Shan Missions

လိၵ်ႈဢေႃးဝႃႇတႃႉၽိလိပ်ႉပိ

Chapter          ၁          ၂           ၃          ၄         

၃

ပုင်ႇသၢၵ်ႈသေႇပေႃးလု

၁ ၵႂၢမ်းဢၼ်ယင်းၵိုတ်းယင်းၵျၢၼ်ႇၸမ်း၊ပီႈၼွင်ႉၵဝ်တင်းလၢႆၶဝ်ဢိူၺ်း၊မီးတၢင်းဢၼ်သိူဝ်းပျေႃႇၼႂ်းၸဝ်ႈၽြႃးတႃႉ။ပဵၵ်ႉသမ်ႉၵဝ်လႆႈတႅမ်ႈပၼ်ၵႂႃႇၶိူဝ်းၶိူဝ်းယႂ်းယႂ်းသေၵေႃႈဢမ်ႇမီးတၢင်းဢၼ်ယၢပ်ႇၽိုတ်ႇပုၼ်ႈၵဝ်။ပဵၼ်တၢင်းဢၼ်မၼ်ႈၶိူင်ႇပုၼ်ႈသူဢေႃႈ။

၂ ဝေႈပႅတ်ႈမႃတင်းလၢႆတႃႉ။ဝေႈပႅတ်ႈၶဝ်ၸိူဝ်းဢၼ်ႁဵတ်းဢၼ်ဢမ်ႇလီဢမ်ႇငၢမ်းၼၼ်ႉတႃႉ။ဝေႈပႅတ်ႈၶဝ်ၸိူဝ်းဢၼ်ႁဵတ်းတၢင်းဢၼ်ထိူဝ်ၶၢတ်ႇတႅပ်းၶၢတ်ႇၼိူဝ်ႉၼင်ၵူၼ်းၼၼ်ႉတႃႉ။

၃ ႁဝ်းၸိူဝ်းဢၼ်ပႃးတင်းၸႂ်ဝိၺိၺ်ႇၵူဝ်းၵႂၢႆႇၽြႃးပဵၼ်ၸဝ်ႈ၊ဢမ်ႇမီးတၢင်းဢၼ်ဢိင်ပိုင်ႈၸႃႇတိပၵတိလႄႈဢုပ်ႇဝၢဝ်းသိူဝ်းပျေႃႇၼႂ်းၸဝ်ႈယေႇသုၶရိၸ်ႉၵူၺ်းၼႆႉပဵၼ်ၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းဢၼ်ၸႅတ်ႈဢၼ်မၢၼ်ႇဢေႃႈ။

၄ ပေႃးတၢင်ႇၵေႃႉတၢင်ႇၵူၼ်းမီးလွင်ႈဢၼ်တၵ်းဢိင်ပိုင်ႈၼိူဝ်ႉၼင်ၸိုင်၊ၵဝ်ယဵင်ႈၶႅၼ်းမီးလွင်ႈဢၼ်တၵ်းဢိင်ပိုင်ႈၼမ်သေမၼ်းဢေႃႈ။

၅ လွင်ႈမၼ်းၸမ်းၵဝ်ၼႆႉၼႂ်းဝၼ်းဢၼ်ထူၼ်ႈထိုင်ပႅတ်ႇဝၼ်းၼၼ်ႉလႆႈၶၢမ်ႇဢဝ်တၢင်းဢၼ်ထိူဝ်ႁိမ်းဢေႃႈ။ၵဝ်ပဵၼ်မဵဝ်းၵူၼ်း

ဢိသရေႇလၸိူဝ်ႉၶိူဝ်းပိၼ်ႇယႃႇမိၼ်ႇဢေႃႈ။ၵဝ်ပဵၼ်ၵူၼ်းႁေႇပြႄးၸႅတ်ႈၸႅတ်ႈဢၼ်သိုပ်ႇလူင်းမႃးၵႃႈတီႈၵူၼ်းႁေႇပြႄးဢေႃႈ။

