Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၆

တၢင်းဢၼ်ပၼ်သတိလွင်ႈတၢင်းဢၼ်ႁၢႆႉမိူၵ်ႈ

၁ ပိူဝ်ႈၼႆလႄႈႁဝ်းဢွၼ်ၵၼ်ဝႆႉဝၢင်းသေလွင်ႈတၢင်းဢၼ်ပဵၼ်ၵေႃႇၸႃႉငဝ်ႈႁၢၵ်ႈဢယူႇဝႃႇတႃႉၼႂ်းၽႃႇသႃႇၸဝ်ႈၶရိၸ်ႉသေယဝ်ႉႁႂ်ႈၶိုတ်ႉထိုင်တီႈဢၼ်ထူၼ်ႈၵႄႇတႃႉႁဝ်း။ယႃႇပေၶိုၼ်းတႄႇႁဵတ်းထႅင်ႈမူႇလႃႉငဝ်ႈႁၢၵ်ႈတၢင်းဢၼ်ၶုၵ်းၸႂ်လႆႈမႆႈၸႂ်လူၺ်ႈလွင်ႈတၢင်းၵမ်တၢင်းၵျၢင်ႉဢၼ်ၸၢပ်ႈသႅင်ႇၵၼ်တင်းတၢင်းတၢႆၼၼ်ႉလႄႈ

၂ တႄႇႁဵတ်းၼိူဝ်တၢင်းဢၼ်ယုမ်ႇမၢတ်ႈၽြႃးပဵၼ်ၸဝ်ႈ၊ၼႂ်းတၢင်းဢၼ်သင်ႇသွၼ်တြႃးပပ်ႉတိၸၢမ်ႇ၊ၼႂ်းတၢင်းဢၼ်ပၼ်ဢရႃႇတၢင်ႇမိုဝ်း၊ၼႂ်းတၢင်းဢၼ်လုၵ်ႉၶိုၼ်းလိပ်း၊ၼႂ်းတၢင်းဢၼ်ၸီႇယၢင်ႇထႃႇဝရႃႉၸိူဝ်းၼၼ်ႉတႃႉ။

၃ ပေႃးၽြႃးပဵၼ်ၸဝ်ႈပၼ်ဢၶႂၢင်ႉၸိုင်ႁဝ်းတၵ်းႁဵတ်းၸိူဝ်ႉၼင်ႇၼၼ်ဢေႃႈ။

၄ ၶဝ်ၸိူဝ်းဢၼ်ႁွတ်ႈထိုင်ၵႃႈတီႈဢၼ်လႅင်းပွၵ်ႈၼိုင်ႈယဝ်ႉလႄႈလႆႈမီးတၢင်းဢၼ်ၸိမ်းတူၺ်းသူႉၵျေးၸူးၵၢင်ႁၢဝ်တၢင်းဢၼ်လႆႈၶၢမ်ႇဢဝ်ဝိၺိၺ်ႇမူတ်းၸၢင်ႇၸဝ်ႈ၊

၅ တၢင်းဢၼ်လႆႈၸိမ်းတူၺ်းၵႂၢမ်းတြႃးဢၼ်လီဢၼ်ငၢမ်းၽြႃးပဵၼ်ၸဝ်ႈဢိၵ်ႇတင်းတၼ်းၶူဝ်းၵၢပ်ႈၵႃႇလႃႉၵမ်းလိုၼ်းတင်းလၢႆၼၼ်ႉသေယဝ်ႉ၊သမ်ႉၽွၵ်ႈပျၢၼ်ႇသုတ်ႉၶိုၼ်းၵႂႃႇၸိူဝ်းၼၼ်ႉ၊ဢမ်ႇၸၢင်ႊၶိုၼ်းႁဵတ်းႁႂ်ႈၶဝ်ၶုၵ်းၸႂ်လႆႈမႆႈၸႂ်ဢပျႅတ်ႈ။

၆ လွင်ႈမၼ်းၸမ်းၶဝ်ၼၼ်ႉပဵၼ်ၵေႃႉဢၼ်ဢဝ်လုၵ်ႈၽြႃးပဵၼ်ၸဝ်ႈၶိုၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းလႄႈယႃႉသရေႇၸဝ်ႈထၢင်ႇထၢင်ႇသႃးသႃးၼၼ်ႉဢေႃႈ။

၇ ဢူႉပမႃႇၸမ်းလိၼ်ဢၼ်ၵိၼ်ၼမ်ႉၽူၼ်ဢၼ်တူၵ်းသႂ်ႇၵႃႈၼိူဝ်မၼ်းၶိူဝ်းၶိူဝ်းယႂ်းယႂ်းၼၼ်ႉသေယဝ်ႉႁႂ်ႈၽၵ်းယိူဝ်ႈၽၵ်းၶဵဝ်ဢွၵ်ႇမႃးပုၼ်ႈၶဝ်ၸိူဝ်းဢၼ်ၽုၵ်ႇသွမ်ႈတၵ်းသုင်းသွင်ႇၼၼ်ႉလႆႈၶၢမ်ႇတၢင်းလီမင်ႇၵလႃႇၵႃႈတီႈၽြႃးပဵၼ်ၸဝ်ႈဢေႃႈ။

