Shan Missions

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

Chapter     ၁          ၂          ၃          ၄          ၅          ၆          ၇          ၈          ၉          ၁၀           ၁၁          ၁၂          ၁၃     

၇

၁ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ပိူဝ်ႈဢၼ်ႁဝ်းလႆႈႁပ်ႉဢဝ်ၵတိၸဝ်ႈၸိူဝ်းၼၼ်ႉလႄႈႁဝ်းဢွၼ်ၵၼ်ႁဵတ်းႁႂ်ႈတူဝ်ၸဝ်ႈၵဝ်ႇၵၢင်းလွတ်ႈတင်းတၢင်းဢၼ်တူဝ်ၶၼ်ႇထႃႇၵူဝ်ႈၵိူၵ်ႇ၊တၢင်းဢၼ်ၸႂ်ဝိၺိၺ်ႇၵူဝ်ႈၵိူၵ်ႇၵႃႈမီးၸိူဝ်းၼၼ်ႉသေယဝ်ႉ၊ဢွၼ်ၵၼ်ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈလႄႈႁႂ်ႈတဵမ်ဝႆႉတင်းပႃႇရမီႇတၢင်းဢၼ်မူတ်းၸၢင်ႇၼၼ်ႉတႃႉ။

၂ ႁပ်ႉတုင်းဢဝ်ႁဝ်းတႃႉ။ႁဝ်းဢမ်ႇၽိတ်းဢမ်ႇပိူင်ႈၽူႈလႂ်။ႁဝ်းဢမ်ႇႁႂ်ႈၽူႈလႂ်ႁွတ်ႈထိုင်တၢင်းလူႉတၢင်းလႅဝ်။ၶူဝ်းလဵင်းၽူႈလႂ်ၵေႃႈႁဝ်းဢမ်ႇႁဵတ်းပရိယႄႇသေလႄႈဢဝ်။ၵဝ်တၢင်ႇဢပျႅတ်ႈတီႈသူလႄႈလၢတ်ႈဝႃႈၸိူဝ်ႉၼင်ႇၼႆဢမ်ႇၸႂ်ႈ။

၃ မိူဝ်ႈဢွၼ်ၼၼ်ႉၵဝ်လၢတ်ႈဝႆႉဝႃႈႁဝ်းႁၵ်ႉသူတေႃႇထိုင်ႁွတ်ႈထၼ်ႈပေႃးမီးဢလူဝ်ႇၶႂ်ႈလိပ်းၶႂ်ႈတၢႆလူၺ်ႈၵၼ်တင်းသူဢေႃႈ၊ဝႃႈၼင်ႇၼႆမႃးယဝ်ႉ။ၵဝ်မီးတၢင်းဢၼ်ယုမ်ႇယမ်ၼႃႇလူင်လၢင်ၵႃႈၼိူဝ်သူဢေႃႈ။

၄ ၵဝ်ႈမီးတၢင်းဢၼ်ဢုပ်ႇဝၢဝ်းဢဝ်ၵုင်ႇၼႃႇလူင်လၢင်ၵွပ်ႈပိူဝ်ႈသူဢေႃႈ။ၵဝ်လႆႈႁႅင်းၼႃႇလူင်လၢင်ဢေႃႈ။ၼႂ်းတၢင်းဢၼ်ၵဝ်လႆႈၶၢမ်ႇယၢပ်ႇၽိုတ်ႇၼၼ်ႉတၢင်းသိူဝ်းပျေႃႇၵဝ်ၼမ်ၵိုၼ်းၼႃႇဢမ်ႇမီးတီႈသုတ်းတိူၵ်ႈယဝ်ႉ။

တၢင်းဢၼ်ၸူမ်းသိူဝ်းၼႂ်းၶၢဝ်ႇငၢဝ်းသတၢင်းသိူဝ်းပျေႃႇ

၅ မိူဝ်ႈဢၼ်ႁဝ်းႁွတ်ႈထိုင်ၵႃႈတီႈမိူင်းမႃႇၵေႇတေႃးၼိၼၼ်ႉၸိုင်တူဝ်ၵႃႇယႃႉႁဝ်းဢမ်ႇမီးတၢင်းဢၼ်လႆႈလိုဝ်ႈသဝ်း။ႁဝ်းလႆႈၶၢမ်ႇတၢင်းဢၼ်ယႃႉၵဝ်းၵူႈၸိူဝ်ႉၵူႈပိူင်ဢေႃႈ။ၵႃႈၼွၵ်ႈၸမ်းလႆႈမီးတၢင်းဢၼ်ၶႄႉၶႅင်ႇၵၼ်ယူႇဢေႃႈ။

