1 Cor 1

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁ ၂ ၁၃ ၁၄ ၁၅ ၁၆

၁

ၵႂၢမ်းၼမ်း

၁ ၵဝ်၊ပေႃးလု၊ဢၼ်လႆႈၶၢမ်ႇတၢင်းဢၼ်ၶၢၼ်းဝႆႉၼႂ်းဢရႃႇတမၢၼ်ႇၸဝ်ႈၵွပ်ႈပိူဝ်ႈဢလူဝ်ႇၽြႃးပဵၼ်ၸဝ်ႈ၊

၂ ဢိၵ်ႇတင်းၼွင်ႉႁဝ်းသုတ်ႉသိၼ်ႇပၼ်ငိၼ်းၵႂႃႇတီႈၸိူဝ်းၸဝ်ႈၽြႃးပဵၼ်ၸဝ်ႈဢၼ်မီးၼႂ်းဝဵင်းၵေႃးရဵၼ်ႇထုဢၼ်ပဵၼ်ၶဝ်ၸိူဝ်းဢၼ်ၵၢင်းလွတ်ႈတင်းဢပျႅတ်ႈၵွပ်ႈပိူဝ်ႈၸဝ်ႈယေႇသုၶရိၸ်ႉလႄႈလႆႈၶၢမ်ႇတၢင်းဢၼ်ႁွင်ႉဝႃႈၵူၼ်းမူတ်းၸၢင်ႇတင်းလၢႆဢိၵ်ႇတင်းၶဝ်ၸိူဝ်းဢၼ်ႁဵတ်းသူးတွင်းပထၼႃႇၵႃႈတီႈၼႃႇမႃႉၸိုဝ်သဵင်ၸဝ်ႈႁဝ်းၸဝ်ႈယေႇသုၵူႈတီႈၵူႈလႅၼ်ၵႃႈမီးတင်းသဵင်ႈတင်းလူင်ၼၼ်ႉဢေႃႈ။

၃ ၸဝ်ႈၼၼ်ႉပဵၼ်ၸဝ်ႈႁဝ်းၵူၺ်းဢမ်ႇၸႂ်ႈ။ၸဝ်ႈသူၵေႃႈၸႂ်ႈဢေႃႈ။

ႁႂ်ႈၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈၸဝ်ႈယေႇသုၶရိၸ်ႉတင်းပေႃႈႁဝ်းၽြႃးပဵၼ်ၸဝ်ႈၼၼ်ႉမီးၼိူဝ်သူသေၵမ်းလူၺ်ႈ။

၄ ၵဝ်ယွင်ႈယေႃးၽြႃးပဵၼ်ၸဝ်ႈတႃႇသေႇဢမ်ႇထၢတ်ႇၵွပ်ႈပိူဝ်ႈၵျေးၸူးၽြႃးပဵၼ်ၸဝ်ႈဢၼ်ပၼ်တီႈသူၼႂ်းၸဝ်ႈယေႇသုၶရိၸ်ႉၼၼ်ႉဢေႃႈ။

၅ ၵွပ်ႈပိူဝ်ႈသူလႆႈမၢၵ်ႈမီးတဵမ်ဝႆႉတင်းတၢင်းလၢတ်ႈတၢင်းၸႃဢိၵ်ႇတင်းၺၢၼ်ႇၼႂ်းၵူႈၸိူဝ်ႉၵူႈပိူင်ၵွပ်ႈပိူဝ်ႈမၼ်းၸဝ်ႈလႄႈ

၆ သၢၵ်ႈသေႇဢၼ်ႁဝ်းၶၢမ်ႇလူၺ်ႈလွင်ႈၸဝ်ႈၶရိၸ်ႉၼၼ်ႉလႆႈတႄႇယူႇၼႂ်းသူယဝ်ႉဢေႃႈ။

၇ ပိူဝ်ႈၼႆလႄႈၸိူဝ်ႉၼင်ႇဢၼ်သူမုင်ႈထႃႈမွင်းထႃႈတၢင်းဢၼ်ၸဝ်ႈႁဝ်းၸဝ်ႈယေႇသုၶရိၸ်ႉတၵ်းပေႃႇမႃးၼၼ်ႉသူယင်းဢမ်ႇလုတ်ႈဢမ်ႇယွမ်းဝိၺိၺိႇသူႉၵျေးၸူးသေၸိူဝ်ႉသေပိူင်လႄႈလႆႈမီးတၢင်းဢၼ်ၸေးၸုမ်ႇယူႇဢေႃႈ။