၈ လိၼ်ဢၼ်ၸၢင်ႊႁႂ်ႈဢွၵ်ႇတူၼ်ႈၼၢမ်ၵူႈၸိူဝ်ႉၵူႈပိူင်ၼၼ်ႉဢမ်ႇမီးဢၵျူဝ်း။ၶိင်ႇဢၼ်တၵ်းလႆႈၶၢမ်ႇတၢင်းဢၼ်ၵိၼ်ႇဝႃႈၼႂ်းတီႈသုတ်းၼၼ်ႉတၵ်းလႆႈၶၢမ်ႇတၢင်းဢၼ်ႆးၸုတ်ႇပႅတ်ႈဢေႃႈ။

တၢင်းဢၼ်ပၼ်ႁႅင်းၵူၼ်းယုမ်ႇမၢတ်ႈဢၼ်ၸႅတ်ႈမၢၼ်ႇ

၉ ပဵၵ်ႉသမ်ႉႁဝ်းလၢတ်ႈၸိူဝ်ႉၼင်ႇၼၼ်သေၵေႃႈၵေႃႉဢၼ်ၵဝ်ႁၵ်ႉၶဝ်ဢိူၺ်း၊ႁဝ်းတူၵ်းၵၢင်ၸႂ်လွင်ႈဢၼ်သူၸၢပ်ႈသႅင်ႇၵၼ်တင်းလွင်ႈတၢင်းဢၼ်ယဵင်ႈၶႅၼ်းလီဢိၵ်ႇတင်းလွင်ႈတၢင်းဢၼ်ၵိုင်ႇထိူၵ်ႈၵၼ်တင်းတၢင်းဢၼ်ၵႄႇၶျွတ်ႈဢဝ်ၸိူဝ်းၼၼ်ႉယူႇဢေႃႈ။

၁၀ လွင်ႈမၼ်းၸမ်းၽြႃးပဵၼ်ၸဝ်ႈဢမ်ႇႁဵတ်းလွင်ႈတၢင်းဢၼ်ဢမ်ႇတြႃးတေႃႇထိုင်ႁွတ်ႈထၢၼ်ႈပေႃးလိုမ်းပႅတ်ႈတၢင်းႁဵတ်းသူဢိၵ်ႇတင်းမႅတ်ႈတႃႇသူဢၼ်သူထွၵ်ႈလူၺ်ႈၼႃႇမႃႉၸိုဝ်သဵင်မၼ်းၸဝ်ႈသေလႄႈႁဵတ်းလဵင်ႉႁဵတ်းလူၵူၼ်းမူတ်းၸၢင်ႇတင်းလၢႆမိူဝ်ႈဢွၼ်ၼႆႉၼၼ်ႉၵူၺ်းဢမ်ႇၵႃး၊တေႃႈလဵဝ်ၼႆႉၵေႃႈယင်းႁဵတ်းလဵင်ႉႁဵတ်းလူယူႇၼၼ်ႉဢေႃႈ။

၁၁ ႁဝ်းမီးဢလူဝ်ႇၶႂ်ႈႁႂ်ႈသူၵူႈၵေႃႉၼႄပျႃးလုမ်းလႃးဝီႉရီႉယႃႉၵႆႉၶတ်းၸႂ်ႁဵတ်းၸိူဝ်ႉၼင်ႇၼၼ်လႄႈတဵမ်ဝႆႉတင်းတၢင်းဢၼ်မုင်ႈထႃႈမွင်းထႃႈဢၼ်ၵၢင်းလွတ်ႈတင်းတၢင်းဢၼ်ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈၼၼ်ႉတေႃႇထိုင်ႁွတ်ႈတီႈသုတ်းတီႈၵွႆပုၼ်ႉလႄႈ

၁၂ ႁႂ်ႈသူလႆႈၵၢင်းလွတ်ႈတင်းတၢင်းဢၼ်ၶၢၼ်ႉဢၼ်ဢိူၼ်လႄႈၵမ်ၵျၢင်ႉၸိူဝ်ႉၼင်ႇၶဝ်ၸိူဝ်းဢၼ်လႆႈၶၢမ်ႇဢမူၺ်ႇၵတိၸဝ်ႈၵွပ်ႈပိူဝ်ႈတၢင်းဢၼ်ယုမ်ႇမၢတ်ႈဢိၵ်ႇတင်းတၢင်းဢၼ်ယိူၼ်ႉၶၢမ်ႇၼၼ်ႉဢေႃႈ။

ၵတိၽြႃးပဵၼ်ၸဝ်ႈဢမ်ႇလႅၵ်ႈလၢႆ

၁၃ မိူဝ်ႈဢၼ်ၽြႃးပဵၼ်ၸဝ်ႈဝႆႉၵတိၵႃႈတီႈဢႃႇပြႁၢမ်ႇၼၼ်ႉၵွပ်ႈပိူဝ်ႈဢမ်ႇမီးၵေႃႉဢၼ်ယႂ်ႇမျၢတ်ႈၼႃႇသေမၼ်းၸဝ်ႈပုၼ်ႈဢၼ်တၵ်းလႆႈတိူင်ႇဝႃႈၼၼ်ႉလႄႈမၼ်းၸဝ်ႈတိူင်ႇဝႃႈတီႈတူဝ်ၸဝ်ႈၵဝ်ႇလႄႈဝႃႈ၊-ၵဝ်တၵ်းပၼ်တၢင်းလီတီႈမႂ်းသေႇသေႇဢေႃႈ။

