Shan Missions

လိၵ်ႈဢေႃးဝႃႇတႃ့ၵေႃးလေႃးသႄး

Chapter          ၁          ၂          ၃         ၄         

၄

၁ ၸဝ်ႈၶဝ်ဢိူၺ်း၊မၢတ်ႈတွင်းဝႆႉလွင်ႈဢၼ်ဝႃႈ၊ၸဝ်ႈသူမီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ၊ဝႃႈၼႆသေလႄႈ၊ႁဵတ်းတီႈၶႃႈသူၵႃႈၼင်ႇဢၼ်မႅၼ်ႈတင်းတြႃးတၢင်းဢၼ်သိုဝ်ႈတေႃႇဢိၵ်ႇတင်းတြႃးဢၼ်ၶိူင်ႈၽဵင်ႇၼၼ်ႉတႃႉ။

၂ ႁဵတ်းတၢင်းဢၼ်သူးတွင်းပထၼႃႇယူႇတႃႇသေႇလႄႈဢဝ်တင်းတၢင်းဢၼ်ယွင်ႈယေႃးၵျေးၸူးၸဝ်ႈလႄႈပႂ်ႉယူႇတႃႉ။

၃ ပိူဝ်ႈဢၼ်ၵဝ်လႆႈၶၢမ်ႇတၢင်းဢၼ်မတ်ႉၽုၵ်ႇၵွပ်ႈပိူဝ်ႈလွင်ႈတၢင်းဢၼ်လိုၵ်ႉဢၼ်လမ်ႇၸဝ်ႈၶရိၸ်ႉၼၼ်ႉလႄႈလွင်ႈၼင်ႇႁိုဝ်ၽြႃးပဵၼ်ၸဝ်ႈ

၄ တၵ်းၽုၺ်ႇပၼ်ၽၵ်းတူတီႈႁဝ်းတၵ်းႁေႃးလၢတ်ႈတြႃးတၢင်းဢၼ်လိုၵ်ႉဢၼ်လမ်ႇဢိၵ်ႇတင်းလွင်ႈၼင်ႇႁိုဝ်ၵဝ်တၵ်းလႆႈမွၵ်ႇလၢတ်ႈၼႄပျႃးတၢင်းဢၼ်လိုၵ်ႉဢၼ်လမ်ႇၵႃႈၼင်ႇဢၼ်ထုၵ်ႇလီႁေႃးလၢတ်ႈၼၼ်ႉၸိုင်သူးတွင်းပုၼ်ႈၵဝ်တႃႉ။

၅ ထွၵ်ႈလူၺ်ႈၼႃႈၶဝ်ၸိူဝ်းဢၼ်ပဵၼ်ၵူၼ်းၵႃႈၼွၵ်ႈၼၼ်ႉသေလႄႈပႃးတင်းပိင်ႇၺႃႇၵမ်ၵျၢင်ႉလႄႈထူတ်ႇဢဝ်ၶိင်ႇၵႃႇလႃႉတႃႉ။

၆ လွင်ႈၼင်ႇႁိုဝ်သူတၵ်းႁူႉလွင်ႈဢၼ်တၵ်းလႆႈၶိုၼ်းလၢတ်ႈတီႈၵူၼ်းၵူႈၵေႃႉၵူႈၵူၼ်းၸိူဝ်ႉၼင်ႇႁိုဝ်ၼၼ်ႉၸိုင်ႁႂ်ႈၵႂၢမ်းသူတဵမ်ႈထူၼ်ႈတင်းၵိူဝ်ဢၼ်ၸဵမ်းၼၼ်ႉသေလႄႈပဵၼ်ဢၼ်ထုၵ်ႇဢၼ်လီယူႇတႃႇသေႇဢမ်ႇထၢတ်ႇသေၵမ်းလူၺ်ႈ။

တုၶိတ်ႉတင်းဢႃႇရိတ်ႉတႃႇၶု

၇ တုၶိတ်ႉ၊ဢၼ်ပဵၼ်ၼွင်ႉဢၼ်ၵဝ်ႁၵ်ႉ၊ဢၼ်ပဵၼ်သြႃႇဢၼ်မီးသႅတ်ႈၸႃႇၼႂ်းၸဝ်ႈၽြႃးလႄႈ၊ပဵၼ်ၵူၼ်းၸႂ်ႉၸဝ်ႈၽြႃးၼင်ႇၵၼ်တင်းႁဝ်းၼၼ်ႉတၵ်းမွၵ်ႇလၢတ်ႈၼႄပျႃႉလွင်ႈတၢင်းၵႃႈမီးတင်းသဵင်ႈတင်းလူင်ၼၼ်ႉတီႈသူဢေႃႈ။

၈ လွင်ႈၼင်ႇႁိုဝ်မၼ်းတၵ်းႁူႉလွင်ႈသူလႄႈႁႂ်ႈႁူဝ်ၸႂ်သူသၢၵ်ႈသႃႇၸိုင်ၵဝ်ပွႆႇၸႂ်ႉမၼ်းဢိၵ်ႇတင်းဢေႃႇၼေႇသိမ်ႇဢၼ်ပဵၼ်ၼွင်ႉဢၼ်ၵဝ်ႁၵ်ႉလႄႈမီးသႅတ်ႈၸႃႇ၊ဢၼ်ၶဝ်ႈပႃးၼႂ်းသူၼၼ်ႉၵႂႃႇတီႈသူဢေႃႈ။

