Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၄

ၵတိဢၼ်တၵ်းလႆႈလိုဝ်ႈသဝ်း

၁ ပိူဝ်ႈၼႆလႄႈၸိူဝ်ႉၼင်ႇဢၼ်ၵတိၸဝ်ႈဢၼ်ပၼ်ဢၶႂၢင်ႉဢၼ်တၵ်းလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၽြႃးပဵၼ်ၸဝ်ႈၼၼ်ႉယင်းမီးဝႆႉယူႇတီႈႁဝ်းၼၼ်ႉႁဝ်းဢွၼ်ၵၼ်ယႃႇပေႁႂ်ႈလႆႈၵိုတ်းၵျၢၼ်ႇတႃႉႁဝ်း။

၂ ႁဝ်းလႆႈငိၼ်းသတၢင်းသိူဝ်းပျေႃႇၸိူဝ်ႉၼင်ႇဢၼ်ၶဝ်လႆႈငိၼ်းၼၼ်ႉယဝ်ႉ။ၵူၺ်းၵႃႈၵွပ်ႈပိူဝ်ႈဢၼ်ဢမ်ႇမီးတၢင်းယုမ်ႇမၢတ်ႈလႄႈၵႂၢမ်းတြႃးဢၼ်ၶဝ်လႆႈငိၼ်းၼၼ်ႉဢမ်ႇပၼ်ဢၵျူဝ်းတီႈၶဝ်။

၃ ႁဝ်းၸမ်းပဵၼ်ၵေႃႉဢၼ်ယုမ်ႇမၢတ်ႈလႄႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၼၼ်ႉဢေႃႈ။ၼင်ႇၼၼ်လႄႈပျႃႇတိၵ်ႈၸဝ်ႈမီးဝႆႉလႄႈဝႃႈၸမ်း၊-ၵဝ်ၸႂ်မႆႈၶႂ်ႈၸႃႉလႄႈတိူင်ႇဝႃႈ၊-ပဵၵ်ႉသမ်ႉဢမူႉလွင်ႈတၢင်းတင်းသဵင်ႈတင်းလူင်ယဝ်ႉၸွတ်ႇတူဝ်ၸဵမ်မိူဝ်ႈၵမ်ႇၽႃႇၸႃႉတႄႇၼၼ်ႉယဝ်ႉသေၵေႃႈယႃႇၶဝ်ဢမ်ႇလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၵဝ်၊ဝႃႈၼင်ႇၼႆဢေႃႈ။

၄ ဢၼ်ဢဝ်လွင်ႈဝၼ်းသတ်ႉတမၼၼ်ႉသေလႄႈမႃးၼႂ်းၵျၢမ်းလိၵ်ႈတီႈၼိုင်ႈလႄႈဝႃႈၸမ်း၊-ၽြႃးပဵၼ်ၸဝ်ႈၼၼ်ႉႁဵတ်းယဝ်ႉၸွတ်ႇတူဝ်တင်းသဵင်ႈတင်းလူင်သေယဝ်ႉ၊ၼႂ်းဝၼ်းသတ်ႉတမၼၼ်ႉမၼ်းၸဝ်ႈလိုဝ်ႈသဝ်းၼိမ်ၼိမ်ဢေႃႈ၊ဝႃႈၼင်ႇၼႆဢေႃႈ။

၅ ဢၼ်သမ်ႉမႃးထႅင်ႈၼႂ်းၵျၢမ်းလိၵ်ႈလႄႈဝႃႈၸမ်း၊-ၶဝ်ဢမ်ႇလႆႈၶဝ်ႈၵႃႈၼႂ်းတၢင်းဢၼ်လိုဝ်ႈသဝ်းၵဝ်၊ဝႃႈၼင်ႇၼႆဢေႃႈ။

၆ ၵွပ်ႈႁွႆးၼႆႉလႄႈၵမ်ႈၽွင်ႈတၵ်းလႆႈၶဝ်ႈလႄႈၶဝ်ၸိူဝ်းဢၼ်လႆႈငိၼ်းသတၢင်းသိူဝ်းပျေႃႇမိူဝ်ႈဢွၼ်တၢင်းၼၼ်ႉၸမ်းၵွပ်ႈပိူဝ်ႈဢၼ်ဢမ်ႇယုမ်ႇမၢတ်ႈလႄႈဢမ်ႇလႆႈၶဝ်ႈ။

