ၵျၢမ်းပျႃႇတိၵ်ႉ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇
၁၁
သၢၵ်ႈသေႇသွင်ပႃး
၁ ၵမ်းၼၼ်ႉၵဝ်လႆႈႁပ်ႉဢဝ်မႆႉဢေႃႈလႅမ်ႈၼိုင်ႈဢၼ်မိူၼ်ၸိူဝ်ႉၼင်ႇၶွၼ်ႉတဝ်ႉၼၼ်ႉသေယဝ်ႉလႆႈၶၢမ်ႇတၢင်းဢၼ်ဝႃႈ၊-လုၵ်ႉလႄႈတႅၵ်ႈတူၺ်းပိၵ်ႉမၢၼ်ႇမၼ်းၸဝ်ႈဢိၵ်ႇတင်းယိတ်ႉပလၢင်ႇတင်းၶဝ်ၸိူဝ်းဢၼ်ၵူဝ်းၵႂၢႆႇၼႂ်းပိၵ်ႉမၢၼ်ႇၸဝ်ႈၼၼ်ႉတႃႉ။
၂ ယႃႇပတေႅၵ်ႈတူၺ်းတမ်ႇတိူင်းပိၵ်ႉမၢၼ်ႇၸဝ်ႈၼၼ်ႉ။ယႃႇမၼ်းတႃႉ။လွင်ႈမၼ်းၸမ်းလႆႈၶမ်ႇတၢင်းဢၼ်ဢၢပ်ႈပၼ်ၵႃႈတီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆယဝ်ႉ။ၶဝ်ၼၼ်ႉတၵ်းယဵပ်ႇယမ်ဝဵင်းဢၼ်မူတ်းၸၢင်ႇၼၼ်ႉသီႇသိပ်းပၢႆသွင်လိူၼ်ဢေႃႈ။
၃ ၵဝ်တၵ်းပၼ်ဢၶႂၢင်ႉဝႆႉတီႈၵေႃႉဢၼ်ၶၢမ်ႇသၢၵ်ႈသေႇၵဝ်သွင်ပႃးၼၼ်ႉဢေႃႈ။ၶဝ်ၼၼ်ႉတၵ်းၼုင်ႈၶူဝ်းၼင်ပေႃယူႇသေလႄႈႁဵတ်းပရေႃးၽႅတ်ႈမိူဝ်ႉဝၼ်းႁဵင်ၼိုင်ႈပၢႆသွင်ပၢၵ်ႇပၢႆႁူၵ်းသိပ်းဝၼ်းဢေႃႈ။
၄ ၶဝ်ပဵၼ်တူၼ်ႈသၢၼ်ႇလုၼ်ႇသွင်တူၼ်ႈဢိၵ်ႇတင်းၶူင်ႇတီႈတႆႈၽႆးသွင်ဢၼ်ဢၼ်ပူၵ်းတင်ႈဝႆႉၵႃႈတီႈၽၢႆႇၼႃႈၸဝ်ႈလိၼ်မိူင်းၼၼ်ႉဢေႃႈ။
၅ ပေႃးသေၵေႃႉသေၵူၼ်းမီးဢလူဝ်ႇၶႂ်ႈၼိၵ်ႈၸၢၵ်ႈငႅၼ်းသေးၶဝ်ၸိုင်ႆးတၵ်းဢွၵ်ႇသေၵႃႈၼႂ်းသူပ်းၶဝ်လႄႈဢိုၼ်ရၢၼ်ႇသူႇၶဝ်တင်းလၢႆၼၼ်ႉပႅတ်ႈဢေႃႈ။ပေႃးသေၵေႃႉသေၵူၼ်းမီးဢလူဝ်ႇၶႂ်ႈၼိၵ်ႈၸၢၵ်ႈငႅၼ်းသေးၶဝ်ၸိုင်မၼ်းတၵ်းလႆႈၶၢမ်ႇတၢင်းဢၼ်ဢဝ်တၢႆၸိူဝ်ႉၼင်ႇၼၼ်ဢေႃႈ။
