႉ၊မီးၶိူင်ႈၶမ်းၶိူင်ႈငိုၼ်းၵူၺ်းဢမ်ႇၸႂ်ႈ။ၶိူင်ႈမႆႉၶိူင်ႈလိၼ်ၵေႃႈမီးဢေႃႈ။မီးၶိူင်ႈဢၼ်မီးသရေႇဢိၵ်ႇတင်းၶိူင်ႈဢၼ်ဢမ်ႇမီးသရေႇၼၼ်ႉယူႇဢေႃႈ။

၂၁ ၵေႃႉဢၼ်ပႄႇပႅတ်ႈဢၼ်ဝႃႈမႃးတီႈလိုၼ်းၼၼ်ႉသေလႄႈႁႂ်ႈတူဝ်ၸဝ်ႈၵဝ်ႇမူတ်းၸၢင်ႇၼၼ်ႉတၵ်းပဵၼ်ၶိူင်ႈဢၼ်မီးသရေႇ၊ၶိူင်ႈဢၼ်မူတ်းၸၢင်ႇလႄႈပဵၼ်ဢၼ်လီပုၼ်ႈၸဝ်ႈႁိူၼ်းတၵ်းသုင်းသွင်ႇ၊ၶိူင်ႈဢၼ်မႄးႁႅၼ်းဝႆႉပုၼ်ႈဢၼ်လီဢၼ်ငၢမ်းၵူႈၸိူဝ်ႉၵူႈပိူင်ဢေႃႈ။

၂၂ ဝေႈပႅတ်ႈၸႂ်ၵီႉလေႇသႃႇတၢင်းဢၼ်ၵူၼ်းၼုမ်ႇၵူၼ်းၵမ်တင်းလၢႆၸပ်းၸွႆးၼၼ်ႉတႃႉ။ၸွမ်းႁႂ်ႈလႆႈတၢင်းဢၼ်သိုဝ်ႈတေႃႇ၊တၢင်းဢၼ်မီးသႅတ်ႈၸႃႇ၊တၢင်းဢၼ်ႁၵ်ႉပႅင်း၊တၢင်းဢၼ်ယူႇထုၵ်ႇထုၵ်ႇလူၺ်ႈၵၼ်တင်းၶဝ်ၸိူဝ်းဢၼ်မီးၸႂ်ဢၼ်ၶၢဝ်ၸၢင်ႇၼၼ်ႉလႄႈႁဵတ်းပထၼႃႇတီႈၸဝ်ႈၽြႃးတႃႉ။

၂၃ ႁူႉလွင်ႈဢၼ်ဝႃႈပုၵ်ႉသႃႇဢၼ်တွင်ႉဢၼ်ထၢမ်ဢၼ်မိူၵ်ႈဢၼ်ဢမ်ႇပႃးပိင်ႇၺႃႇၸိူဝ်းၼၼ်ႉၸၢင်ႊႁႂ်ႈတၢင်းၽိတ်းပေႃႇပဵၼ်မႃးလႄႈဝေႈပႅတ်ႈတႃႉ။ၶႃႈၸဝ်ႈၽြႃးဢမ်ႇလႆႈၽိတ်းၵၼ်။

၂၄ တၵ်းလႆႈပဵၼ်ၵေႃႉဢၼ်ႁဵတ်းလွႆးလွႆးတီႈၵူၼ်းတင်းသဵင်ႈတင်းလူင်ၵေႃႉဢၼ်လၵ်းလႅမ်ၼႂ်းလွင်ႈတၢင်းဢၼ်သင်ႇသွၼ်သုင်းမႃႉပၼ်ဢေႃးဝႃႇတႃႉ၊

၂၅ ၵေႃႉဢၼ်ယိူၼ်ႉၶၢမ်ႇ၊ၵေႃႉဢၼ်သွၼ်ဢူၼ်ႈဢူၼ်ႈဢွၼ်ႇဢွၼ်ႇတီႈၶဝ်ၸိူဝ်းဢၼ်ႁႄႉၶႅၼ်လႄႈထဵင်ပႅတ်ႈၼၼ်ႉဢေႃႈ။ၽြႃးပဵၼ်ၸဝ်ႈၸၢင်ႊၶေးတၵ်းပၼ်ဢၶႂင်ႉႁႂ်ႈၶဝ်ၶုၵ်းၸႂ်လႆႈမႆႈၸႂ်ဢပျႅတ်ႈလႄႈလႆႈႁပ်ႉတုင်းဢဝ်သမ်ႇမႃႇတြႃးလႄႈ

၂၆ ပၼ်ဢၶႂင်ႉႁႂ်ႈၶဝ်ၸိူဝ်းဢၼ်ၸႃႇတၢၼ်ႇမႃႇၼၢတ်ႈတီႉဢဝ်ႁႂ်ႈလႆႈႁဵတ်းၸွမ်းဢလူဝ်ႇမၼ်းၸိူဝ်းၼၼ်ႉႁႂ်ႈလႆႈလွတ်ႈဢွၵ်ႇသေၼႂ်းတူင်ႇႁဵဝ်ႉမၼ်းၼၼ်ႉဢေႃႈ။