ၵျၢမ်းပျႃႇတိၵ်ႉ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇
၂
ထိုင်ၸိူဝ်းၸဝ်ႈဝဵင်းဢေႇၽိတိ
၁ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸိူဝ်းၸဝ်ႈဝဵင်းဢေႇၽိတိၼၼ်ႉလႄႈဝႃႈ၊-ဢမိင်ႉၸဝ်ႈဢၼ်ဢဝ်မိုဝ်းၶွၼ်ၶႂႃယိပ်းၵမ်လၢဝ်ၸဵတ်းလုၵ်ႈသေလႄႈၵႂႃႇမႃးယူႇၵႃႈၼႂ်းၶိုင်ႈၵၢင်ၶူင်ႇတီႈတႆႈၽႆးၸဵတ်းဢၼ်ၼၼ်ႉမီးဝႆႉလႄႈဝႃႈၸမ်း၊-ၵဝ်ႁူႉတၢင်းဢၼ်သူၵမ်ၵျၢင်ႉတၢင်းဢၼ်သူယၢပ်ႇၽိုတ်ႇ၊တင်းတၢင်းဢၼ်သူယိူၼ်ႉၶၢမ်ႇၼၼ်ႉဢေႃႈ။
၂ ၵဝ်ႁူႉလွင်ႈတၢင်းဢၼ်သူဢမ်ႇႁပ်ႉတုင်းဢဝ်ၶဝ်ၸိူဝ်းဢၼ်ဢမ်ႇတြႃးဢၼ်သူၸႅတ်ႈထၢမ်ၶဝ်ၸိူဝ်းဢၼ်ဢမ်ႇၸႂ်ႈတမၢၼ်ႇၸဝ်ႈဢၼ်ႁဵတ်းၸိူဝ်ႉၼင်ႇႁၢင်ႊတမၢၼ်ႇၸဝ်ႈၸိူဝ်းၼၼ်ႉလႄႈႁူႉလွင်ႈဢၼ်ၶဝ်ပဵၼ်ၵေႃႉဢၼ်ပႅတ်ႉလႅၼ်ၼၼ်ႉဢေႃႈ။
၃ သူမီးၶၼ်ႇထီႇလႄႈၶၢမ်ႇတၢင်းၽၢၼ်ၵွပ်ႈပိူဝ်ႈၼႃႇမႃႉၸိုဝ်ႈသဵင်ၵဝ်သေၵေႃႈႁႅင်းဢမ်ႇဢူၼ်ႈ။
၄ ၵူၺ်းၵႃႈၵဝ်မီးလွင်ႈဢၼ်တၵ်းလႆႈတၢင်ႇဢပျႅတ်ႈၵႃႈၼိူဝ်သူလူၺ်ႈလွင်ႈတၢင်းဢၼ်သူၸုၼ်ႉပႅတ်ႈတၢင်းႁၵ်ႉမႅတ်ႈတႃႇဢွၼ်တၢင်းၼၼ်ႉဢေႃႈ။
၅ ၶုၵ်းၸႂ်လႆႈတီႈသုင်ဢၼ်သူလႆႈတူၵ်းမႃးၼၼ်ႉတႃႉ။ၶုၵ်းၸႂ်လႆႈမႆႈၸႂ်လႄႈၵမ်ၵျၢင်ႉတၢင်းၵမ်တၢင်းၵျၢင်ႉဢွၼ်တၢင်းၼၼ်ႉတႃႉ။ပေႃးသူယင်းဢမ်ႇၶုၵ်းၸႂ်လႆႈမႆႈၸႂ်ၸိုင်ၵဝ်တၵ်းမႃးတီႈသူလႄႈတၵ်းၶၢႆႉၶူင်ႇတီႈတႆႈၽႆးသူၼၼ်ႉပႅတ်ႈဢေႃႈ။
၆ ၼႂ်းဝႃႈၼၼ်သေၵေႃႈသူတၵ်းလႆႈၶၢမ်ႇတၢင်းဢၼ်ႁဵတ်းၵျေးၸူးၵွပ်ႈပိူဝ်ႈသူဢမ်ႇလူဝ်ႇဢမ်ႇၵျိူၵ်ႈတၢင်းၵမ်တၢင်းၵျၢင်ႉတပႄးၼိၵေႃႉလတင်းလၢႆဢၼ်ၵဝ်ဢမ်ႇထုၵ်ႇၸႂ်ၼၼ်ႉဢေႃႈ။
