Shan Missions

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

Chapter     ၁          ၂          ၃          ၄          ၅          ၆          ၇          ၈          ၉          ၁၀           ၁၁          ၁၂          ၁၃     

၆

ၵၢၼ်သႃႇသၼႃႇဢၼ်လႆႈၶၢမ်ႇတၢင်းယၢပ်ႇတၢင်းၽိုတ်ႇ

၁ ၸိူဝ်ႉၼင်ႇဢၼ်ႁဝ်းပဵၼ်ၵေႃႉဢၼ်ပွင်ႁဵတ်းဢမူႉၸဝ်ႈၼၼ်ႉႁဝ်းတိုၵ်းယူင်းသူယႃႇပေႁႂ်ႈၵျေးၸူးၽြႃးပဵၼ်ၸဝ်ႈဢၼ်သူလႆႈၶၢမ်ႇဢဝ်ၼၼ်ႉပဵၼ်လၢႆလၢႆလွၵ်ႇလွၵ်ႇ။

၂ မႅၼ်ႈၼင်ႇပျႃႇတိၵ်ႈၸဝ်ႈမီးဝႆႉဝႃႈ၊-ၵဝ်ထွမ်ႇငိၼ်းၵႂၢမ်းမႂ်းၼႂ်းၶိင်ႇၵႃႇလႃႉဢၼ်လီၼႅတ်ႈသၢင်ႇထုၵ်ႇၸႂ်ၼၼ်ႉယဝ်ႉ။ၵဝ်ၸွႆႈထႅမ်မႂ်းၼႂ်းၶိင်ႇမိူဝ်ႉဝၼ်းတၢင်းၵႄႇၶျွတ်ႈၼၼ်ႉယဝ်ႉဝႃႈၼင်ႇၼႆၼၼ်ႉ၊တေႃႈလဵဝ်ၼႆႉပဵၼ်ၶိင်ႇၵႃႇလႃႉဢၼ်လီၼႅတ်ႈသၢင်ႇထုၵ်ႇၸႂ်ဢေႃႈ။တေႃႈလဵဝ်ၼႆႉပဵၼ်ၶိင်ႇမိူဝ်ႈဝၼ်းတၢင်းၵႄႇၶျွတ်ႈဢေႃႈ။

၃ ၼင်ႇႁိုဝ်ၵၢၼ်ႈသႃႇသၼႃႇဢၼ်ႁဝ်းႁဵတ်းၼၼ်ႉတၵ်းလႆႈၵၢင်းလွတ်ႈတင်းတၢင်းဢၼ်တၢင်ႇဢပျႅတ်ႈၸိုင်ႁဝ်းဢမ်ႇႁဵတ်းလွင်ႈတၢင်းဢၼ်တၵ်းတိူဝ်ႉမႅၼ်ႈလႄႈလူမ်ႉၼၼ်ႉသေၸိူဝ်ႉသေပိူင်။

၄ ၸိူဝ်ႉၼင်ႇဢၼ်ႁဝ်းပဵၼ်ထမ်ႇမႃႉသြႃႇဢၼ်ၽြႃးပဵၼ်ၸဝ်ႈၶၢၼ်းဝႆႉၼၼ်ႉႁဝ်းလႆႈယိူၼ်ႉၶၢမ်ႇၼႂ်းလွင်ႈတၢင်းၵူႈၸိူဝ်ႉၵူႈပိူင်ၼႂ်းတၢင်းဢၼ်ၼိၵ်ႈၸၢၵ်ႈငႅၼ်းသေးၼႂ်း

၅ တၢင်းဢၼ်ယၢၵ်ႈဢၼ်ၽၢၼ်ၼႂ်းတၢင်းဢၼ်ထူပ်းၽေးဢူးပၢတ်ႈၼႂ်းတၢင်းဢၼ်ၶၢမ်ႇတၢင်းဢၼ်ပေႃႉယႅၼ်ႉၼႂ်းတၢင်းဢၼ်တူၵ်းၵႃႈၼႂ်းထွင်ႇ၊ၼႂ်းတၢင်းဢၼ်ပိူၼ်ႈႁဵတ်းဢူၼ်ဢဵၼ်မေႃးမႄး၊ၼႂ်းတၢင်းဢၼ်ႁဵတ်းၵၢၼ်ယၢပ်ႇၽိုတ်ႇ၊ၼႂ်းတၢင်းဢၼ်ဢမ်ႇလႆႈၼွၼ်း၊ၼႂ်းတၢင်းဢၼ်ဢိုပ်းယၢၵ်ႈ၊

၆ ၼႂ်းတၢင်းဢၼ်ႁူဝ်ၸႂ်မူတ်းသႂ်၊ၼႂ်းတၢင်းဢၼ်မီးပိင်ႇၺႃႇ၊ၼႂ်းတၢင်းဢၼ်ၸႂ်ယႂ်ႇၸႂ်ယၢဝ်း၊ၼႂ်းတၢင်းဢၼ်ႁဵတ်းၵျေးၸူး၊ၼႂ်းတၢင်းဢၼ်ၶၢမ်ႇဢဝ်ဝိၺိၺ်ႇမူတ်းၸၢင်ႇၸဝ်ႈ၊ၼႂ်းတၢင်းႁၵ်ႉဢၼ်ၸႅတ်ႈၸၢင်ႇ၊