၆ ၵႃႈၼႂ်းၸမ်းလႆႈမီးတၢင်းဢၼ်ၵူဝ်ႁႄယူႇဢေႃႈ။ၼႂ်းဝႃႈၼၼ်သေၵေႃႈၽြႃးပဵၼ်ၸဝ်ႈဢၼ်ၸၢင်ႊႁႂ်ႈၶဝ်ၸိူဝ်းဢၼ်ၶျႃးတႅမ်ႇသၢၵ်ႈသႃႇၼၼ်ႉႁႂ်ႈႁဝ်းလႆႈသၢၵ်ႈသႃႇၵွပ်ႈပိူဝ်ႈတိတုႁွတ်ႈၽႅဝ်မႃးတီႈႁဝ်းၼၼ်ႉဢေႃႈ။

၇ ၵွပ်ႈပိူဝ်ႈဢၼ်တိတုႁွတ်ႈမႃးလႄႈလႆႈသၢၵ်ႈသႃႇၸႂ်ၵူၺ်းဢမ်ႇၸႂ်ႈ။ၵွပ်ႈပိူဝ်ႈတၢင်းသၢၵ်ႈသႃႇဢၼ်တိတုလႆႈၵႃႈတီႈသူၼၼ်ႉၵေႃႈႁဵတ်းႁႂ်ႈႁဝ်းသၢၵ်ႈသႃႇဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းမၼ်းမွၵ်ႇလၢတ်ႈၵဝ်လွင်ႈတၢင်းဢၼ်သူတူၵ်းဢၢင်ႈတၢင်းဢၼ်သူၶင်းၶီၶင်းၽၢၼ်တၢင်းဢၼ်ၸႂ်ၸေႇတၼႃႇသူႁႅင်းယႂ်ႇပုၼ်ႈၵဝ်ၼၼ်ႉၼၼ်ႉ။ပိူဝ်ႈၼႆလႄႈၵဝ်ယဵင်ႈၶႅၼ်းမီးတၢင်းဢၼ်သိူဝ်းပျေႃႇဢေႃႈ။

၈ ပဵၵ်ႉသမ်ႉၵွပ်ႈပိူဝ်ႈလိၵ်ႈၽိုၼ်ဢၼ်ၵဝ်ပၼ်ၵႂႃႇဢွၼ်တၢင်းၼၼ်ႉႁဵတ်းႁႂ်ႈသူမႆႈၸႂ်သေၵေႃႈၵဝ်ဢမ်ႇၽိတ်းၸႂ်။ၵဝ်ႁူႉလွင်ႈဢၼ်လိၵ်ႈၵဝ်ႁဵတ်းႁႂ်ႈသူၸဵပ်းၸႂ်သေၵေႃႈယႃႇၸဵပ်းၸႂ်ၵမ်းဢွၼ်ႇၼိုင်ႈၵူၺ်းလႄႈတေႃႇလဵဝ်ၼႆႉပဵၼ်တၢင်းဢၼ်ႁဵတ်းႁႂ်ႈသူၶုၵ်းၸႂ်လႆႈမႆႈၸႂ်ဢပျႅတ်ႈလႄႈၵဝ်လႆႈမီးတၢင်းဢၼ်ၸူမ်းသိူဝ်းယူႇဢေႃႈ။

၉ ၼင်ႇႁိုဝ်ဢၵျူဝ်းသူတၵ်းဢမ်ႇလႆႈလူႉသေဢိတ်းၵွပ်ႈပိူဝ်ႈၵဝ်ၸိုင်ၵဝ်ႁႂ်ႈသူမီးတၢင်းဢၼ်မႆႈၸႂ်ဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈဢေႃႈ။

၁၀ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းတၢင်းဢၼ်မႆႈၸႂ်ဢၼ်မႅၼ်ႈၸွမ်းဢလူဝ်ႇၽြႃးပဵၼ်ၸဝ်ႈၼၼ်ႉၸၢင်ႊပွင်ႁဵတ်းတၢင်းဢၼ်ၶုၵ်းၸႂ်လႆႈမႆႈၸႂ်ဢၼ်ၵိုင်ႇၵၼ်တင်းတၢင်းဢၼ်ၵႄႇၶျွတ်ႈဢဝ်ဢၼ်ပဵၼ်တၢင်းဢၼ်ၶုၵ်းၸႂ်လႆႈမႆႈၸႂ်ဢၼ်ဢမ်ႇၸၢင်ႊၶၢႆႉပုတ်ႈၼၼ်ႉဢေႃႈ။တၢင်းဢၼ်မႆႈၸႂ်လေႃးၵႃႉၼႆႉၸမ်းႁႂ်ႈႁွတ်ႈထိုင်တၢင်းတၢႆဢေႃႈ။

