Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၅

၁ ၶုၼ်ယိတ်ႉပရေႃးႁိၵ်ႈဢၼ်လိူၵ်ႈၵဵပ်းဢဝ်ၵႃႈၼႂ်းၵူၼ်းတင်းလၢႆၼၼ်ႉၸမ်းပဵၼ်ၵေႃႉဢၼ်မၼ်းၸဝ်ႈၶၢၼ်းဝႆႉႁႂ်ႈလႆႈတၢင်တူဝ်ၵူၼ်းတင်းလၢႆၼႂ်းလွင်ႈတၢင်းဢၼ်သိူၵ်ႈသမ်ႇၵၼ်တင်းၽြႃးပဵၼ်ၸဝ်ႈႁႂ်ႈလႆႈပုၵ်ႉၸေႃႇတၢင်းပုၵ်ႉၸေႃႇဢိၵ်ႇတင်းယိၸ်ႉဢၼ်တၵ်းၽေႇဢပျႅတ်ႈၵူၼ်းၼၼ်ႉဢေႃႈ။

၂ မၼ်းပဵၼ်ၵေႃႉဢၼ်ယိူၼ်ႉၶၢမ်ႇလႆႈၶဝ်ၸိူဝ်းဢၼ်မိူၵ်ႈၶဝ်ၸိူဝ်းဢၼ်ၽိတ်းပိူင်ႈၸိူဝ်းၼၼ်ႉဢေႃႈ။လွင်ႈမၼ်းၸမ်းမၼ်းၵေႃႈပဵၼ်ၵေႃႉဢၼ်ႁႅင်းလဵၵ်ႉႁႅင်းၵေႇၼင်ႇၵဝ်ႇဢေႃႈ။

၃ ၵွပ်ႈပိူဝ်ႈလွင်ႈတီႈႁႅင်းၼႆႉလႄႈမၼ်းတၵ်းလႆႈပုၵ်ႉၸေႃႇပုၼ်ႈတူဝ်ၸဝ်ႈၵဝ်ႇမိူၼ်ၸိူဝ်ႉၼင်ႇဢၼ်မၼ်းပုၵ်ႉၸေႃႇႁႂ်ႈလႆႈၽေႇဢပျႅတ်ႈပုၼ်ႈပိူၼ်ႈၼၼ်ႉဢေႃႈ။

၄ ၽူႈလႂ်ၵေႃႈဢမ်ႇဢဝ်ဢရႃႇၼႆႉႁင်းၵူၺ်းတူဝ်ၸဝ်ႈၵဝ်ႇ။လွင်ႈမၼ်းၸမ်းမၼ်းပဵၼ်ၵေႃႉဢၼ်ၽြႃးပဵၼ်ၸဝ်ႈႁွင်ႉဢဝ်မိူၼ်ၸိူဝ်ႉၼင်ႇမၼ်းၸဝ်ႈႁွင်ႉဢဝ်ဢႃႇရုၼ်ႇၼၼ်ႉဢေႃႈ။

၅ မိူၼ်ၼင်ႇၼၼ်ၸဝ်ႈၶရိၸ်ႉၵေႃႈဢမ်ႇဢဝ်မူၼ်ၵူင်ႇဢရႃႇၶုၼ်ယိတ်ႉပရေႃးႁိၵ်ႈႁင်းၵူၺ်းတူဝ်ၸဝ်ႈၵဝ်ႇ။ၽြႃးပဵၼ်ၸဝ်ႈဝႃႈ၊-မႂ်းပဵၼ်လုၵ်ႈၸၢႆးၵဝ်ဢေႃႈ။ၼႂ်းဝၼ်းမိူဝ်ႈၼႆႉၵဝ်ႁႂ်ႈမႂ်းၵိူတ်ႇလဵင်ႉပဵၼ်မႃးယဝ်ႉ၊ဝႃႈၼင်ႇၼႆၼၼ်ႉ၊ၽြႃးယုၵ်ႉယွင်ႈမၼ်းၸဝ်ႈဝႆႉဢေႃႈ။

၆ ၼင်ႇၼၼ်လႄႈဢၼ်မႃးၼႂ်းၵျၢမ်းလိၵ်ႈတီႈၼိုင်ႈလႄႈဝႃႈၸမ်း၊-မႂ်းပဵၼ်ယိတ်ႉပရေႃးႁိၵ်ႈထႃႇဝရႃႉၸွမ်းၼင်ႇဢရႃႇမေႇလၶိၸေႇတိၵ်ႉၼၼ်ႉဢေႃႈ၊ဝႃႈၼင်ႇၼႆဢေႃႈ။

၇ ၸဝ်ႈၶရိၸ်ႉၼၼ်ႉၼႂ်းမိူဝ်ႈဢၼ်မီးယူႇၼႂ်းမိူင်းၵူၼ်းယူႇၼၼ်ႉမီးၸႂ်ဢၼ်ရူဝ်ႇသေႇၵုဝ်ယၢမ်သေယဝ်ႉ၊ဢဝ်တင်းသဵင်ဢၼ်ႁွင်ႉသႅၼ်ႇယႂ်ႇၼႃႇဢိၵ်ႇတင်းတၢင်းဢၼ်ၼမ်ႉတႃတူၵ်းၼၼ်ႉသေလႄႈႁဵတ်းသူးတွင်းပထၼႃႇၵႃႈတီႈၸဝ်ႈဢၼ်ၶျွတ်ႈဢဝ်လႆႈၵႃႈၼႂ်းတၢင်းတၢႆၼၼ်ႉလႄႈမၼ်းၸဝ်ႈထွမ်ႇငိၼ်းဢေႃႈ။

