Shan Missions

လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ

Chapter          ၁         

၁

၁ ၵေႃႉဢၼ်ဢသၢၵ်ႈယႂ်ႇတႅမ်ႈပၼ်ငိၼ်းၵႂႃႇၵႃႈတီႈၵႃႇယုၵေႃႉဢၼ်ၵဝ်ႁၵ်ႉပႅင်းၼႂ်းတြႃးဢၼ်သိုဝ်ႈတေႃႇၼၼ်ႉဢေႃႈ။

၂ ၵေႃႉဢၼ်ၵဝ်ႁၵ်ႉဢိူၺ်း၊လွင်ႈၼင်ႇႁိုဝ်မႂ်းတၵ်းမီးတၢင်းဢၼ်လႆႈလီလႆႈပဵၼ်ဢိၵ်ႇတင်းတၢင်းဢၼ်ယူႇလီၵိၼ်ဝၢၼ်ၸွမ်းၵႃႈၼင်ႇဢၼ်ႁူဝ်ၸႂ်မႂ်းလႆႈလီလႆႈပဵၼ်ၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉၸိုင်ၵဝ်သူးတွင်းယူႇဢေႃႈ။

၃ မိူဝ်ႈဢၼ်ပီႈၼွင်ႉလႂ်မႃးလႄႈၶၢမ်ႇသၢၵ်ႈသေႇလွင်ႈသမ်ႇမႃႇတြႃးဢၼ်မီးၼႂ်းမႂ်းဢၼ်မႅၼ်ႈၸွမ်းၵႃႈၼင်ႇဢၼ်မႂ်းၸွမ်းၵႂႃႇၸွမ်းပႆယူႇၼႂ်းသမ်ႇမႃႇတြႃးၼၼ်ႉၵဝ်မီးတၢင်းဢၼ်သိူဝ်းပျေႃႇၼႃႇဢေႃႈ။

၄ တၢင်းသိူဝ်းပျေႃႇၵဝ်ဢၼ်ယဵင်ႈၶႅၼ်းတၵ်းယႂ်ႇလိူဝ်တွၼ်းၼႃႇသေတၢင်းသိူဝ်းပျေႃႇဢၼ်ၵဝ်လႆႈငိၼ်းလွင်ႈလုၵ်ႈလၢင်းၵဝ်တင်းလၢႆၸွမ်းၵႂႃႇၸွမ်းပႆယူႇၼႂ်းသမ်ႇမႃႇတြႃးၼၼ်ႉ၊ဢမ်ႇမီးယဝ်ႉ။

၅ ၵေႃႉဢၼ်ၵဝ်ႁၵ်ႉဢိူၺ်း၊ပဵၵ်ႉသမ်ႉမႂ်းဢမ်ႇႁူႉၸၵ်းၶဝ်သေၵေႃႈမႂ်းမီးသႅတ်ႈၸႃႇၼႂ်းလွင်ႈတၢင်းဢၼ်မႂ်းႁဵတ်းဝၢတ်ႈၶႅၵ်ႇတီႈပီႈၼွင်ႉလႂ်ၼၼ်ႉယူႇဢေႃႈ။

၆ ၶဝ်ၶၢမ်ႇသၢၵ်ႈသေႇလွင်ႈတၢင်းႁၵ်ႉမႅတ်ႈတႃႇမႂ်းၵႃႈတီႈၽၢႆႇၼႃႈၸိူဝ်းၸဝ်ႈဢေႃႈ။ပေႃးမႂ်းၸွမ်းသူင်ႇၶဝ်ၵႃႈၼင်ႇဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈၸိုင်မႂ်းႁဵတ်းလွင်ႈတၢင်းဢၼ်လီဢၼ်ငၢမ်းယဝ်ႉ။

၇ လွင်ႈမၼ်းၸမ်းၶဝ်ၼၼ်ႉထွၵ်ႈလူၺ်ႈၼႃႇမႃႉၸိုဝ်ႈသဵင်ၸဝ်ႈၼၼ်ႉလႄႈယင်းဢမ်ႇၶၢမ်ႇဢမ်ႇဢဝ်တၢင်းလူႇတၢင်းတၢၼ်းၵႃႈၼႂ်းၵူၼ်းသႃႇသၼႃႇပႃႉတင်းလၢႆလႄႈၵႂႃႇဢေႃႈ။

၈ ႁဝ်းလီႁဵတ်းဝၢတ်ႈၶႅၵ်ႇၵႃႈတီႈၶဝ်ၼၼ်ႉႁႂ်ႈလႆႈပဵၼ်ၵေႃႉဢၼ်ၸွႆႈထႅမ်ၵၼ်ပုၼ်ႈသမ်ႇမႃႇတြႃးဢေႃႈ။