၇ မၼ်းၸဝ်ႈမၵ်းၶၢၼ်းဝႆႉဝၼ်းၼိုင်ႈသေႇၶျႃႇလီငၢမ်းလႄႈ၊လၢတ်ႈဝႆႉၼႂ်းၵျၢမ်းတႃႇဝိတ်ႉၼၼ်ႉလႄႈဝႃႈ၊-ၶိင်ႇၵႃႇလႃႉႁိုင်ထၢၼ်ႇၼႆႉသေယဝ်ႉၼႂ်းဝၼ်းမိူဝ်ႈၼႆႉပေႃးသူလႆႈငိၼ်းသဵင်ပျႃႇတိၵ်ႈၸဝ်ႈၸိုင်ယႃႇပေမီးႁူဝ်ၸႂ်ဢၼ်ၵႅၼ်ႇဢၼ်ၶႅင်၊ဝႃႈၼင်ႇၼႆဢေႃႈ။

၈ ပေႃးယေႃးသုလႆႈပၼ်တၢင်းလိုဝ်ႈသဝ်းတီႈၶဝ်ၼၼ်ႉဢမၢၼ်ႇၶၼ်ပဵၼ်ၸိုင်ၵမ်းလိုၼ်းမၼ်းၸဝ်ႈတၵ်းဢမ်ႇလၢတ်ႈလွင်ႈဝၼ်းတၢင်ႇဝၼ်းၼၼ်ႉထႅင်ႈလူးၵွၼ်ႇ။

၉ ပိူဝ်ႈၼႆလႄႈတၢင်းဢၼ်လိုဝ်ႈသဝ်းၵူၼ်းၽြႃးပဵၼ်ၸဝ်ႈဝၼ်းၵမ်ႈသိၼ်ၼၼ်ႉယင်းၵိုတ်းၵျၢၼ်ႇဝႆႉယူႇလူးၵွၼ်ႇဢေႃႈ။

၁၀ ၵေႃႉဢၼ်လိုဝ်ႈသဝ်းၼၼ်ႉလႆႈလိုဝ်ႈသဝ်းသေတၢင်းႁဵတ်းတူဝ်ၸဝ်ႈၵဝ်ႇမိူၼ်ၸိူဝ်ႉၼင်ႇဢၼ်ၽြႃးပဵၼ်ၸဝ်ႈလိုဝ်ႈသဝ်းယူႇၼိမ်ၼိမ်လီလီၼၼ်ႉဢေႃႈ။

၁၁ ပိူဝ်ႈၼႆလႄႈလွင်ႈၼင်ႇႁိုဝ်ႁဝ်းတၵ်းဢမ်ႇလႆႈၸွမ်းသဵၼ်ႈတၢင်းဢၼ်ၵူၼ်းဢိသရေႇလတင်းလၢႆမီးၸႂ်ဢၼ်ဢမ်ႇယုမ်ႇမၢတ်ႈလႄႈလူမ်ႉၼၼ်ႉၸိုင်ဢဝ်ႁႅင်းၶတ်းၸႂ်ႁဵတ်းႁႂ်ႈလႆႈၶဝ်ႈၵႃႈၼႂ်းတၢင်းဢၼ်လိုဝ်ႈသဝ်းၼၼ်ႉတႃႉႁဝ်း။

၁၂ လွင်ႈမၼ်းၸမ်းၼုၵ်ႉၵပၢတ်ႈတြႃးၽြႃးပဵၼ်ၸဝ်ႈၼၼ်ႉဢသၢၵ်ႈလိပ်းယူႇ၊မီးတၼ်းၶူဝ်းပွင်ႁဵတ်းပွင်မႄးယူႇ၊ၽၢႆသလေၢပ်ႇသၢၼ်ႇလျၢၵ်ႈတင်းသဵင်ႈတင်းလူင်လႄႈၸၢင်ႊတႅင်းပွင်ႇထၼ်ႈပေႃးၸၵ်းၽႄဢသၢၵ်ႈတင်းၸႂ်ဝိၺိၺ်ႇလႆႈယူႇ၊တႅင်းပွင်ႇလုပ်ႇတင်းလၢႆတင်းဢွၵ်းလုပ်ႇၼၼ်ႉလႄႈၸၢင်ႊႁူႉႁၼ်တၢင်းဢၼ်ႁူဝ်ၸႂ်ၵျၢမ်ႇပွင်ယူႇၸိူဝ်းၼၼ်ႉဢေႃႈ။