၆ ၸွမ်းၼင်ႇတြႃးၼၼ်ႉၵဝ်ပဵၼ်ၽႃႇရိသေးဢေႃႈ။ၸွမ်းၼင်ႇတၢင်းဢၼ်ႁူဝ်ၸႂ်ႁႅင်းယႂ်ႇၼႃႇၼၼ်ႉၵဝ်ပဵၼ်ၵေႃႉဢၼ်ၼိၵ်ႈၸၢၵ်ႈငႅၼ်းသေးၸိူဝ်းၸဝ်ႈဢေႃႈ။ၸွမ်းၼင်ႇတၢင်းဢၼ်သိုဝ်ႈတေႃႇဢၼ်လႆႈၵွပ်ႈပိူဝ်ႈပိင်းၺၢပ်ႈတြႃးၼၼ်ႉၵဝ်ပဵၼ်ၵေႃႉဢၼ်ဢမ်ႇမီးတီႈတၢင်ႇဢပျႅတ်ႈဢေႃႈ။

၇ ၼႂ်းဝႃႈၼၼ်သေၵေႃႈတၢင်းဢၼ်ပွင်ႁဵတ်းလႄႈလႆႈဢမႅတ်ႈမႃးၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵဝ်မၢတ်ႈပဵၼ်ၸိူဝ်ႉၼင်ႇဢၼ်သုမ်းၼႂ်းၸဝ်ႈၶရိၸ်ႉဢေႃႈ၊

၈ လိူဝ်သေၼၼ်ႉဢမ်ႇၵႃးၵဝ်ထွၵ်ႈလူၺ်ႈတၢင်းဢၼ်ႁူႉၸၵ်းၸဝ်ႈယေႇသုၶရိၸ်ႉၼၼ်ႉပဵၼ်ဢၼ်မျၢတ်ႈလီၼႃႇလႄႈၵဝ်မၢတ်ႈလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉပဵၼ်ၸိူဝ်ႉၼင်ႇဢၼ်သုမ်းဢေႃႈ။ၵွပ်ႈပိူဝ်ႈၸဝ်ႈၼၼ်ႉလႄႈၵဝ်ၶၢမ်ႇသုမ်းၵႃႈမီးတင်းသဵင်ႈတင်းလူင်ႁႂ်ႈလႆႈၸဝ်ႈၶရိၸ်ႉဢေႃႈ။

၉ လွင်ႈၼင်ႇႁိုဝ်ၵဝ်တၵ်းယင်းဢမ်ႇဢိင်ပိုင်ႈတၢင်းသိုဝ်ႈတေႃႇဢၼ်တူဝ်ၸဝ်ႈၵဝ်ႇလႆႈၵွပ်ႈပိူဝ်ႈပိင်းၺၢပ်ႈတြႃးၼၼ်ႉလႄႈတၵ်းဢိင်ပိုင်ႈတၢင်းသိုဝ်ႈတေႃႇ

၁၀ ဢၼ်လႆႈၵွပ်ႈပိူဝ်ႈတၢင်းယုမ်ႇမၢတ်ႈဢၼ်ၽြႃးပဵၼ်ၸဝ်ႈပၼ်ၼၼ်ႉလႄႈလွင်ႈၼင်ႇႁိုဝ်ၵဝ်တၵ်းႁူႉၸၵ်းမၼ်းၸဝ်ႈတင်းတၼ်းၶုဝ်းဢၼ်မၼ်းၸဝ်ႈလုၵ်ႉၶိုၼ်း၊

၁၁ တၢင်းဢၼ်လႆႈၶၢမ်ႇလူၺ်ႈၵၼ်တင်းမၼ်းၸဝ်ႈၼႂ်းတၢင်းဢၼ်မၼ်းၸဝ်ႈၶၢမ်ႇတၢင်းတၢႆၼၼ်ႉလႄႈၵဝ်တၵ်းလႆႈလုၵ်ႉၶိုၼ်းလိပ်းၼၼ်ႉဢေႃႈ။