၇ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆ၊ႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။တီႈၵေႃႉဢၼ်ပႄႉၼႅင်ႇၼၼ်ႉၵဝ်တၵ်းပၼ်ဢၶႂၢင်ႉႁႂ်ႈလႆႈၵိၼ်မၢၵ်ႇတူၼ်ႈဢသၢၵ်ႈဢၼ်မီးၼႂ်းသူၼ်ပႃႇရတိသုၽြႃးပဵၼ်ၸဝ်ႈၼၼ်ႉဢေႃႈ။
ထိုင်ၸိူဝ်းၸဝ်ႈဝဵင်းသမိုဝ်ႇၼ
၈ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸိူဝ်းၸဝ်ႈဢၼ်မီးယူႇၵႃႈၼႂ်းဝဵင်းသမိုဝ်ႇၼၼၼ်ႉလႄႈဝႃႈ၊-ဢမိင်ႉၸဝ်ႈဢၼ်ပဵၼ်ၸဝ်ႈဢွၼ်တၢင်းၸဝ်ႈလိုၼ်းသုတ်းၸဝ်ႈဢၼ်လႆႈတၢႆယဝ်ႉသေလႄႈသမ်ႉဢသၢၵ်ႈလိပ်းယူႇၼၼ်ႉ၊မီးဝႆႉလႄႈဝႃႈၸမ်း၊-
၉ ၵဝ်ႁူႉတၢင်းဢၼ်သူၶၢမ်ႇတုၵ်ႉၶႃႉတၢင်းဢၼ်သူယၢၵ်ႈၽၢၼ်ၼၼ်ႉယူႇဢေႃႈ။ၵူၺ်းၵႃႈသူတဵမ်ထူၼ်ႈလိူင်ႇၸႂ်ယူႇဢေႃႈ။ၵဝ်ႁူႉတၢင်းသေႉသွမ်းၶဝ်ၸိူဝ်းဢၼ်ႁဵတ်းၸိူဝ်ႉၼင်ႇႁၢင်ႊပဵၼ်ၵူၼ်းယုတလႄႈဢမ်ႇၸႂ်ႈၵူၼ်းယုတပဵၼ်မုၵ်ႉၸုမ်းၸႃႇတၢၼ်ႇမႃႇၼၢတ်ႈၼၼ်ႉဢေႃႈ။
၁၀ ယႃႇၵူဝ်လွင်ႈတၢင်းဢၼ်သူတၵ်းလႆႈၶၢမ်ႇသေၸိူဝ်ႉသေပိူင်ၼၼ်ႉ။ၸႃႇတၢၼ်ႇမႃႇၼၢတ်ႈတၵ်းဢဝ်ၼႂ်းသူၼႆႉၵမ်ႈၽွင်ႈၶင်ဝႆႉၵႃႈၼႂ်းထွင်ႇႁႂ်ႈသူလႆႈၶၢမ်ႇတၢင်းဢၼ်ၸၢမ်းတူၺ်းလႄႈသိပ်းဝၼ်းတဵမ်တဵမ်သူတၵ်းလႆႈၶၢမ်ႇတုၵ်ႉၶႃႉတၢင်းၽၢၼ်ဢေႃႈ။ပႂ်ႉသႅတ်ႈၸႃႇယူႇတေႃႇထိုင်ႁွတ်ႈထၼ်ႈပေႃးတၢႆတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်ၵဝ်တၵ်းပၼ်သရၽူႇဢသၢၵ်ႈတီႈသူဢေႃႈ။
၁၁ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။ၵေႃႉဢၼ်ပႄႉၼႅင်ႇၼၼ်ႉတၢင်းတၢႆတုတိယတၵ်းဢမ်ႇလႆႈၼိၵ်ႈၸၢၵ်ႈငႅၼ်းသေးမၼ်း။
ထိုင်ၸိူဝ်းၸဝ်ႈဝဵင်းပေႇရၵမ်ႇ
