လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁ ၂ ၁၃ ၁၄ ၁၅ ၁၆
၁၆
လွင်ႈတၢင်းဢၼ်လူႇတၢၼ်းပုၼ်ႈၵူၼ်းမူတ်းၸၢင်ႇ
၁ လွင်ႈဢၼ်လူႇတၢၼ်းလႄႈၸူႉသိမ်းဝႆႉပုၼ်ႈၵူၼ်းမူတ်းၸၢင်ႇတင်းလၢႆၼၼ်ႉၸမ်းသူႁဵတ်းၸိူဝ်ႉၼင်ႇဢၼ်ၵဝ်သင်ႇလၢတ်ႈဝႆႉတီႈၸိူဝ်းၸဝ်ႈတင်းလၢႆၵႃႈၼႂ်းမိူင်းၵလႃႇတိၼၼ်ႉတႃႉ။
၂ လွင်ႈၼင်ႇႁိုဝ်တၵ်းဢမ်ႇလႆႈႁဵတ်းတၢင်းဢၼ်ၸူႉဢၼ်သိမ်းတၢင်းလူႇတၢင်းတၢၼ်းမိူဝ်ႈဢၼ်ၵဝ်ႁွတ်ႈမႃးၼၼ်ႉၸိုင်ၼႂ်းၸဵတ်းဝၼ်းဝၼ်းပထမၼၼ်ႉဢွၼ်ၵၼ်ဢဝ်ဢုၵ်ႉၶူဝ်းငိုၼ်းတူဝ်ၸဝ်ႈၵဝ်ႇၵမ်ႈၽွင်ႈၸူႉသိမ်းဝႆႉႁင်းၽႂ်ႁင်းမၼ်းၵႃႈၼင်ႇဢၼ်တူဝ်ၸဝ်ႈၵဝ်ႇလႆႈမၢၵ်ႈမီးလီပဵၼ်ၼၼ်ႉတႃႉ။
၃ မိူဝ်ႈဢၼ်ၵဝ်ႁွတ်ႈထိုင်မႃးၼၼ်ႉၸိုင်ၵဝ်တၵ်းပၼ်လိၵ်ႈမၢတ်ႈတီႈၶဝ်ၸိူဝ်းဢၼ်သူမီးလိူၵ်ႈဝႆႉၼၼ်ႉလႄႈပွႆႇၸႂ်ႉၶဝ်ၵႂႃႇႁႂ်ႈလႆႈၵႂႃႇသူင်ႇတၢင်းလူႇတၢင်းတၢၼ်းဢၼ်သူလူႇတၢၼ်းၼၼ်ႉၵႃႈတီႈဝဵင်းယေႇရုသလႅမ်ႇပုၼ်ႉဢေႃႈ။
၄ ပေႃးတူဝ်ၵဝ်ထုၵ်ႇလီၵႂႃႇၵေႃႈၶဝ်တၵ်းလႆႈၸွမ်းလူၺ်ႈၵၼ်တင်းၵဝ်ၵႂႃႇဢေႃႈ။
ၶၢဝ်းတၢင်းပေႃးလု
၅ ၵွပ်ႈပိူဝ်ႈဢၼ်ၵဝ်တၵ်းၸွမ်းတၢင်းၵႂႃႇၵႃႈတီႈဝဵင်းမႃႇၵေႇတေႃးၼိလႄႈ၊ၵဝ်တၵ်းမႃးဝေႉတီႈဢၼ်သူမီးၼၼ်ႉဢေႃႈ။
၆ လိုၼ်းၼၼ်ႉၵဝ်ၸၢင်ႊၶေးတၵ်းယူႇတီႈသူတေႃႇပေႃးပူၼ်ႉၶိင်ႇၵတ်းလႄႈႁႂ်ႈလႆႈၶၢမ်ႇၵျေးၸူးတၢင်းဢၼ်သူၸွမ်းသူင်ႇၵဝ်မိူဝ်ႈဢၼ်ၵဝ်ၵႂႃႇတၢင်ႇတီႈတၢင်ႇလႅၼ်ၼၼ်ႉဢေႃႈ။
၇ ၼႂ်းမိူဝ်ႈဢၼ်ယင်းတိုၵ်ႉၵႂႃႇယူႇတေႃႈလဵဝ်ၼႆႉၼၼ်ႉၸိုင်ၵဝ်ဢမ်ႇပႆႇၶႂ်ႈထူပ်းႁၼ်သူ။ၵမ်းလိုၼ်းပေႃးၸဝ်ႈၽြႃးပၼ်ဢၶႂၢင်ႉၸိုင်ၵဝ်မုင်မွင်းႁႂ်ႈလႆႈယူႇလူၺ်ႈၵၼ်တင်းသူႁၢမ်ႉႁိုင်ႁိုင်ယူႇဢေႃႈ။
