1 Tim 5

လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ

၅

တႃႇဝုၼ်ႇပုၼ်ႈၽွၼ်းသြႃႇဢုပ်ႉၸိူဝ်းၸဝ်ႈ

၁ ယႃႇပလေၢတ်ႈၵႂၢမ်းၵျၢမ်းထၢမ်းတေႃႇၵေႃႉဢၼ်ဢသၢၵ်ႈယႂ်ႇၼၼ်ႉ။သိူၵ်ႈသမ်ႇမၼ်းမိူၼ်ၼင်ႇပေႃႈတႃႉ။

၂ မၢတ်ႈၵူၼ်းၸၢႆးဢွၼ်ႇတင်းလၢႆၸိူဝ်ႉၼင်ႇၼွင်ႉၸၢႆးလႄႈမၢတ်ႈမေႈယိင်းဢၼ်ဢသၢၵ်ႈယႂ်ႇၼၼ်ႉတင်းလၢႆၸိူဝ်ႉၼင်ႇမေႈတႃႉ။မီးၸႂ်ဢၼ်မူတ်းၸၢင်ႇသေယဝ်ႉမၢတ်ႈၵူၼ်းယိင်းဢွၼ်ႇတင်းလၢႆၸိူဝ်ႉၼင်ႇၼွင်ႉယိင်းတႃႉ။

၃ ၸွႆႈထႅမ်ႁဵတ်းလဵင်ႉႁဵတ်းလူၽူႈယိင်းဢၼ်ပဵၼ်မေႈမုၵ်ႉမေႈမၢႆႈဢၼ်ၸႅတ်ႈၸိူဝ်းၼၼ်ႉတႃႉ။ပေႃးပဵၼ်မေႈမုၵ်ႉမေႈမၢႆႈဢၼ်မီးလုၵ်ႈမီးလၢၼ်ၸိုင်

၄ ႁႂ်ႈလုၵ်ႈလၢၼ်ၸိူဝ်းၼၼ်ႉသွၼ်ဢဝ်မၢတ်ႈတွင်းလွင်ႈဝၢတ်ႈၽြႃးဝၢတ်ႈၼႃႈႁိူၼ်းတူဝ်ၸဝ်ႈၵဝ်ႇသေလႄႈတွပ်ႇတႅၼ်းပၼ်ၵျေးၸူးတီႈပေႃႈမေႈပူႇၼၢႆးၶဝ်ၼၼ်ႉတႃႉ။လွင်ႈတၢင်းၼႆႉပဵၼ်လွင်ႈတၢင်းဢၼ်ထုၵ်ႇၸႂ်ၽြႃးပဵၼ်ၸဝ်ႈဢေႃႈ။

၅ ၽူႈယိင်းဢၼ်ပဵၼ်မေႈမုၵ်ႉမေႈမၢႆႈၸႅတ်ႈၸႅတ်ႈလႄႈၵိုတ်းဝႆႉၵေႃႉလဵဝ်ၵူၺ်းၼၼ်ႉၸၢင်ႊဢိင်ပိုင်ႈၽြႃးပဵၼ်ၸဝ်ႈသေလႄႈတႄႇယူႇၼႂ်းတၢင်းဢၼ်ႁဵတ်းသူးတွင်းပထၼႃႇၵူႈဝၼ်းၵူႈၶိုၼ်းဢေႃႈ။

၆ ၵေႃႉဢၼ်မူၼ်ႈပျေႃႇၼႂ်းၸေးၸိမ်ႇၵႃႇမၵုင်ႇၼၼ်ႉၸမ်းမီးဢသၢၵ်ႈယူႇသေၵေႃႈပဵၼ်ဢၼ်တၢႆဢေႃႈ။

၇ ဝႆႉပိင်းၺၢပ်ႈၸိူဝ်ႉၼင်ႇၼႆလႄႈႁႂ်ႈၶဝ်လႆႈၵၢင်းလွတ်ႈတင်းတၢင်းဢၼ်တၢင်ႇဢပျႅတ်ႈတႃႉ။

၈ ၵေႃႉဢၼ်ဢမ်ႇလူႈဢမ်ႇတူၺ်းပီႈၼွင်ႉတူဝ်ၸဝ်ႈၵဝ်ႇၵူၺ်းဢမ်ႇၵႃးဢမ်ႇလူႈဢမ်ႇတူၺ်းၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇၸိူဝ်းၼၼ်ႉပဵၼ်ၵေႃႉဢၼ်ထဵင်ပႅတ်ႈတြႃးတၢင်းယုမ်ႇမၢတ်ႈလႄႈယဵင်ႈၶႅၼ်းယုတ်ႉယွမ်းၼႃႇသေၵေႃႉဢၼ်ဢမ်ႇယုမ်ႇမၢတ်ႈၼၼ်ႉဢေႃႈ။

