Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၁၀ 

လွင်ႈတၢင်းဢၼ်ႁဵတ်းဝၢတ်ႈၵူဝ်းၵႂၢႆႇရူၵ်ႈထူႉသၢင်းထူႉၼႂ်းထိူၼ်ႇ

၁ ပီႈၼွင်ႉၶဝ်ဢိူၺ်း၊ၵဝ်ဢမ်ႇၶႂ်ႈႁႂ်ႈသူဢမ်ႇမၢတ်ႈဢမ်ႇတွင်းလွင်ႈဢၼ်ပူႇမွၼ်ႇႁဝ်းၵႃႈမီးတင်းသဵင်ႈတင်းလူင်လႆႈယူႇၵႃႈတႂ်ႈမွၵ်ႇၵုမ်ႈလႄႈပႆၵႂႃႇၵႃႈၼႂ်းၵၢင်ပၢင်ႇလၢႆႇ၊ၶဝ်လႆႈၶၢမ်ႇပပ်ႉတိၸၢမ်ႇ

၂ ၵႃႈၼႂ်းမွၵ်ႇၵုမ်ႈတင်းပၢင်ႇလၢႆႇၸွမ်းမုဝ်းသေႇၶဝ်လႆႈၵိၼ်တၢင်းၵိၼ်ဝိၺိၺ်ႇလူၺ်ႈၵၼ်လႆႈၵိၼ်ၼမ်ႉဝိၺိၺ်ႇလူၺ်ႈၵၼ်၊

၃ ၶဝ်ၵိၼ်ၼမ်ႉဢၼ်ဢွၵ်ႇၵႃႈၼႂ်းမၢၵ်ႇႁိၼ်ဝိၺိၺ်ႇဢၼ်ၸွမ်းလူၺ်ႈၵၼ်တင်းၶဝ်ၼၼ်ႉဢေႃႈ။

၄ မၢၵ်ႇႁိၼ်ၼၼ်ႉၸမ်းပဵၼ်ၸဝ်ႈၶရိၸ်ႉဢေႃႈ။ၵူၺ်းၵႃႈၼႂ်းၶဝ်ၼၼ်ႉၵူၼ်းၼမ်ၼႃႇဢမ်ႇထုၵ်ႇၸႂ်ၽြႃးပဵၼ်ၸဝ်ႈ။

၅ ၶဝ်ၼၼ်ႉလႆႈႁွတ်ႈထိုင်တၢင်းဢၼ်လူႉလႅဝ်လႄႈႁၢႆလၢႆၼႂ်းထိူၼ်ႇဢေႃႈ။

၆ ၼင်ႇႁိုဝ်ႁဝ်းတၵ်းဢမ်ႇၸပ်းၸွႆးဢၼ်ဢမ်ႇလီၼၼ်ႉၸိုင်လွင်ႈတၢင်းၸိူဝ်းၼၼ်ႉပဵၼ်ပုင်ႇသၢၵ်ႈသေႇပုၼ်ႈႁဝ်းဢေႃႈ။

၇ ယႃႇပေၵူဝ်းၵႂၢႆႇရူၵ်ႈထူႉမိူၼ်ၸိူဝ်ႉၼင်ႇဢၼ်ၶဝ်ၵမ်ႈၽွင်ႈၵူဝ်းၵႂၢႆႇၼၼ်ႉ။ဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်းၵူၼ်းတင်းလၢႆဢွၼ်ႈၵၼ်ၼင်ႈလႄႈႁႂ်ႈလႆႈၵိၼ်ၶူပ်းဢေႃႈ။လိုၼ်းၼၼ်ႉဢွၼ်ၵၼ်လုၵ်ႉႁႂ်ႈလႆႈၵႃႈဝႅၼ်ဢေႃႈ၊ဝႃႈၼင်ႇၼႆဢေႃႈ။

