Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၆

တၼ်းသိၵ်ႈၸဵတ်းၸုမ်ႈ

၁ ၵဝ်ႁၼ်မိူဝ်ႈဢၼ်သူဝ်းဢွၼ်ႇၽုၺ်ႇတၼ်းသိၵ်ႈၸုမ်ႈၼိုင်ႈၼႂ်းတၼ်းသိၵ်ႈၸဵတ်းၸုမ်ႈၼၼ်ႉငိၼ်းၼႂ်းသတ်ႉတဝႃႇသီႇတူဝ်၊တူဝ်ၼိုင်ႈလၢတ်ႈမိူၼ်ၸိူဝ်ႉၼင်ႇသဵင်လင်ႊၽႃႉၽႃႇၼၼ်ႉလႄႈဝႃႈ၊-မႃးလႄႈတူၺ်းတႃႉ၊ဝႃႈၼင်ႇၼႆဢေႃႈ။

၂ ၵမ်းၼၼ်ႉၵဝ်တူၺ်းလႄႈႁၼ်မႃႉၽိူၵ်ႇတူဝ်ၼိုင်ႈဢေႃႈ။ၵေႃႉဢၼ်ၶီႇမႃႉၼၼ်ႉယိပ်းၵမ်ၵၢင်ႇၵူင်ယူႇဢေႃႈ။မၼ်းၸဝ်ႈပၼ်သရၽူႇတီႈမၼ်းဢေႃႈ။မၼ်းဢွၵ်ႇၵႂႃႇမိူၼ်ၼင်ႇၵေႃႉဢၼ်လႆႈပႄႉၼႅင်ႇၼၼ်ႉဢေႃႈ။

၃ မိူဝ်ႈဢၼ်ၽုၺ်ႇတၼ်းသိၵ်ႈတုတိယၼၼ်ႉၸိုင်ၵဝ်ငိၼ်းသတ်ႉတဝႃႇတူဝ်တုတိယၼၼ်ႉလၢတ်ႈလႄႈဝႃႈ၊-မႃးလႄႈတူၺ်းတႃႉဝႃႈၼင်ႇၼႆဢေႃႈ။

၄ ၵမ်းၼၼ်ႉမႃႉလႅင်ႊတူဝ်ၼိုင်ႈဢွၵ်ႇမႃးလႄႈၵေႃႉဢၼ်ၶီႇမႃႉၼၼ်ႉလႆႈဢၶႂၢင်ႉဢၼ်လႆႈသိမ်းဢဝ်တၢင်းၼိမ်သေၵႃႈၼိူဝ်လိၼ်မိူင်းလႄႈႁႂ်ႈၵူၼ်းၵႃႈၼိူဝ်လိၼ်မိူင်းတင်းလၢႆၵေႃႉၼိုင်ႈလႄႈၵေႃႉၼိုင်ႈဢဝ်ၵၼ်တၢႆဢေႃႈ။မၼ်းၸဝ်ႈဢၢပ်ႈပၼ်လၢပ်ႇလူင်တီႈမၼ်းဢေႃႈ။

၅ မိူဝ်ႈဢၼ်ၽုၺ်ႇတၼ်းသိၵ်ႈတတိယၼၼ်ႉၸိုင်ၵဝ်ငိၼ်းသတ်ႉတဝႃႇတူဝ်တတိယၼၼ်ႉလၢတ်ႈလႄႈဝႃႈ၊-မႃးလႄႈတူၺ်းတႃႉဝႃႈၼင်ႇၼႆဢေႃႈ။ၵဝ်တူၺ်းလႄႈႁၼ်မႃႉလမ်တူဝ်ၼိုင်ႈဢေႃႈ။ၵေႃႉဢၼ်ၶီႇမႃႉၼၼ်ႉယိပ်းၵမ်ယႃႇၸူႇယူႇဢေႃႈ။

၆ ၵဝ်ငိၼ်းသဵင်ဢၼ်လၢတ်ႈၵႃႈၼႂ်းၶိုင်ႈၵၢင်သတ်ႉႉတဝႃႇသီႇတူဝ်ၼၼ်ႉလႄႈဝႃႈ၊-တေႇၼႃႇရီႇၶႅပ်းၼိုင်ႈလႆႈၶဝ်ႈသၢၼ်ၵျုင်ႇၶႂၵ်ႉၼိုင်ႈဢေႃႈ။တေႇၼႃႇရီႇၶႅပ်းၼိုင်ႈလႆႈၶဝ်ႈသၢၼ်မူႉယေႃးသၢမ်ၶႂၵ်ႉဢေႃႈ။၇ ယႃႇႁႂ်ႈၼမ်ႉမၼ်းဢိၵ်ႇတင်းၼမ်ႉၸပိတ်ႉလူႉ၊ဝႃႈၼင်ႇၼႆဢေႃႈ။

