Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၈

၁ မိူဝ်ႈဢၼ်ၽုၺ်ႇတၼ်းသိၵ်ႈသတ်ႉတမၸိုင်ၵႃႈၼိူဝ်မိူင်းၵၢင်ႁၢဝ်ၼၼ်ႉမီးတၢင်းဢၼ်သဵတ်ႇယဵၼ်ၵႂႃႇသေၶိုင်ႈၼႃႇရီႇၼိုင်ႈဢေႃႈ။

၂ ၵဝ်ႁၼ်တမၢၼ်ႇၵၢင်ႁၢဝ်ၸဵတ်းပႃးဢၼ်ၸုၵ်းယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉဢေႃႈ။ၶဝ်ၼၼ်ႉလႆႈၶၢမ်ႇဢဝ်ၼႄးၶရႃႇၸဵတ်းဢၼ်ဢေႃႈ။

၃ တမၢၼ်ႇၵၢင်ႁၢဝ်ပႃးၼိုင်ႈမႃးလႄႈယိပ်းၵမ်လၢင်ႇပၢၼ်းၶမ်းသေယဝ်ႉၸုၵ်းယူႇၵႃႈတီႈႁိမ်းယိၸ်ႉပလၢင်ႇဢေႃႈ။မၼ်းၶၢမ်ႇဢဝ်ၼၢမ်ႇသႃႇၼမ်ၼႃႇပုၼ်ႈဢၼ်တၵ်းတုတ်ႇၽႆးႁႂ်ႈလႆႈသၢၵ်ႈၵၢပ်ႈလူၺ်ႈၵၼ်တင်းပထၼႃႇၵူၼ်းမူတ်းၸၢင်ႇတင်းသဵင်ႈတင်းလူင်ၵႃႈၼိူဝ်ယိၸ်ႉပလၢင်ႇဢၼ်မီးၵႃႈတီႈၽၢႆႇၼႃႈပလၢင်ႇၸဝ်ႈၼၼ်ႉဢေႃႈ။

၄ ဢၢႆၵႂၼ်းၼၢမ်ႇသႃႇပုၼ်ႈဢၼ်တၵ်းတုတ်ႇၽႆးဢိၵ်ႇတင်းပထၼႃႇၵူၼ်းမူတ်းၸၢင်ႇတင်းလၢႆၼၼ်ႉဢွၵ်ႇသေၵႃႈၼႂ်းမိုဝ်းတမၢၼ်ႇၵၢင်ႁၢဝ်ၶိုၼ်ႈၵႂႃႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။

၅ တမၢၼ်ႇၵၢင်ႁၢဝ်ၼၼ်ႉဢဝ်လၢင်ႇပၢၼ်းသေလႄႈႁႂ်ႈတဵမ်ဝႆႉတင်းၽႆးယိၸ်ႉပလၢင်ႇသေယဝ်ႉၶျႃးတူၵ်းၵႃႈၼိူဝ်လိၼ်မိူင်းလႄႈပဵၼ်တၢင်းဢၼ်ၽႃႉလင်ႊတၢင်းဢၼ်ၽႃႉမႅပ်ႈတၢင်းဢၼ်သဵင်ႁူၼ်ႈသဵင်မေႃးတၢင်းဢၼ်ဢိင်ႇသၼ်ႇဢေႃႈ။

ၼႄးၶရႃႇၸဵတ်းဢၼ်

၆ တမၢၼ်ႇၵၢင်ႁၢဝ်ၸဵတ်းပႃးဢၼ်မီးၼႄးၶရႃႇၸဵတ်းဢၼ်ၼၼ်ႉမႄးႁႅၼ်းတူဝ်ၸဝ်ႈၵဝ်ႇဝႆႉႁႂ်ႈလႆႈပဝ်ႇဢေႃႈ။

၇ မိူဝ်ႈဢၼ်တမၢၼ်ႇၵၢင်ႁၢဝ်ပႃးပထမပဝ်ႇၶရႃႇၼၼ်ႉၸိုင်မၢၵ်ႇႁႅပ်းတင်းၽႆးဢၼ်လေႃးၵၼ်တင်းလိူတ်ႈၼၼ်ႉၶျႃးတူၵ်းသႂ်ႇၵႃႈၼိူဝ်လိၼ်မိူင်းလႄႈလိၼ်သၢမ်ပုၼ်ႊပုၼ်ႊၼိုင်ႈတူၼ်ႈမႆႉသၢမ်ပုၼ်ႊပုၼ်ႊၼိုင်ႈယိူဝ်ႈဢၼ်ၶဵဝ်ၵႃႈမီးတင်းသဵင်ႈတင်းလူင်ပဵၼ်တၢင်းဢၼ်မႆႈၽႆးၵႂႃႇဢေႃႈ။