၈ ၼင်ႇႁိုဝ်သူတၵ်းၵၢင်းလွတ်ႈတင်းတီႈဢၼ်တၢင်ႇဢပျႅတ်ႈၼႂ်းဝၼ်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉၸိုင်မၼ်းၸဝ်ႈတၵ်းႁႂ်ႈသူမၼ်ႈၶိူင်ႇတေႃႇထိုင်ႁွတ်ႈတီႈသုတ်းတီႈၵွႆပုၼ်ႉဢေႃႈ။

၉ ၽြႃးပဵၼ်ၸဝ်ႈဢၼ်ပၼ်သူႉၵျေးၸူးတီႈသူႁႂ်ႈသူလႆႈႁဵတ်းမိၵ်ႉသႁႃႇယလူၺ်ႈၵၼ်တင်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉပဵၼ်ၸဝ်ႈသႅတ်ႈၸႃႇဢေႃႈ။

ႁႂ်ႈမီးတၢင်းဢၼ်ဢွမ်ႇလွမ်ႉၽွမ်ႉၵၼ်

၁၀ ပီႈၼွင်ႉၶဝ်ဢိူၺ်းၼင်ႇႁိုဝ်တင်းသိင်ႈတၵ်းလၢတ်ႈၵႂၢမ်းဢၼ်လဵဝ်ၵၼ်၊ၵေႃႉၼိုင်ႈလႄႈၵေႃႉၼိုင်ႈဢမ်ႇၽၢတ်ႇဢမ်ႇၽႄၵၼ်၊မီးၸႂ်သၽေႃးၺီႇၽွမ်ႉဢၼ်လဵဝ်ၵၼ်၊မီးတၢင်းႁၼ်ဢၼ်လဵဝ်ၵၼ်ၸိုင်ၵဝ်ဢိင်ၼႃႇမႃႉၸိုဝ်သဵင်ၸဝ်ႈႁဝ်းၸဝ်ႈယေႇသုၶရိၸ်ႉလႄႈတိုၵ်းယူင်းတွင်းပၢၼ်ႇသူဢေႃႈ။

၁၁ ပီႈၼွင်ႉၶဝ်ဢိူၺ်း၊သူၵေႃႉၼိုင်ႈလႄႈၵေႃႉၼိုင်ႈယင်းဢမ်ႇထုၵ်ႇဢမ်ႇမေႃၵၼ်လႄႈမီးတၢင်းဢၼ်ၽိတ်းၵၼ်ယူႇဝႃႈၼႆၵူၼ်းႁိူၼ်းၵူၼ်းယေးၶလေႃႇဢေႇၵမ်ႈၽွင်ႈမွၵ်ႇလၢတ်ႈတီႈၵဝ်ဢေႃႈ။

၁၂ ဢၼ်ၵဝ်ၶႂ်ႈလၢတ်ႈၶႂ်ႈဝႃႈတီႈသူၸမ်းၼႂ်းသူၼၼ်ႉၵေႃႉၼိုင်ႈလၢတ်ႈဝႃႈ၊ၵဝ်ပဵၼ်တပႄးပေႃးလုဢေႃႈ။ၵေႃႉၼိုင်ႈသမ်ႉဝႃႈၵဝ်ပဵၼ်တပႄးဢႃႇပေႃးလုဢေႃႈ။ၵေႃႉၼိုင်ႈသမ်ႉဝႃႈၵဝ်ပဵၼ်တပႄးၵေႇၽဢေႃႈ။ၵေႃႉၼိုင်ႈသမ်ႉဝႃႈၵဝ်ပဵၼ်တပႄးၸဝ်ႈၶရိၸ်ႉဢေႃႈ၊ဝႃႈၼႆဢေႃႈ။

၁၃ ၸဝ်ႈၶရိၸ်ႉၼၼ်ႉမီးတၢင်းဢၼ်ၽၢတ်ႇၽႄၵၼ်ႁိုဝ်။ပေႃးလုၶၢမ်ႇတၢင်းဢၼ်တွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းပုၼ်ႈသူႁိုဝ်။