၁၁ တူၺ်းလွင်ႈတၢင်းဢၼ်မႆႈၸႂ်ဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈၼၼ်ႉၸၢင်ႊပွင်ႁဵတ်းတၢင်းဢၼ်ႁဵတ်းသတိ၊တၢင်းဢၼ်ၽေႇဢပျႅတ်ႈ၊တၢင်းဢၼ်ၸႂ်ႁွၼ်ႉၸႂ်မႆႈ၊တၢင်းဢၼ်ၵူဝ်ႁႄ၊တၢင်းဢၼ်တူၵ်းဢၢင်ႈၼႃႇလူင်လၢင်၊တၢင်းဢၼ်ၸီႇယၢင်ႇတၢမ်ႇၸွမ်းၼင်ႇတြႃး၊ၸိူဝ်ႉၼင်ႇႁိုဝ်ၸိူဝ်းၼၼ်ႉတႃႉ။ၼႂ်းၵူႈၸိူဝ်ႉၵူႈပိူင်သူၼႄပျႃးလွင်ႈဢၼ်သူၵၢင်းလွတ်ႈတင်းဢပျႅတ်ႈၼႂ်းဢမူႉၼၼ်ႉထၢင်ႇထၢင်ႇသႃးသႃးယဝ်ႉ။

၁၂ ၼင်ႇၼၼ်လႄႈမိူဝ်ႈဢၼ်ၵဝ်တႅမ်ႈပၼ်ၵႂႃႇတီႈသူၼၼ်ႉၸိုင်ၵဝ်ထွၵ်ႈလူၺ်ႈၵေႃႉဢၼ်ၽိတ်းပိူင်ႈဢိၵ်ႇတင်းၵေႃႉဢၼ်လႆႈၶၢမ်ႇတၢင်းဢၼ်ၽိတ်းပိူင်ႈၼၼ်ႉၵူၺ်းလႄႈတႅမ်ႈပၼ်ၵႂႃႇဢမ်ႇၸႂ်ႈ။လွင်ႈၼင်ႇႁိုဝ်သူတၵ်းႁူႉႁၼ်ၸႂ်ၸေႇတၼႃႇဢၼ်ႁဝ်းမီးၵႃႈၼိူဝ်သူၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉၵူၺ်းဢေႃႈ။

၁၃ ပိူဝ်ႈၼႆလႄႈႁဝ်းလႆႈဢဵၼ်လႆႈႁႅင်းၵွပ်ႈပိူဝ်ႈလွင်ႈတၢင်းၼၼ်ႉဢမ်ႇၵႃး၊ၵွပ်ႈပိူဝ်ႈလႆႈႁၼ်တိတုသိူဝ်းပျေႃႇလႄႈႁဝ်းၵေႃႈယဵင်ႈၶႅၼ်းသိူဝ်းပျေႃႇဢေႃႈ။လွင်ႈမၼ်းၸမ်းသူၵႃႈမီးတင်းသဵင်ႈတင်းလူင်ႁဵတ်းႁႂ်ႈႁူဝ်ၸႂ်မၼ်းသၢၵ်ႈသႃႇသိူဝ်းပျေႃႇဢေႃႈ။

၁၄ သင်ၵဝ်လႆႈဢဝ်လွင်ႈသူလႄႈလၢတ်ႈၵႂၢမ်းဢုပ်ႇဝၢဝ်းဢဝ်ၵုင်ႇတီႈမၼ်းၸိုင်ၵဝ်ဢမ်ႇမီးတၢင်းဢၼ်ဢူၵ်းဢၢႆ။မိူၼ်ၸိူဝ်ႉၼင်ႇဢၼ်ႁဝ်းလၢတ်ႈလွင်ႈတၢင်းၵူႈၸိူဝ်ႉၵူႈပိူင်ၸိုဝ်ႈၸိုဝ်ႈၸႂ်ႈၸႂ်ႈတီႈသူၼၼ်ႉလွင်ႈၵႂၢမ်းဢၼ်ၵဝ်ဢုပ်ႇဝၢဝ်းဢဝ်ၵုင်ႇၵႃႈတီႈၽၢႆႇၼႃႈတိတုၼၼ်ႉၵေႃႈပဵၼ်ဢၼ်ၸိုုဝ်ႈဢၼ်ၸႂ်ႈဢေႃႈ။

၁၅ မိူဝ်ႈဢၼ်မၼ်းၶုၵ်းၸႂ်လႆႈလွင်ႈဢၼ်သူပႃးတင်းတၢင်းဢၼ်ၵူဝ်ဢၼ်သၼ်ႇႁပ်ႉတုင်းဢဝ်မၼ်းလႄႈထွမ်ႇဢဝ်ၵႂၢမ်းမၼ်းၼၼ်ႉမၼ်းယိင်ႈၶႅၼ်းမီးၸႂ်မႅတ်ႈတႃႇဢၼ်ႁၵ်ႉဢိတ်းလူၵႃႈၼိူဝ်သူၼၼ်ႉယႂ်ႇၼႃႇလူင်လၢင်ဢေႃႈ။

၁၆ ၵွပ်ႈပိူဝ်ႈၵဝ်လႆႈယုမ်ႇသူၼႂ်းလွင်ႈတၢင်းၵူႈၸိူဝ်ႉၵူႈပိူင်လႄႈၵဝ်မီးတၢင်းဢၼ်သိူဝ်းပျေႃႇဢေႃႈ။