1 Tim 3

လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ

၃

သြႃႇဢုပ်ႉၸိူဝ်းၸဝ်ႈ

၁ ၵႂၢမ်းဢၼ်ဝႃႈပေႃးၵေႃႉၼိုင်ႈတူၵ်းဢၢင်ႈၶႂ်ႈပဵၼ်သြႃႇဢုပ်ႉၸိူဝ်းၸဝ်ႈၸိုင်မၼ်းမီးၸႂ်ဢၼ်ၶႂ်ႈလႆႈၵၢၼ်တၢင်းႁဵတ်းဢၼ်လီဢၼ်ငၢမ်းဢေႃႈ၊ဝႃႈၼင်ႇၼႆၼၼ်ႉ၊ပဵၼ်ၵႂၢမ်းသႅတ်ႈၸႃႇဢေႃႈ။

၂ ပိူဝ်ႈၼႆလႄႈသြႃႇဢုပ်ႉၸိူဝ်းၸဝ်ႈၸိုင်တၵ်းလႆႈပဵၼ်ၵေႃႉဢၼ်ၵၢင်းလွတ်ႈတင်းတီႈဢၼ်တၢင်ႇဢပျႅတ်ႈ၊ၵေႃႉဢၼ်မီးမေးၵေႃႉလဵဝ်၊ၵေႃႉဢၼ်မီးသမ်ႇမႃႇသတိ၊ၵေႃႉဢၼ်ပႂ်ႉဢိင်ႇသရေႇ၊ၵေႃႉဢၼ်ၵမ်ၵျၢင်ႉဢၼ်သၢင်ႇထုၵ်ႇ၊ၵေႃႉဢၼ်မေႃႁဵတ်းဝၢတ်ႈၶႅၵ်ႇၵေႃႉဢၼ်မေႃသင်ႇသွၼ်သုင်းမႃႉၼၼ်ႉဢေႃႈ။

၃ တၵ်းဢမ်ႇလႆႈပဵၼ်ၵေႃႉဢၼ်မေႃမဝ်းလဝ်ႈ၊ၵေႃႉဢၼ်မေႃပေႃႉယႅၼ်ႉပိူၼ်ႈ၊ၵေႃႉဢၼ်ၸၢင်ႊထဵင်ၸၢင်ႊၽိတ်းပိူၼ်ႈၵေႃႉဢၼ်ၸႂ်ၸပ်းၸႂ်ၸွႆးငိုၼ်းတၵ်းလႆႈပဵၼ်

၄ ၵေႃႉဢၼ်ၸႂ်ၼိမ်သိမ်ႇဢူၼ်ႈဢွၼ်ႇၵေႃႉဢၼ်ဢုပ်ႉထိင်းႁိူၼ်းယေးတူဝ်ၸဝ်ႈၵဝ်ႇလီလီငၢမ်းငၢမ်းလႄႈဢဝ်တင်းသမ်ႇမႃႇသတိသင်ႇသွၼ်ပၼ်လုၵ်ႈလၢင်းၼၼ်ႉဢေႃႈ။

၅ ပေႃးမၼ်းယင်းဢမ်ႇမေႃဢုပ်ႉထိင်းႁိူၼ်းတူဝ်ၸဝ်ႈၵဝ်ႇၸိုင်မၼ်းတၵ်းႁဵတ်းႁိုဝ်ပႂ်ႉလူပႂ်ႉတူၺ်းၸိူဝ်းၸဝ်ႈၽြႃးပဵၼ်ၸဝ်ႈၼၼ်ႉလႆႈ။သြႃႇဢုပ်ႉၸိူဝ်းၸဝ်ႈၼၼ်ႉတၵ်းဢမ်ႇလႆႈပဵၼ်ၵူၼ်းယုမ်ႇမၢတ်ႈမႂ်ႇမႂ်ႇဢၼ်ၸင်ႇၸႃႉၶဝ်ႈမႃးၼႂ်းၽႃႇသႃႇ။

၆ ပေႃးဢမ်ႇၼၼ်မၼ်းတၵ်းၸၢင်ႊမီးၸႂ်မႃႇၼႃႉပႅၼ်သုင်မႃးလႄႈႁွတ်ႈထိုင်တၢင်းတူၵ်းသုမ်းၼႂ်းၸႃႇတၢၼ်ႇမႃႇၼၢတ်ႈဢေႃႈ။