၁၄ သူၶၢမ်ႇပပ်ႉတိၸၢမ်ႇၼႂ်းၼႃႇမႃႉၸိုဝ်သဵင်ပေႃးလုႁိုဝ်။လိူဝ်သေၵရိပုတင်းၵႃႇယုၼၼ်ႉၵဝ်ဢမ်ႇပၼ်ပပ်ႉတိၸၢမ်ႇၼႂ်းသူတီႈၽူႈလႂ်လႄႈၵဝ်တၢင်ႇၵျေးၸူးၽြႃးပဵၼ်ၸဝ်ႈဢေႃႈ။

၁၅ ပိူဝ်ႈၼႆလႄႈၽူႈလႂ်ဢမ်ႇလႆႈဝႃႈပေႃးလုပၼ်ပပ်ႉတိၸၢမ်ႇၼႂ်းၸိုဝ်သဵင်တူဝ်ၸဝ်ႈၵဝ်ႇ။

၁၆ ၵႃႈတီႈၵူၼ်းႁိူၼ်းၵူၼ်းယေးသထေႇၽၢၼ်ႇၵေႃႈၵဝ်လႆႈပၼ်ပပ်ႉတိၸၢမ်ႇဢေႃႈ။လိူဝ်သေၼၼ်ႉၵဝ်လႆႈပၼ်ပပ်ႉတိၸၢမ်ႇတီႈၽူႈလႂ်တၢင်ႇၵေႃႉၵဝ်ဢမ်ႇတွင်း။

၁၇ ၸဝ်ႈၶရိၸ်ႉပွႆႇၸႂ်ႉၵဝ်မႃးႁႂ်ႈလႆႈပၼ်ပပ်ႉတိၸၢမ်ႇဢမ်ႇၸႂ်ႈ။မၼ်းၸဝ်ႈပွႆႇၸႂ်ႉၵဝ်မႃးႁႂ်ႈလႆႈႁေႃးလၢတ်ႈတြႃးသတၢင်းသိူဝ်းပျေႃႇဢေႃႈ။ဢမ်ႇၸႂ်ဢဝ်ၶေႃႈၵႂၢမ်းၺၢၼ်ႇပိင်ႇၺႃႇလၢႆလၢႆလႄႈႁေႃးႁဵတ်းႁႂ်ႈသဝ်လၵ်းဝႃးမိုဝ်းၸဝ်ႈၶရိၸ်ႉပဵၼ်လၢႆလၢႆဢမ်ႇမီးတၼ်းၶူဝ်းသင်ၵႂႃႇ။

ၸဝ်ႈၶရိၸ်ႉပဵၼ်တၼ်းၶူဝ်းၺၢၼ်ႇပိင်ႇၺႃႇၽြႃးပဵၼ်ၸဝ်ႈ

၁၈ လွင်ႈမၼ်းၸမ်းပုၼ်ႈၶဝ်ၸိူဝ်းဢၼ်ႁွတ်ႈထိုင်တၢင်းဢၼ်လူႉဢၼ်သုမ်းၼၼ်ႉတြႃးသဝ်လၵ်းဝႃးမိုဝ်းၼႆႉပဵၼ်ဢၼ်ငိူဝ်ႈသေၵေႃႈပုၼ်ႈႁဝ်းၸိူဝ်းဢၼ်ႁွတ်ႈထိုင်တၢင်းၵႄႇၶျွတ်ႈဢဝ်ၼၼ်ႉၸမ်းပဵၼ်တၼ်းၶူဝ်းၽြႃးပဵၼ်ၸဝ်ႈဢေႃႈ။

၁၉ ၵျၢမ်းလိၵ်ႈမီးမႃးလႄႈဝႃႈၸမ်း၊-ပိင်ႇၺႃႇၶဝ်ၸိူဝ်းဢၼ်မီးပိင်ႇၺႃႇၵႃႈၼႂ်းၶဝ်ၼၼ်ႉၵဝ်တၵ်းႁႂ်ႈလူႉလႅဝ်လႄႈၺၢၼ်ႇၶဝ်ၸိူဝ်းဢၼ်ၺၢၼ်ႇလီၼၼ်ႉၵေႃႈၵဝ်တၵ်းႁႂ်ႈလပ်ႉႁၢႆၵႂႃႇဢေႃႈ၊ဝႃႈၼင်ႇၼႆဢေႃႈ။

