Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၃

ၸဝ်ႈၶရိၸ်ႉသုင်မျၢတ်ႈၼႃႇသေမုဝ်းသေႇ

၁ ပေႃးပဵၼ်ၸိူဝ်ႉၼင်ႇၼၼ်ၸိုင်ပီႈၼွင်ႉဢၼ်မူတ်းၸၢင်ႇဢၼ်လႆႈၶၢမ်ႇဢဝ်ၵျေးၸူးတၢင်းဢၼ်မၼ်းၸဝ်ႈႁွင်ႉပၢင်းဢဝ်ဢၼ်ၸၢပ်ႈသႅင်ႇၵၼ်တင်းမိူင်းၵၢင်ႁၢဝ်ၼၼ်ႉဢိူၺ်း။မၢတ်ႈတွင်းၸဝ်ႈယေႇသုဢၼ်ပဵၼ်တမၢၼ်ႇၸဝ်ႈပဵၼ်ၶုၼ်ယိတ်ႉပရေႃးႁိၵ်ႈဢၼ်ၽေႇလိတ်ႉဢပျႅတ်ႈႁဝ်းၼၼ်ႉတႃႉ။

၂ မၼ်းၸဝ်ႈပႂ်ႉသႅတ်ႈၸႃႇၵႃႈၼိူဝ်ၵေႃႉဢၼ်ၶၢၼ်းမၼ်းၸဝ်ႈဝႆႉၼၼ်ႉမိူၼ်ၸိူဝ်ႉၼင်ႇမုဝ်းသေႇပႂ်ႉသႅတ်ႈၸႃႇၵႃႈၼႂ်းႁိူၼ်းၽြႃးပဵၼ်ၸဝ်ႈတင်းႁိူၼ်းၸေးၸေးၸွတ်ႇၸွတ်ႇၼၼ်ႉတႃႉ။

၃ မိူၼ်ၸိူဝ်ႉၼင်ႇၵေႃႉဢၼ်ႁဵတ်းႁိူၼ်းယဵင်ႈၶႅၼ်းမီးသရေႇယႂ်ႇၼႃႇသေႁိူၼ်းၼၼ်ႉမၼ်းၸဝ်ႈၵေႃႈပဵၼ်ၵေႃႉဢၼ်ယဵင်ႈၶႅၼ်းထိူၵ်ႈၶၢမ်ႇသရေႇယႂ်ႇၼႃႇသေမုဝ်းသေႇဢေႃႈ။

၄ ႁိူၼ်းဢၼ်လႂ်သေဢမ်ႇဝႃႈပဵၼ်ၵွပ်ႈပိူဝ်ႈၵေႃႉဢၼ်ႁဵတ်းၼၼ်ႉဢေႃႈ။ၽူႈဢၼ်တႄႇႁဵတ်းၵူႈၸိူဝ်ႉၵူႈပိူင်ၸမ်းပဵၼ်ၽြႃးပဵၼ်ၸဝ်ႈဢေႃႈ။

၅ မုဝ်းသေႇၼၼ်ႉပႂ်ႉသႅတ်ႈၸႃႇယူႇၵႃႈၼႂ်းႁိူၼ်းၽြႃးပဵၼ်ၸဝ်ႈတင်းႁိူၼ်းမိူၼ်ၸိူဝ်ႉၼင်ႇၵေႃႉဢၼ်လႆႈၶၢမ်ႇတၢင်းၸႂ်ႉတၢင်းသွႆၼၼ်ႉလႄႈပဵၼ်ပုၼ်ႈဢၼ်တၵ်းလႆႈၶၢမ်ႇသၢၵ်ႈသေႇလွင်ႈတၢင်းဢၼ်တၵ်းႁေႃးလၢတ်ႈၵမ်းလိုၼ်းၼၼ်ႉဢေႃႈ။ၸဝ်ႈၶရိၸ်ႉၸမ်းဢုပ်ႉပိူင်ႇႁိူၼ်းၸဝ်ႈလႄႈပႂ်ႉသႅတ်ႈၸႃႇယူႇမိူၼ်ၸိူဝ်ႉၼင်ႇလုၵ်ႈၸၢႆးဢေႃႈ။

