Shan Missions

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

Chapter     ၁          ၂          ၃          ၄          ၅          ၆          ၇          ၈          ၉          ၁၀           ၁၁          ၁၂          ၁၃     

၄

ၵၢၼ်သႃႇသၼႃႇဢၼ်သိုဝ်ႈလီယူဝ်းလီ

၁ ပိူဝ်ႈၼႆလႄႈ၊ႁဝ်းပဵၼ်ၵေႃႉဢၼ်ပွင်ႁဵတ်းဢမူႉၽြႃးၸိူဝ်ႉၼင်ႇၼႆလႄႈၵႃႈၼင်ႇဢၼ်ႁဝ်းလႆႈၶၢမ်ႇဢဝ်ၵျေးၸူးၵရူႉၼႃႇတၢင်းဢၼ်မၼ်းၸဝ်ႈဢိတ်းလူၼၼ်ႉႁဝ်းၵၢင်းလွတ်ႈတင်းတၢင်းဢၼ်ႁႅင်းဢူၼ်ႈၸႂ်လူႉဢေႃႈ။

၂ ႁဝ်းပႄႇပႅတ်ႈလွင်ႈတၢင်းဢၼ်လီဢူၵ်းလီဢၢႆဢၼ်ႁဵတ်းၵႃႈၼႂ်းတီႈဢၼ်လပ်ႉဢၼ်တဵတ်ႇတင်းလၢႆၼၼ်ႉယဝ်ႉ။ႁဝ်းဢမ်ႇသုင်းပရိယႄႇဢမ်ႇမီးတၢင်းဢၼ်ထိမ်ႇဢၼ်မႅပ်းသေလႄႈၶႂၢမ်ႈပိၼ်ႈၼုၵ်ႉၵပၢတ်ႈတြႃးၸဝ်ႈပႅတ်ႈ။မွၵ်ႇလၢတ်ႈသမ်ႇမႃႇတြႃးလႅင်းလႅင်းလႄႈၵႃႈၼင်ႇဢၼ်ၵူၼ်းတင်းလႆၸႂ်ထၢင်ႇၼၼ်ႉၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢွၼ်ယွင်ႈၼၼ်ႉၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။

၃ ပေႃးတြႃးသတၢင်းသိူဝ်းပျေႃႇဢၼ်ႁဝ်းႁေႃးလၢတ်ႈၼႆႉမီးတၢင်းဢၼ်ႁူမ်ႇသုမ်ႇဝႆႉယူႇၸိုင်မီးတၢင်းဢၼ်ႁူမ်ႇသုမ်ႇဝႆႉၵႃႈတီႈၶဝ်ၸိူဝ်းဢၼ်ႁွတ်ႈထိုင်တၢင်းဢၼ်သုမ်းဢၼ်ၸွမ်းၼၼ်ႉၵူၺ်းဢေႃႈ။

၄ ၶဝ်ၸိူဝ်းဢၼ်ဢမ်ႇယုမ်ႇမၢတ်ႈၸိူဝ်းၼၼ်ႉၸမ်းၼင်ႇႁိုဝ်ၶဝ်တၵ်းဢမ်ႇႁၼ်သၢႆဢရွင်ႇတြႃးသတၢင်းသိူဝ်းပျေႃႇဢၼ်တဵမ်ဝႆႉတင်းမူၼ်ၽုင်းသရေႇၸဝ်ႈၶရိၸ်ႉဢၼ်ပဵၼ်ပုင်ႇႁၢင်ႊၽြႃးပဵၼ်ၸဝ်ႈၼၼ်ႉၸိုင်ၽြႃးလေႃးၵၼႆႉႁႂ်ႈမၢၵ်ႇတႃၺၢၼ်ႇၶဝ်မွတ်ႇဝႆႉဢေႃႈ။

၅ ႁဝ်းႁေႃးလၢတ်ႈလွင်ႈတူဝ်ၸဝ်ႈၵဝ်ႇဢမ်ႇၸႂ်ႈ။ႁေႃးလၢတ်ႈလွင်ႈဢၼ်ၸဝ်ႈယေႇသုၶရိၸ်ႉပဵၼ်ၸဝ်ႈဢိၵ်ႇတင်းလွင်ႈဢၼ်ႁဝ်းပဵၼ်ၶႃႈသူပုၼ်ႈၸဝ်ႈယေႇသုၼၼ်ႉဢေႃႈ။

