လိၵ်ႈဢေႃးဝႃႇတႃ့ၵေႃးလေႃးသႄး
၁
ၵႂၢမ်းတၵ်ႉလၢတ်ႈလႄးတၢင်ႇၵျေးၸူး
၁ ၸွမ်းလူၺ်ႈဢလူဝ်ႇၽြႃးပဵၼ်ၸဝ်ႈလႄႈၵဝ်၊ပႃးလု၊ဢၼ်ပဵၼ်တမၢၼ်ႇၸဝ်ႈယေႇသုၶရိၸ်ႉဢိၵ်ႇတင်းၼွင်ႉၵဝ်တိမေႃးသေႇပၼ်ငိၼ်းၵႂႃႇတီႈၵူၼ်းမူတ်းၸၢင်ႇတင်းလၢႆဢၼ်မီးယူႇၵႃႈၼႂ်းဝဵင်းၵေႃးလေႃးသႄးဢၼ်ပဵၼ်ပီႈၼွင်ႉဢၼ်ယုမ်ႇမၢတ်ႈၸဝ်ႈယေႇသုၶရိၸ်ႉတင်းလၢႆၼၼ်ႉဢေႃႈ။
၂ ႁႂ်ႈသူႉၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈၽြႃးပေႃႈၸဝ်ႈဢိၵ်ႇတင်းၸဝ်ႈယေႇသုၶရိၸ်ႉၼၼ်ႉမီးၵႃႈၼိူဝ်သူသေၵမ်းလူၺ်ႈ။
၃ ၵွပ်ႈပိူဝ်ႈဢၼ်ႁဝ်းလႆႈငိၼ်းလွင်ႈဢၼ်သူယုမ်ႇမၢတ်ႈၸဝ်ႈယေႇသုၶရိၸ်ႉလႄႈႁၵ်ႉၵူၼ်းမူတ်းၸၢင်ႇတင်းသဵင်ႈတင်းလူင်ဢိၵ်ႇတင်းၵွပ်ႈပိူဝ်ႈတၢင်းဢၼ်မုင်ႈထႃႈမွင်းထႃႈ
၄ ဢၼ်သိမ်းပႅင်းဝႆႉပုၼ်ႈသူၵႃႈၼိူဝ်မိူင်းၵၢင်ႁၢဝ်ပုၼ်ႉၸွမ်းၵႃႈၼင်ႇဢၼ်သူလႆႈငိၼ်းၼႂ်းသမ်ႇမႃႇတြႃးဢၼ်ပဵၼ်တြႃးသတၢင်းသိူဝ်းပျေႃႇမိူဝ်ႈဢွၼ်ၼႆႉၼၼ်ႉ
၅ ႁဝ်းသူးတွင်းပုၼ်ႈသူယူႇတႃႇသေႇဢမ်ႇထၢတ်ႇလႄႈယွင်ႈယေႃးၵျေးၸူးၽြႃးပဵၼ်ၸဝ်ႈဢၼ်ပဵၼ်ပေႃႈၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉယူႇဢေႃႈ။
၆ တြႃးၼၼ်ႉမိူၼ်ၸိူဝ်ႉၼင်ႇဢၼ်ၸွတ်ႇတူဝ်ၵႃႈၼႂ်းမိူင်းလေႃးၵီႇၵူႈတီႈၵူႈလႅၼ်ၼၼ်ႉလႆႈႁွတ်ႈထိုင်ၵႃႈတီႈဢၼ်သူမီးၼၼ်ႉယဝ်ႉလႄႈပဵၼ်တၢင်းဢၼ်မၢၵ်ႇမႃးဢိၵ်ႇတင်းတၢင်းဢၼ်ယႂ်ႇၽႄၼမ်ၵိုၼ်းမႃးၼႂ်းသူၸႃႉၸဵမ်မိူဝ်ႈဝၼ်းဢၼ်သူလႆႈငိၼ်းလႄႈ၊ႁူႉၵျေးၸူးၽြႃးပဵၼ်ၸဝ်ႈၼႂ်းသမ်ႇမႃႇတြႃးၼၼ်ႉဢေႃႈ။