မိူဝ်ႈဢၼ်ၽုၺ်ႇတၼ်းသိၵ်ႈၸတုၵ်ႉထၼၼ်ႉၸိုင်ၵဝ်ငိၼ်းသတ်ႉတဝႃႇတူဝ်ၸတုၵ်ႉထၼၼ်ႉလၢတ်ႈလႄႈဝႃႈ၊-

၈ မႃးလႄႈတူၺ်းတႃႉဝႃႈၼင်ႇၼႆဢေႃႈ။ၵမ်းၼၼ်ႉၵဝ်တူၺ်းလႄႈႁၼ်မႃႉသဝ်ႈတူဝ်ၼိုင်ႈဢေႃႈ။ၵေႃႉဢၼ်ၶီႇမႃႉၼၼ်ႉမီးၸိုဝ်ႈသဵင်ဢၼ်လႆႈႁွင်ႉႁိၵ်ႈဝႃႈၶုၼ်တၢႆဢေႃႈ။မိူင်းမရႃႇၼႃႉၸွမ်းပႃႈလင်ၵေႃႉၼၼ်ႉဢေႃႈ။မၼ်းလႆႈဢုပ်ႉပိူင်ႇလိၼ်မိူင်းသီႇပုၼ်ႊပုၼ်ႊၼိုင်ႈလႄႈလႆႈဢၶႂၢင်ႉဢၼ်ဢဝ်တၢႆလူၺ်ႈၽေးလၢပ်ႇၽေးတၢင်းဢၼ်ဢိုပ်းဢၼ်ယၢၵ်ႈၽေးတၢင်းဢၼ်ပဵၼ်လႄႈတၢႆဢိၵ်ႇတင်းၽေးတူဝ်ထိူၼ်ႇဢေႃႈ။

၉ မိူဝ်ႈဢၼ်ၽုၺ်ႇတၼ်းသိၵ်ႈပိၼ်ႇၸမၼၼ်ႉၸိုင်ၵဝ်ႁၼ်ဝိၺိၺ်ႇၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ဢဝ်တၢႆၵွပ်ႈပိူဝ်ႈၼုၵ်ႉၵပၢတ်ႈၽြႃးပဵၼ်ၸဝ်ႈဢိၵ်ႇတင်းၵွပ်ႈပိူဝ်ႈလွင်ႈတၢင်းဢၼ်တူဝ်ၸဝ်ႈၵဝ်ႇၶၢမ်ႇသၢၵ်ႈသေႇၸိူဝ်းၼၼ်ႉၵႃႈတႂ်ႈယိၸ်ႉပလၢင်ႇဢေႃႈ။

၁၀ ၶဝ်ႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇလႄႈဝႃႈ၊-ၸဝ်ႈဢၼ်ဢုပ်ႉပိူင်ႇလႄႈပဵၼ်ဢၼ်မူတ်းၸၢင်ႇဢၼ်မၢၼ်ႇမႅၼ်ႈဢၼ်ၸိုဝ်ႈၸႂ်ႈၼၼ်ႉတီႈၶႃႈ၊ယင်းဢမ်ႇၸီႇယၢင်ႇပၼ်တၢမ်ႇၸွမ်းၼင်ႇဢပျႅတ်ႈဢၼ်ၶဝ်ၸိူဝ်းဢၼ်ယူႇၵႃႈၼိူဝ်လိၼ်မိူင်းတင်းလၢႆလႄႈထွၵ်ႇလိူတ်ႈႁဝ်းၶႃႈပႅတ်ႈၼၼ်ႉလႄႈတၵ်းယူႇလၢႆၶိင်ႇလၢႆမိူဝ်ႈတီႈၶႃႈ၊ဝႃႈၼင်ႇၼႆဢေႃႈ။

၁၁ မၼ်းၸဝ်ႈပၼ်ၶူဝ်းၼုင်ႈဢၼ်ၽိူၵ်ႇဢၼ်ၶၢဝ်တီႈၶဝ်ၼၼ်ႉဢေႃႈ။မၼ်းၸဝ်ႈမီးဢမိင်ႉတီႈၶဝ်လႄႈဝႃႈ၊-ၸူဝ်ႈဢၼ်ပီႈၼွင်ႉၵေႃႉသေႈဢၼ်သၢင်ႈႁဵတ်းလူၺ်ႈၵၼ်တင်းသူဢၼ်တၵ်းလႆႈၶၢမ်ႇတၢင်းဢၼ်ဢဝ်တၢႆမိူၼ်ၸိူဝ်ႉၼင်ႇသူၼၼ်ႉဢမ်ႇပႆႇႁွတ်ႈပႆႇထိုင်တၢင်းဢၼ်ပျေႉၸုမ်ႇၼၼ်ႉၸိုင်တၵ်းလႆႈယူႇၼိမ်ၼိမ်ၵမ်းၼိုင်ႈလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။

