2 Cor 1

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

၁

ၵႂၢမ်းၼမ်းပေႃးလု

၁ ၵဝ်၊ပေႃးလု၊ၸွမ်းၼင်ႇဢလူဝ်ႇၽြႃးပဵၼ်ၸဝ်ႈလႄႈလႆႈပဵၼ်တမၢၼ်ႇၸဝ်ႈယေႇသုၶရိၸ်ႉ၊ဢိၵ်ႇတင်းတိမေႃးသေႇ၊ဢၼ်ပဵၼ်ၼွင်ႉၵဝ်၊ၸင်ႇလႆႈပၼ်ငိၼ်းၵႂႃႇၵႃႈတီႈသူၸႃႉၸဵမ်ၸိူဝ်းၸဝ်ႈၽြႃးပဵၼ်ၸဝ်ႈဢၼ်မီးယူႇၵႃႈၼႂ်းဝဵင်းၵေႃ:ရဵၼ်ႇထုဢိၵ်ႇတင်းၵူၼ်းမူတ်းၸၢင်ႇဢၼ်မီးယူႇၵႃႈၼႂ်းမိူင်းဢၶႃႇယၵူႈတီႈၵူႈလႅၼ်ၼၼ်ႉယူႇဢေႃႈ။

၂ ႁႂ်ႈသူႉၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈပေႃႈႁဝ်းၽြႃးပဵၼ်ၸဝ်ႈဢိၵ်ႇတင်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူသေၵမ်းလူၺ်ႈ။

၃ ႁႂ်ႈပေႃႈၽြႃးပဵၼ်ၸဝ်ႈ၊ဢၼ်ပဵၼ်ပေႃႈၸဝ်ႈယေႇသုၶရိၸ်ႉၸဝ်ႈၵရူႉၼႃႇၸဝ်ႈတၢင်းဢၼ်သၢၵ်ႈသႃႇၵူႈၸိူဝ်ႉၵူႈပိူင်ၼၼ်ႉ၊မီးမင်ႇၵလႃႇသေၵမ်းလူၺ်ႈ။

၄ ၽြႃးပဵၼ်ၸဝ်ႈႁႂ်ႈႁဝ်းသၢၵ်ႈသႃႇၼႂ်းတၢင်းဢၼ်ႁဝ်းလႆႈၶၢမ်ႇၵူႈၸိူဝ်ႉၵူႈပိူင်ၼၼ်ႉလႄႈႁဝ်းၵေႃႈလႆႈႁဵတ်းႁႂ်ႈၶဝ်ၸိူဝ်းဢၼ်ၶၢမ်ႇၵူႈၸိူဝ်ႉၵူႈပိူင်ၼၼ်ႉသၢၵ်ႈသႃႇၵွပ်ႈပိူဝ်ႈၵျေးၸူးၽြႃးပဵၼ်ၸဝ်ႈၼၼ်ႉဢေႃႈ။

၅ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၸိူဝ်ႉၼင်ႇတၢင်းဢၼ်ၸဝ်ႈၶရိၸ်ႉလႆႈၶၢမ်ႇၼၼ်ႉလႆႈၶဝ်ႈမႃးၼႂ်းဢသၢၵ်ႈႁဝ်းၼၼ်ႉတၢင်းသၢၵ်ႈသႃႇၸဝ်ႈၶရိၸ်ႉၼၼ်ႉၵေႃႈႁဝ်းလႆႈၶၢမ်ႇဢဝ်ၼမ်လူင်ၼမ်လၢင်ၵွပ်ႈပိူဝ်ႈၸဝ်ႈၶရိၸ်ႉဢေႃႈ။

၆ ပိူဝ်ႈၼႆလႄႈပေႃးႁဝ်းလႆႈၶၢမ်ႇတၢင်းယၢပ်ႇၽိုတ်ႇၸိုင်ပဵၼ်ပုၼ်ႈတၢင်းဢၼ်သူတၵ်းလႆႈသၢၵ်ႈသႃႇဢိၵ်ႇတင်းတၢင်းဢၼ်ၵႄႇၶျွတ်ႈဢဝ်သူဢၼ်တဵမ်ဝႆႉတင်းတၢင်းဢၼ်ယိူၼ်ႉၶၢမ်ႇၵႃႈၼႂ်းတၢင်းဢၼ်ႁဝ်းလႆႈၶၢမ်ႇၼၼ်ႉဢေႃႈ။