၁၃ တၢင်းဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ၵႃႈမီးတင်းသဵင်ႈတင်းမူတ်းဢၼ်တၵ်းသိုင်ႇလပ်ႉၽၢႆႇၼႃႈၸဝ်ႈလႆႈၼၼ်ႉဢမ်ႇမီးသေၸိူဝ်ႉသေပိူင်။လွင်ႈတၢင်းၵႃႈမီးတင်းသဵင်ႈတင်းလူင်ယင်းဢမ်ႇမီးဢၼ်ႁႄႉဢၼ်ၵင်ႈလႄႈၽုၺ်ႇဝႆႉမီးယူႇသိုဝ်ႈၼႃႈတႂ်ႈတႃမၼ်းၸဝ်ႈဢေႃႈ။

ၸဝ်ႈၶရိၸ်ႉပဵၼ်တၢင်းဢၼ်ႁွတ်ႈထိုင်တီႈၽြႃးပဵၼ်ၸဝ်ႈ

၁၄ တေႃႈလဵဝ်ၼႆႉၸမ်း၊ၵွပ်ႈပိူဝ်ႈဢၼ်ႁဝ်းမီးၶုၼ်ယိတ်ႉပရေႃးႁိၵ်ႈလူင်ဢၼ်ၶဝ်ႈၵႂႃႇၵႃႈၼႂ်းမိူင်းၵၢင်ႁၢဝ်ဢၼ်ပဵၼ်ၸဝ်ႈယေႇသု၊လုၵ်ႈၽြႃးပဵၼ်ၸဝ်ႈၼၼ်ႉလႄႈႁဝ်းဢွၼ်ၵၼ်တႄႇယူႇၼႂ်းလွင်ႈတၢင်းဢၼ်ႁဝ်းႁပ်ႉတုင်းဢဝ်ယဝ်ႉၼၼ်ႉမၼ်ႈမၼ်ႈၶိုင်ႇၶိုင်ႇတႃႉႁဝ်း။

၁၅ လွင်ႈမၼ်းၸမ်းႁဝ်းမီးၶုၼ်ယိတ်ႉပရေႃးႁိၵ်ႈဢၼ်ပဵၼ်ၵေႃႉဢၼ်ဢမ်ႇဢိတ်းလူႁဝ်းၼႂ်းတၢင်းတုၵ်ႉၶႃႉတၢင်းၽၢၼ်ဢၼ်ႁဝ်းလႆႈၶၢမ်ႇၼၼ်ႉဢမ်ႇၸႂ်ႈ။မၼ်းၸဝ်ႈလႆႈၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉၵူႈၸိူဝ်ႉၵူႈပိူင်မိူၼ်ၸိူဝ်ႉၼင်ႇဢၼ်ႁဝ်းလႆႈၶၢမ်ႇၼၼ်ႉသေၵေႃႈယႃႇမၼ်းၸဝ်ႈၵၢင်းလွတ်ႈတင်းတူႉၸရိူၵ်ႈဢပျႅတ်ႈဢေႃႈ။

၁၆ ပိူဝ်ႈၼႆလႄႈမီးတင်းၸႂ်ဢၼ်ႁတ်းႁၢၼ်သေလႄႈဢွၼ်ၵၼ်သုတ်ႉၶဝ်ႈၸပ်းၶဝ်ႈၸူးၵႃႈတီႈၵျေးၸူးပလၢင်ႇၸဝ်ႈႁႂ်ႈလႆႈၶၢမ်ႇဢဝ်ၵရူႉၼႃႇတၢင်းဢၼ်ဢိတ်းလူဢိၵ်ႇတင်းၵျေးၸူးတၢင်းဢၼ်မၼ်းၸဝ်ႈၸွႆႈထႅမ်ဢၼ်သၢင်ႇထုၵ်ႇလီငၢမ်းၼၼ်ႉတႃႉႁဝ်း။