၈ ယႃႇပေႁဵတ်းမေႇထုင်ႇဢၼ်ဢမ်ႇတြႃးမိူၼ်ၸိူဝ်ႉၼင်ႇၶဝ်ၵမ်ႈၽွင်ႈႁဵတ်းၼၼ်ႉ။

၉ ၼႂ်းဝၼ်းၼိုင်ႈၵူၺ်းၵူၼ်းသွင်မိုၼ်ႇပၢႆသၢမ်ႁဵင်လူမ်ႉတၢႆဢေႃႈ။ယႃႇပေႁဵတ်းတၢင်းဢၼ်ၸၢမ်းတူၺ်းယႃႉယုၵ်ႉၸဝ်ႈၶရိၸ်ႉမိူၼ်ၸိူဝ်ႉၼင်ႇၶဝ်ၵမ်ႈၽွင်ႈႁဵတ်းလႄႈလႆႈၶၢမ်ႇငူးတွတ်ႇတၢႆၼၼ်ႉ။

၁၀ ယႃႇပေပွင်ႉလႃႇပွင်ႉဝႃႈမိူၼ်ၸိူဝ်ႉၼင်ႇၶဝ်ၵမ်ႈၽွင်ႈပွင်ႉလႃႇပွင်ႉဝႃႈလႄႈလႆႈႁွတ်ႈထိုင်တၢင်းလူႉတၢင်းလႅဝ်ၵႃႈၼႂ်းမိုဝ်းၵေႃႉဢၼ်ယႃႉပႅတ်ႈၼၼ်ႉ။

၁၁ လွင်ႈတၢင်းၵႃႈမီးတင်းသဵင်ႈတင်းလူင်လႆႈပဵၼ်မႃးတီႈၶဝ်ႁႂ်ႈလႆႈပဵၼ်ပုင်ႇသၢၵ်ႈသေႇဝႆႉလႄႈတႅမ်ႈဝႆႉၼႂ်းၵျၢမ်းလိၵ်ႈႁႂ်ႈလႆႈပဵၼ်ပုၼ်ႈဢၼ်တၵ်းသင်ႇသွၼ်ႁဝ်းတီႈသုတ်းၵၢပ်ႈၵႃႇလႃႉၼႆႉဢေႃႈ။

၁၂ ပိူဝ်ႈၼႆလႄႈၼင်ႇႁိုဝ်ၵေႃႉဢၼ်ထၢင်ႇတူဝ်ၸဝ်ႈၵဝ်ႇတႄႇၼိမ်ယူႇၼၼ်ႉတၵ်းဢမ်ႇလႆႈလူမ်ႉၸိုင်ႁႂ်ႈမၼ်းႁဵတ်းသတိတႃႉ။

၁၃ သူလႆႈၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉဢၼ်ၸၢင်ႊပဵၼ်တီႈၵူၼ်းၼၼ်ႉၵူၺ်းဢေႃႈ။ၽြႃးပဵၼ်ႈၸဝ်ႈတဵမ်ဝႆႉတင်းသႅတ်ႈၸႃႇလႄႈဢမ်ႇပၼ်ဢၶႂၢင်ႉႁႂ်ႉႈသူလႆႈႁွတ်ႈထိုင်တၢင်းဢၼ်ၸၢမ်းတူၺ်းယႃႉယူၵ်ႉဢၼ်သူဢမ်ႇၶၢမ်ႇလႆႈၼၼ်ႉ။ၼင်ႇႁိုဝ်သူတၵ်းၶၢမ်ႇလႆႈၸိုင်မၼ်းၸဝ်ႈတၵ်းမႄးႁဵတ်းသဵၼ်ႈတၢင်းဢၼ်လွတ်ႈဢွၵ်ႇၵႂႃႇလႆႈၼႂ်းတၢင်းဢၼ်ၸၢမ်းတူၺ်းယႃႉယူၵ်ႉၼၼ်ႉယူႇဢေႃႈ။