၆ ႁဝ်းၸမ်းပေႃးမၼ်ႈၶိုင်ႇယူႇၼႂ်းတၢင်းဢၼ်ႁတ်းႁၢၼ်ဢိၵ်ႇတင်းၼႂ်းတၢင်းဢၼ်သိူဝ်းပျေႃႇဢုပ်ႇဝၢဝ်းဢၼ်ၸၢပ်ႈသႅင်ႇၵၼ်တင်းတၢင်းဢၼ်မုင်ႈထႃႈမွင်းထႃႈၼၼ်ႉတေႃႇထိုင်ႁွတ်ႈတီႈသုတ်းတီႈၵွႆၸိုင်ႁဝ်းပဵၼ်ႁိူၼ်းၸဝ်ႈၼၼ်ႉဢေႃႈ။

ၸိူဝ်ႉၶိူဝ်းဢၼ်ဢမ်ႇထွမ်ႇဢဝ်ၵႂၢမ်း

၇ ပိူဝ်ႈၼႆလႄႈဝိၺိၺ်ႇမူတ်းၸၢင်ႇၸဝ်ႈႁေႃးလၢတ်ႈဝႆႉလႄႈဝႃႈၸမ်း၊-ၼႂ်းဝၼ်းမိူဝ်ႈၼႆႉပေႃးသူငိၼ်းသဵင်ပျႃႇတိၵ်ႈၸဝ်ႈၸိုင်ယႃႇပေမီးႁူဝ်ၸႂ်ဢၼ်ၵႅၼ်ႇဢၼ်ၶႅင်

၈ မိူၼ်ၸိူဝ်ႉၼင်ႇဢၼ်မီးၼႂ်းၶိင်ႇၵႃႇလႃႉတၢင်းဢၼ်ႁဵတ်းဢမ်ႇထုၵ်ႇၶတ်းၵၼ်တင်းၵဝ်လႄႈၸၢမ်းတူၺ်းယႃႉယူၵ်ႉၵႃႈၼႂ်းထိူၼ်ႇတီႈဢၼ်ပူႇမွၼ်ႇသူၸႅတ်ႈထၢမ်ၸၢမ်းတူၺ်းယႃႉယူၵ်ႉၵဝ်ၵူႈၸိူဝ်ႉၵူႈပိူင်သေလႄႈ

၉ ႁၼ်လွင်ႈတၢင်းဢၼ်ၵဝ်ႁဵတ်းတင်းလၢႆသီႇသိပ်းပီႊတဵမ်တဵမ်ၼၼ်ႉ။ၵွပ်ႈႁွႆးၼႆႉလႄႈၵဝ်လီႁင်ႈၵူၼ်းမဵဝ်းၼၼ်ႉလႄႈဝႃႈ၊-

၁၀ ၶဝ်မီးၸႂ်သၽေႃးဢၼ်ၸၢင်ႊၽိတ်းပိူင်ႈယူႇသေႇသေႇဢေႃႈ။ၶဝ်ဢမ်ႇႁူႉသဵၼ်ႈတၢင်းဢၼ်ၵဝ်ၵႂႃႇၵဝ်မႃးယူႇၼၼ်ႉ၊ဝႃႈၼင်ႇၼႆဢေႃႈ။

၁၁ ပိူဝ်ႈၼႆလႄႈၵဝ်ၸႂ်မႆႈၶႂ်ႈၸႃႉလႄႈတိူင်ႇဝႃႈ၊-ၶဝ်ဢမ်ႇလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၵဝ်၊ဝႃႈၼင်ႇၼႆယဝ်ႉ၊ဝႃႈၼင်ႇၼႆဢေႃႈ။

၁၂ ပီႈၼွင်ႉၶဝ်ဢိူၺ်း၊လွင်ႈၼင်ႇႁိုဝ်သူတၵ်းဢမ်ႇမီးႁူဝ်ၸႂ်ဢၼ်ၵူဝ်ႈၵိူၵ်ႇဢၼ်ဢမ်ႇၸၢင်ႊယုမ်ႇမၢတ်ႈ၊ဢၼ်ႁဵတ်းႁႂ်ႈသူၽၢတ်ႇယၢၼ်ၵၼ်တင်းၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉၸိုင်၊ႁဵတ်းသတိတႃႉ။