၇ တၢင်းဢၼ်ႁဝ်းမုင်ႈမွင်းပုၼ်ႈသူၼၼ်ႉမၼ်ႈၵႅၼ်ႇဢေႃႈ။လွင်ႈမၼ်းၸမ်းၸိူဝ်ႉၼင်ႇဢၼ်သူၶဝ်ႈပႃးၼႂ်းတၢင်းဢၼ်ႁဝ်းၶၢမ်ႇၼၼ်ႉသူတၵ်းလႆႈၶဝ်ႈပႃးၼႂ်းတၢင်းဢၼ်သၢၵ်ႈသႃႇၼၼ်ႉဢေႃႈ၊ဝႃႈၼႆႁဝ်းႁူႉယူႇဢေႃႈ။

၈ ပီႈၼွင်ႉၶဝ်ဢိူၺ်း၊ႁဝ်းၶႂ်ႈႁႂ်ႈသူႁူႉလွင်ႈတၢင်းယၢပ်ႇၽိုတ်ႇဢၼ်ႁဝ်းလႆႈၶၢမ်ႇၵႃႈၼႂ်းမိူင်းဢႃႇသိဢၼ်ပဵၼ်တၢင်းယၢပ်ႇဢၼ်ၼၵ်းၼႃႇထၼ်ႈပေႃးဢမ်ႇၶၢမ်ႇလႆႈလႄႈထၢင်ႇဝႃႈဢသၢၵ်ႈတၵ်းလႆႈလူႉသုမ်းၼၼ်ႉဢေႃႈ။

၉ ဢၼ်ႁဝ်းလႆႈၶၢမ်ႇၼၼ်ႉၸမ်းမိူၼ်ၼင်ႇႁဝ်းလႆႈၶၢမ်ႇၸီႇယၢင်ႇႁႂ်ႈလႆႈတၢႆၼၼ်ႉဢေႃႈ။လွင်ႈတၢင်းၼႆႉပဵၼ်တၢင်းဢၼ်ႁဵတ်းႁႂ်ႈႁဝ်းယင်းဢမ်ႇဢိင်ပိုင်ႈတူဝ်ၸဝ်ႈၵဝ်ႇလႄႈတၵ်းလႆႈဢိင်ပိုင်ႈၽြႃးပဵၼ်ၸဝ်ႈဢၼ်ႁႂ်ႈၶဝ်ၸိူဝ်းဢၼ်တၢႆယဝ်ႉသမ်ႉလုၵ်ႉၶိုၼ်းၼၼ်ႉဢေႃႈ။

၁၀ မၼ်းၸဝ်ႈၵႄႇၶျွတ်ႈဢဝ်ႁဝ်းလွတ်ႈဢွၵ်ႇၵႃႈၼႂ်းၽေးတၢင်းတၢႆဢၼ်ယႂ်ႇထၢၼ်ႇၼႆႉၼၼ်ႉမႃးယဝ်ႉဢမ်ႇၵႃးမိူဝ်းၼႃႈၵေႃႈတၵ်းၵႄႇၶျွတ်ႈဢဝ်ယူႇဢေႃႈ။ပေႃးသူၸွႆႈထႅမ်သူးတွင်းပုၼ်ႈႁဝ်းၸိုင်ၵမ်းလိုၼ်းၵေႃႈမၼ်းၸဝ်ႈတၵ်းၵႄႇၶျွတ်ႈဢဝ်ႁဝ်းလူးၵွၼ်ႇဝႃႈၼႆႁဝ်းမီးတၢင်းဢၼ်မုင်ႈမွင်းယူႇဢေႃႈ။

၁၁ ပေႃးပဵၼ်ၸိူဝ်ႉၼင်ႇၼၼ်ၸိုင်ၵူၼ်းၼမ်ၼႃႇတၵ်းထွၵ်ႈလူၺ်ႈသူႉၵျေးၸူးၸဝ်ႈဢၼ်ႁွတ်ႈထိုင်တီႈႁဝ်းၵွပ်ႈပိူဝ်ႈၵူၼ်းၼမ်ၼႃႇသူးတွင်းပုၼ်ႈႁဝ်းၼၼ်ႉလႄႈၶဝ်တၵ်းယွင်ႈယေႃးၵျေးၸူးၸဝ်ႈပုၼ်ႈႁဝ်းဢေႃႈ။

