Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၆

ပီႈၼွင်ႉၵၼ်ႁဵတ်းဢမူႉတေႃႇၵၼ်

၁ ပေႃးသူၼင်ႇၵၼ်ၵၼ်မီးတၢင်းၽိတ်းတီႈၵၼ်ၸိုင်ၸွင်ႇသူတေၵႂႃႇၵႃႈတီႈလုမ်းတြႃးဢၼ်ၵူၼ်းဢမ်ႇသိုဝ်ႈတေႃႇၸီႇယၢင်ႇၼၼ်ႉႁိုဝ်။ဢမ်ႇၼၼ်ၵေႃႈသူတၵ်းၵႂႃႇၶၢမ်ႇတၢင်းဢၼ်ၸီႇယၢင်ႇတြႃးၵႃႈတီႈၽၢႆႇၼႃႈၵူၼ်းမူတ်းၸၢင်ႇတင်းလၢႆၸီႇယၢင်ႇၼၼ်ႉႁိုဝ်။

၂ ၸွင်ႇသူဢမ်ႇႁူႉလွင်ႈဢၼ်ဝႃႈၵူၼ်းမူတ်းၸၢင်ႇတင်းလၢႆတၵ်းလႆႈၸီႇယၢင်ႇတြႃးမိူင်းလေႃးၵီႇၼၼ်ႉႁိုဝ်။ပေႃးသူတၵ်းလႆႈၸီႇယၢင်ႇမိူင်းလေႃးၵီႇၼႆႉၸိုင်ၸွင်ႇသူဢမ်ႁတ်းၸီႇယၢင်ႇဢမူႉဢၼ်လဵၵ်ႉဢၼ်ဢွၼ်ႇၸိူဝ်းၼၼ်ႉႁိုဝ်။

၃ ၸွင်ႇသူဢမ်ႇႁူႉလွင်ႈဢၼ်ႁဝ်းတၵ်းလႆႈၸီႇယၢင်ႇတြႃးၼိူဝ်တမၢၼ်ႇၵၢင်ႁၢဝ်တင်းလၢႆၼၼ်ႉႁိုဝ်။ၵွပ်ႈႁွႆးၼႆႉလႄႈထိူၵ်ႈၸီႇယၢင်ႇဢမူႉဢၼ်ၸၢပ်ႈသႅင်ႇၵၼ်တင်းၸူဝ်ႈတႃႇဢသၢၵ်ႈၼႆႉၼၼ်ႉဢမ်ႇၸႂ်ႈႁိုဝ်။

၄ ပိူဝ်ႈၼႆလႄႈပေႃးသူမီးလွင်ႈတၢင်းဢၼ်ၸီႇယၢင်ႇဢမူႉဢၼ်ၸၢပ်ႈသႅင်ႇၵၼ်တင်းၸူဝ်ႈတႃႇဢသၢၵ်ႈၼႆႉၼၼ်ႉၸိုင်ႁဵတ်းသင်လႄႈဢဝ်ၶဝ်ၸိူဝ်းဢၼ်ဢမ်ႇပေႃးမီးသရေႇၼၼ်ႉၶၢၼ်းဝႆႉၼႂ်းဢရႃႇၵေႃႉဢၼ်တၵ်းလႆႈၸီႇယၢင်ႇတြႃးၼိူဝ်သူၼၼ်ႉ။

၅ မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်ၵဝ်လၢတ်ႈႁႂ်ႈသူဢူၵ်းဢၢႆဢေႃႈ။ၼႂ်းသူၼၼ်ႉဢမ်ႇမီးၵေႃႉဢၼ်မီးပိင်ႇၺႃႇသေၵေႃႉသေၵူၼ်းႁိုဝ်။ဢမ်ႇမီးၵေႃႉဢၼ်တၵ်းၸီႇယၢင်ႇၽေႇၽျၢၼ်ႇဢမူႉပီႈၼွင်ႉၼင်ႇၵၼ်ၵၼ်လႆႈၼၼ်ႉသေၵေႃႉသေၵူၼ်းႁိုဝ်။

၆ ပီႈၼွင်ႉၼင်ႇၵၼ်ၵၼ်ႁဵတ်းဢမူႉတီႈၵၼ်ဢမ်ႇၵႃးႁဵတ်းဢမူႉတီႈၵၼ်ၽၢႆႇၼႃႈၶဝ်ၸိူဝ်းဢၼ်ဢမ်ႇယုမ်ႇမၢတ်ႈၼၼ်ႉလူင်ပေႇ။

၇ လွင်ႈတၢင်းဢၼ်သူၼင်ႇၵၼ်ၵၼ်ႁဵတ်းဢမူႉတီႈၵၼ်ၼၼ်ႉပဵၼ်တီႈဢၼ်သုမ်းၵူၺ်းဢေႃႈ။

၈ႁဵတ်းသင်ဢမ်ႇၶၢမ်ႇတၢင်းဢၼ်ၽိတ်း။ႁဵတ်းသင်ဢမ်ႇၶၢမ်ႇတၢင်းဢၼ်ပႅတ်ႉလႅၼ်။သူပီႈၼွင်ႉၵၼ်ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ႁဵတ်းဢမူႉတေႃႇၵၼ်ႁိမ်ဢဝ်ဢုၵ်ႉၸႃႇၵၼ်လူင်ပေႇ။

