Shan Missions

လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ

Chapter          ၁           ၂           ၃           ၄           ၅           ၆         

၂

၁ လွင်ႈၼင်ႇႁိုဝ်ႁဝ်းတၵ်းမီးတၢင်းဢၼ်မူၼ်ႈပျေႃႇၼႂ်းဝၢတ်ႈၽြႃး၊တၢင်းဢၼ်ၵမ်ၵျၢင်ႉဢၼ်ထုၵ်ႇဢၼ်လီၵူႈၸိူဝ်ႉၵူႈပိူင်လႄႈယူႇၼိမ်ၼိမ်လီလီတဵတ်ႇတဵတ်ႇယဵၼ်ယဵၼ်ၸိုင်ဢွၼ်တၢင်းသုတ်းၵဝ်တိုၵ်းယူင်းၸူဝ်းဢဝ်သူ

၂ ႁႂ်ႈလႆႈႁဵတ်းတၢင်းဢၼ်သူးတွင်းပထၼႃႇတၢင်းဢၼ်သူင်ႇမႅတ်ႈတႃႇ၊တၢင်းဢၼ်ယွင်ႈယေႃးၵျေးၸူးၸဝ်ႈပုၼ်ႈၶုၼ်ႁေႃၶမ်းဢိၵ်ႇတင်းပုၼ်ႈၶုၼ်ဢၼ်မီးဢႃႇၼႃႇတင်းသဵင်ႈတင်းလူင်တင်းၵူၼ်းၵူႈၸိူဝ်ႉၵူႈမဵဝ်းၼၼ်ႉဢေႃႈ။

၃ လွင်ႈမၼ်းၸမ်းလွင်ႈတၢင်းၸိူဝ်ႉၼင်ႇၼႆၼၼ်ႉပဵၼ်လွင်ႈတၢင်းဢၼ်လီဢၼ်ငၢမ်းလႄႈထုၵ်ႇၸႂ်ၽြႃးပဵၼ်ၸဝ်ႈ၊ၸဝ်ႈဢၼ်ၵႄႇၶျွတ်ႈဢဝ်ႁဝ်း၊

၄ ဢၼ်မီးဢလူဝ်ႇၶႂ်ႈႁႂ်ႈၵူၼ်းတင်းသဵင်ႈတင်းလူင်ႁွတ်ႈထိုင်တၢင်းၵႄႇၶျွတ်ႈဢဝ်လႄႁူႉထိုင်သမ်ႇမႃႇတြႃးၼၼ်ႉဢေႃႈ။ၽြႃးပဵၼ်ၸဝ်ႈမီးသူႇလဵဝ်ပႃးလဵဝ်ၵူၺ်းဢေႃႈ။

၅ ၼႂ်းၵႄႈဝူင်ႈၵၢင်ၽြႃးပဵၼ်ၸဝ်ႈတင်းၵူၼ်းႁဝ်းၼႆႉၼၼ်ႉမီးၵေႃႉဝူင်ႈၵၢင်ဢၼ်ပဵၼ်ၸဝ်ႈယေႇသုၶရိၸ်ႉဢၼ်ၸုၼ်ႉပႅတ်ႈတူဝ်ၸဝ်ႈၵဝ်ႇႁႂ်ႈလႆႈထူတ်ႇဢဝ်ၵူၼ်းတင်းသဵင်ႈတင်းလူင်ၼၼ်ႉၵူၺ်းဢေႃႈ။

၆ ပုၼ်ႈဢၼ်တၵ်းၶၢမ်ႇသၢၵ်ႈသေႇၼၼ်ႉၵဝ်ပဵၼ်ၵေႃႉဢၼ်မၼ်းၸဝ်ႈၶၢၼ်းဝႆႉၼႂ်းဢရႃႇသြႃႇဢၼ်ႁေႃးလၢတ်ႈတြႃးၼႂ်းဢရႃႇတမၢၼ်ႇၸဝ်ႈၼႂ်းဢရႃႇသြႃႇဢၼ်သင်ႇသွၼ်ပၼ်တြႃးတၢင်းဢၼ်ယုမ်ႇမၢတ်ႈဢိၵ်ႇတင်းသမ်ႇမႃႇတြႃးတီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉဢေႃႈ။

၇ မိူဝ်ႈဢၼ်ၵဝ်ဝႃႈၸိူဝ်ႉၼင်ႇၼႆၸိုင်ၵဝ်ဢမ်ႇလၢတ်ႈၵႂၢမ်းမူႉသႃႇ။ၵဝ်လၢတ်ႈၵႂၢမ်းဢၼ်မၢၼ်ႇဢၼ်မႅၼ်ႈဢေႃႈ။