၆ လွင်ႈမၼ်းၸမ်းၽြႃးပဵၼ်ၸဝ်းမီးဢမိင်ႉႁႂ်ႈဢၼ်လႅင်းႁိူဝ်ႈလႅင်းမႃးၵႃႈၼႂ်းဢၼ်လပ်းသိင်ႇၼၼ်ႉႁႂ်ႈဢၼ်လႅင်းႁိူဝ်ႈလႅင်းၵႃႈၼႂ်းႁူဝ်ၸႂ်ႁဝ်းႁႂ်ႈလႆႈပၼ်သၢႆဢရွင်ႇၺၢၼ်ႇဢၼ်ႁူႉမူၼ်ၽုင်းၽြႃးပဵၼ်ၸဝ်ႈဢၼ်ႁိူဝ်ႈလႅင်းၵႃႈၼႂ်းၸဝ်ႈယေႇသုၶရိၸ်ႉၼၼ်ႉဢေႃႈ။

ၵၢၼ်သႃႇသၼႃႇဢၼ်လႆႈၶၢမ်ႇတၢင်းဢၼ်ၸႅတ်ႈတူၺ်း

၇ ၵူၺ်းၵႃႈႁဝ်းမီးဝႆႉၽၼ်ႇတႃႇၵႃႈၼႂ်းမေႃႈလိၼ်ဢၼ်တၵ်းလႆႈၼႄဝႃႈမူၼ်ၽုင်းသရေႇတၼ်းၶူဝ်းၸမ်းလုၵ်ႉၵႃႈတီႈၽြႃးပဵၼ်ၸဝ်ႈမႃးလႄႈပဵၵ်ႉသမ်ႉႁဝ်းလႆႈၶၢမ်ႇတၢင်းဢၼ်ယႃႉယူၵ်ႉၵူႈၸိူဝ်ႉၵူႈပိူင်သေၵေႃႈ၊ႁဝ်းဢမ်ႇႁွတ်ႈထိုင်တၢင်းဢၼ်ယၢပ်ႇၸႂ်ၵိၼ်းၸႂ်။

၈ ပဵၵ်ႉသမ်ႉႁဝ်းလႆႈယၢပ်ႇတေႃႇထိုင်ႁွတ်ႈထၼ်ႈပေႃးဢမ်ႇၵျၢမ်ႇဢမ်ႇပွင်လႆႈသေၵေႃႈႁဝ်းၸႂ်ဢမ်ႇလူႉ။

၉ ပဵၵ်ႉသမ်ႉႁဝ်းလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးသေၵေႃႈႁဝ်းဢမ်ႇႁွတ်ႈထိုင်တၢင်းဢၼ်ၸုၼ်ႉပႅတ်ႈ။ပဵၵ်ႉသမ်ႉႁဝ်းလႆႈၶၢမ်ႇတၢင်းဢၼ်ဢဝ်တူၵ်းၵႃႈတႂ်ႈသေၵေႃႈႁဝ်းဢမ်ႇႁွတ်ႈထိုင်တီႈလူႉလႅဝ်။

၁၀ ႁဝ်းပႃးဢဝ်တင်းတၢင်းဢၼ်ၸဝ်ႈယေႇသုၶၢမ်ႇတၢႆၼၼ်ႉဝႆႉၵႃႈၼႂ်းတူဝ်ၶၼ်ႇထႃႇႁဝ်းယူႇသေလႄႈႁႂ်ႈလွင်ႈဢၼ်ၸဝ်ႈယေႇသုဢသၢၵ်ႈလိပ်းယူႇၼၼ်ႉလႆႈထၢင်ႇသႃးၵႃႈၼႂ်းတူဝ်ၶၼ်ႇထႃႇႁဝ်းဢေႃႈ။

၁၁ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းႁဝ်းၸိူဝ်းဢၼ်ဢသၢၵ်ႈလိပ်းယူႇၼႆႉလႆႈၶၢမ်ႇတၢင်းဢၼ်ဢၢပ်ႈပၼ်ၵႃႈၼႂ်းမိုဝ်းတၢင်းတၢႆၼင်ႇႁိုဝ်ၸဝ်ႈယေႇသုဢၼ်ဢသၢၵ်ႈလိပ်းယူႇၼၼ်ႉတၵ်းလႆႈထၢင်ႇသႃးမႃးၵႃႈၼႂ်းတူဝ်ၶၼ်ႇထႃႇႁဝ်းဢၼ်ၸၢင်ႊတၢႆၼႆႉဢေႃႈ။