၁၂ မိူဝ်ႈဢၼ်ၽုၺ်ႇတၼ်းသိၵ်ႈသထမၼၼ်ႉၸိုင်ၵဝ်ႁၼ်တၢင်းဢၼ်ပဵၼ်ဢိင်ႇသၼ်ႇယႂ်ႇၼႃႇလူင်လၢင်ဢေႃႈ။ၵၢင်ဝၼ်းပဵၼ်ဢၼ်လမ်မိုတ်ၵႂႃႇမိူၼ်ၸိူဝ်ႉၼင်ႇၶူဝ်းလဵင်းၵျၢမ်းဢၼ်ဢဝ်တင်းၶူၼ်တေႃးႁဵတ်းၼၼ်ႉဢေႃႈ။လိူၼ်ၵေႃႈပဵၼ်ၸိူဝ်ႉၼင်ႇလိူတ်ႈဝႆႉဢေႃႈ။

၁၃ လၢဝ်ၵၢင်ႁၢဝ်တင်းလၢႆၵေႃႈတူၵ်းမႃးၵႃႈၼိူဝ်လိၼ်မိူင်းမိူၼ်ၸိူဝ်ႉၼင်ႇမၢၵ်ႇတူၼ်ႈမၢၵ်ႇလိူဝ်ႇသၢင်းၽေႃးဢၼ်ၶိင်ႇဢမ်ႇပႆႇထုၵ်ႇလႄႈႁူင်ႈတူၵ်းၼႂ်းမိူဝ်ႈဢၼ်လူမ်းႁႅင်းပဝ်ႇၼၼ်ႉဢေႃႈ။

၁၄ ၽႃႉၵၢင်ႁၢဝ်ၵေႃႈတူပ်ႉၵႂႃႇမိူၼ်ၸိူဝ်ႉၼင်ႇႁမ်းလိၵ်ႈဢေႃႈ။လွႆၵူႈလုၵ်ႈဢိၵ်ႇတင်းၵုၼ်ၼႂ်းၼမ်ႉၵူႈလုၵ်ႈၵေႃႈၶၢႆႉသေႇတီႈဢၼ်ၶဝ်ယူႇၼၼ်ႉၵႂႃႇဢေႃႈ။

၁၅ ၸႃႉၸႅမ်ၶုၼ်ႁေႃၶမ်းလေႃးၵီႇတင်းလၢႆလႄႈၽွင်းမိူင်း၊ပူဝ်ႇသိုၵ်း၊ၵူၼ်းမၢၵ်ႈၵူၼ်းမီး၊ၵေႃႉဢၼ်ႁႅင်းယႂ်ႇ၊ၶႃႈတင်းၵူၼ်းလွတ်ႈ၊ၵႃႈမီးတင်းသဵင်ႈတင်းလူင်ဢွၼ်ၵၼ်ပၢႆတဵတ်ႇယူႇၵႃႈၼႂ်းၶုမ်လိၼ်ႁူးလိၼ်ဢိၵ်ႇတင်းၵႃႈၼႂ်းမၢၵ်ႇႁိၼ်မၢၵ်ႇၽႃဢၼ်မီးၵႃႈၼိူဝ်လွႆတင်းလၢႆၼၼ်ႉလႄႈႁွင်ႉပၢဝ်ႇတီႈလွႆတင်းမၢၵ်ႇႁိၼ်ၸိူဝ်းၼၼ်ႉလႄႈဝႃႈ၊-

၁၆ တူၵ်းသႂ်ႇၵႃႈၼိူဝ်ႁဝ်းသေၵမ်း။ႁႄႉၵင်ႈၼႃႈၸဝ်ႈဢၼ်ၼင်ႈယူႇၵႃႈၼိူဝ်ပလၢင်ႇမၼ်းၸဝ်ႈဢိၵ်ႇတင်းတၢင်းၸႂ်မႆႈသူဝ်းဢွၼ်ႇၼၼ်ႉလႄႈႁူမ်ႇသုမ်ႇႁဝ်းၶႃႈဝႆႉသေၵမ်း။

၁၇ ဝၼ်းယႂ်ႇဝၼ်းလူင်ဢၼ်တၢင်းၸႂ်မႆႈမၼ်းၸဝ်ႈထၢင်ႇသႃးၼၼ်ႉႁွတ်ႈထိုင်မႃးယဝ်ႉလူင်ပေႇ။ၽူႈလႂ်တၵ်းၸုၵ်းၶၢမ်ႇလႄႈယူႇလႆႈ၊ဝႃႈၼင်ႇၼႆဢေႃႈ။