၇ ၵႃႈၼင်ႇဢၼ်သူလႆႈသွၼ်ဢဝ်တီႈဢေႇပၽြႃႉ၊ၵေႃႉဢၼ်ပဵၼ်ၶႃႈၵူၼ်းၸႂ်ႉၽြႃးၼင်ႇၵၼ်တင်းႁဝ်း၊ၵေႃႉဢၼ်ႁဝ်းႁၵ်ႉဢၼ်ပဵၼ်သြႃႇဢၼ်ပႂ်ႉဢမူႉလႄႈ
၈ မီးသႅတ်ႈၸႃႇၼႂ်းၸဝ်ႈၶရိၸ်ႉၼၼ်ႉမၼ်းၼႄပျႃးမႅတ်ႈတႃႇဝိၺိၺ်ႇပၵတိသူတီႈႁဝ်းဢေႃႈ။
ပေႃးလုသူးတွင်းပုၼ်ႈၵေႃးလေႃးသႄး
၉ ပိူဝ်ႈၼႆလႄႈၸႃႉၸဵမ်မိူဝ်ႈဝၼ်းဢၼ်ႁဝ်းလႆႈငိၼ်းၼၼ်ႉႁဝ်းႁဵတ်းသူးတွင်းပထၼႃႇပုၼ်ႈသူယူႇတႃႇသေႇဢမ်ႇထၢတ်ႇဢေႃႈ။
၁၀ ႁဝ်းသူးတွင်းၼင်ႇႁိုဝ်သူတၵ်းမီးပိင်ႇၺႃႇတင်းထမ်ႇမႃႉၺၢၼ်ႇၵူႈၸိူဝ်ႉၵူႈပိူင်လႄႈတဵမ်ႈထူၼ်ႈဝႆႉတင်းတၢင်းဢၼ်ႁူႉၸႅင်ႈဢလူဝ်ႇၽြႃးပဵၼ်ၸဝ်ႈသေလႄႈ
၁၁ မီးတၢင်းဢၼ်မၢၵ်ႇၼႂ်းတၢင်းၵမ်တၢင်းၵျၢင်ႉဢၼ်လီဢၼ်ငၢမ်းၵူႈၸိူဝ်ႉၵူႈပိူင်သေလႄႈယႂ်ႇၽႄၼမ်ၵိုၼ်းမႃးၼႂ်းၺၢၼ်ႇဢၼ်ႁူႉၽြႃးပဵၼ်ၸဝ်ႈၼၼ်ႉဢေႃႈ။ႁႂ်ႈတဵမ်ႈထူၼ်ႈတင်းဢဵၼ်ႁႅင်းၵူႈၸိူဝ်ႉၵူႈပိူင်ၵႃႈၼင်ႇတၼ်းၶူဝ်းမူၼ်ၽုင်းၸဝ်ႈယႂ်ႇၼႃႇၼၼ်ႉလႄႈမီးတၢင်းဢၼ်ယိူၼ်ႉၶၢမ်ႇၼႂ်းၵူႈၸိူဝ်ႉၵူႈပိူင်တၢင်းဢၼ်ၸႂ်ယႂ်ႇၸႂ်ယၢဝ်းဢိၵ်ႇတင်းၸႂ်ဢၼ်ၸူမ်းဢၼ်သိူဝ်းၼၼ်ႉတႃႉ။
၁၂ ယွင်ႈယေႃးၵျေးၸူးၽြႃးပေႃႈၸဝ်ႈဢၼ်ႁဵတ်းၵျေးၸူးႁႂ်ႈႁဝ်းလႆႈထိူၵ်ႈၶမ်ႇၸၢမ်ႇၸႃးသိူၵ်ႈသမ်ႇဢမူၺ်ႇၵူၼ်းမူတ်းၸၢင်ႇတင်းလၢႆဢၼ်ယူႇၵႃႈၼႂ်းဢၼ်လႅင်းၼၼ်ႉလႄႈ
၁၃ ၼုၵ်ႈဢဝ်ႁဝ်းဢွၵ်ႇသေၵႃႈၼႂ်းတၼ်းၶူဝ်းဢၼ်လပ်းသိင်ႇသေယဝ်ႉသႂၢင်းသႂ်ႇၵႃႈၼႂ်းမိုဝ်းလုၵ်ႈၸဝ်ႈဢၼ်မၼ်းၸဝ်ႈႁၵ်ႉၼၼ်ႉတႃႉ။
၁၄ ၵွပ်ႈပိူဝ်ႈလုၵ်ႈၸဝ်ႈၼၼ်ႉလႄႈႁဝ်းလႆႈၶၢမ်ႇဢဝ်ၵျေးၸူးတၢင်းဢၼ်မၼ်းၸဝ်ႈထူတ်ႇဢဝ်ဢၼ်ဝႃႈတၢင်းဢၼ်မၼ်းၸဝ်ႈပွႆႇလွတ်ႈဢပျႅတ်ႈၼၼ်ႉဢေႃႈ။