မေႈယိင်း

၈ ပိူဝ်ႈၼႆလႄႈၵဝ်မီးဢလူဝ်ႇၶႂ်ႈႁႂ်ႈၵူၼ်းၸၢႆးတင်းလၢႆယင်းဢမ်ႇမီးတၢင်းဢၼ်တေႃးသႃႉဢွၵ်ႇတၢင်းဢၼ်တွပ်ႇၵၼ်ထဵင်ၵၼ်လႄႈယုၵ်ႉမိုဝ်းဢၼ်မူတ်းၸၢင်ႇသေယဝ်ႉႁဵတ်းသူးတွင်းပထၼႃႇၵူႈတီႈၵူႈလႅၼ်ဢေႃႈ။

၉ မိူၼ်ၸိူဝ်ႉၼင်ႇၼၼ်ၵဝ်မီးဢလူဝ်ႇၶႂ်ႈႁႂ်ႈမေႈယိင်းတင်းလၢႆယင်းဢမ်ႇႁၢင်ႈၶိူင်ႈႁၢင်ႊၽၢင်ၶူၼ်ႁူဝ်ဢၼ်ၽၼ်ႈဢၼ်ၽိူဝ်၊ၶိူင်ႈပိူင်ၶမ်း၊မၢၵ်ႇပူးလေး၊ၶူဝ်းဢၼ်ထိူၵ်ႈၵႃႊထိူၵ်ႈၶၼ်ၼၼ်ႉသေလႄႈ၊

၁၀ ၼုင်ႈဢၼ်ထုၵ်ႇဢၼ်လီ၊မီးၸႂ်ဢူၵ်းၸႂ်ဢၢႆတၢင်းဢၼ်ပႂ်ႉဢိင်ႇသရေႇ၊မီးတၢင်းၵမ်တၢင်းၵျၢင်ႉဢၼ်လီဢၼ်ငၢမ်းတၢင်းဢၼ်ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈၸိူဝ်းၼၼ်ႉသေလႄႈႁၢင်ႈၶိူင်ႈႁၢင်ႊၽၢင်တူဝ်ၸဝ်ႈၵဝ်ႇဢေႃႈ။

၁၁ ႁႂ်ႈၽူႈယိင်းၶဝ်ၶၢမ်ႇဢဝ်တၢင်းဢၼ်ဢုပ်ႉပိူင်ႇသေလႄႈသွၼ်ဢဝ်တဵတ်ႇတဵတ်ႇယဵၼ်ယဵၼ်သေၵမ်း။

၁၂ ၵဝ်ဢမ်ႇပၼ်ဢၶႂၢင်ႉတီႈၽူႈယိင်းႁႂ်ႈလႆႈသင်ႇသွၼ်သုင်းမႃႉႁႂ်ႈလႆႈဢုပ်ႉပိူင်ႇၵႃႈၼိူဝ်ၵူၼ်းၸၢႆးၼၼ်ႉ။

၁၃ မၼ်းထုၵ်ႇလီယူႇတဵတ်ႇတဵတ်ႇယဵၼ်ယဵၼ်ယူႇဢေႃႈ။လွင်ႈမၼ်းၸမ်း၊ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ဢႃႇတၢမ်ႇဢွၼ်တၢင်းလႄႈၵမ်းလိုၼ်းၸင်ႇၽၢၼ်ႇသၢင်းႁဵတ်းပဵၼ်ဢေးဝဢေႃႈ။

၁၄ လိူဝ်သေၼၼ်ႉဢႃႇတၢမ်ႇဢမ်ႇၶၢမ်ႇတၢင်းဢၼ်ပႅတ်ႉလႅၼ်။ၽူႈယိင်းလႆႈၶၢမ်ႇတၢင်းဢၼ်ပႅတ်ႉလႅၼ်လႄႈပူၼ်ႉလိူဝ်ဢေႃႈ။

၁၅ ၼႂ်းဝႃႈၼၼ်သေၵေႃႈပေႃးမၼ်းတႄႇယူႇၼႂ်းတၢင်းယုမ်ႇမၢတ်ႈတၢင်းဢၼ်ႁၵ်ႉတၢင်းဢၼ်မူတ်းၸၢင်ႇဢိၵ်ႇတင်းတၢင်းဢၼ်ပႂ်ႉဢိင်ႇသရေႇၸိုင်မၼ်းတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼႂ်းလွင်ႈတၢင်းဢၼ်ၵိူတ်ႇလဵင်ႉလုၵ်ႈလဵင်ႉလၢင်းၼၼ်ႉဢေႃႈ။