ၵဝ်တႅမ်ႈလိၵ်ႈလႄႈပၼ်ၵႂႃႇတီႈၸိူဝ်းၸဝ်ႈယဝ်ႉ။ၵူၺ်းၵႃႈတယေႃႇတရၢပ်ႉဢၼ်ၶႂ်ႈပဵၼ်ၵႄႇပဵၼ်ႁူဝ်ပိူၼ်ႈၼၼ်ႉဢမ်ႇႁပ်ႉတုင်းဢဝ်ႁဝ်း။

၉ ပိူဝ်ႈၼႆလႄႈမိူဝ်ႈဢၼ်ၵဝ်မႃးၼၼ်ႉၵဝ်တၵ်းႁဵတ်းႁႂ်ႈမၼ်းၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းဢၼ်မၼ်းႁဵတ်းၼၼ်ႉဢေႃႈ။

၁၀ ၵေႃႉၼၼ်ႉဢဝ်တင်းၵႂၢမ်းဢၼ်သီႇၵေႉသေႉသွမ်းႁဝ်းယဝ်ႉဢမ်ႇၵႃးယင်းဢမ်ႇပျေႇၸႂ်လူၺ်ႈတၢင်းဢၼ်သေႉသွမ်းၼၼ်ႉလႄႈတူဝ်ၸဝ်ႈၵဝ်ႇယင်းဢမ်ႇႁပ်ႉတုင်းဢဝ်ပီႈၼွင်ႉတင်းလၢႆလႄႈၸၢင်ႊႁႄႉၶႅၼ်ၶဝ်ၸိူဝ်းဢၼ်ၶႂ်ႈႁပ်ႉတုင်းဢဝ်ၼၼ်ႉသေလႄႈႁေႃႈၶဝ်ဢွၵ်ႇသေၵႃႈၼႂ်းၸိူဝ်းၸဝ်ႈဢေႃႈ။

၁၁ ၵေႃႉဢၼ်ၵဝ်ႁၵ်ႉဢိူၺ်း၊ယႃႇပေၸွမ်းၼႄးဢၼ်ဢမ်ႇလီဢမ်ႇငၢမ်း။ၸွမ်းၼႄးဢၼ်လီဢၼ်ငၢမ်းၵူၺ်းတႃႉ။ၵေႃႉဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းၼၼ်ႉၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈဢေႃႈ။ၵေႃႉဢၼ်ႁဵတ်းဢၼ်ဢမ်ႇလီဢမ်ငၢမ်းၼၼ်ႉဢမ်ႇႁူႉႁၼ်ၽြႃးပဵၼ်ၸဝ်ႈ။

၁၂ ၵူၼ်းတင်းသဵင်ႈတင်းလူင်ပဵၼ်သၢၵ်ႈသေႇတေႇမေႇတရိဢေႃႈ။သမ်ႇမႃႇတြႃးၵေႃႈပဵၼ်သၢၵ်ႈသေႇမၼ်းဢေႃႈ။ႁဝ်းၵေႃႈၶၢမ်ႇသၢၵ်ႈသေႇၽၢႆႇမၼ်းဢေႃႈ။

၁၃ လွင်ႈတၢင်းဢၼ်ႁဝ်းၶၢမ်ႇသၢၵ်ႈသေႇၼၼ်ႉပဵၼ်ဢၼ်ၸိုဝ်ႈဢၼ်ၸႂ်ႈဢၼ်ဝႃႈၼၼ်ႉ၊မႂ်းႁူႉယူႇဢေႃႈ။

ပဵၵ်ႉသမ်ႉၵဝ်မီးလွင်ႈတၢင်းဢၼ်လီတႅမ်ႈပၼ်ၵႂႃႇၵႃႈတီႈမႂ်းၼၼ်ႉၼမ်ၼႃႇသေၵေႃႈၵဝ်ဢမ်ႇမီးဢလူဝ်ႇၶႂ်ႈဢဝ်တင်းၼမ်ႉမိုၵ်ႈတႅမ်ႈသႂ်ႇၵႃႈၼိူဝ်ၸေႈ။

၁၄ ဢမ်ႇႁိုင်ဢမ်ႇၼၢၼ်းၵဝ်တၵ်းမႃးထူပ်းႁၼ်မႂ်းလႄႈလၢတ်ႈၵႂၢမ်းတေႃႇၵၼ်တင်းမႂ်းဝႃႈၼႆၵဝ်မုင်ထႃႈမွင်းထႃႈယူႇဢေႃႈ။

ႁႂ်ႈတၢင်းၼိမ်မီးၼိူဝ်မႂ်းသေၵမ်းလူၺ်ႈ။ၵေႃႉသေႈၸိူဝ်းၼႆႉတၵ်ႉၼၢႆမႂ်းဢေႃႈ။တၵ်ႉၼၢႆၵေႃႉသေႈဢၼ်မီးတီႈမႂ်းၼၼ်ႉၵူႈၵေႃႉသေၵမ်း။