၉ မေႈမုၵ်ႉမေႈမၢႆႈဢၼ်လႆႈဢသၢၵ်ႈလႆႈႁူၵ်းသိပ်းပီႊယဝ်ႉလႄႈပဵၼ်ၵေႃႉဢၼ်ယၢမ်ႈမီးၽူဝ်ၵေႃႉလဵဝ်ၵူၺ်း၊ပဵၼ်ၵေႃႉဢၼ်မီးသရေႇလႄႈၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်း၊ပဵၼ်ၵေႃႉဢၼ်ယၢမ်ႈလုမ်းလႃးလုၵ်ႈဢွၼ်ႇ၊

၁၀ မေႃဢၼ်ႁဵတ်းဝၢတ်ႈၶႅၵ်ႇ၊မေႃသုၵ်ႈတိၼ်ၵူၼ်းမူတ်းၸၢင်ႇတင်းလၢႆ၊မေႃႁဵတ်းလဵင်ႉႁဵတ်းလူၶဝ်ၸိူဝ်းဢၼ်ယၢၵ်ႈၽၢၼ်မေႃၶတ်းၸႂ်ႁဵတ်းလွင်ႈတၢင်းဢၼ်လီဢၼ်ငၢမ်းၵႃႈမီးၵူႈၸိူဝ်ႉၵူႈပိူင်ၼၼ်ႉ၊ပၼ်ဢၶႂင်ႉႁႂ်ႈမၼ်းလႆႈၶဝ်ႈပႃးၼႂ်းၸရၢင်းမေႈမုၵ်ႉမေႈမၢႆႈတႃႉ။

၁၁ မေႈမုၵ်ႉမေႈမၢႆႈဢၼ်ဢသၢၵ်ႈယင်းလဵၵ်ႉယင်းၼုမ်ႇၼၼ်ႉယႃႇပေႁႂ်ႈၶဝ်ႈပႃးၼႂ်းၸရၢင်း။လွင်ႈမၼ်းၸမ်းမိူဝ်ႈဢၼ်ၶဝ်ဢမ်ႇယိူၼ်ႉလႆႈလႄႈၶိုၼ်းၶႂ်ႈတႄႇၼႃႈႁိူၼ်းၼၼ်ႉတၢင်းဢၼ်ၶဝ်သၢၵ်ႈၵၢပ်ႈတီႈၸဝ်ႈၶရိၸ်ႉၼၼ်ႉယုတ်ႉယွမ်းၵႂႃႇဢေႃႈ။ၶဝ်ႁွတ်ႈထိုင်တၢင်းဢၼ်ထုၵ်ႇဢပျႅတ်ႈၵွပ်ႈပိူဝ်ႈယႃႉသႅတ်ႈၸႃႇဢၼ်မီးဝႆႉမိူဝ်ႈဢွၼ်တၢင်းၼၼ်ႉဢေႃႈ။

၁၂ လိူဝ်သေၼၼ်ႉဢမ်ႇၵႃးမၼ်းမေႃလႄႇၵႂႃႇႁိူၼ်းၼိုင်ႈယဝ်ႉႁိူၼ်းၼိုင်ႈလႄႈၸၢင်ႊၶၢၼ်ႉၸၢင်ႊဢိူၼ်ဢေႃႈ။

၁၃ ၶၢၼ်ႉဢိူၼ်ၵူၺ်းဢမ်ႇၵႃးၸၢင်ႊပဵၼ်ၵေႃႉဢၼ်သူပ်းၼမ်ၵႂၢမ်းၼမ်လႄႈလၢတ်ႈလွင်ႈတၢင်းဢၼ်မၼ်းဢမ်ႇထုၵ်ႇလီလၢတ်ႈၼၼ်ႉလႄႈလေႃးလႄးၼႂ်းလွင်ႈတၢင်းဢၼ်ဢမ်ႇၸၢပ်ႈသႅင်ႇတူဝ်ၸဝ်ႈၵဝ်ႇၼၼ်ႉဢေႃႈ။