ၸဝ်ႈယေႇသုပဵၼ်တူဝ်ၽြႃးပဵၼ်ၸဝ်ႈ
၁၅ လုၵ်ႈၸဝ်ႈၼၼ်ႉပဵၼ်ပုင်ႇႁၢင်ႊၽြႃးပဵၼ်ၸဝ်ႈဢၼ်ဢမ်ႇႁၼ်လႆႈၼၼ်ႉလႄႈပဵၼ်လုၵ်ႈတူၼ်ႈၼႂ်းဝူၺ်ႇၼႄႇယႃႉသတ်ႉတဝႃႇတင်းသဵင်ႈတင်းလူင်ဢေႃႈ။
၁၆ လွင်ႈမၼ်းၸမ်းၼႂ်းလုၵ်ႈၸဝ်ႈၼၼ်ႉလွင်ႈတၢင်းဢၼ်မီးၵႃႈၼိူဝ်ၵၢင်ႁၢဝ်၊လွင်ႈတၢင်းဢၼ်မီးၵႃႈၼိူဝ်လိၼ်မိူင်း၊လွင်ႈတၢင်းရူႇပႃႉ၊လွင်ႈတၢင်းဢႃႉရူႇပႃႉ၊ရႃႇၸႃႉပလၢင်ႇသေဢမ်ႇဝႃႈတၼ်းၶူဝ်းတၢင်းဢၼ်ဢုပ်ႉပိူင်ႇသေဢမ်ႇဝႃႈ၊ဢၼ်ထွတ်ႈဢၼ်မျၢတ်ႈသေဢမ်ႇဝႃႈ၊ဢႃႇၼႃႇၸၢၵ်ႈသေဢမ်ႇဝႃႈ၊လွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉလႆႈၶၢမ်ႇတၢင်းဢၼ်ၽၢၼ်ႇသၢင်းႁဵတ်းပဵၼ်ဢေႃႈ။လွင်ႈတၢင်းၵႃႈမီးတင်းသဵင်ႈတင်းလူင်လႆႈၶၢမ်ႇတၢင်းဢၼ်ၽၢၼ်ႇသၢင်းႁဵတ်းပဵၼ်ၵွပ်ႈပိူဝ်ႈၸဝ်ႈၼၼ်ႉဢိၵ်ႇတင်းပုၼ်ႈၸဝ်ႈၼၼ်ႉဢေႃႈ။
၁၇ လုၵ်ႈၸဝ်ႈၼၼ်ႉပဵၼ်ဝႆႉၸဵမ်မိူဝ်ႈၸူဝ်ႈဢၼ်လွင်ႈတၢင်းၵႃႈမီးတင်းသဵင်ႈတင်းလူင်ဢမ်ႇပႆႇပဵၼ်ၼၼ်ႉလႄႈလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵေႃႈတႄႇယူႇၼႂ်းမၼ်းၸဝ်ႈဢေႃႈ။
၁၈ မၼ်းၸဝ်ႈပဵၼ်ႁူဝ်ၸိူဝ်းၸဝ်ႈဢေႃႈ။မၼ်းၸဝ်ႈပဵၼ်မူႇလႃႉငဝ်ႈႁၢၵ်ႈလႄႈပဵၼ်လုၵ်ႈတူၼ်ႈၼႂ်းၶဝ်ၸိူဝ်းဢၼ်တၢႆယဝ်ႉၼၼ်ႉလႄႈယဵင်ႈၶႅၼ်းမျၢတ်ႈၼႃႇသေပိူၼ်ႈၼႂ်းၵူႈၸိူဝ်ႉၵူႈပိူင်ဢေႃႈ။
၁၉ လွင်ႈမၼ်းၸမ်းၽြႃးပဵၼ်ၸဝ်ႈမီးဢလူဝ်ႇၶႂ်ႈႁႂ်ႈတၢင်းဢၼ်တဵမ်ႈထူၼ်ႈၵႃႈမီးတင်းသဵင်ႈတင်းလူင်ၵိင်းဝၢပ်ႈယူႇၵႃႈၼႂ်းလုၵ်ႈၸဝ်ႈၼၼ်ႉလႄႈ