၈ ၵဝ်တၵ်းလႆႈယူႇၵႃႈတီႈဝဵင်းဢေးၽႅတ်ႈတေႃႇထိုင်ႁွတ်ႈဝၼ်းပွႆးပိၼ်ႇတေႇၵုၵ်ႉတေႇဢေႃႈ။
၉ လွင်ႈမၼ်းၸမ်းၽၵ်းတူဢၼ်ယႂ်ႇၼႃႇလႄႈသၢင်ႇထုၵ်ႇၼၼ်ႉၽုၺ်ႇဝႆႉပုၼ်ႉၵဝ်ဢေႃႈ။
၁၀ ၶဝ်ၸိူဝ်းဢၼ်ႁႄႉၶႅၼ်ၵဝ်ၵေႃႈမီးၼမ်ၼႃႇဢေႃႈ။ပေႃးတိမေႃးသေႇႁွတ်ႈထိုင်မႃးၵႃႈတီႈသူၸိုင်ႁဵတ်းသတိယႃႇႁႂ်ႈမၼ်းလႆႈမီးတၢင်းဢၼ်လီၵူဝ်လီႁႄလႄႈယူႇလူၺ်ႈၵၼ်တင်းသူတႃႉ။မၼ်းပဵၼ်ၵေႃႉဢၼ်ပွင်ႁဵတ်းဢမူႉၸဝ်ႈၽြႃးမိူၼ်ၸိူဝ်ႉၼင်ႇၵဝ်ဢေႃႈ။
၁၁ ပိူဝ်ႈၼႆလႄႈယႃႇပေႁႂ်ႈၽူႈလႂ်ႁဵတ်းဢမ်ႇပေႃးၼင်ႇႁိုဝ်တီႈမၼ်း။ႁဵတ်းၵျေးၸူးဢဝ်မၼ်းသူင်ႇၼိမ်ၼိမ်လီလီႁႂ်ႈလႆႈႁွတ်ႈထိုင်မႃးတီႈၵဝ်တႃႉ။ၵဝ်မုင်ႈမွင်းႁႂ်ႈလႆႈႁၼ်မၼ်းတင်းပီႈၼွင်ႉတၢင်ႇၵေႃႉယူႇဢေႃႈ။
၁၂ လွင်ႈၼွင်ႉၵဝ်ဢႃႇပေႃးလုၸမ်းပဵၵ်ႉသမ်ႉၵဝ်တိုၵ်းယူင်းမၼ်းၼႃႇလူင်လၢင်ႁႂ်ႈမၼ်းၵႂႃႇၵႃႈတီႈသူလူၺ်ႈၵၼ်တင်းပီႈၼွင်ႉတင်းလၢႆသေၵေႃႈမၼ်းဢမ်ႇမီးဢလူဝ်ႇၶႂ်ႈၵႂႃႇမိူဝ်ႈလဵဝ်ၼႆႉသေဢိတ်း။ၵမ်းလိုၼ်းမိူဝ်ႈဢၼ်ၶိင်ႇမၼ်းထုၵ်ႇၼၼ်ႉမၼ်းတၵ်းၵႂႃႇယူႇဢေႃႈ။
တီႈသုတ်းၼႂ်းလိၵ်ႈ
၁၃ ႁဵတ်းသတိလႄႈပႂ်ႉယူႇတႃႉ။တႄႇယူႇၼႂ်းတၢင်းဢၼ်ယုမ်ႇမၢတ်ႈတႃႉ။ႁဵတ်းမိူၼ်ၸိူဝ်ႉၼင်ႇၵူၼ်းၸၢႆးလႄႈႁႂ်ႈၸေးၸုမ်ႇဝႆႉတင်းႁႅင်းတႃႉ။
၁၄ ပႃးတင်းၸႂ်မႅတ်ႈတႃႇတၢင်းႁၵ်ႉသေလႄႈပွင်ႁဵတ်းဢမူႉၵိၵ်ႉၸႃႉၵႃႈမီးတင်းသဵင်ႈတင်းလူင်တႃႉ။
၁၅ ပီႈၼွင်ႉၶဝ်ဢိူၺ်း၊ၵႃႈၼင်ႇဢၼ်သူႁူႉလွင်ႈဢၼ်ၵူၼ်းႁိူၼ်းၵူၼ်းယေးသထေႇၽၢၼ်ႇပဵၼ်မၢၵ်ႇဢၼ်မၢၵ်ႇဢွၼ်တၢင်းၵႃႈၼႂ်းမိူင်းဢၶႃႇယလႄႈဢၢပ်ႈပၼ်တူဝ်ၸဝ်ႈၵဝ်ႇႁႂ်ႈလႆႈပွင်ႁဵတ်း