၁၄ ပိူဝ်ႈၼႆလႄႈၵဝ်မီးဢလူဝ်ႇၶႂ်ႈႁႂ်ႈမေႈမုၵ်ႉမေႈမၢႆႈဢၼ်ဢသၢၵ်ႈယင်းလဵၵ်ႉယင်းၼုမ်ႇၼၼ်ႉၶိုၼ်းတႄႇၼႃႈႁိူၼ်းလဵင်ႉလုၵ်ႈလဵင်ႉလၢင်းလူႈတူၺ်းၼႃႈႁိူၼ်းလႄႈယင်းဢမ်ႇပၼ်ဢၶႂၢင်ႉႁႂ်ႈရၢၼ်ႇသူႇလႆႈသေႉသွမ်းၼၼ်ႉဢေႃႈ။

၁၅ လွင်ႈမၼ်းၸမ်းတေႃႈလဵဝ်ၼႆႉၵမ်ႈၽွင်ႈပိူင်ႈတၢင်းၵႂႃႇလႄႈၸွမ်းပႃႈလင်ၸႃႇတၢၼ်ႇမႃႇၼၢတ်ႈၵႂႃႇယဝ်ႉ။

၁၆ ၼင်ႇႁိုဝ်ၸိူဝ်းၸဝ်ႈတၵ်းလႆႈႁဵတ်းလဵင်ႉႁဵတ်းလူၶဝ်ၸိူဝ်းဢၼ်ပဵၼ်မေႈမုၵ်ႉမေႈမၢႆႈဢၼ်မီးတၢင်းလူဝ်ႇဢမၢၼ်ႇၶၼ်ပဵၼ်ၼၼ်ႉၵူၺ်းၸိုင်၊ပေႃးၽူႈယိင်းဢၼ်ယုမ်ႇမၢတ်ႈၼၼ်ႉမီးမေႈမုၵ်ႉမေႈမၢႆႈၼႂ်းႁိူၼ်းၸိုင်၊ႁႂ်ႈမၼ်းႁဵတ်းလဵင်ႉႁဵတ်းလူမေႈမုၵ်ႉမေႈမၢႆႈၼၼ်ႉတႃႉ။

၁၇ မၢတ်ႈၵူၼ်းဢုပ်ႉၸိူဝ်းၸဝ်ႈဢၼ်ဢုပ်ႉလီလီငၢမ်းငၢမ်းၸိူဝ်းၼၼ်ႉပဵၼ်ၵေႃႉဢၼ်ထိူၵ်ႈၶၢမ်ႇဢဝ်ၵုင်ႇသရေႇသွင်ပုၼ်ႊလႄႈၶဝ်ၸိူဝ်းဢၼ်ၶတ်းၸႂ်ႁေႃးလၢတ်ႈတြႃး၊ၶတ်းၸႂ်သင်ႇသွၼ်သုင်းမႃႉၼၼ်ႉပဵၼ်ၶဝ်ၸိူဝ်းဢၼ်ယဵင်ႈၶႅၼ်းထိူၵ်ႈၶၢမ်ႇဢဝ်ၵုင်ႇသရေႇဢေႃႈ။

၁၈ လွင်ႈမၼ်းၸမ်းၵျၢမ်းလိၵ်ႈမႃးလႄႈဝႃႈ၊ဢမ်ႇလႆႈမတ်ႉသူပ်းဝူဝ်းဢၼ်ယဵပ်ႇၶဝ်ႈၼူတ်ႈၶဝ်ႈၼၼ်ႉ၊ဝႃႈၼင်ႇၼႆဝႆႉဢေႃႈ။ဢၼ်မႃးထႅင်ႈၵမ်းၼိုင်ႈလႄႈဝႃႈၸမ်းၵေႃႉဢၼ်သၢင်ႈႁဵတ်းၼၼ်ႉ၊ထိူၵ်ႈၶၢမ်ႇဢဝ်ၵႃႊမၼ်းၶၼ်မၼ်းဢေႃႈ၊ဝႃႈၼင်ႇၼႆဢေႃႈ။