၈ ပဵၵ်ႉသမ်ႉပဵၼ်လုၵ်ႈၽြႃးသေၵေႃႈမၼ်းၸဝ်ႈသွၼ်ဢဝ်ဢၵျူဝ်းတၢင်းဢၼ်ထွမ်ႇဢဝ်ၼႂ်းတၢင်းဢၼ်မၼ်းၸဝ်ႈလႆႈၶၢမ်ႇၼၼ်ႉဢေႃႈ။

၉ မၼ်းၸဝ်ႈၸေးၸုမ်ႇၸိူဝ်ႉၼင်ႇၼၼ်ယဝ်ႉၸင်ႇပဵၼ်ၽူႈဢၼ်ႁဵတ်းၵျေးၸူးပဵၼ်ငဝ်ႈႁၢၵ်ႈတၢင်းၵႄႇၶျွတ်ႈထႃႇဝရႃႉၵႃႈတီႈၶဝ်ၸိူဝ်းဢၼ်ထွမ်ႇဢဝ်တင်းသဵင်ႈတင်းလူင်ၼၼ်ႉလႄႈ

၁၀ မၼ်းၸဝ်ႈလႆႈၶၢမ်ႇတၢင်းဢၼ်ၽြႃးပဵၼ်ၸဝ်ႈႁွင်ႉႁိၵ်ႈပဵၼ်ၶုၼ်ပရေႃးႁိၵ်ႈလူင်ၸွမ်းၼင်ႇဢမိင်ႉဢရႃႇမေႇလၶိၸေႇတိၵ်ႉၼၼ်ႉဢေႃႈ။

တၢင်းဢၼ်ဢမ်ႇထူၼ်ႈၵႄႇ

၁၁ လွင်ႈမေႇလၶိၸေႇတိၵ်ႉၼၼ်ႉမီးၵႂၢမ်းပုၼ်ႈဢၼ်ႁဝ်းတၵ်းလၢတ်ႈၼမ်ၼႃႇလူင်လၢင်ဢေႃႈ။ၵူၺ်းၵႃႈၵွပ်ႈပိူဝ်ႈဢၼ်သူၺၢၼ်ႇထိုင်ႉလႄႈတီႈတလေၢတ်ႈပၼ်ၼၼ်ႉပဵၼ်ဢၼ်ယၢပ်ႇၼႃႇလူင်လၢင်ဢေႃႈ။

၁၂ ပဵၵ်ႉသမ်ႉသူထုၵ်ႇလီၶိုတ်ႉထိုင်ပဵၼ်သြႃႇႁိုင်ၼႃႇယဝ်ႉသေၵေႃႈသူယင်းမီးလွင်ႈဢၼ်သမ်ႉတၵ်းလႆႈသွၼ်ဢဝ်တြႃးၼုမ်ႇတီႈပိူၼ်ႈထႅင်ႈယူႇဢေႃႈ။သူလူဝ်ႇၵိၼ်ၼူမ်းၵူၺ်းဢေႃႈ။သူဢမ်ႇၵိၼ်လႆႈတၢင်းၵိၼ်ဢၼ်ၵႅၼ်ႇဢၼ်ၶႅင်ၼၼ်ႉ။

၁၃ ၵေႃႉဢၼ်ၵိၼ်ၼမ်ႉၼူမ်းၼၼ်ႉၵွပ်ႈပိူဝ်ႈပဵၼ်လုၵ်ႈဢွၼ်ႇလႄႈဢမ်ႇမေႃဢမ်ႇၸၢင်ႊၼႂ်းၼုၵ်ႉၵပၢတ်ႈတၢင်းဢၼ်သိုဝ်ႈတေႃႇၼၼ်ႉ။

၁၄ ၶဝ်ၸိူဝ်းဢၼ်မီးဢသၢၵ်ႈဢရွႆႇဢၼ်ၸေးၸုမ်ႇယဝ်ႉဢၼ်ဝႃႈၶဝ်ၸိူဝ်းဢၼ်မီးတၢင်းဢၼ်ငိၼ်း၊တၢင်းဢၼ်ႁၼ်၊တၢင်းဢၼ်ထူပ်း၊တၢင်းဢၼ်လုပ်ႈၵမ်၊တၢင်းဢၼ်ၸၢင်ႊပၼ်ပိင်ႇၺႃႇဢၼ်ၶႂ်ႈၸႂ်ဝူၼ်ႉၸႂ်လႄႈႁူႉဢၼ်လီလႆႈၼၼ်ႉၸမ်းလႆႈၵိၼ်တၢင်းၵိၼ်ဢၼ်ၵႅၼ်ႇဢၼ်ၶႅင်ၼၼ်ႉယူႇဢေႃႈ။