၁၄ ၵဝ်တၵ်းႁႂ်ႈမႂ်းယႂ်ႇၽႄၼမ်ၵိုၼ်းမႃးသေႇသေႇဢေႃႈ၊ဝႃႈၼင်ႇၼႆဢေႃႈ။

၁၅ မႅၼ်ႈၼင်ႇဢၼ်ဝႃႈၼၼ်ႉ၊ဢႃႇပြႁၢမ်ႇယိူၼ်ႉၶၢမ်ႇလႄႈပႂ်ႉထႃႈယူႇယဝ်ႉၸင်ႇလႆႈၶဝ်ႈၸၢမ်ႇၸႃးၵတိၸဝ်ႈဢေႃႈ။

၁၆ ၵူၼ်းႁဝ်းၸၢင်ႊဢဝ်ၵေႃႉဢၼ်ယႂ်ႇသတေူဝ်ၸဝ်ႈၵဝ်ႇၼၼ်ႉလႄႈတိူင်ႇဝႃႈဢေႃႈ။တၢင်းဢၼ်တိူင်ႇဝႃႈၼၼ်ႉႁႂ်ႈတၢင်းဢၼ်တွပ်ႇဢၼ်ထဵင်ၵႃႈမီးထၢတ်ႇယဵၼ်လႄႈပဵၼ်လွင်ႈတၢင်းဢၼ်ႁႂ်ႈမၼ်ႈၶိူင်ႇဢေႃႈ။

၁၇ ၵွပ်ႈႁွႆးၼႆႉၽြႃးပဵၼ်ၸဝ်ႈမီးသၽေႃးဢၼ်ၶႂ်ႈၼႄပျႃးလွင်ႈဢၼ်ဝႃႈတၢင်းၵျၢမ်ႇတၢင်းပွင်မၼ်းၸဝ်ႈၼၼ်ႉဢမ်ႇမီးတၢင်းဢၼ်ၽွၵ်ႈပျၼ်ႇ။တီႈၶဝ်ၸိူဝ်းဢၼ်လႆႈၶၢမ်ႇဢမူၺ်ႇၵတိၸဝ်ႈၼၼ်ႉမၼ်းၸဝ်ႈဢဝ်တင်းတၢင်းဢၼ်တိူင်ႇဝႃႈၼၼ်ႉလႄႈႁႂ်ႈမၼ်ႈၶိူင်ႇဢေႃႈ။

၁၈ လွင်ႈမၼ်းၸမ်းလွင်ႈၼင်ႇႁိုဝ်ႁဝ်းၸိူဝ်းဢၼ်ၶုၼ်ႇလႅၼ်ႈၵႂႃႇႁႂ်ႈလႆႈဢိင်သွၼ်ပိုင်ႈၼၼ်ႉတၵ်းလႆႈဢဵၼ်ႁႅင်းၼႂ်းတၢင်းဢၼ်မုင်ႈထႃႈမွင်းထႃႈဢၼ်ဝႆႉၵႃႈတီႈၽၢႆႇၼႃႈႁဝ်းၼၼ်ႉၽြႃးပဵၼ်ၸဝ်ႈဢမ်ႇပႅတ်ႉဢမ်ႇလႅၼ်ၼႂ်းလွင်ႈတၢင်းဢၼ်ဢမ်ႇၶၢႆႉဢမ်ႇပုတ်ႈဢမ်ႇၽွၵ်ႈပျၢၼ်ႇသွင်ပႃးၼၼ်ႉဢေႃႈ။

၁၉ တၢင်းဢၼ်မုင်ႈထႃႈမွင်းထႃႈၼၼ်ႉၸမ်းမီးဝႆႉတီႈႁဝ်းမိူၼ်ၸိူဝ်ႉၼင်ႇၵျွၵ်ႉသူးၼႂ်းႁူဝ်ၸႂ်ဢၼ်မၼ်ႈၶိူင်ႇၼၼ်ႉလႄႈတႄႇယူႇၶျႃးဝႆႉၵႃႈၼႂ်းၽႃႈၵင်ႈၼၼ်ႉဢေႃႈ။ၸဝ်ႈယေႇသုဢၼ်ပဵၼ်ၶုၼ်ပရေႃးႁိၵ်ႈထႃႇဝရႃႉၸွမ်းၼင်ႇဢရႃႇမေႇလၶိၸေႇတိၵ်ႉၼၼ်ႉပဵၼ်ၽူႈဢၼ်ဢွၼ်ႁူဝ်ႁဝ်းၶဝ်ႈၸူးတီႈၵႃႈၼႂ်းပုၼ်ႉဢေႃႈ။