၁၂ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸဝ်ႈဢၼ်မီးယူႇၵႃႈၼႂ်းဝဵင်းပေႇရၵမ်ႇၼၼ်ႉလႄႈဝႃႈ၊-ဢမိင်ႉၸဝ်ႈဢၼ်မီးလၢပ်ႇသၢၼ်ႇလျၢၵ်ႈဢၼ်မီးၶူမ်းသွင်ၽၢႆႇဢၼ်ၽၢႆၼႃႇၼၼ်ႉၸမ်း၊-ၵဝ်ႁူႉတီႈယူႇသူဢၼ်ပဵၼ်ရႃႇၸႃႉပလၢင်ႇၸႃႇတၢၼ်ႇမႃႇၼၢတ်ႈၼၼ်ႉဢေႃႈ။
၁၃ ၼႂ်းဝႃႈၼၼ်သေၵေႃႈသူယင်းၸွႆးၸပ်းယိပ်းၵမ်ၼႃႇမႃႉၸိုဝ်ႈသဵင်ၵဝ်လႄႈဢမ်ႇၸုၼ်ႉဢမ်ႇပႄႇတြႃးတၢင်းဢၼ်ယုမ်ႇမၢတ်ႈၵဝ်ၼႂ်းၶိင်ႇၵႃႇလႃႉမိူဝ်ႉဝၼ်းဢၢၼ်ႇတိပဢၼ်ပဵၼ်ၵေႃႉဢၼ်မီးသႅတ်ႈၸႃႇလႄႈလႆႈၶၢမ်ႇသၢၵ်ႈသေႇၽၢႆႇၵဝ်ဢၼ်လႆႈၶၢမ်ႇတၢင်းဢၼ်ဢဝ်တၢႆၼႂ်းဝဵင်းသူတီႈဢၼ်ၸႃႇတၢၼ်ႇမႃႇၼၢတ်ႈယူႇၼၼ်ႉဢေႃႈ။
၁၄ ၵူၺ်းၵႃႈၵဝ်မီးတီႈဢၼ်တၵ်းတၢင်ႇဢပျႅတ်ႈတီႈသူဢိတ်းၼိုင်ႈယူႇဢေႃႈ။ၵႃႈတီႈသူၼၼ်ႉမီးၶဝ်ၸိူဝ်းဢၼ်ၸွႆးၸပ်းဢယူႇပႃႇလၵေႃႉဢၼ်ပၼ်တၢင်းၵျၢမ်ႇတၢင်းပွင်တီႈၶုၼ်ပႃလိၵ်ႁႂ်ႈဢဝ်လွင်ႈတၢင်းဢၼ်တၵ်းတိူဝ်ႉမႅၼ်ႈလႄႈလူမ်ႉၼၼ်ႉဝႆႉၵႃႈတီႈၽၢႆႇၼႃႈၵူၼ်းဢိသရေႇလတင်းလၢႆလႄႈႁႂ်ႈၶဝ်ၵိၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉႁႂ်ႈၶဝ်ႁဵတ်းမေႇထုင်ႇဢၼ်ဢမ်ႇတြႃးၸိူဝ်းၼၼ်ႉဢေႃႈ။
၁၅ ၶဝ်ၸိူဝ်းဢၼ်ၸွႆးၸပ်းဢယူႇတပႄးၼိၵေႃႇလတင်းလၢႆဢၼ်သၽေႃးမိူၼ်ၸိူဝ်ႉၼင်ႇဢယူႇၼၼ်ႉၵမ်ႈၽွင်ႈၵေႃႈမီးၵႃႈတီႈသူယူႇဢေႃႈ။ပိူဝ်ႈၼႆလႄႈၶုၵ်းၸႂ်လႆႈမႆႈၸႂ်တႃႉ။
၁၆ ပေႃးဢမ်ႇၼၼ်ၵဝ်တၵ်းၸဵဝ်းမႃးတီႈသူလႄႈတၵ်းဢဝ်တင်းလၢပ်ႇသၢၼ်ႇလျၢၵ်ႈဢၼ်မီးတီႈသူပ်းၵဝ်ၼႆႉၼၼ်ႉတိုၵ်းတေႃးၶဝ်ဢေႃႈ။
၁၇ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။တီႈၵေႃႉဢၼ်ပႄႉၼႅင်ႇၼၼ်ႉၵဝ်တၵ်းပၼ်မၼ်ႇၼႃႉဢၼ်သိူင်ႇဝႆႉမႅပ်းဝႆႉဢိၵ်ႇတင်းမၢၵ်ႇႁိၼ်ၽိူၵ်ႇလုၵ်ႈၼိုင်ႈဢၼ်မီးၼႃႇမႃႉၸိုဝ်ႈသဵင်ဢၼ်မႂ်ႇဢၼ်ဢဝ်တင်းတူဝ်လိၵ်ႈဢႅၵ်ႉၶရႃႇတၢင်ႇဝႆႉၵႃႈၼိူဝ်ၼၼ်ႉဢေႃႈ။လိူဝ်သေၵေႃႉဢၼ်လႆႈမၢၵ်ႇႁိၼ်ၼၼ်ႉၽူႈလႂ်ဢမ်ႇႁူႉၼႃႇမႃႉၸိုဝ်ႈသဵင်ၼၼ်ႉလႆႈ။