၇ မၼ်းတၵ်းလႆႈပဵၼ်ၵေႃႉဢၼ်မီးသရေႇၵႃႈၼႂ်းၵူၼ်းၽၢႆႇၼွၵ်ႈတင်းလၢႆလႄႈၵၢင်းလွတ်ႈတင်းတၢင်းဢၼ်သေႉသွမ်းတၢင်ႇဢပျႅတ်ႈဢၼ်ပဵၼ်တူင်ႇႁဵဝ်ႉၸႃႇတၢၼ်ႇမႃႇၼၢတ်ႈၼၼ်ႉဢေႃႈ။

ၵူၼ်းထွၵ်ႈသြႃႇဢုပ်ႉၸိူဝ်းၸဝ်ႈ

၈ မိူၼ်ၼင်ႇၼၼ်ၵူၼ်းထွၵ်ႈသြႃႇဢုပ်ႉၸိူဝ်းၸဝ်ႈၸမ်းတၵ်းဢမ်ႇလႆႈပဵၼ်ၵေႃႉဢၼ်ဢဝ်လိၼ်ႉသွင်ငၢမ်ႈလႄႈလၢတ်ႈၵႂၢမ်း၊ၵေႃႉဢၼ်မဝ်းလဝ်ႈ၊ၵေႃႉဢၼ်ၸႂ်ၸပ်းၸႂ်ၸွႆးၸီးပွႃးဢၼ်ဢမ်ႇမူတ်းသႂ်ၼၼ်ႉလႄႈ

၉ တၵ်းလႆႈပဵၼ်ၵေႃႉဢၼ်တႄႇၼိမ်၊မီးၸႂ်ဢၼ်ႁူႉၸၵ်းတူဝ်ၸဝ်ႈၵဝ်ႇဢၼ်မူတ်းသႂ်ၼၼ်ႉလႄႈပဵၼ်ၵေႃႉဢၼ်ၸပ်းၸွႆးလွင်ႈတၢင်းဢၼ်လိုၵ်ႉဢၼ်လမ်ႇတၢင်းဢၼ်ယုမ်ႇမၢတ်ႈၼၼ်ႉဢေႃႈ။

၁၀ ႁႂ်ႈၶဝ်လႆႈၶၢမ်ႇတၢင်းဢၼ်ၸႅတ်ႈထၢမ်ဢွၼ်တၢင်းလူးၵွၼ်ႇတႃႉ။ပေႃးၶဝ်ၵၢင်းလွတ်ႈတင်းတီႈဢၼ်တၢင်ႇဢပျႅတ်ႈၸိုင်ႁႂ်ႈၶဝ်ႁဵတ်းၵူၼ်းထွၵ်ႈသြႃႇဢုပ်ႉၸိူဝ်းၸဝ်ႈတႃႉ။

၁၁ မိူၼ်ၼင်ႇၼၼ်မေးၶဝ်ၵေႃႈတၵ်းဢမ်ႇလႆႈပဵၼ်ၵေႃႉဢၼ်ၸၢင်ႊၶျေႃးၵိၼ်ဝွၼ်းၵိၼ်ပိူၼ်ႈ။တၵ်းလႆႈပဵၼ်ၵေႃႉဢၼ်တႄႇၼိမ်၊ၵေႃႉဢၼ်မီးသမ်ႇမႃႇသတိ၊ၵေႃႉဢၼ်မီးသႅတ်ႈၸႃႇၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉဢေႃႈ။

၁၂ ၵူၼ်းထွၵ်ႈသြႃႇဢုပ်ႉၸိူဝ်းၸဝ်ႈတၵ်းလႆႈပဵၼ်ၽူဝ်ဢၼ်မီးမေးၵေႃႉလဵဝ်ၵူၺ်းလႄႈပဵၼ်ၵေႃႉဢၼ်ၸၢင်ႊဢုပ်ႉထိင်းလုၵ်ႈလၢင်းၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇလီလီငၢမ်းငၢမ်းၼၼ်ႉဢေႃး။

