Shan Missions

လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ

Chapter          ၁          ၂          ၃          ၄          ၅         

၃

တိမေႃးသေႇႁွတ်ႈထိုင်မႃး

၁ ပိူဝ်ႈၼႆလႄႈမိူဝ်ႈဢၼ်ႁဝ်းဢမ်ႇယိူၼ်ႉလႆႈယဝ်ႉၼၼ်ႉႁဝ်းၵိုတ်းယူႇၵႃႈၼႂ်းဝဵင်းဢႃႇထိၼ်ႇသေလႄႈပွႆႇၸႂ်ႉတိမေႃးသေႇ၊ဢၼ်ပဵၼ်ၼွင်ႉႁဝ်းဢၼ်ပဵၼ်ၵေႃႉဢၼ်သၢင်ႈႁဵတ်းဢမူႉၽြႃးပဵၼ်ၸဝ်ႈလႄႈ

၂ ႁေႃးလၢတ်ႈတြႃးသတၢင်းသိူဝ်းပျေႃႇၸဝ်ႈၶရိၸ်ႉၼၼ်ႉၵႂႃႇၸူးတီႈသူႁဵတ်းႁႂ်ႈတၢင်းယုမ်ႇမၢတ်ႈသူမၼ်ႈၶိုင်ႇ၊ဢမ်ႇႁႂ်ႈၽူႈလႂ်ႁဵတ်းႁႂ်ႈသူသုတ်ႈယွမ်းၵႂႃႇၵွပ်ႈပိူဝ်ႈတုၵ်ႉၶႃႉတၢင်းၽၢၼ်ဢၼ်သူလႆႈၶၢမ်ႇၼၼ်ႉဢေႃႈ။

၃ လွင်ႈမၼ်းၸမ်းတူဝ်သူႁူႉလွင်ႈဢၼ်ဝႃႈမၼ်းၸဝ်ႈၶၢၼ်းႁဝ်းဝႆႉႁႂ်ႈလႆႈၶၢမ်ႇတုၵ်ႉၶႃႉတၢင်းၽၢၼ်ယူႇဢေႃႈ။

၄ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းမိူဝ်ႈဢၼ်ႁဝ်းမီးယူႇလူၺ်ႈၵၼ်တင်းသူၼၼ်ႉႁဝ်းလႆႈလၢတ်ႈဝႆႉတီႈသူဝႃႈႁဝ်းတၵ်းလႆႈၶၢမ်ႇတုၵ်ႉၶႃႉတၢင်းၽၢၼ်ဝႃႈၼႆယဝ်ႉ။မႅၼ်ႈၼင်ႇဢၼ်လႆႈလၢတ်ႈဝႆႉၼၼ်ႉယဝ်ႉ။ပိူဝ်ႈၼႆလႄႈမိူဝ်ႈဢၼ်ၵဝ်ဢမ်ႇယိူၼ်ႉလႆႈၼၼ်ႉၵဝ်ပွႆႇၸႂ်ႉၵႂႃႇႁႂ်ႈလႆႈႁူႉတၢင်းယုမ်ႇမၢတ်ႈသူၼၼ်ႉဢေႃႈ။

၅ ၵဝ်ၵူဝ်ၵေႃႉဢၼ်ၸၢမ်းတူၺ်းၸူဝ်းဢဝ်ၼၼ်ႉတၵ်းၸၢမ်းတူၺ်းၸူဝ်းဢဝ်သူလႄႈႁဵတ်းႁႂ်ႈလွင်ႈတၢင်းဢၼ်သူလႆႈၶၢမ်ႇယၢပ်ႇၶၢမ်ႇၽိုတ်ႇႁဵတ်းသၢင်ႈမႃးၸိူဝ်းၼၼ်ႉတၵ်းပဵၼ်လၢႆလၢႆဢမ်ႇပွင်ႇလွင်ႈၵႃႈသင်ၵႂႃႇၼၼ်ႉဢေႃႈ။

၆ တေႃႈမိူဝ်ႈလဵဝ်ၼႆႉတိမေႃးသေႇလုၵ်ႉသေၵႃႈတီႈသူၶိုၼ်းမႃးလႄႈမွၵ်ႇလၢတ်ႈသတၢင်းသိူဝ်းပျေႃႇလူၺ်ႈလွင်ႈတၢင်းယုမ်ႇမၢတ်ႈသူတၢင်းႁၵ်ႉမႅတ်ႈတႃႇသူဢိၵ်ႇလူၺ်ႈလွင်ႈဢၼ်