၆ ၶဝ်မီးဢၶႂၢင်ႉတၼ်းၶူဝ်းဢၼ်ဢိုတ်းဝႆႉၽႃႉၵၢင်ႁၢဝ်လႄႈဢမ်ႇႁႂ်ႈၽူၼ်လႆႈတူၵ်းၼႂ်းၶိင်ႇမိူဝ်ႈဢၼ်ၶဝ်ႁဵတ်းပရေႃးၽႅတ်ႈၼၼ်ႉဢေႃႈ။ၶဝ်မီးဢၶႂၢင်ႉတၼ်းၶူဝ်းဢၼ်တၵ်းႁႂ်ႈၼမ်ႉၵူႈမဵဝ်းပဵၼ်လိူတ်ႈၵႂႃႇဢဝ်တၢမ်ႇၵူႈၸိူဝ်ႈၵူႈပိူင်လႄႈပၼ်တၢမ်ႇတီႈလိၼ်မိူင်းၼႂ်းၶိင်ႇၵႃႇလႃႉဢၼ်ၶဝ်မီးဢလူဝ်ႇၼၼ်ႉဢေႃႈ။
၇ မိူဝ်ႈဢၼ်ၶဝ်ၶၢမ်ႇသၢၵ်ႈသေႇယဝ်ႉၼၼ်ႉၸိုင်တူဝ်ထိူၼ်ႇႁၢႆႉဢၼ်ဢွၵ်ႇသေၵႃႈၼႂ်းၶူင်ႈၼႂ်းႁူးဢၼ်လိုၵ်ႉၼႃႇသေပိူၼ်ႈၼၼ်ႉတၵ်းတိုၵ်းတေႃးၶဝ်လႄႈပႄႉၼႅင်ႇဢေႃႈ။
၈ တၵ်းဢဝ်ၶဝ်တၢႆဢေႃႈ။တူဝ်တၢႆၶဝ်တၵ်းၵိုတ်းဝႆႉၵႃႈၼိူဝ်ၶူၼ်တၢင်းဝဵင်းလူင်ဢၼ်ၸွမ်းၼင်ႇတၵ်းလႆႈတႅၵ်ႈၼိူင်းႁွင်ႉႁိၵ်ႈဝႃႈသေႃးတုင်ႇတင်းဢေႇၵႅပ်ႉတုဝဵင်းဢၼ်ၸဝ်ႈၶဝ်ၶၢမ်ႇတၢင်းတၢႆၵႃႈၼိူဝ်သဝ်လၵ်းဝႃးမိုဝ်းၼၼ်ႉဢေႃႈ။
၉ ၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းဢၼ်လၢတ်ႈၵႂၢမ်းၽႃႇသႃႇၵူႈၸိူဝ်ႉၵူႈပိူင်ၼၼ်ႉၵမ်ႈၽွင်ႈတၵ်းလႆႈတူၺ်းလႆႈႁၼ်တူဝ်တၢႆၸိူဝ်းၼၼ်ႉသၢမ်ဝၼ်းပၢႆၶိုင်ႈတဵမ်တဵမ်လႄႈႁႄႉၶႅၼ်လွင်ႈတၢင်းဢၼ်ဢဝ်တူဝ်တၢႆၶဝ်ၽင်ၵႃႈၼႂ်းပႃႇႁဵဝ်ႈသၢင်းၶႅင်းဢေႃႈ။
၁၀ ၶဝ်ၸိူဝ်းဢၼ်ယူႇၵႃႈၼိူဝ်လိၼ်မိူင်းၼႆႉၼၼ်ႉမိူဝ်ႈဢၼ်ႁၼ်တူဝ်တၢႆၸိူဝ်းၼၼ်ႉၸိုင်တၵ်းဢွၼ်ၵၼ်ၸူမ်းသိူဝ်းလႄႈမူၼ်ႈပျေႃႇဢေႃႈ။ၵေႃႉၼိုင်ႈလႄႈၵေႃႉၼိုင်ႈတၵ်းပၼ်လၢၵ်ႈသွင်ႇတီႈၵၼ်ဢေႃႈ။လွင်ႈမၼ်းၸမ်းပရေႃးၽႅတ်ႈသွင်ပႃးၼၼ်ႉလႆႈယႃႉယူၵ်ႉၼိၵ်ႈၸၢၵ်ႈငႅၼ်းသေးၶဝ်ၸိူဝ်းဢၼ်ယူႇၵႃႈၼိူဝ်လိၼ်မိူင်းၼႆႉၼၼ်ႉယဝ်ႉ၊ဝႃႈၼင်ႇၼႆဢေႃႈ။