၁၃ လွင်ႈမၼ်းၸမ်းၶဝ်ၸိူဝ်းဢၼ်ပွင်ႁဵတ်းဢမူႉတင်းဢၼ်ထွၵ်ႈသြႃႇဢုပ်ႉၸိူဝ်းၸဝ်ႈလီလီငၢမ်းငၢမ်းၼၼ်ႉလႆႈၸိုဝ်ႈလႆႈသဵင်ဢၼ်လီဢၼ်ငၢမ်းဢိၵ်ႇတင်းတၢင်းယုမ်ႇမၢတ်ႈဢၼ်လႆႈတမ်းၸႂ်ၼႂ်းၸဝ်ႈယေႇသုၶရိၸ်ႉၼၼ်ႉပုၼ်ႈတူဝ်ၸဝ်ႈၵဝ်ႇဢေႃႈ။

၁၄ ပဵၵ်ႉသမ်ႉၵဝ်မီးတၢင်းဢၼ်မုင်မွင်းႁႂ်ႈလႆႈမႃးၸူးတီႈမႂ်းၶၼ်ၶၼ်ၽႂ်းၽႂ်းသေၵေႃႈပေႃးၵဝ်ၵိုတ်းသဝ်းယူႇႁိုင်ၼႃႇလႄႈၼၢၼ်းမႃးၸိုင်ၵဝ်တႅမ်ႈၸိူဝ်ႉၼင်ႇၼႆပၼ်ၵႂႃႇတီႈမႂ်းႁႂ်ႈလႆႈႁူႉလွင်ႈဢၼ်မႂ်းတၵ်းလႆႈသၢင်ႈႁဵတ်းၵမ်ၵျၢင်ႉၼႂ်းႁိူၼ်းၽြႃးပဵၼ်ၸဝ်ႈၸိူဝ်ႉၼင်ႇႁိုဝ်ၼၼ်ႉဢေႃႈ။

၁၅ ႁိူၼ်းၸဝ်ႈၼၼ်ႉၸမ်းပဵၼ်ၸိူဝ်းၸဝ်ႈၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉဢေႃႈ။ၸိူဝ်ႈၸဝ်ႈၼၼ်ႉၸမ်းပဵၼ််သဝ်တီႈဢၼ်သမ်ႇမႃႇတြႃးဢိင်ယူႇၼၼ်ႉဢေႃႈ။ငဝ်ႈႁၢၵ်ႈတီႈဢၼ်သမ်ႇမႃႇတြႃးတႄႇယူႇၼၼ်ႉၵေႃႈပဵၼ်ဢေႃႈ။

၁၆ လွင်ႈတၢင်းဢၼ်လိုၵ်ႉဢၼ်လမ်ႇတၢင်းဢၼ်ႁဵတ်းဝၢတ်ႈၵူဝ်းၵႂၢႆႇၵမ်ၵျၢင်ႉသၢင်ႈႁဵတ်းၼၼ်ႉပဵၼ်လွင်ႈတၢင်းဢၼ်ယႂ်ႇၼႃႇလူင်လၢင်ဝႃႈၼႆတီႈဢၼ်တၵ်းတွပ်ႇတၵ်းထဵင်ဢမ်ႇမီး။မၼ်းၸဝ်ႈလႆႈၶၢမ်ႇတၢင်းဢၼ်ပေႃႇမႃးၼႂ်းတူဝ်ၶၼ်ႇထႃႇယဝ်ႉ။ႁႂ်ႈတၢင်းဢၼ်သိုဝ်ႈတေႃႇမၼ်းၸဝ်ႈထၢင်ႇသႃးၵွပ်ႈပိူဝ်ႈဝိၺိၺ်ႇမူတ်းၸၢင်ႇၸဝ်ႈၼၼ်ႉယဝ်ႉ။လႆႈၶၢမ်ႇတၢင်းဢၼ်ႁေႃးလၢတ်ႈၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆယဝ်ႉ။လႆႈၶၢမ်ႇတၢင်းဢၼ်ၵူၼ်းလေႃးၵီႇတင်းလၢႆယုမ်ႇမၢတ်ႈယဝ်ႉ။လႆႈၶၢမ်ႇတၢင်းဢၼ်ဢဝ်ၶိုၼ်ႈၵႂႃႇၵႃႈၼိူဝ်လူၺ်ႈၵၼ်တင်းမူၼ်ၵုင်ႇသရေႇယဝ်ႉ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