၇ ၼႂ်းတၢင်းဢၼ်ႁေႃးလၢတ်ႈမၢၼ်ႇမႅၼ်ႈသိုဝ်ႈတေႃႇ၊ၼႂ်းတၢင်းဢၼ်ၼႄပျႃးတၼ်းၶူဝ်းၽြႃးပဵၼ်ၸဝ်ႈလူၺ်ႈၼၢၵ်ႈၼၢၵ်ႈတၢင်းသိုဝ်ႈတေႃႇဢၼ်မီးဝႆႉၼႂ်းမိုဝ်းၽၢႆႇၶႂႃၽၢႆႇသၢႆႉ

၈ ၸွမ်းလူၺ်ႈတၢင်းဢၼ်ႁဵတ်းႁႂ်ႈသရေႇထၢင်ႇသႃးဢိၵ်ႇတင်းတၢင်းဢၼ်ႁဵတ်းႁႂ်ႈသရေႇယုတ်ႈယွမ်းတၢင်းဢၼ်ၶၢမ်ႇတၢင်းဢၼ်ယွင်ႈယေႃးဢိၵ်ႇတင်းတၢင်းဢၼ်ၶၢမ်ႇတၢင်းဢၼ်သေႉသွမ်း၊ပဵၵ်ႉသမ်ႉပဵၼ်ၸိူဝ်ႉၼင်ႇၵေႃႉဢၼ်ၸိုဝ်ႈဢၼ်ၸႂ်ႈ၊

၉ ပဵၵ်ႉသမ်ႉပဵၼ်ၸိူဝ်ႉၼင်ႇၵေႃႉဢၼ်ၽူႈလႂ်ဢမ်ႇႁူႉပဵၼ်ၸိူဝ်ႉၼင်ႇၵေႃႉဢၼ်ႁူင်ႁၢင်း၊ပဵၵ်ႉသမ်ႉပဵၼ်ၸိူဝ်ႉၼင်ႇၵေႃႉဢၼ်ၶၢမ်ႇတၢႆသေၵေႃႈပဵၼ်ၸိူဝ်ႉၼင်ႇၵေႃႉဢၼ်ဢသၢၵ်ႈလိပ်း၊ပဵၵ်ႉသမ်ႉပဵၼ်ၸိူဝ်ႉၼင်ႇၵေႃႉဢၼ်လႆႈၶၢမ်ႇတၢင်းဢၼ်သင်ႇသွၼ်သုင်းမႃႉသေၵေႃႈပဵၼ်ၸိူဝ်ႉၼင်ႇၵေႃႉဢၼ်ၵၢင်းလွတ်ႈတင်း

၁၀ တၢင်းဢၼ်ဢဝ်တၢႆပဵၵ်ႉသမ်ႉပဵၼ်ၸိူဝ်ႉၼင်ႇၵေႃႉဢၼ်ၸႂ်လဵၵ်ႉၸႂ်ဢူၼ်ႈသေၵေႃႈပဵၼ်ၸိူဝ်ႉၼင်ႇၵေႃႉဢၼ်သိူဝ်းပျေႃႇသေႇသေႇ၊ပဵၵ်ႉသမ်ႉပဵၼ်ၸိူဝ်ႉၼင်ႇၵူၼ်းယၢၵ်ႈၵူၼ်းၽၢၼ်သေၵေႃႈ၊ပဵၼ်ၸိူဝ်ႉၼင်ႇၵေႃႉဢၼ်ၸၢင်ႊႁႂ်ႈပိူၼ်ႈမၢၵ်ႈပိူၼ်ႈမီး၊ပဵၵ်ႉသမ်ႉပဵၼ်ၸိူဝ်ႉၼင်ႇၵေႃႉဢၼ်ဢမ်ႇပိူင်ႇသေၸိူဝ်ႉသေပိူင်သေၵေႃႈပဵၼ်ၸိူဝ်ႉၼင်ႇၵေႃႉဢၼ်ပိူင်ႇတင်းသဵင်ႈတင်းလူင်ၼၼ်ႉယူႇဢေႃႈ။

ၵူၼ်းၵေႃ:ရဵၼ်ႇထုၶဝ်ဢိူၺ်း၊ႁဝ်းဝႃႈတီႈသူတႄႉတႄႉဝႃႈဝႃႈဢေႃႈ။ႁူဝ်ၸႂ်ႁဝ်းၵေႃႈၽုၺ်ႇဝႆႉၵႂၢင်ႈၵႂၢင်ႈပုၼ်ႈသူဢေႃႈ။

၁၂ သူၵိတ်ႇၵႅပ်ႈမႅတ်ႈတႃႇၵရူႉၼႃႇႁဝ်းဢမ်ႇၸႂ်ႈ။သူၵိတ်ႇၵႅပ်ႈမႅတ်ႈတႃႇၵရူႉၼႃႇတူဝ်ၸဝ်ႈၵဝ်ႇၵူၺ်းဢေႃႈ။