၂၀ ႁႂ်ႈတၢင်းၽိတ်းထၢတ်ႇယဵၼ်ၵွပ်ႈပိူဝ်ႈလိူတ်ႈၸဝ်ႈဢၼ်သွၼ်းလေႃႇၵႃႈၼိူဝ်သဝ်လၵ်းဝႃးမိုဝ်းၼၼ်ႉသေယဝ်ႉႁႂ်ႈလွင်ႈတၢင်းၵၢင်ႁၢဝ်သေဢမ်ႇဝႃႈ၊လွင်ႈတၢင်းလိၼ်မိူင်းသေဢမ်ႇဝႃႈ၊ႁႂ်ႈလွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉႁဵတ်းမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းတူဝ်ၸဝ်ႈၵဝ်ႇၵွပ်ႈပိူဝ်ႈလုၵ်ႈၸဝ်ႈၼၼ်ႉဢေႃႈ။
၂၁ သူၸိူဝ်းဢၼ်ၽၢတ်ႇယၢၼ်ၵၼ်တင်းမၼ်းၸဝ်ႈမိူဝ်ႈဢွၼ်ၼၼ်ႉလႄႈႁဵတ်းဢၼ်ႁၢႆႉမိူၵ်ႈသေယဝ်ႉပဵၼ်ရၢၼ်ႇသူႇၼႂ်းႁူဝ်ၸႂ်ၸဝ်ႈၵဝ်ႇၼၼ်ႉ
၂၂ တေႃႈလဵဝ်ၼႆႉမၼ်းၸဝ်ႈပၼ်မိၵ်ႈသႁႃႇယႃႉတၢင်းဢၼ်ၶိုၼ်းထုၵ်ႇၵၼ်တင်းမၼ်းၸဝ်ႈၵွပ်ႈပိူဝ်ႈဢၼ်မၼ်းၸဝ်ႈၶၢမ်ႇတၢင်းတၢႆၼႂ်းတူဝ်ၶၼ်ႇထႃႇမၼ်းၸဝ်ႈလႄႈႁႂ်ႈသူပဵၼ်တၢင်းဢၼ်ဢမ်ႇလႆႈတၢင်ႇဢပျႅတ်ႈလႄႈမူတ်းၸၢင်ႇၽၢႆႇၼႃႈမၼ်းၸဝ်ႈၼၼ်ႉၸိုင်
၂၃ ပေႃးသူၶျႃးငဝ်ႈႁၢၵ်ႈတိူၵ်ႈတၢင်းယုမ်ႇမၢတ်ႈသူၼၼ်ႉမၼ်ႈမၼ်ႈၶိူင်ႇၶိူင်ႇလႄႈဢမ်ႇၶၢႆႉသုတ်ႈယိုတ်းသေၵႃႈၼႂ်းတၢင်းဢၼ်မုင်ႈထႃႈမွင်းထႃႈတြႃးသတၢင်းသိူဝ်းပျေႃႇဢၼ်သူလႆႈငိၼ်းဢၼ်လႆႈၶၢမ်ႇတၢင်းဢၼ်ႁေႃးလၢတ်ႈတီႈဝူၺ်ႇၼေႇယႃႉသတ်ႉတဝႃႇဢၼ်မီးၵႃႈတႂ်ႈၽႃႉၵၢင်ႁၢဝ်ၼၼ်ႉၵဝ်၊ပေႃးလု၊လႆႈၶၢမ်ႇတၢင်းၸႂ်ႉတၢင်းသွႆႁႂ်ႈလႆႈႁေႃးလၢတ်ႈဢေႃႈ။လွင်ႈၼင်ႇႁိုဝ်မၼ်းၸဝ်ႈတၵ်းဢဝ်သူၸိူဝ်းဢၼ်မူတ်းၸၢင်ႇၶၢဝ်သႂ်လႄႈလွတ်ႈတင်းဢပျႅတ်ႈၼၼ်ႉသၢၵ်ႈၵၢပ်ႈၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉၸိုင်ၸင်ႇပဵၼ်ဢေႃႈ။
ၵၢၼ်သႃႇသၼႃႇဢၼ်ပေႃးလုႁဵတ်း