၈ မိူဝ်ႈဢၼ်တမၢၼ်ႇၵၢင်ႁၢဝ်ပႃးတုတိယပဝ်ႇၼႄးၶရႃႇၼၼ်ႉၸိုင်ပဵၼ်ၸိူဝ်ႉၼင်ႇဢၼ်ဢဝ်လွႆလူင်ဢၼ်မႆႈၽႆးၼၼ်ႉၶျႃးတူၵ်းသႂ်ႇၵႃႈၼႂ်းပၢင်ႇလၢႆႇၼၼ်ႉလႄႈပၢင်ႇလၢႆႇသၢမ်ပုၼ်ႊပုၼ်ႊၼိုင်ႈပဵၼ်လိူတ်ႈၵႂႃႇဢေႃႈ။

၉ သတ်ႉတဝႃႇဢၼ်ဢသၢၵ်ႈလိပ်းယူႇၵႃႈၼႂ်းပၢင်ႇလၢႆႇတင်းလၢႆၼၼ်ႉသၢမ်ပုၼ်ႊပုၼ်ႊၼိုင်ႈၵေႃႈတၢႆဢေႃႈ။ႁိူဝ်းသၢင်းၽေႃးတင်းလၢႆသၢမ်ပုၼ်ႊပုၼ်ႊၼိုင်ႈလူႉလႅဝ်ၵႂႃႇဢေႃႈ။

၁၀ မိူဝ်ႈဢၼ်တမၢၼ်ႇၵၢင်ႁၢဝ်ပႃးတတိယပဝ်ၼႄးၶရႃႇၼၼ်ႉၸိုင်လၢဝ်လူင်လုၵ်ႈၼိုင်ႈဢၼ်ႁိူဝ်ႈလႅင်းၸိူဝ်ႉၼင်ႇၵွၵ်းၽႆးၼၼ်ႉတူၵ်းသေၵႃႈၼိူဝ်ၵၢင်ႁၢဝ်လႄႈႁွတ်ႈထိုင်ၵႃႈၼိူဝ်ၼမ်ႉႁွင်ႊတင်းလၢႆဢေႃႈ။

၁၁ လၢဝ်ၼၼ်ႉလႆႈၸိုဝ်ဝႃႈမႂ်ႊတေႃးၼဢေႃႈ။ၼမ်ႉသၢမ်ပုၼ်ႊပုၼ်ႊၼိုင်ႈပဵၼ်မႂ်ႊတေႃးၼၵႂႃႇလႄႈၵူၼ်းၼမ်ၼႃႇတၢႆၵွပ်ႈပိူဝ်ႈဢၼ်ၼမ်ႉၶူမ်ၼႃႇလူင်လၢင်ၼၼ်ႉဢေႃႈ။

၁၂ မိူဝ်ႈဢၼ်တမၢၼ်ႇၵၢင်ႁၢဝ်ၸတုၵ်ႉထပဝ်ႇၼႄးၶရႃႇၼၼ်ႉၸိုင်ၵၢင်ဝၼ်းသၢမ်ပုၼ်ႊပုၼ်ႊၼိုင်ႈလိူၼ်သၢမ်ပုၼ်ႊပုၼ်ႊၼိုင်ႈလၢဝ်တင်းလၢႆသၢမ်ပုၼ်ႊပုၼ်ႊၼိုင်ႈမၢတ်ႇလႄႈသၢမ်ပုၼ်ႊပုၼ်ႊၼိုင်ႈလပ်းသိင်ႇၵႂႃႇဢေႃႈ။ၵၢင်ဝၼ်းသၢမ်ပုၼ်ႊပုၼ်ႊၼိုင်ႈၵၢင်ၶိုၼ်းသၢမ်ပုၼ်ႊပုၼ်ႊၼိုင်ႈဢမ်ႇမီးဢၼ်လႅင်း။

၁၃ ၵမ်းၼၼ်ႉၵဝ်တူၺ်းလႄႈငိၼ်းလၢင်းတႃႉၶမ်းတူဝ်ၼိုင်ႈ၊မိၼ်ယူႇၵႃႈၼိူဝ်ၶိုင်ႈၵၢင်ၽႃႉၵၢင်ႁၢဝ်သေလႄႈႁဵတ်းတင်းသဵင်ဢၼ်ယႂ်ႇၼႃႇႁွင်ႉလႄႈဝႃႈ၊-ၵူၼ်းၵႃႈၼိူဝ်လိၼ်မိူင်းတင်းလၢႆၼႆႉမီးဢႃႉမင်ႇၵလႃႇ၊ဢႃႉမင်ႇၵလႃႇ၊ဢႃႉမင်ႇၵလႃႇ၊ၵွပ်ႈပိူဝ်ႈသဵင်ၼႄးၶရႃႇတမၢၼ်ႇၵၢင်ႁၢဝ်သၢမ်ပႃးဢၼ်ၸမ်တၵ်းပဝ်ႇဢၼ်ယင်းၵိုတ်းယင်းၵျၢၼ်ႇယူႇၼၼ်ႉဢေႃႈ၊ဝႃႈၼင်ႇၼႆဢေႃႈ။