တၢင်းဢၼ်ၽြႃးပဵၼ်ၸဝ်ႈႁွင်ႉ

၁၂ မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်ၵဝ်ဢမ်ႇၶႂ်ႈဝႃႈၵဝ်လႆႈၶၢမ်ႇဢၵျူဝ်းယဝ်ႉလႆႈႁွတ်ႈထိုင်တၢင်းဢၼ်ၸေးၸုမ်ႇယဝ်ႉ၊ဝႃႈၼႆ။ၼင်ႇႁိုဝ်ၵဝ်တၵ်းလႆႈယိပ်းၵမ်ဢဝ်လွင်ႈတၢင်းဢၼ်ၸေးၸုမ်ႇၸိူဝ်ႉၼင်ႇဢၼ်ၵဝ်လႆႈၶၢမ်ႇတၢင်းဢၼ်ၸဝ်ႈယေႇသုယိပ်းၵမ်ဢဝ်ၵဝ်ၼၼ်ႉ၊ၵဝ်ယင်းတိုၵ်ႉလႅၼ်ႈၸွမ်းယူႇဢေႃႈ။

၁၃ ပီႈၼွင်ႉၶဝ်ဢိူၺ်း၊ပဵၵ်ႉသမ်ႉၵဝ်တူဝ်ၸဝ်ႈၵဝ်ႇဢမ်ႇထၢင်ႇၵဝ်ယိပ်းၵမ်ဢဝ်မႅၼ်ႈယဝ်ႉသေၵေႃႈလွင်ႈတၢင်းဢၼ်ၵဝ်ႁဵတ်းဢၼ်ၼိုင်ႈၼႆႉၸမ်းပဵၼ်လွင်ႈတၢင်းဢၼ်လိုမ်းပႅတ်ႈဢၼ်ပူၼ်ႉမႃးၸိူဝ်းၼၼ်ႉလႄႈယိူၼ်ႉဢဝ်လွင်ႈတၢင်းဢၼ်မီးၵႃႈတီႈၽၢႆႇၼႃႈၸိူဝ်းၼၼ်ႉယူႇသေလႄႈ

၁၄ ၶုၼ်ႇလႅၼ်ႈၸွမ်းၵႂႃႇၵႃႈတီႈသဝ်ပၢၼ်းတုင်းပုၼ်ႉႁႂ်ႈလႆႈသူးဢၼ်ၸၢပ်ႈသႅင်ႇၵၼ်တင်းတၢင်းဢၼ်ၽြႃးပဵၼ်ၸဝ်ႈယူႇၵႃႈၼိူဝ်သေလႄႈႁွင်ႉဢဝ်ၵႃႈၼႂ်းၸဝ်ႈယေႇသုၶရိၸ်ႉၼၼ်ႉဢေႃႈ။

၁၅ ႁဝ်းၸိူဝ်းဢၼ်ၵႄႇထူၼ်ႈတင်းသဵင်ႈတင်းလူင်ၼႆႉတၵ်းလႆႈမီးၸႂ်သၽေႃးမိူၼ်ၵၼ်ဢေႃႈ။ပေႃးသူမီးၸႂ်သၽေႃးဢၼ်ပႅၵ်ႇပိူင်ႈၵၼ်ၼႂ်းသေၸိူဝ်ႉသေပိူင်ၸိုင်လွင်ႈတၢင်းၼၼ်ႉၵေႃႈၽြႃးပဵၼ်ၸဝ်ႈတၵ်းၽုၺ်ႇဢွၵ်ႇၼႄပျႃးပၼ်ယူႇဢေႃႈ။

၁၆ ဢမ်ႇၼၼ်ၵေႃႈႁဝ်းတၵ်းလႆႈၵမ်ၵျၢင်ႉၼႄးလဵဝ်ၵၼ်ၵႃႈၼင်ႇဢၼ်ႁဝ်းၶိုတ်းထိုင်တေႃႈလဵဝ်ၼႆႉၼၼ်ႉဢေႃႈ။

၁၇ ပီႈၼွင်ႉၶဝ်ဢိူၺ်း၊သူၽွမ်ႉၵၼ်ၵမ်ၵျၢင်ႉမိူၼ်ၸိူဝ်ႉၼင်ႇဢၼ်ၵဝ်ၵမ်ၵျၢင်ႉၼႆႉတႃႉ။ၶဝ်ၸိူဝ်းဢၼ်ၵမ်ၵျၢင်ႉၸွမ်းၼင်ႇပုင်ႇသၢၵ်ႈသေႇဢၼ်ႁဝ်းပၼ်ၼၼ်ႉၵေႃႈလူႈတူၺ်းမၢတ်ႈတွင်းဝႆႉတႃႉ။