၁၃ သူၽုၺ်ႇဝႆႉႁူဝ်ၸႂ်သူၵႂၢင်ႈၵႂၢင်ႈပုၼ်ႈႁဝ်းတႃႉ။မိူဝ်ႈဢၼ်ၵဝ်လၢတ်ႈၸိူဝ်ႉၼင်ႇၼႆၸိုင်ၵဝ်လၢတ်ႈၸိူဝ်ႉၼင်ႇဢၼ်ၵဝ်လၢတ်ႈတီႈလုၵ်ႈလၢင်းတူဝ်ၸဝ်ႈၵဝ်ႇၼၼ်ႉဢေႃႈ။

ၵူၼ်းယုမ်ႇမၢတ်ႈလႂ်ပဵၼ်ပိၵ်ႉမၢၼ်ႇၸဝ်ႈ

၁၄ ယႃႇပေႁူမ်ႈၵၼ်တင်းၶဝ်ၸိူဝ်းဢၼ်ဢမ်ႇယုမ်ႇမၢတ်ႈၼၼ်ႉလႄႈႁၢပ်ႇၵၢၼ်းဢၼ်ဢမ်ႇထုၵ်ႇလႄႈၶတ်းၵၼ်ၼၼ်ႉ။လွင်ႈတၢင်းဢၼ်မႅၼ်ႈတြႃးတၵ်းႁပ်ႉတုင်းဢဝ်လွင်ႈတၢင်းဢၼ်ဢမ်ႇမႅၼ်ႈတြႃးၼၼ်ႉလႆႈၸိူဝ်ႉၼင်ႇႁိုဝ်။ဢၼ်လႅင်းတင်းဢၼ်လပ်းသိင်ႇတၵ်းသိူၵ်ႈသမ်ႇၵၼ်လႆႈၸိူဝ်ႉၼင်ႇႁိုဝ်။

၁၅ ၸဝ်ႈၶရိၸ်ႉတင်းပေႇလျႃႇလတၵ်းထုၵ်ႇၵၼ်လႆႈၸိူဝ်ႉၼင်ႇႁိုဝ်။ၵေႃႉဢၼ်ယုမ်ႇမၢတ်ႈတင်းၵေႃႉဢၼ်ဢမ်ႇယုမ်ႇမၢတ်ႈၼၼ်ႉတၵ်းမီးတၢင်းဢၼ်ႁဵတ်းၵေႃႉႁူမ်ႈၵၼ်လႆႈၸိူဝ်ႉၼင်ႇႁိုဝ်။

၁၆ ပိၵ်ႉမၢၼ်ႇၽြႃးပဵၼ်ၸဝ်ႈတင်းရူၵ်ႈထူႉၸၢပ်ႈသႅင်ႇၵၼ်လႆႈၸိူဝ်ႉၼင်ႇႁိုဝ်။မႅၼ်ႈၼင်ႇဢၼ်ၽြႃးပဵၼ်ၸဝ်ႈမီးဢမိင်ႉလႄႈဝႃႈ၊-ၵဝ်တၵ်းၵိင်းဝၢပ်ႈယူႇၵႃႈၼႂ်းၶဝ်ဢေႃႈ။ၵဝ်တၵ်းလႄႇၵႂႃႇလႄႇမႃးယူႇၵႃႈၼႂ်းၶဝ်လႄႈပဵၼ်ၽြႃးပဵၼ်ၸဝ်ႈၶဝ်ဢေႃႈ။ၶဝ်ၵေႃႈတၵ်းပဵၼ်ၵူၼ်းၵဝ်ဢေႃႈ၊ဝႃႈၼင်ႇၼႆၼၼ်ႉ၊သူပဵၼ်ပိၵ်ႉမၢၼ်ႇၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉဢေႃႈ။

၁၇ ပိူဝ်ႈၼႆလႄႈဢၼ်ထႃႇဝရႃႉၽြႃးသမ်ႉမီးဢမိင်ႉထႅင်ႈလႄႈဝႃႈၸမ်း၊-သူဢွၵ်ႇသေၵႃႈၼႂ်းၶဝ်လႄႈယူႇတၢင်ႇတီႈတၢင်ႇလႅၼ်တႃႉ။ယႃႇပေဢဝ်မိုဝ်းတိူဝ်ႉလွင်ႈတၢင်းဢၼ်ဢမ်ႇမူတ်းသႂ်ၼၼ်ႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ၵဝ်တၵ်းႁပ်ႉတုင်းဢဝ်သူဢေႃႈ။ၵဝ်တၵ်းပဵၼ်ပေႃႈသူဢေႃႈ။သူၵေႃႈတၵ်းပဵၼ်လုၵ်ႈလၢင်းၵဝ်ဢေႃႈ၊ဝႃႈၼႆထႃႇဝရႃႉၽြႃးဢၼ်တဵမ်ဝႆႉတင်းဢၼၼ်ႇတႃႉတၼ်းၶူဝ်းၼၼ်ႉမီးဢမိင်ႉဢေႃႈ။