ထိုင်ၸိူဝ်းၸဝ်ႈဝဵင်းသႂႃႇတိရ
၁၈ တႅမ်ႈၸိူဝ်ႉၼင်ႇၼႆသေလႄႈပၼ်ၵႂႃႇတီႈတမၢၼ်ႇၸိူဝ်းၸဝ်ႈဢၼ်မီးယူႇၵႃႈၼႂ်းဝဵင်းသႂႃႇတိရၼၼ်ႉလႄႈဝႃႈ၊-ဢမိင်ႉလုၵ်ႈၽြႃးပဵၼ်ၸဝ်ႈဢၼ်မၢၵ်ႇတႃမိူၼ်ၸိူဝ်ႉၼင်ႇပိဝ်ၽႆးလႄႈတိၼ်မိူၼ်ၸိူဝ်ႉၼင်ႇတွင်းလိူင်ၸႅတ်ႈၸႅတ်ႈၼၼ်ႉမီးဝႆႉလႄႈဝႃႈၸမ်း၊-
၁၉ ၵဝ်ႁူႉတၢင်းဢၼ်သူၵမ်ၵျၢင်ႉတၢင်းဢၼ်သူႁၵ်ႉပႅင်း၊တၢင်းဢၼ်သူယုမ်ႇမၢတ်ႈ၊ဢမူႉတၢင်းဢၼ်သူႁဵတ်းပွင်၊တၢင်းဢၼ်သူယိူၼ်ႉၶၢမ်ႇဢိၵ်ႇတင်းတၢင်းဢၼ်သူႁဵတ်းယူႇတေႃႈလဵဝ်ဝႆႉၼမ်သေတၢင်းဢၼ်သူႁဵတ်းဢွၼ်တၢင်းၼၼ်ႉယူႇဢေႃႈ။
၂၀ ၼႂ်းဝႃႈၼၼ်သေၵေႃႈၵဝ်မီးတီႈတၢင်ႇဢပျႅတ်ႈတီႈသူၵွပ်ႈပိူဝ်ႈသူပၼ်ဢၶႂၢင်ႉမေႈယိင်းယေႇၸပေႇလဢၼ်ႁွင်ႉတူဝ်ၸဝ်ႈၵဝ်ႇပဵၼ်ပရေႃးၽႅတ်ႈမေႈယိင်းၼၼ်ႉဢေႃႈ။မၼ်းဢဝ်တၢင်းသင်ႇသွၼ်မၼ်းလႄႈၸူဝ်းဢဝ်ၶႃႈၵူၼ်းၸႂ်ႉၵဝ်တင်းလၢႆႁႂ်ႈၶဝ်ႁဵတ်းမေႇထုင်ႇဢၼ်ဢမ်ႇတြႃးႁႂ်ႈၶဝ်ၵိၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉၼၼ်ႉဢေႃႈ။
၂၁ ပဵၵ်ႉသမ်ႉၵဝ်ပၼ်ၶိင်ႇၵႃႇလႃႉပုၼ်ႈဢၼ်မၼ်းတၵ်းၶုၵ်းၸႂ်လႆႈမႆႈၸႂ်သေၵေႃႈမၼ်းဢမ်ႇမီးၸႂ်ဢၼ်ၶႂ်ႈၶုၵ်းၸႂ်လႆႈမႆႈၸႂ်လူၺ်ႈမေႇထုင်ႇဢၼ်ဢမ်ႇတြႃးတူဝ်ၸဝ်ႈၵဝ်ႇၼၼ်ႉ။
၂၂ ပိူဝ်ႈၼႆလႄႈၵဝ်တၵ်းဢဝ်မၼ်းၶျႃးဝႆႉၵႃႈၼိူဝ်တီႈၼွၼ်းတုၵ်ႉၶႃႉတၢင်းၽၢၼ်ၼၼ်ႉဢေႃႈ။ၶဝ်ၸိူဝ်းဢၼ်ႁဵတ်းမေႇထုင်ႇဢၼ်ဢမ်ႇတြႃးလူၺ်ႈၵၼ်တင်းမၼ်းၸိူဝ်းၼၼ်ႉၵေႃႈပေႃးၶဝ်ယင်းဢမ်ႇၶုၵ်းၸႂ်လႆႈမႆႈၸႂ်ၸိုင်ၵဝ်တၵ်းႁႂ်ႈၶဝ်ႁွတ်ႈထိုင်ၵႃႈတီႈတုၵ်ႉၶႃႉတၢင်းၽၢၼ်ဢၼ်ယႂ်ႇၼႃႇၼၼ်ႉဢေႃႈ။