၂၄ တေႃႈလဵဝ်ၼႆႉၵဝ်လႆႈသိူဝ်းပျေႃႇၼႂ်းတၢင်းဢၼ်ၵဝ်လႆႈၶၢမ်ႇတၢင်းယၢပ်ႇၽိုတ်ႇႁႂ်ႈတုၵ်ႉၶႃႉၸဝ်ႈၶရိၸ်ႉဢၼ်ၵိုတ်းဢၼ်ၵျၢၼ်ႇၼၼ်ႉလႆႈတဵမ်ႈထူၼ်ႈၵႃႈၼႂ်းတူဝ်ၶၼ်ႇထႃႇၵဝ်ပုၼ်ႈၸိူဝ်းၸဝ်ႈဢၼ်ပဵၼ်တူဝ်မၼ်းၸဝ်ႈၼၼ်ႉဢေႃႈ။
၂၅ ၵဝ်လႆႈပဵၼ်ထမ်ႇမႃႉသြႃႇၼႂ်းၸိူဝ်းၸဝ်ႈၸွမ်းၵႃႈၼင်ႇဢၼ်ၽြႃးပဵၼ်ၸဝ်ႈထွၵ်ႈလူၺ်ႈဢၵျူဝ်းသူသေလႄႈဢၢပ်ႈပၼ်တီႈၵဝ်ႁႂ်ႈလႆႈႁေႃးလၢတ်ႈၼုၵ်ႉၵပၢတ်ႈတြႃးၽြႃးပဵၼ်ၸဝ်ႈ
၂၆ ဢၼ်လိုၵ်ႉဢၼ်လမ်ႇဢၼ်သိူင်ႇဝႆႉလပ်ႉဝႆႉၵၢပ်ႈၵႃႇလႃႉမိူဝ်ႈဢွၼ်ဢၼ်ၽုၺ်ႇဢွၵ်ႇၼႄပျႃးတီႈၵူၼ်းမူတ်းၸၢင်ႇတင်းလၢႆၼၼ်ႉၵႃႈတီႈၵူၼ်းတင်းသဵင်ႈတင်းလူင်ဢေႃႈ။
၂၇ မႁႃႇၸေးၸိမ်ႇဢၼ်ၸၢပ်ႈသႅင်ႇၵၼ်တင်းတၢင်းဢၼ်လိုၵ်ႉဢၼ်လမ်ႇၼၼ်ႉယႂ်ႇၼႃႇၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆထၢၼ်ႇႁိုဝ်ဢၼ်ဝႃႈၼၼ်ႉၽြႃးပဵၼ်ၸဝ်ႈမီးဢလူဝ်ႇၶႂ်ႈႁႂ်ႈၵူၼ်းမူတ်းၸၢင်ႇတင်းလၢႆႁူႉဢေႃႈ။ၸေးၸိမ်ႇၼၼ်ႉၸမ်းပဵၼ်ၸဝ်ႈၶရိၸ်ႉဢၼ်တႄႇယူႇၼႂ်းသူဢၼ်ပဵၼ်လွင်ႈတၢင်းဢၼ်မုင်ႈထႃႈမွင်းထႃႈမူၼ်သရေႇဢေႃႈ။
၂၈ ႁဝ်းပၼ်သတိတီႈၵူၼ်းတင်းသဵင်ႈတင်းလူင်ယူႇ၊ဢဝ်တင်းပိင်ႇၺႃႇၵူႈၸိူဝ်ႉၵူႈပိူင်သင်ႇသွၼ်သုင်းမႃႉပၼ်ယူႇသေလႄႈႁေႃးလၢတ်ႈတြႃးၸဝ်ႈၶရိၸ်ႉႁႂ်ႈၵူၼ်းၵူႈၵေႃႉၵူႈၵူၼ်းလႆႈႁွတ်ႈထိုင်တၢင်းဢၼ်ၸေးၸုမ်ႇၼႂ်းၸဝ်ႈၶရိၸ်ႉသေလႄႈသၢၵ်ႈၵၢပ်ႈဢေႃႈ။
၂၉ ပုၼ်ႈလွင်ႈၼၼ်ႉလႄႈၵဝ်လႆႈၵႆႉၶတ်းၸႂ်ပွင်ႁဵတ်းဢမူႉၵႃႈၼင်ႇဢၼ်မၼ်းၸဝ်ႈဢဝ်တင်းတၼ်းၶူဝ်းၸဝ်ႈပွင်ႁဵတ်းၵႃႈၼႂ်းၵဝ်ၼၼ်ႉယူႇဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