တၵ်းလႆႈယွင်ႈယေႃးၽြႃးပဵၼ်ၸဝ်ႈၼႂ်းတူဝ်ၶၼ်ႇထႃႇ

၈ ၸွင်ႇသူဢမ်ႇႁူႉလွင်ႈဢၼ်ဝႃႈ၊ၶဝ်ၸိူဝ်းဢၼ်ဢမ်ႇတြႃးၼၼ်ႉတၵ်းဢမ်ႇလႆႈၶၢမ်ႇဢမူၺ်ႇမိူင်းၽြႃးပဵၼ်ၸဝ်ႈၼၼ်ႉႁိုဝ်။ယႃႇပေဢဝ်ၽိတ်းဢဝ်ပိူင်ႈ။

၉ ၵေႃႉဢၼ်ႁဵတ်းမေႇထုင်ႇဢၼ်ဢမ်ႇတြႃးလႂ်ၵေႃႉဢၼ်ၵူဝ်းၵႂၢႆႇရူၵ်ႈထူႉလႂ်ၵေႃႉဢၼ်ၽိတ်းပိူင်ႈမေးပိူၼ်ႈလႂ်ၵေႃႉဢၼ်ၽူႈၸၢႆးၼင်ႇၵၼ်ႁဵတ်းမေႇထုင်ႇၵၼ်လႂ်

၁၀ ၵေႃႉဢၼ်လၵ်ႉဢဝ်ဢုၵ်ႉၸႃႇပိူၼ်ႈလႂ်၊ၵေႃႉဢၼ်လေႃးၽႃႉပူၼ်ႉလိူဝ်လႂ်၊ၵေႃႉဢၼ်ၵိၼ်လဝ်ႈမဝ်းၵမ်လႂ်၊ၵေႃႉဢၼ်ၸင်းၼႃႈၸင်းလင်လႂ်၊ၵေႃႉဢၼ်ႁဵတ်းပႄႉႁဵတ်းၼႅင်ႇလႄႈႁိမ်ဢဝ်လႂ်ၸိူဝ်းၼၼ်ႉတၵ်းဢမ်ႇလႆႈၶၢမ်ႇဢမူၺ်ႇမိူင်းၽြႃးပဵၼ်ၸဝ်ႈၵူၺ်း။

၁၁ မိူဝ်ႈဢွၼ်ၼႆႉၼၼ်ႉပဵၵ်ႉသမ်ႉၼႂ်းသူၼႆႉၵမ်ႈၽွင်ႈပဵၼ်ၵူၼ်းၸိူဝ်ႉၼင်ႇၼၼ်ယူႇသေၵေႃႈတေႃႈလဵဝ်ၼႆႉသူလႆႈႁွတ်ႈထိုင်တၢင်းဢၼ်သုၵ်ႈပွတ်ႈမူတ်းၸၢင်ႇလႄႈသိုဝ်ႈတေႃႇၼႂ်းၼႃႇမႃႉၸိုဝ်သဵင်ၸဝ်ႈယေႇသုဢိၵ်ႇတင်းၼႂ်းဝိၺိၺ်ႇၽြႃးပဵၼ်ၸဝ်ႈႁဝ်းၼၼ်ႉယဝ်ႉ။ၵဝ်မီးဢၶႂင်ႉႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်လႆႈယူႇဢေႃႈ။

၁၂ ၵူၺ်းၵႃႈလွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉပဵၼ်ဢၵျူဝ်းဢမ်ႇၸႂ်ႈ။ၵဝ်မီးဢၶႂင်ႉႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်လႆႈယူႇဢေႃႈ။

၁၃ ၵူၺ်းၵႃႈၵဝ်ဢမ်ႇထုၵ်ႇလီပဵၼ်ၶႃႈတီႈလွင်ႈတၢင်းသေၸိူဝ်ႉသေမဵဝ်း။တၢင်းၵိၼ်တၢင်းၶူပ်းၸိုင်၊ပဵၼ်ပုၼ်ႈတွင်ႉဢေႃႈ။တွင်ႉၵေႃႈပဵၼ်ပုၼ်ႈတၢင်းၵိၼ်တၢင်းၶူပ်းဢေႃႈ။ၼႂ်းဝႃႈၼၼ်သေၵေႃႈၽြႃးပဵၼ်ၸဝ်ႈတၵ်းယႃႉပႅတ်ႈတင်းသွင်ၸိူဝ်ႉသွင်ပိူင်ဢေႃႈ။တူဝ်ၶၼ်ႇထႃႇၸိုင်ပဵၼ်ပုၼ်ႈမေႇထုင်ႇဢၼ်ဢမ်ႇတြႃးဢမ်ႇၸႂ်ႈ။ပဵၼ်ပုၼ်ႈၸဝ်ႈၽြႃးဢေႃႈ။ၸဝ်ႈၽြႃးၵေႃႈပဵၼ်ပုၼ်ႈတူဝ်ၶၼ်ႇထႃႇဢေႃႈ။