ဢမ်ႇလႆႈႁဵတ်းပွႆးႁဵတ်းလၢမ်းရူၵ်ႈထူႉသၢင်းထူႉ

၁၄ ပိူဝ်ႈၼႆလႄႈၵေႃႉဢၼ်ၵဝ်ႁၵ်ႉၶဝ်ဢိူၺ်းဝေႈပႅတ်ႈတၢင်းဢၼ်ၵူဝ်းၵႂၢႆႇရူၵ်ႈထူႉတႃႉ။ၵဝ်မၢတ်ႈသူပဵၼ်ၸိူဝ်ႉၼင်ႇၵူၼ်းဢၼ်မီးပိင်ႇၺႃႇလႄႈၸင်ႇလၢတ်ႈဢေႃႈ။

၁၅ ၶႆႈၸႂ်တူၺ်းၵႂၢမ်းၵဝ်လႄႈၸီႇယၢင်ႇတႃႉ။ၵွၵ်းမင်ႇၵလႃႇတၢင်းဢၼ်ႁဝ်းယွင်ႈယေႃးၵျေးၸူးၸဝ်ႈၼၼ်ႉၸမ်းပဵၼ်တၢင်းဢၼ်ႁူမ်ႈပႃးၵၼ်တင်းလိူတ်ႈၸဝ်ႈၶရိၸ်ႉဢမ်ႇၸႂ်ႈႁိုဝ်။

၁၆ ၶဝ်ႈမုၼ်းႁူၺ်ႇၼိုင်ႈဢၼ်ႁဝ်းမိတ်းၵိၼ်ၼၼ်ႉၵေႃႈပဵၼ်တၢင်းဢၼ်ႁူမ်ႈပႃးၵၼ်တင်းတူဝ်ၸဝ်ႈၶရိၸ်ႉဢမ်ႇၸႂ်ႈႁိုဝ်။

၁၇ ပိူဝ်ႈဢၼ်ႁဝ်းၵႃႈမီးတင်းသဵင်ႈႁူမ်ႈပႃးၶၢမ်ႇဢဝ်ၶဝ်ႈမုၼ်းႁူၺ်ႇလဵဝ်ၼၼ်ႉလႄႈႁဝ်းပဵၼ်တူဝ်ဢၼ်လဵဝ်ၵၼ်ဢေႃႈ။

၁၈ တူၺ်းၸိူဝ်ႉၶိူဝ်းဢိသရေႇလၸိူဝ်းၼၼ်ႉတႃႉ။ၶဝ်ၸိူဝ်းဢၼ်ၵိၼ်တူဝ်ယိၸ်ႉၼၼ်ႉပဵၼ်ၵေႃႉဢၼ်ႁူမ်ႈပႃးၵၼ်တင်းယိၸ်ႉပလၢင်ႇဢမ်ႇၸႂ်ႈႁိုဝ်။

၁၉ မိူဝ်ႈဢၼ်ဝႃႈၸိူဝ်ႉၼင်ႇၼႆၼၼ်ႉၵဝ်ၶႂ်ႈဝႃႈၸိူဝ်ႉၼင်ႇႁိုဝ်။ၵဝ်ဢမ်ႇၸႂ်ႈၶႂ်ႈဝႃႈရူၵ်ႈထူႉၼၼ်ႉမီးတီႈမၢတ်ႈ။တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉၼၼ်ႉၵေႃႈမီးတီႈမၢတ်ႈ။

၂၀ ယိၸ်ႉဢၼ်ၶဝ်ပုၵ်ႉၸေႃႇၼၼ်ႉၶဝ်ပုၵ်ႉၸေႃႇတီႈၽြႃးပဵၼ်ၸဝ်ႈဢမ်ႇၸႂ်ႈ။ပုၵ်ႉၸေႃႇတီႈၽီႁၢႆႉဢေႃႈ။ၵဝ်ဢမ်ႇမီးဢလူဝ်ႇၶႂ်ႈႁႂ်ႈသူႁူမ်ႈပႃးသိူၵ်ႈသမ်ႇၵၼ်တင်းၽီႁၢႆႉ။