၉ ၶဝ်တၵ်းမွၵ်ႇလၢတ်ႈၼႄပျႃႉလွင်ႈတၢင်းၵႃႈဢၼ်ပဵၼ်မႃးၵႃႈၼႂ်းဝဵင်းၼႆႉၼၼ်ႉတီႈသူဢေႃႈ။

ၵႂၢမ်းသင်ႇ

၁၀ ပေႃးဢႃႇရိတ်ႉတႃႇၶု၊ဢၼ်လႆႈၶၢမ်ႇတူၵ်းၵႅၼ်းလူၺ်ႈၵၼ်တင်းၵဝ်၊မႃႇၵု၊ဢၼ်ပဵၼ်လၢၼ်ပႃႇၼပတင်းယေႇသု၊ဢၼ်လႆႈႁွင်ႉႁိၵ်ႈၸိုဝ်ယုသတုၶဝ်ႁွတ်ႈမႃးၵႃႈတီႈသူၸိုင်ႁပ်ႉတုင်းဢဝ်ၶဝ်တႃႉ။

၁၁ ၼႂ်းၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉၶဝ်ၸိူဝ်းၼႆႉၵူၺ်းပဵၼ်ၵေႃႉဢၼ်ပွင်ႁဵတ်းဢမူႉၽြႃးလူၺ်ႈၵၼ်တင်းၵဝ်ပုၼ်ႈမိူင်ၽြႃးပဵၼ်ၸဝ်ႈလႄႈႁႂ်ႈႁူဝ်ၸႂ်ၵဝ်သၢၵ်ႈသႃႇဢေႃႈ။

၁၂ ဢေႇပၽြႃႉ၊ၵူၼ်းၸႂ်ႉၸဝ်ႈၶရိၸ်ႉ၊ဢၼ်ၶဝ်ႈပႃးၼႂ်းသူၼႆႉတၵ်ႉၼၢႆသူဢေႃႈ။လွင်ႈၼင်ႇႁိုဝ်သူတၵ်းတူၵ်းၵၢင်ၸႂ်လူၺ်ႈဢလူဝ်ႇၽြႃးပဵၼ်ၸဝ်ႈတင်းသဵင်ႈတင်းမူတ်းလႄႈၸေးၸုမ်ႇယူႇသေယဝ်ႉတႄႇယူႇမၼ်ႈမၼ်ႈၶိူင်ႇၶိူင်ႇၸိုင်မၼ်းၶတ်းၸႂ်လႄႈသူးတွင်းပုၼ်ႈသူယူႇတႃႇသေႇဢမ်ႇထၢတ်ႇဢေႃႈ။

၁၃ မၼ်းမီးၸႂ်ၸေႇတၼႃႇပုၼ်ႈသူဢိၵ်ႇတင်းၶဝ်ၸိူဝ်းဢၼ်မီးၼႂ်းဝဵင်းလေႃႇတိၵိတင်းဝဵင်းႁေႇရပေႃႇလိၼၼ်ႉႁႅင်းယႂ်ႇၼႃႇလူင်လၢင်ဢေႃႈ၊ဝႃႈၼႆၵဝ်ပဵၼ်သၢၵ်ႈသေႇမၼ်းဢေႃႈ။

၁၄ ၶူးမေႃယႃလုၵႃႇ၊ၵေႃႉဢၼ်ၵဝ်ႁၵ်ႉ၊ဢိၵ်ႇတင်းတေႇမ၊ၶဝ်ၵေႃႈတၵ်ႉၼၢႆသူယူႇဢေႃႈ။

၁၅ တၵ်ႉလၢတ်ႈပီႈၼွင်ႉဢၼ်မီးၵႃႈၼႂ်းဝဵင်းလေႃႇတိၵိတင်းလၢႆဢိၵ်ႇတင်းၼုမ်ႇၽတင်းၸိူဝ်းၸဝ်ႈဢၼ်မီးၵႃႈၼႂ်းႁိူၼ်းမၼ်းၼၼ်ႉတႃႉ။

၁၆ လိၵ်ႈၼႆႉမိူဝ်ႈဢၼ်သူၽတ်းယဝ်ႉၸိုင်ႁႂ်ႈၸိူဝ်းၸဝ်ႈဝဵင်းလေႃႇတိၵိၽတ်းတႃႉ။လိၵ်ႈဢၼ်လႆႈၵႃႈတီႈဝဵင်းလေႃႇတိၵိၼၼ်ႉၵေႃႈသူၽတ်းတႃႉ။

၁၇ ႁဵတ်းသတိႁႂ်ႈဢမူႉထမ်ႇမႃႉသြႃႇဢၼ်လႆႈၶၢမ်ႇဢဝ်ၵႃႈတီႈမိုဝ်းၸဝ်ႈၽြႃးၼၼ်ႉလႆႈတဵမ်ႈထူၼ်ႈတႃႉ၊ဝႃႈၼႆလၢတ်ႈပၼ်တီႈဢႃႇၶိပ်ႉပုသေၵမ်း။

ၵဝ်၊ပေႃးလု၊ဢဝ်မိုဝ်းတူဝ်ၸဝ်ႈၵဝ်ႇလႄႈတႅမ်ႈၵႂၢမ်းဢၼ်တၵ်ႉၼၢႆၼႆႉပၼ်ၵႂႃႇတီႈသူဢေႃႈ။ၶုၵ်းၸႂ်လႆႈၶႆႈၸႂ်ထူပ်းတၢင်းဢၼ်မတ်ႉၽုၵ်ႇဢၼ်ၵဝ်လႆႈၶၢမ်ႇၼႆႉတႃႉ။ႁႂ်ႈၵျေးၸဝ်ႈမီးၼိူဝ်သူသေၵမ်းလူၺ်ႈ။