၁၄ ၽြႃးပဵၼ်ၸဝ်ႈႁႂ်ႈၸဝ်ႈၽြႃးလုၵ်ႉၶိုၼ်းလႄႈႁဝ်းၵေႃႈမၼ်းၸဝ်ႈတၵ်းႁႂ်ႈလုၵ်ႉၶိုၼ်းၵွပ်ႈပိူဝ်ႈတၼ်းၶူဝ်းၸဝ်ႈဢေႃႈ။

၁၅ ၸွင်ႇသူဢမ်ႇႁူႉလွင်ႈဢၼ်ဝႃႈတူဝ်ၶၼ်ႇထႃႇသူၼႆႉပဵၼ်ဢင်ႇၵႃႇၸဝ်ႈၶရိၸ်ႉၼၼ်ႉႁိုဝ်။ပေႃးပဵၼ်ၸိူဝ်ႉၼင်ႇၼႆၸိုင်၊ၸွင်ႇၵဝ်ထုၵ်ႇလီဢဝ်ဢင်ႇၵႃႇၸဝ်ႈၶရိၸ်ႉႁူမ်ႈပွင်းဢင်ႇၵႃႇမေႈမွၵ်ႇယႃႈႁိုဝ်။

၁၆ ဢမ်ႇပဵၼ်ၸိူဝ်ႉၼင်ႇၼၼ်။ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်းၸွင်ႇသူဢမ်ႇႁူႉလွင်ႈဢၼ်ဝႃႈၵေႃႉႁူမ်ႈပွင်းဢင်ႇၵႃႇမေႈမွၵ်ႇယႃႈၼၼ်ႉပဵၼ်ၼိူဝ်ႉပဵၼ်တူဝ်ဢၼ်လဵဝ်ၵၼ်တင်းမေႈမွၵ်ႇယႃႈယဝ်ႉၼၼ်ႉႁိုဝ်။မၼ်းၸဝ်ႈဝႃႈၶဝ်သွင်ၵေႃႉၼၼ်ႉတၵ်းလႆႈပဵၼ်ၼိူဝ်ႉဢၼ်လဵဝ်ၵၼ်တူဝ်ဢၼ်လဵဝ်ၵၼ်ဝႃႈၼင်ႇၼႆယဝ်ႉ။

၁၇ ၵေႃႉဢၼ်ႁူမ်ႈပွင်းၸဝ်ႈၽြႃးၼၼ်ႉပဵၼ်ဝိၺိၺ်ႇဢၼ်လဵဝ်ၵၼ်တင်းၸဝ်ႈၼၼ်ႉဢေႃႈ။ဝေႈပႅတ်ႈမေႇထုင်ႇဢၼ်ဢမ်ႇတြႃးတႃႉ။တူႉၸရိူၵ်ႈဢပျႅတ်ႈတၢင်ႇၸိူဝ်ႉတၢင်ႇဢၼ်ဢၼ်ၵူၼ်းၸၢင်ႊႁဵတ်းၵႃႈမီးတင်းသဵင်ႈတင်းလူင်ၼၼ်ႉမီးၽၢႆႇၼွၵ်ႈၵူၼ်းဢေႃႈ။

၁၈ ၵေႃႉဢၼ်ႁဵတ်းမေႇထုင်ႇဢၼ်ဢမ်ႇတြႃးၼၼ်ႉၸမ်းၽိတ်းပိူင်ႈတူဝ်ၶၼ်ႇထႃႇတူဝ်ၸဝ်ႈၵဝ်ႇဢေႃႈ။

၁၉ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်းသူဢမ်ႇႁူႉလွင်ႈဢၼ်တူဝ်ၶၼ်ႇထႃႇသူပဵၼ်ပဵၵ်ႉမၢၼ်ႇဝိၺိၺ်ႇမူတ်းၸၢင်ႇၸဝ်ႈဢၼ်ၵိင်းဝၢပ်ႈယူႇၵႃႈၼႂ်းသူဢၼ်ၽြႃးပဵၼ်ၸဝ်ႈဢိတ်းလူပၼ်တီႈသူဢိၵ်ႇတင်းလွင်ႈဢၼ်တူဝ်ၸဝ်ႈၵဝ်ႇဢမ်ႇပိူင်ႇတူဝ်ၸဝ်ႈၵဝ်ႇၼၼ်ႉႁိုဝ်။

၂၀ ပိူဝ်ႈဢၼ်သူပဵၼ်ၵေႃႉဢၼ်မၼ်းၸဝ်ႈဢဝ်တင်းၵႃႊမၼ်းၶၼ်မၼ်းသိုဝ်ႉဢဝ်ၼၼ်ႉလႄႈဢဝ်တင်းတူဝ်ၶၼ်ႇထႃႇသူႁဵတ်းႁႂ်ႈမူၼ်ၽုင်းၽြႃးပဵၼ်ၸဝ်ႈထၢင်ႇသႃးသေၵမ်းတႃႉ။