၁၃ ၼင်ႇႁိုဝ်ႁူဝ်ၸႂ်သူဢမ်ႇလႆႈၵႅၼ်ႇလႆႈၶႅင်ၵွပ်ႈပိူဝ်ႈတူႉၸရိူၵ်ႈဢၼ်ပႅတ်ႉဢၼ်လႅၼ်ဝၼ်းမိူဝ်ႈၼႆႉၼၼ်ႉ၊ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ပၼ်ဢဵၼ်ပၼ်ႁႅင်းၵၼ်ၵူႈဝၼ်းတႃႇသေႇဢမ်ႇထၢတ်ႇတႃႉ။

၁၄ ပေႃးႁဝ်းမီးသႅတ်ႈၸႃႇမၼ်ႈမၼ်ႈၶိုင်ႇၶိုင်ႇတေႃႇထိုင်ႁွတ်ႈတီႈသုတ်းတီႈၵွႆၸိုင်ႁဝ်းပဵၼ်ၵေႃႉဢၼ်သိူၵ်ႈသမ်ႇၵၼ်တင်းၸဝ်ႈၶရိၸ်ႉဢေႃႈ။

၁၅ မႅၼ်ႈၸွမ်းၵႃႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-ၼႂ်းဝၼ်းမိူဝ်ႈၼႆႉပေႃးသူငိၼ်းသဵင်ပျႃႇတိၵ်ႈၸဝ်ႈၸိုင်ယႃႇပေမီးႁူဝ်ၸႂ်ဢၼ်ၵႅၼ်ႇၶႅင်မိူၼ်ၸိူဝ်ႉၼင်ႇမိူဝ်ႈဢၼ်သူမီးယူႇၼႂ်းၶိင်ႇၵႃႇလႃႉဢၼ်ႁဵတ်းဢမ်ႇထုၵ်ႇၶတ်းၵၼ်တင်းၽြႃးၼၼ်ႉ၊

၁၆ ဝႃႈၼင်ႇၼႆၼၼ်ႉၶဝ်ၸိူဝ်းဢၼ်လႆႈငိၼ်းယဝ်ႉလႄႈႁဵတ်းတၢင်းဢၼ်ဢမ်ႇထုၵ်ႇၶတ်းၵၼ်ၼၼ်ႉပဵၼ်ၽူႈလႂ်။ပဵၼ်ၶဝ်ၸိူဝ်းဢၼ်ၸွမ်းလင်မုဝ်းသေႇလႄႈဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉဢမ်ႇၸႂ်ႈႁိုဝ်။

၁၇ ၶဝ်ၸိူဝ်းဢၼ်ဢမ်ႇထုၵ်ႇၸႂ်မၼ်းၸဝ်ႈသီႇသိပ်းပီႊတဵမ်တဵမ်ၼၼ်ႉပဵၼ်ၽူႈလႂ်။ပဵၼ်ၶဝ်ၸိူဝ်းဢၼ်ႁဵတ်းတူႉၸရိူၵ်ႈဢပျႅတ်ႈသေလႄႈလူမ်ႉတၢႆၵႃႈတီႈၼႂ်းထိူၼ်ႇၼၼ်ႉဢမ်ႇၸႂ်ႈႁိုဝ်။

၁၈ ၶဝ်ၸိူဝ်းဢၼ်မၼ်းၸဝ်ႈတိူင်ႇလႄႈဝႃႈ၊-သူဢမ်ႇလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၵဝ်၊ဝႃႈၼင်ႇၼႆၼၼ်ႉၸမ်းပေႃးဢမ်ႇၸႂ်ႈပဵၼ်ၶဝ်ၸိူဝ်းဢၼ်ဢမ်ႇထွမ်ႇဢဝ်ၼၼ်ႉၸိုင်တၵ်းပဵၼ်ၽူႈလႂ်။

၁၉ ၵႂပ်ႈၸိူဝ်ႉၼင်ႇၼၼ်လႄႈႁဝ်းႁူႉႁၼ်လွင်ႈဢၼ်ဝႃႈၵွပ်ႈပိူဝ်ႈဢၼ်ဢမ်ႇယုမ်ႇမၢတ်ႈလႄႈဢမ်ႇလႆႈၶဝ်ႈၼၼ်ႉဢေႃႈ။