၁၁ လိုၼ်းၼၼ်ႉပူၼ်ႉသၢမ်ဝၼ်းပၢႆၶိုင်ႈသေယဝ်ႉဢသၢၵ်ႈဝိၺိၺ်ႇလုၵ်ႉသေၵႃႈတီႈၽြႃးပဵၼ်ၸဝ်ႈမႃးလႄႈၶဝ်ႈၵႃႈၼႂ်းၶဝ်သေယဝ်ႉၶဝ်ၼၼ်ႉၵေႃႈၸုၵ်းယူႇဢေႃႈ။ၶဝ်ၸိူဝ်းဢၼ်ႁၼ်ၵႃႈမီးတင်းသဵင်ႈတင်းလူင်ၼၼ်ႉၵူဝ်ႁႄၼႃႇလူင်လၢင်ဢေႃႈ။
၁၂ မိူဝ်ႈဢၼ်ၶဝ်ငိၼ်းသဵင်လူင်ဢၼ်ဢွၵ်ႇသေၵႃႈတီႈၵၢင်ႁၢဝ်မႃးလႄႈလၢတ်ႈတီႈၶဝ်ဝႃႈ၊ၶိုၼ်ႈမႃးၵႃႈတီႈၼႆႉတႃႉဝႃႈၼင်ႇၼႆၼၼ်ႉၸိုင်ၶဝ်ၶိုၼ်ႈၵႂႃႇၵႃႈၼိူဝ်ၵၢင်ႁၢဝ်လူၺ်ႈၵၼ်တင်းမွၵ်ႇၵုမ်ႈလႄႈရၢၼ်ႇသူႇၶဝ်တင်းလၢႆၵေႃႈတူၺ်းယူႇဢေႃႈ။
၁၃ ၼႂ်းၶိင်ႇၼႃႇရီႇၼၼ်ႉပဵၼ်တၢင်းဢၼ်ဢိင်ႇသၼ်ႇဢၼ်ယႂ်ႇၼႃႇလူင်လၢင်လႄႈလမ်းဝဵင်းသိပ်းပုၼ်ႊပုၼ်ႊၼိုင်ႈလူမ်ႉပင်းၵႂႃႇဢေႃႈ။ၼႂ်းတၢင်းဢၼ်ဢိင်ႇသၼ်ႇၼၼ်ႉၵူၼ်းၸဵတ်းႁဵင်တၢႆဢေႃႈ။ၶဝ်ၸိူဝ်းဢၼ်ၵိုတ်းၵျၢၼ်ႇၼၼ်ႉၵူဝ်ႁႄလႄႈဢွၼ်ၵၼ်ယွင်ႈယေႃးၽြႃးပဵၼ်ၸဝ်ႈဢၼ်ပဵၼ်ၸဝ်ႈၵၢင်ႁၢဝ်ၼၼ်ႉဢေႃႈ။
၁၄ ဢႃႉမင်ႇၵလႃႇတုတိယပူၼ်ႉၵႂႃႇယဝ်ႉ။ဢႃႉမင်ႇၵလႃႇတတိယတၵ်းၸဵဝ်းမႃးၶၼ်ၶၼ်ၽႂ်းၽႂ်းဢေႃႈ။
ၼႄးၶရႃႇတမၢၼ်ႇၵၢင်ႁၢဝ်
၁၅ မိူဝ်ႈဢၼ်တမၢၼ်ႇၵၢင်ႁၢဝ်သတ်ႉတမပဝ်ႇၼႄးၶရႃႇမၼ်းၼၼ်ႉၸိုင်သဵင်ယႂ်ႇသဵင်လူင်ပဵၼ်မႃးၵႃႈၼိူဝ်ၵၢင်ႁၢဝ်ၼၼ်ႉလႄႈဝႃႈ၊-မိူင်းလေႃးၵီႇၼႆႉပဵၼ်မိူင်းၸဝ်ႈႁဝ်းဢိၵ်ႇတင်းၸဝ်ႈၶရိၸ်ႉၼၼ်ႉယဝ်ႉ။မၼ်းၸဝ်ႈတၵ်းၸၢမ်ႇၸႃးဢုပ်ႉပိူင်ႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈဢေႃႈ၊ဝႃႈၼင်ႇၼႆဢေႃႈ။