တၢင်းၵျၢမ်ႇတၢင်းပွင်ပေႃးလု

၁၂ လွင်ႈတၢင်းဢၼ်ႁဝ်းလႆႈဢုပ်ႇဝၢဝ်းဢဝ်ၵုင်ႇၸမ်းၸႂ်ဢၼ်ႁူႉတူဝ်ၸဝ်ႈၵဝ်ႇႁဝ်းၶၢမ်ႇသၢၵ်ႈသေႇလွင်ႈဢၼ်ႁဝ်းဢမ်ႇဢိင်ႈပိင်ႇၺႃႇလေႃးၵီႇႁဝ်းဢိင်ၵျေးၸူးၽြႃးပဵၼ်ၸဝ်ႈသေလႄႈဢဝ်တင်းၸႂ်ဢၼ်ဢမ်ႇမီးသွင်ၽၢႆႇသွင်ပႃႈဢိၵ်ႇတင်းတၢင်းဢၼ်ၶၢဝ်ၸၢင်ႇဢၼ်ၽြႃးပဵၼ်ၸဝ်ႈမီးဢလူဝ်ႇၼၼ်ႉသေယဝ်ႉၵမ်ၵျၢင်ႉသၢင်ႈႁဵတ်းၼႂ်းလေႃးၵႃႉၼႆႉလႄႈၵႃႈတီႈသူၵေႃႈယဵင်ႈၶႅၼ်းၵမ်ၵျၢင်ႉသၢင်ႈႁဵတ်းၸိူဝ်ႉၼင်ႇၼၼ်ဢေႃႈ။

၁၃ ႁဝ်းတႅမ်ႈတၢင်ႇၸိူဝ်ႉတၢင်ႇပိူင်ဢၼ်သူဢမ်ႇၽတ်းလႆႈဢမ်ႇႁူႉလႆႈၼၼ်ႉသေလႄႈပၼ်ၵႂႃႇတီႈသူဢမ်ႇၸႂ်ႈ။

၁၄ ၸိူဝ်ႉၼင်ႇဢၼ်သူလႆႈႁူႉယဝ်ႉလႄႈႁပ်ႉတုင်းဢဝ်ဢိတ်းၼိုင်ႈယဝ်ႉၼၼ်ႉႁဝ်းမုင်ႈမွင်းသူတၵ်းႁူႉတဵမ်ထူၼ်ႈလႄႈတၵ်းမီးတၢင်းဢၼ်ဢုပ်ႇဝၢဝ်းဢဝ်ၵုင်ႇမိူၼ်ၸိူဝ်ႉၼင်ႇသူပဵၼ်လွင်ႈတၢင်းဢၼ်ႁဝ်းတၵ်းလႆႈဢုပ်ႇဝၢဝ်းဢဝ်ၵုင်ႇၵႃႈၼႂ်းဝၼ်းၸဝ်ႈယေႇသုၼၼ်ႉဢေႃႈ။

၁၅ ၵဝ်မီးတၢင်းဢၼ်ယုမ်ႇယမ်လႄႈၵဝ်ၶႂ်ႈမႃးတီႈသူဢွၼ်တၢင်းႁႂ်ႈသူလႆႈၶၢမ်ႇၵျေးၸူးၸဝ်ႈသွင်ပွၵ်ႈဢေႃႈ။

၁၆ ၵဝ်ၶႂ်ႈမႃးလႄႇသူမိူဝ်ႈဢၼ်ၵဝ်ၵၢႆၵႂႃႇၵႃႈတီႈႁိမ်းသူၼႂ်းသဵၼ်တၢင်းမိူဝ်ႈဢၼ်ၵဝ်ၵႂႃႇမိူင်းမႃႇၵေႇတေႃးၼိၼၼ်ႉဢေႃႈ။မိူဝ်ႈဢၼ်လုၵ်ႉသေၵႃႈတီႈမိူင်းမႃႇၵေႇတေႃးၼိမႃးၼၼ်ႉၵေႃႈၵဝ်တၵ်းမႃးၸူးၵႃႈတီႈသူလႄႈၶၢမ်ႇဢဝ်တၢင်းဢၼ်သူသူင်ႇၵဝ်ၵႂႃႇတေႃႇထိုင်ႁွတ်ႈမိူင်းယုတပုၼ်ႉဢေႃႈ။

၁၇ မိူဝ်ႈဢၼ်ၵဝ်ၵျၢမ်ႇပွင်ၸိူဝ်ႉၼင်ႇၼၼ်ၸိုင်၊ၸွင်ႇၵဝ်ၵျၢမ်ႇပွင်မဝ်မဝ်မၢင်ႈမၢင်ႈႁိုဝ်။ၸွင်ႇၵဝ်ၵျၢမ်ႇပွင်ၸွမ်းၼင်ႇၸႃႇတိၵူၼ်းလႄႈၸၢင်ႊဝႃႈၸႂ်ႈယဝ်ႉၸႂ်ႈယဝ်ႉ၊ဢမ်ႇၸႂ်ႈဢမ်ႇၸႂ်ႈ၊ဝႃႈၼႆၼၼ်ႉၵူၺ်းႁိုဝ်။