၁၂ ၵွပ်ႈႁွႆးၼႆႉလႄႈတြႃးတင်းတၢႆၸင်ႇပွင်ၸင်ႇႁဵတ်းယူႇၵႃႈၼႂ်းႁဝ်းဢေႃႈ။ၼႂ်းသူၸမ်းတြႃးတၢင်းဢၼ်ဢသၢၵ်ႈလိပ်းၼၼ်ႉပွင်ႁဵတ်းယူႇဢေႃႈ။

၁၃ မႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈၵွပ်ႈပိူဝ်ႈၵဝ်ယုမ်ႇမၢတ်ႈလႄႈၵဝ်မွၵ်ႇလၢတ်ႈဢေႃႈ၊ဝႃႈၼင်ႇၼႆၼၼ်ႉႁဝ်းမီးဝိၺိၺ်ႇတၢင်းယုမ်ႇမၢတ်ႈဢၼ်လဵဝ်ၵၼ်လႄႈႁဝ်းၵေႃႈယုမ်ႇမၢတ်ႈလႄႈမွၵ်ႇလၢတ်ႈဢေႃႈ။

၁၄ ႁဝ်းႁူႉလွင်ႈဢၼ်ၵေႃႉဢၼ်ႁႂ်ႈၸဝ်ႈႁဝ်းၸဝ်ႈယေႇသုလုၵ်ႉၶိုၼ်းလိပ်းၼၼ်ႉတၵ်းႁႂ်ႈႁဝ်းလုၵ်ႉၶိုၼ်းၵွပ်ႈပိူဝ်ႈၸဝ်ႈယေႇသုလႄႈဢဝ်ႁဝ်းသႂၢင်းသႂ်ႇၵႃႈတီႈမၼ်းၸဝ်ႈလူၺ်ႈၵၼ်တင်းသူၼၼ်ႉဢေႃႈ။

၁၅ လွင်ႈတၢင်းၼႆႉပဵၼ်ၵျေးၸူးၸဝ်ႈဢၼ်ယႂ်ႇၼမ်ၼႃႇပုၼ်ႈသူလႄႈတၵ်းႁွတ်ႈထိုင်ၵႃႈတီႈၵူၼ်းၼမ်ၼႃႇသေယဝ်ႉတၵ်းႁႂ်ႈတၢင်းဢၼ်ယွင်ႈယေႃးၵျေးၸူးၸဝ်ႈၼၼ်ႉၼမ်မႃးဢေႃႈ။

၁၆ ပိူဝ်ႈၼႆလႄႈႁဝ်းဢမ်ႇမီးတၢင်းဢၼ်ႁႅင်းဢူၼ်ႈၸႂ်လူႉ။ပဵၵ်ႉသမ်ႉၵူၼ်းၽၢႆႇတၢင်းၼွၵ်ႈႁဝ်းႁွတ်ႈထိုင်တၢင်းဢၼ်ၽွၵ်ႈပျၢၼ်ႇလူႉလႅဝ်သေၵေႃႈၵူၼ်းၽၢႆႇတၢင်းၼႂ်းႁဝ်းၸမ်းဝၼ်းၼိုင်ႈယဝ်ႉဝၼ်းၼိုင်ႈလႆႈၶၢမ်ႇတၢင်းဢၼ်မႄးၵုမ်းမႄးႁဵတ်းယူႇဢေႃႈ။

၁၇ လွင်ႈမၼ်းၸမ်းမိူဝ်ႈဢၼ်ႁဝ်းထွၵ်ႈလူၺ်ႈလွင်ႈတၢင်းဢၼ်လႆႈႁၼ်ယူႇသိုဝ်ႈၼႃႈတႂ်ႈတႃၸိူဝ်းၼႆႉတႄႇယူႇၵမ်းဢွၼ်ႇၼိုင်ႈၵူၺ်းလႄႈလွင်ႈတၢင်းဢၼ်ဢမ်ႇပႆႇလႆႈႁၼ်ၸိူဝ်းၼၼ်ႉၸမ်း

၁၈ တၵ်းတႄႇယူႇတႃႇသေႇၼၼ်ႉၸိုင်ႁဝ်းယင်းဢမ်ႇၶႆႈၸႂ်လူၺ်ႈလွင်ႈတၢင်းဢၼ်ႁၼ်ယူႇၸိူဝ်းၼႆႉလႄႈၶႆႈၸႂ်လူၺ်ႈလွင်ႈတၢင်းဢၼ်ဢမ်ႇပႆႇလႆႈႁၼ်ၸိူဝ်းၼၼ်ႉဢေႃႈ။