၁၈ လွင်ႈမၼ်းၸမ်းၸိူဝ်ႉၼင်ႇဢၼ်ၵဝ်လၢတ်ႈဝႆႉၶိူဝ်းၶိူဝ်းယႂ်းယႂ်းမိူဝ်ႈဢွၼ်ၼႆႉၼၼ်ႉတေႃႈလဵဝ်ၼႆႉၵေႃႈၵဝ်မီးတင်းတၢင်းဢၼ်ၼမ်ႉတႃတူၵ်းယူႇသေလႄႈလၢတ်ႈသူယူႇၼႆႉၵွပ်ႈပိူဝ်ႈမီးၶဝ်ၸိူဝ်းဢၼ်ႁဵတ်းရၢၼ်ႇသူႇသဝ်လၵ်းဝႃးမိုဝ်းၸဝ်ႈၶရိၸ်ႉၼၼ်ႉမီးၼမ်ၼႃႇဢေႃႈ။

၁၉ သဵၼ်ႈတၢင်းၶဝ်ၼၼ်ႉၸၢင်ႊသုတ်းတိူၵ်ႉၵႃႈၼႂ်းတီႈဢၼ်လူႉဢၼ်လႅဝ်ဢေႃႈ။ၽြႃးၶဝ်ၸမ်းပဵၼ်တွင်ႉၶဝ်ဢေႃႈ။ၶဝ်ဢုပ်ႇဝၢဝ်းၼႂ်းတၢင်းၵမ်တၢင်းၵျၢင်ႉဢၼ်လီဢူၵ်းလီဢၢႆၼၼ်ႉၵူၺ်းဢေႃႈ။မီးတၢင်းဢၼ်ၸႂ်ၸပ်းၸႂ်ၸွႆးၶိူင်ႈပိူင်လေႃးၵီႇတင်းလၢႆၵူၺ်းဢေႃႈ။

၂၀ တၢင်းဢၼ်ႁဝ်းၵမ်ၵျၢင်ႉၸမ်းၸၢပ်ႈသႅင်ႇၵၼ်တင်းမိူင်းၵၢင်ႁၢဝ်ဢေႃႈ။ႁဝ်းမုင်ႈထႃႈမွင်းထႃႈလွင်ႈဢၼ်ၸဝ်ႈဢၼ်ၵႄႇၶျွတ်ႈဢဝ်ဢၼ်ဝႃႈၸဝ်ႈယေႇသုၶရိၸ်ႉၼၼ်ႉတၵ်းလုၵ်ႉသေၵႃႈတီႈမိူင်းၵၢင်ႁၢဝ်လူင်းမႃးၼၼ်ႉဢေႃႈ။

၂၁ ၸဝ်ႈၼၼ်ႉတၵ်းမႄးႁႅၼ်းတူဝ်ၶိင်းဢၼ်ယုတ်ဢၼ်ယွမ်းၼႆႉႁႂ်ႈပဵၼ်ဢၼ်မႂ်ႇႁႂ်ႈလႆႈပဵၼ်မိူၼ်ၸိူဝ်ႉၼင်ႇတူဝ်ၶိင်းမၼ်းၸဝ်ႈဢၼ်တဵမ်ဝႆႉတင်းမူၼ်သရေႇၸွမ်းၵႃႈၼင်ႇတၢင်းဢၼ်မၼ်းၸဝ်ႈမႄးႁဵတ်းဢၼ်မၼ်းၸဝ်ႈဢဝ်လွင်ႈတၢင်းၵႃႈမီးတင်းသဵင်ႈတင်းလူင်ၶျႃးတူၵ်းတီႈတႅမ်ႇၵႃႈတႂ်ႈတိၼ်မၼ်းၸဝ်ႈၼၼ်ႉဢေႃႈ။