၁၈ ၸိူဝ်ႉၼင်ႇဢၼ်ၽြႃးပဵၼ်ၸဝ်ႈတဵမ်ဝႆႉတင်းသႅတ်ႈၸႃႇၼၼ်ႉၵႂၢမ်းဢၼ်ႁဝ်းပၼ်ၵႂႃႇတီႈသူၼၼ်ႉၵေႃႈဢမ်ႇပဵၼ်ၵႂၢမ်းဢၼ်ဝႃႈၸႂ်ႈယဝ်ႉ၊ဢမ်ႇၸႂ်ႈ၊ၼၼ်ႉၵူၺ်း။

၁၉ လုၵ်ႈၽြႃးပဵၼ်ၸဝ်ႈ၊ၸဝ်ႈယေႇသုၶရိၸ်ႉ၊ဢၼ်ၵဝ်တင်းၸိလွႃႇၼုဢိၵ်ႇတင်းတိမေႃးသေႇႁေႃးလၢတ်ႈၼၼ်ႉ၊ဢမ်ႇၸႂ်ႈဝႃႈၸႂ်ႈယဝ်ႉ၊ဢမ်ႇၸႂ်ႈ၊ဝႃႈၼင်ႇၼႆၼၼ်ႉ။ၼႂ်းမၼ်းၸဝ်ႈၼၼ်ႉပဵၼ်ၸႂ်ႈယဝ်ႉတႃႇသေႇဢေႃႈ။ၵတိၽြႃးပဵၼ်ၸဝ်ႈမီးၼမ်ၼႃႇသေၵေႃႈလႆႈပဵၼ်ဝႃႈၸႂ်ႈယဝ်ႉၵႃႈၼႂ်းၸဝ်ႈၶရိၸ်ႉဢေႃႈ။

၂၀ ၵွပ်ႈပိူဝ်ႈၸဝ်ႈၼၼ်ႉလႄႈႁဝ်းလႆႈဝႃႈဢႃႈမိၼ်သေယဝ်ႉႁႂ်ႈမူၼ်သရေႇၽြႃးပဵၼ်ၸဝ်ႈထၢင်ႇသႃးဢေႃႈ။

၂၁ ၵေႃႉဢၼ်ႁႂ်ႈသူတင်းႁဝ်းတႄႇမၼ်ႈယူႇၼႂ်းၸဝ်ႈၶရိၸ်ႉၸမ်းပဵၼ်ၽြႃးပဵၼ်ၸဝ်ႈဢေႃႈ။

၂၂ မၼ်းၸဝ်ႈပၼ်ၽိၵ်ႉသိၵ်ႈတီႈႁဝ်းတွၵ်ႇတၼ်းသိၵ်ႈတီႈႁဝ်းႁႂ်ႈလႆႈပဵၼ်ၸဝ်ႈႁဝ်းသေလႄႈသွင်းသႂ်ႇဝိၺိၺ်ႇၸဝ်ႈၵႃႈၼႂ်းႁူဝ်ၸႂ်ႁဝ်းႁႂ်ႈလႆႈပဵၼ်ၸရၢၼ်ႇဢၼ်တပေဵၼ်မႃးၵမ်းလိုၼ်းၼၼ်ႉဢေႃႈ။

၂၃ ပိူဝ်ႈဢၼ်ၵဝ်ဢိတ်းလူသူလႄႈတေႃႇထိုင်ႁွတ်ႈမိူဝ်ႈလဵဝ်ၼႆႉၵဝ်ဢမ်ႇပႆႇမႃးၵႃႈတီႈဝဵင်းၵေႃ:ရဵၼ်ႇထုဝႃႈၼႆၵဝ်တိူင်ႇၽြႃးပဵၼ်ၸဝ်ႈႁႂ်ႈလႆႈပဵၼ်သၢၵ်ႈသေႇၵဝ်ဢေႃႈ။

၂၄ ပဵၵ်ႉသမ်ႉဝႃႈၸိူဝ်ႉၼင်ႇၼႆသေၵေႃႈႁဝ်းဢုပ်ႉပိူင်ႇတၢင်းယုမ်ႇမၢတ်ႈသူဢမ်ႇၸႂ်ႈ။ႁဝ်းပဵၼ်ၵေႃႉဢၼ်ၸွႆႈထႅမ်ပုၼ်ႈတၢင်းသိူဝ်းပျေႃႇသူၼၼ်ႉၵူၺ်းဢေႃႈ။လွင်ႈမၼ်းၸမ်းသူတႄႇမၼ်ႈယူႇၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