၁၆ ဢမူႉၵူၼ်းမူတ်းၸၢင်ႇတင်းလၢႆၼၼ်ႉၵဝ်တိုၵ်းယူင်းသူႁႂ်ႈသူႁပ်ႉတုင်းဢဝ်ၵူၼ်းၸိူဝ်ႉၼင်ႇၼၼ်ဢိၵ်ႇတင်းၶဝ်ၸိူဝ်းဢၼ်သၢင်ႈႁဵတ်းလူၺ်ႈၵၼ်တင်းၵဝ်လႄႈပွင်ႁဵတ်းဢမူႉၸဝ်ႈဢၼ်ဢုပ်ႉပိူင်ႇၼိူဝ်သူၼၼ်ႉဢေႃႈ။
၁၇ ပိူဝ်ႈဢၼ်သထေႇၽၢၼ်ႇၼႃႉဢိၵ်ႇတင်းၽေႃႇတုၼိတိတင်းဢၶႃႇယၶုၶဝ်ႁွတ်ႈမႃးယဝ်ႉလႄႈၵဝ်ၸူမ်းသိူဝ်းဢေႃႈ။
၁၈ လွင်ႈမၼ်းၸမ်းၵႃႈဢၼ်သူပွင်ႁဵတ်းဢမ်ႇၸေးဢမ်ႇၸုမ်ႇၼၼ်ႉၶဝ်တၵ်းထၢပ်ႈထႅင်ႈလႄႈႁႂ်ႈၸေးၸုမ်ႇဢေႃႈ။ၶဝ်ၼၼ်ႉႁႂ်ႈၸႂ်သူဢိၵ်ႇတင်းၸႂ်ၵဝ်သၢၵ်ႈသႃႇဢေႃႈ။ပိူဝ်ႈၼႆလႄႈႁပ်ႉတုင်းဢဝ်ၶဝ်ၸိူဝ်ႉၼင်ႇၼၼ်တႃႉ။
၁၉ ၸိူဝ်းၸဝ်ႈတင်းလၢႆဢၼ်မီးၼႂ်းမိူင်းဢႃႇသိၼႆႉတၵ်ႉၼၢႆသူဢေႃႈ။ဢႃႇၵုလတင်းပိတ်ႉၵိလဢိၵ်ႇတင်းၸိူဝ်းၸဝ်ႈဢၼ်မီးၵႃႈၼႂ်းႁိူၼ်းသွင်ၶႃၼၼ်ႉထွၵ်ႈလူၺ်ႈၸဝ်ႈၽြႃးသေလႄႈတၵ်ႉၼၢႆသူၼမ်ၼႃႇဢေႃႈ။
၂၀ ပီႈၼွင်ႉတင်းသဵင်ႈတင်းလူင်ၵႃႈမီးတၵ်ႉၼၢႆသူဢေႃႈ။ၵေႃႉၼိုင်ႈလႄႈၵေႃႉၼိုင်ႈဢဝ်တင်းတၢင်းၼူမ်ဢၼ်မူတ်းၸၢင်ႇၼၼ်ႉသေလႄႈတၵ်ႉလၢတ်ႈၵၼ်တႃႉ။
၂၁ ၵဝ်ပေႃးလု၊ဢဝ်တင်းမိုဝ်းတူဝ်ၸဝ်ႈၵဝ်ႇတႅမ်ႈလႄႈတၵ်ႉၼၢႆသူဢေႃႈ။
၂၂ ပေႃးသေၵေႃႉသေၵူၼ်းဢမ်ႇႁၵ်ႉၸဝ်ႈယေႇသုၶရိၸ်ႉၸိုင်ႁႂ်ႈၵေႃႉၼၼ်ႉလႆႈၶၢမ်ႇတၢင်းဢၼ်ၵိၼ်ႇဝႃႈသေၵမ်းလူၺ်ႈ။
၂၃ ၸဝ်ႈၽြႃး၊ၵျွႃးမႃးသေၵမ်းၶႃႈ။ႁႂ်ႈၵျေးၸူးၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးၵႃႈၼိူဝ်သူသေၵမ်းလူၺ်ႈ။ၵဝ်သူင်ႇတၢင်းႁၵ်ႉမႅတ်ႈတႃႇၵဝ်တေႃႇသူၼႂ်းၸဝ်ႈယေႇသုၶရိၸ်ႉၼၼ်ႉဢေႃႈ။ဢႃႈမိၼ်ႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