၂၀ ၵေႃႉဢၼ်မီးပိင်ႇၺႃႇ၊မီးၵႃႈတီႈလႂ်။သြႃႇဢၼ်ထုတ်ႇၵျၢမ်း၊မီးၵႃႈတီႈလႂ်သြႃႇဢၼ်တိူင်ႇပၢင်ႇလၢတ်ႈၸႃပျၢတ်ႈသၼႃႇ၊မီးၵႃႈတီႈလႂ်။ၽြႃးပဵၼ်ၸဝ်ႈႁႂ်ႈပိင်ႇၺႃႇလေႃးၵီႇၼႆႉပဵၼ်ဢၼ်ငိူဝ်ႈယဝ်ႉဢမ်ႇၸႂ်ႈႁိုဝ်။

၂၁ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၼႂ်းပိင်ႇၺႃႇၽြႃးပဵၼ်ၸဝ်ႈၼၼ်ႉၵူၼ်းလေႃးၵီႇတင်းလၢႆဢဝ်ၸွမ်းလူၺ်ႈပိင်ႇၺႃႇတူဝ်ၸဝ်ႈၵဝ်ႇလႄႈဢမ်ႇႁူႉၸၵ်းၽြႃးပဵၼ်ၸဝ်ႈလႆႈ။တေႇသၼႃႇဢၼ်ႁဝ်းႁေႃးလၢတ်ႈႁႂ်ႈလႆႈၵႄႇၶျွတ်ႈဢဝ်ၶဝ်ၸိူဝ်းဢၼ်ယုမ်ႇမၢတ်ႈၼၼ်ႉပဵၼ်တၢင်းဢၼ်ႁႂ်ႈၽြႃးပဵၼ်ၸဝ်ႈၸူမ်းၸႂ်ဢေႃႈ။

၂၂ ၵူၼ်းယုတတင်းလၢႆယွၼ်းၼီႉမိၵ်ႈလၵ်ႈၶၼႃႇဢေႃႈ။

၂၃ ၵူၼ်းႁေႇလသတင်းလၢႆႁႃပိင်ႇၺႃႇဢေႃႈ။ႁဝ်းၸမ်းႁေႃးလၢတ်ႈလွင်ႈၸဝ်ႈၶရိၸ်ႉဢၼ်ၶၢမ်ႇတၢင်းတၢႆၵႃႈၼိူဝ်သဝ်လၵ်းဝႃးမိုဝ်းဢၼ်ပဵၼ်လွင်ႈၵူၼ်းယုတတင်းလၢႆတၵ်းတိူဝ်ႉမႅၼ်ႈလႄႈလူမ်ႉၼၼ်ႉလႄႈပဵၼ်လွင်ႈဢၼ်ငိူဝ်ႈတီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉဢေႃႈ။

၂၄ ၼႂ်းဝႃႈၼၼ်သေၵေႃႈတီႈၵူၼ်းယုတသေဢမ်ႇဝႃႈ၊တီႈၵူၼ်းႁေႇလသသေဢမ်ႇဝႃႈ၊တြႃးၸဝ်ႈၶရိၸ်ႉၼႆႉပဵၼ်တၼ်းၶူဝ်းၽြႃးဢိၵ်ႇတင်းပိင်ႇၺႃႇၽြႃးတီႈၶဝ်ၸိူဝ်းဢၼ်မၼ်းၸဝ်ႈႁွင်ႉဢဝ်ၼၼ်ႉဢေႃႈ။

၂၅ တၢင်းငိူဝ်ႈၽြႃးပဵၼ်ၸဝ်ႈၼၼ်ႉယဵင်ႈၶႅၼ်းမီးပိင်ႇၺႃႇၼႃႇသပေိင်ႇၺႃႇၵူၼ်းတင်းလၢႆဢေႃႈ။တၢင်းႁႅင်းလဵၵ်ႉၽြႃးပဵၼ်ၸဝ်ႈၼၼ်ႉယဵင်ႈၶႅၼ်းမီးႁႅင်းၼႃႇသေႁႅင်းၵူၼ်းတင်းလၢႆဢေႃႈ။