၇ သူၶုၵ်းၸႂ်လႆႈၶႆႈၸႂ်ထူပ်းႁဝ်းယူႇမိူၼ်ၸိူဝ်ႉၼင်ႇဢၼ်ႁဝ်းၸႂ်ထိုင်သူၼၼ်ႉ၊ပီႈၼွင်ႉၶဝ်ဢိူၺ်း၊ပဵၵ်ႉသမ်ႉႁဝ်းလႆႈယၢၵ်ႈၽၢၼ်လႄႈၶၢမ်ႇတၢင်းဢၼ်ယၢပ်ႇၽိုတ်ႇၼႃႇၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉသေၵေႃႈႁဝ်းလႆႈႁွတ်ႈထိုင်တၢင်းဢၼ်သၢၵ်ႈသႃႇမႃးၵွပ်ႈပိူဝ်ႈတၢင်းယုမ်ႇမၢတ်ႈသူၼၼ်ႉဢေႃႈ။

၈ တေႃႈလဵဝ်ၼႆႉပေႃးသူတႄႇယူႇၼႂ်းၸဝ်ႈၽြႃးၸိုင်ႁဝ်းဢသၢၵ်ႈလိပ်းယူႇဢေႃႈ။

၉ ႁဝ်းထွၵ်ႈလူၺ်ႈတၢင်းဢၼ်သိူဝ်းပျေႃႇတင်းသဵင်ႈတင်းလူင်ဢၼ်ႁဝ်းလႆႈၶၢမ်ႇဢဝ်ၵွပ်ႈပိူဝ်ႈသူၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉလႄႈႁဝ်းတၵ်းတႅၼ်းပၼ်ၵျေးၸူးၽြႃးပဵၼ်ၸဝ်ႈလႆႈၸိူဝ်ႉၼင်ႇႁိုဝ်။

၁၀ လွင်ႈၼင်ႇႁိုဝ်တၵ်းႁၼ်ၼႃႈသူလႄႈႁႂ်ႈၵႃႈဢၼ်သူလူဝ်ႇထႅင်ႈၼႂ်းတၢင်းယုမ်ႇမၢတ်ႈၼၼ်ႉတၵ်းလႆႈၸေးၸုမ်ႇၸိုင်ႁဝ်းႁဵတ်းသူးတွင်းပထၼႃႇၵူႈဝၼ်းၵူႈၶိုၼ်းတႃႇသေႇဢမ်ႇထၢတ်ႇယူႇဢေႃႈ။

၁၁ ႁႂ်ႈၽြႃးပဵၼ်ၸဝ်ႈဢၼ်ပဵၼ်ပေႃႈႁဝ်းဢိၵ်ႇတင်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမႄးသဵၼ်ႈတၢင်းဢၼ်ႁဝ်းတၵ်းၵႂႃႇၸူးၵႃႈတီႈသူၼၼ်ႉသေၵမ်းလူၺ်ႈ။

၁၂ ႁႂ်ႈၸဝ်ႈၽြႃးႁႂ်ႈသူလိူင်ႇၸႂ်တဵမ်ထူၼ်ႈၼမ်ၵိုၼ်းၵႃႈၼႂ်းတၢင်းႁၵ်ႉမႅတ်ႈတႃႇၵႃႈတီႈၵေႃႉၼိုင်ႈလႄႈၵေႃႉၼိုင်ႈဢိၵ်ႇတင်းၵႃႈတီႈပိူၼ်ႈတင်းသဵင်ႈၸိူဝ်ႉၼင်ႇဢၼ်ႁဝ်းႁၵ်ႉသူၼၼ်ႉလႄႈ

၁၃ ႁႂ်ႈမၼ်းၸဝ်ႈႁဵတ်းႁႂ်ႈႁူဝ်ၸႂ်သူၵၢင်းလွတ်ႈတင်းတီႈဢၼ်တၢင်ႇဢပျႅတ်ႈ၊ႁႂ်ႈမၼ်ႈၶိုင်ႇၼႂ်းပႃႇရမီႇတၢင်းဢၼ်မူတ်းၸၢင်ႇၵႃႈတီႈၽၢႆႇၼႃႈၽြႃးပဵၼ်ၸဝ်ႈမိူဝ်ႈဢၼ်ၸဝ်ႈယေႇသုတၵ်းၵျွႃးမႃးလူၺ်ႈၵၼ်တင်းၵူၼ်းမူတ်းၸၢင်ႇတင်းသဵင်ႈတင်းလူင်ၼၼ်ႉသေၵမ်းလူၺ်ႈ။