၁၆ ၶဝ်ၸိူဝ်းဢၼ်ဢသၢၵ်ႈယႂ်ႇသၢဝ်းသီႇပႃးဢၼ်ၼင်ႈယူႇၵႃႈၼိူဝ်ပလၢင်ႇတူဝ်ၸဝ်ႈၵဝ်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉၶုပ်ႉမူပ်ႇၵူဝ်းၵႂၢႆႇၽြႃးပဵၼ်ၸဝ်ႈယူႇသေလႄႈဢွၼ်ၵၼ်လဝ်ႈလၢတ်ႈလႄႈဝႃႈ၊-
၁၇ ထႃႇဝရႃႉၽြႃးပဵၼ်ၸဝ်ႈဢၼ်တဵမ်ဝႆႉတင်းဢၼၼ်ႇတႃႉတၼ်းၶူဝ်းၼၼ်ႉမီးယူႇၼႂ်းၶိင်ႇၵႃႇလႃႉပိတ်ႉၸူၵ်ႉပၢၼ်ႇဢိၵ်ႇတင်းဢတိၵ်ႈၼၼ်ႉတီႈၶႃႈ၊ပိူဝ်ႈဢၼ်ၸဝ်ႈႁဝ်းလႆႈဢဝ်မႁႃႇတၼ်းၶူဝ်းၸဝ်ႈႁဝ်းသေလႄႈၸၢမ်ႇၸႃးၼၼ်ႉႁဝ်းၶႃႈယွင်ႈယေႃးၵျေးၸူးၸဝ်ႈႁဝ်းတီႈၶႃႈဢေႃႈ။
၁၈ တေႃးသႃႉတင်းၸႂ်မႆႈၶႂ်ႈၸႃႉမဵဝ်းၵူၼ်းတင်းလၢႆဢွၵ်ႇလႄႈတေႃးသႃႉတင်းၸႂ်မႆႈၶႂ်ႈၸႃႉၸဝ်ႈႁဝ်းၵေႃႈႁွတ်ႈထိုင်မႃးတီႈၶႃႈယဝ်ႉ။ၶိင်ႇၵႃႇလႃႉဢၼ်ၸဝ်ႈႁဝ်းတၵ်းၸီႇယၢင်ႇတြႃးတီႈၶဝ်ၸိူဝ်းဢၼ်တၢႆၵႂႃႇယဝ်ႉၼၼ်ႉလႄႈဢိတ်းလူပၼ်သူႉၵျေးၸူးတီႈၶႃႈၸဝ်ႈႁဝ်းဢၼ်ပဵၼ်ပရေႃးၽႅတ်ႈဢိၵ်ႇတင်းၵူၼ်းမူတ်းၸၢင်ႇတင်းလၢႆတင်းၶဝ်ၸိူဝ်းဢၼ်ရူဝ်ႇသေႇၵူဝ်ယမ်ၼႃႇမႃႉၸိုဝ်ႈသဵင်ၸဝ်ႈႁဝ်းလဵၵ်ႉလဵၵ်ႉယႂ်ႇယႂ်ႇၼၼ်ႉလႄႈယႃႉၽဵဝ်ႈပႅတ်ႈလိၼ်မိူင်းၼႆႉၼၼ်ႉႁွတ်ႈထိုင်မႃးတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၉ ၵမ်းၼၼ်ႉပိၵ်ႉမၢၼ်ႇၽြႃးပဵၼ်ၸဝ်ႈၼႂ်းမိူင်းၵၢင်ႁၢဝ်ၼၼ်ႉၽုၺ်ႇပိုတ်ႇလႄႈလႆႈႁၼ်တိူၵ်ႈပတိၺိၺ်ႇထၢင်ႇသႃးၵႃႈၼႂ်းပိၵ်ႉမၢၼ်ႇၸဝ်ႈၼၼ်ႉဢေႃႈ။မိူဝ်ႈၼၼ်ႉပဵၼ်တၢင်းဢၼ်ၽႃႉမႅပ်ႈတၢင်းဢၼ်သဵင်လင်ႊသဵင်မေႃးတၢင်းဢၼ်ၽႃႉလင်ႊတၢင်းဢၼ်ဢိင်ႇသၼ်ႇတၢင်းဢၼ်မၢၵ်ႇႁဵပ်းလုၵ်ႈယႂ်ႇၼႃႇလူင်လၢင်တူၵ်းလူင်းဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