၂၆ ပီႈၼွင်ႉၶဝ်ဢိူၺ်း၊မိူဝ်ႈဢၼ်မၼ်းၸဝ်ႈႁွင်ႉဢဝ်သူၼၼ်ႉသူပဵၼ်ၵူၼ်းၸိူဝ်ႉႁိုဝ်ၶႆႈၸႂ်ဝူၼ်ႉၸႂ်တူၺ်းတႃႉ။ၼႂ်းသူၼၼ်ႉဢမ်ႇမီးၵူၼ်းဢၼ်မီးပိင်ႇၺႃႇၼမ်ၸွမ်းၼင်ႇပိင်ႇၺႃႇလေႃးၵီႇ။ဢမ်ႇမီးၵူၼ်းလူင်ၼမ်။ဢမ်ႇမီးၵူၼ်းဢၼ်ပဵၼ်ၸိူဝ်ႉၶိူဝ်းၶုၼ်ၼမ်။

၂၇ ၽြႃးပဵၼ်ၸဝ်ႈလိူၵ်ႈၵဵပ်းဢဝ်ၶဝ်ၸိူဝ်းဢၼ်ငိူဝ်ႈၼႂ်းလေႃးၵႃႉၼႆႉလႄႈႁဵတ်းႁႂ်ႈၶဝ်ၸိူဝ်းဢၼ်မီးပိင်ႇၺႃႇၼၼ်ႉလႆႈဢူၵ်းလႆႈဢၢႆဢေႃႈ။မၼ်းၸဝ်ႈလိူၵ်ႈၵဵပ်းဢဝ်ၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၵႃႈၼႂ်းလေႃးၵႃႉၼႆႉလႄႈႁဵတ်းႁႂ်ႈၶဝ်ၸိူဝ်းဢၼ်ႁႅင်းယႂ်ႇၼၼ်ႉလႆႈဢူၵ်းလႆႈဢၢႆဢေႃႈ။

၂၈ မၼ်းၸဝ်ႈလိူၵ်ႈၵဵပ်းဢဝ်ၶဝ်ၸိူဝ်းဢၼ်ယၢၵ်ႈဢၼ်ၽၢၼ်၊ၶဝ်ၸိူဝ်းဢၼ်ဢမ်ႇပွင်ႇလွင်ႈၵႃႈသင်၊ၶဝ်ၸိူဝ်းဢၼ်ယုတ်ႈဢၼ်ယွမ်းၵႃႈၼႂ်းလေႃးၵႃႉၼႆႉလႄႈႁႂ်ႈၶဝ်ၸိူဝ်းဢၼ်ဝႃႈမျၢတ်ႈလီၼၼ်ႉလႆႈဢူၵ်းလႆႈဢၢႆႈဢေႃႈ။

၂၉ ပိူဝ်ႈၼႆလႄႈၽူႈလႂ်ဢမ်ႇမီးလွင်ႈဢၼ်တၵ်းလႆႈဢုပ်ႇဝၢဝ်းမူင်မႅၼ်ၵႃႈတီႈၽၢႆႇၼႃႈၽြႃးပဵၼ်ၸဝ်ႈ။

၃၀ ၵွပ်ႈပိူဝ်ႈၽြႃးပဵၼ်ၸဝ်ႈၼၼ်ႉလႄႈသူတႄႇယူႇၵႃႈၼႂ်းၸဝ်ႈယေႇသုၶရိၸ်ႉဢၼ်ပဵၼ်ပိင်ႇၺႃႇတၢင်းသိုဝ်ႈတေႃႇ၊တၢင်းမူတ်းၸၢင်ႇ၊တၢင်းဢၼ်ထူတ်ႇဢဝ်ဢၼ်ပဵၼ်မႃးၵႃႈတီႈၽြႃးပဵၼ်ၸဝ်ႈၼၼ်ႉဢေႃႈ။

၃၁ ၵွပ်ႈႁွႆးၼႆႉလႄႈမႅၼ်ႈၼင်ႇဢၼ်မႃးၵႃႈၼႂ်းၵျၢမ်းလိၵ်ႈလႄႈဝႃႈ၊-ႁႂ်ႈၵေႃႉဢၼ်ၶႂ်ႈဢုပ်ႇဝၢဝ်းၼၼ်ႉဢုပ်ႇဝၢဝ်းၼႂ်းထႃႇဝရႃႉၽြႃးၵူၺ်းတႃႉ၊ဝႃႈၼင်ႇၼႆၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