၁၉ ပေႃးဢမ်ႇမီးၵူၼ်းၶၢမ်ႇသၢၵ်ႈသေႇသွင်ၵေႃႉသၢမ်ၵေႃႉၸိုင်ယႃႇပေထွမ်ႇဢဝ်ၵႂၢမ်းဢၼ်တၢင်ႇဢပျႅတ်ႈၵႃႈၼိူဝ်သြႃႇဢုပ်ႉၸိူဝ်းၸဝ်ႈၼၼ်ႉ။

၂၀ သင်ႇသွၼ်သုင်းမႃႉၶဝ်ၸိူဝ်းဢၼ်ႁဵတ်းဢပျႅတ်ႈၼၼ်ႉၵႃႈတီႈၽၢႆႇၼႃႈၵူၼ်းဢမျႃးလႄႈႁႂ်ႈၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇၼၼ်ႉၵေႃႈလႆႈၵူဝ်လႆႈႁႄတႃႉ။

၂၁ ၼင်ႇႁိုဝ်မႂ်းတၵ်းပႂ်ႉပိင်းၺၢပ်ႈၸိူဝ်းၼႆႉလႄႈဢမ်ႇတူၺ်းၼႃႈလဵၵ်ႉၼႃႈယႂ်ႇလႃးလႃးသေယဝ်ႉၸီႇယၢင်ႇတႅပ်းတတ်းၸိုင်ၵဝ်ပၼ်သႅတ်ႈၸႃႇတီႈမႂ်းၵႃႈတီႈၽၢႆႇၼႃႈၽြႃးပဵၼ်ၸဝ်ႈ၊ၸဝ်ႈယေႇသုၶရိၸ်ႉ၊ဢိၵ်ႇတင်းတမၢၼ်ႇၵၢင်ႁၢဝ်ဢၼ်မၼ်းၸဝ်ႈလိူၵ်ႈၵဵပ်းဝႆႉၸိူဝ်းၼၼ်ႉဢေႃႈ။

၂၂ ယႃႇပေၼႅတ်ႈပၼ်ဢရႃႇတၢင်ႇမိုဝ်းၵႃႈၼိူဝ်ၽူႈလႂ်သေၵေႃႉသေၵူၼ်း။ယႃႇပေၶဝ်ႈပႃးၼႂ်းဢပျႅတ်ႈပိူၼ်ႈတၢင်ႇၵေႃႉ။

၂၃ ႁႂ်ႈတူဝ်ၸဝ်ႈၵဝ်ႇၶၢဝ်ၸၢင်ႇတႃႉ။ၸႃႉၸဵမ်တေႃႈလဵဝ်ၼႆႉၵႂႃႇယင်းဢမ်ႇၵိၼ်ၼမ်ႉလၢႆလၢႆၵူၺ်းလႄႈၵိၼ်ၼမ်ႉၸပိတ်ႉဢိတ်းဢိတ်းပုၼ်ႈတွင်ႉမႂ်းဢိၵ်ႇတင်းပုၼ်ႈတၢင်းၶႆႈတၢင်းပဵၼ်ဢၼ်မႂ်းယၢမ်ႈပဵၼ်ၼၼ်ႉတႃႉ။

၂၄ တူႉၸရိူၵ်ႈၵူၼ်းၵမ်ႈၽွင်ႈထၢင်ႇသႃးဝႆႉၸႃႉၸဵမ်မိူဝ်ႈဢွၼ်ၼၼ်ႉလႄႈႁွတ်ႈထိုင်ၵႃႈတီႈတၢင်းဢၼ်ၸီႇယၢင်ႇဢပျႅတ်ႈဢွၼ်တၢင်းဢေႃႈ။

၂၅ တူႉၸရိူၵ်ႈၵူၼ်းၵမ်ႈၽွင်ႈၸမ်းထၢင်ႇသႃးပေႃႇမႃးၽၢႆႇလင်ဢေႃႈ။မိူၼ်ၸိူဝ်ႉၼင်ႇၼၼ်သူႉၸရိူၵ်ႈၵူၼ်းၵမ်ႈၽွင်ႈထၢင်ႇသႃးဝႆႉထႃႈဢွၼ်တၢင်းဢေႃႈ။သူႉၸရိူၵ်ႈဢၼ်ဢမ်ႇပႆႇထၢင်ႇသႃးၼၼ်ႉၵေႃႈဢမ်ႇသိူင်ႇဢမ်ႇမႅပ်းဝႆႉလႆႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