၂၃ လုၵ်ႈလၢင်းမၼ်းတင်းလၢႆၵေႃႈၵဝ်တၵ်းႁႂ်ႈတၢႆပႅတ်ႈလူၺ်ႈတၢင်းတၢႆဢေႃႈ။ပေႃးၼႆၸင်ႇၸိူဝ်းၸဝ်ႈတင်းသဵင်ႈတင်းလူင်တၵ်းလႆႈႁူႉလွင်ႈဢၼ်ၵဝ်ပဵၼ်ၵေႃႉဢၼ်ၸႅတ်ႈထၢမ်ၸႅတ်ႈတူၺ်းတပ်းပွတ်ႇႁူဝ်ၸႂ်ၼၼ်ႉဢေႃႈ။ၵဝ်တၵ်းပၼ်ဢၵျူဝ်းဢပျႅတ်ႈၸွမ်းၵႃႈၼင်ႇဢၼ်သူႁဵတ်းၼၼ်ႉဢေႃႈ။
၂၄ ၵဝ်ဝႃႈတီႈၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇယူႇၵႃႈၼႂ်းဝဵင်းသႂႃႇတိရဢၼ်ဢမ်ႇဢဝ်ဢယူႇမိၵ်ႉသႃႇတိၵ်ႉထိဢၼ်ဢမ်ႇမိုတ်ႈဢမ်ႇၵိုဝ်းလွင်ႈတၢင်းဢၼ်လိုၵ်ႉဢၼ်လမ်ႇၸႃႇတၢၼ်ႇမႃႇၼၢတ်ႈမႅၼ်ႈၸိူဝ်ႉၼင်ႇဢၼ်ၶဝ်ႁွင်ႉႁိၵ်ႈဝႃႈဢယူႇမိၵ်ႉသႃႇတိၵ်ႉထိၼၼ်ႉၸမ်းသူဢွၼ်ၵၼ်ယိပ်းၵမ်ၵႃႈဢၼ်သူလႆႈၸိူဝ်းၼၼ်ႉတေႃႇထိုင်ႁွတ်ႈမိူဝ်ႈဢၼ်ၵဝ်မႃးၼၼ်ႉတႃႉ။
၂၅ လိူဝ်သေၼၼ်ႉၵဝ်ဢမ်ႇဢဝ်ၶူဝ်းတၢင်ႇၸိူဝ်ႉတၢင်ႇပိူင်တၢင်ႇသႂ်ႇၵႃႈၼိူဝ်သူ။တီႈၵေႃႉဢၼ်ပႄႉၼႅင်ႇလႄႈ
၂၆ ႁဵတ်းၸွမ်းဢလူဝ်ႇၵဝ်တေႃႇထိုင်ႁွတ်ႈတီႈသုတ်းတီႈၵွႆၼၼ်ႉၵဝ်တၵ်းပၼ်ဢၶႂၢင်ႉႁႂ်ႈလႆႈဢုပ်ႉပိူင်ႇၵူၼ်းမဵဝ်းတင်းလၢႆ
၂၇ ၵႃႈၼင်ႇဢၼ်ပေႃႈၵဝ်ပၼ်ဢၶႂၢင်ႉတီႈၵဝ်ၼၼ်ႉလႄႈမၼ်းၼၼ်ႉတၵ်းဢဝ်တင်းၵၼ်းႁွၵ်ႇလဵၵ်းဢုပ်ႉပိူင်ႇလႄႈတၵ်းယႃႉၶဝ်တႅၵ်ႇပႅတ်ႈမိူၼ်ၸိူဝ်ႉၼင်ႇ
၂၈ ယႃႉတႅၵ်ႇပႅတ်ႈမေႃႈလိၼ်ၼၼ်ႉဢေႃႈ။လၢဝ်လႅင်းၵေႃႈၵဝ်တၵ်းပၼ်တီႈမၼ်းဢေႃႈ။
၂၉ ဝိၺိၺ်ႇၸဝ်ႈမီးဢမိင်ႉတီႈၸိူဝ်းၸဝ်ႈတင်းလၢႆၸိူဝ်ႉၼင်ႇႁိုဝ်ဝႃႈၼႆႁႂ်ႈၵေႃႉဢၼ်မီးႁူၼၼ်ႉငိၼ်းသေၵမ်းလူၺ်ႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