၂၁ သူဢမ်ႇၵိၼ်ၵွၵ်းၽြႃးပဵၼ်ၸဝ်ႈတင်းၵွၵ်းၽီႁၢႆႉသွင်ဢၼ်ၸွမ်းၵၼ်လႆႈ။သူဢမ်ႇၵိၼ်တီႈၽိူၼ်ၽြႃးပဵၼ်ၸဝ်ႈဢိၵ်ႇတင်းၽိူၼ်ၽီႁၢႆႉသွင်တီႈၼၼ်ႉလႆႈ။

၂၂ ၸွင်ႇႁဝ်းႁဵတ်းႁႂ်ႈတၢင်းၸႂ်မႆႈၽြႃးပဵၼ်ၸဝ်ႈဢွၵ်ႇႁိုဝ်။ၸွင်ႇႁဝ်းႁႅင်းယႂ်ႇသေၽြႃးပဵၼ်ၸဝ်ႈႁိုဝ်။

ႁဵတ်းၵႃႈမီးတင်းသဵင်ႈပုၼ်ႈမူၼ်ၽုင်းၽြႃးပဵၼ်ၸဝ်ႈ

၂၃ ၵဝ်မီးဢၶႂင်ႉလႆႈႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်ယူႇဢေႃႈ။ၵူၺ်းၵႃႈလွင်ႈတၢင်းၵႃႈမီးတင်းသဵင်ႈတင်းလူင်ပၼ်ဢၵျူဝ်းဢမ်ႇၸႂ်ႈ။

၂၄ ၵဝ်မီးဢၶႂင်ႉလႆႈႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်ယူႇဢေႃႈ။ၵူၺ်းၵႃႈလွင်ႈတၢင်းၵႃႈမီးတင်းသဵင်ႈတင်းလူင်ၸၢင်ႊမေႃႁဵတ်းႁႂ်ႈပိူၼ်ႈတႄႇပဵၼ်ဢမ်ႇၸႂ်ႈ။

၂၅ ယႃႇပေႁႂ်ႈၽူႈလႂ်ႁႃဢၵျူဝ်းပုၼ်ႈတူဝ်ၸဝ်ႈၵဝ်ႇ။ႁႂ်ႈၵူၼ်းၵူႈၵေႃႉႁႃဢၵျူဝ်းပုၼ်ႈပိူၼ်ႈတႃႉ။

၂၆ ၸွမ်းလူၺ်ႈၸႂ်ဢၼ်ႁူႉတူဝ်ၸဝ်ႈၵဝ်ႇၼၼ်ႉလႄႈယင်းဢမ်ႇၸႅတ်ႈဢမ်ႇထၢမ်တူၺ်းၵႃႈသင်လႄႈၵိၼ်ၼိူဝ်ႉဢၼ်ၶၢႆၵႃႈၼႂ်းၵၢတ်ႇၼၼ်ႉတႃႉ။

၂၇ လွင်ႈမၼ်းၸမ်းထႃႇဝရႃႉၽြႃးပိူင်ႇလိၼ်မိူင်းဢိၵ်ႇတင်းၶိူင်ႈပိူင်ဢၼ်မီးၵႃႈၼႂ်းလိၼ်မိူင်းၼႆႉဢေႃႈ။ပေႃးၵေႃႉဢၼ်ဢမ်ႇယုမ်ႇမၢတ်ႈၼၼ်ႉႁွင်ႉပၢင်းသူၸိုင်ၸွမ်းလူၺ်ႈၸႂ်ဢၼ်ႁူႉတူဝ်ၸဝ်ႈၵဝ်ႇၼၼ်ႉၵႃႈဢၼ်မၼ်းႁႅၼ်းတမ်းဝႆႉၵႃႈတီႈၽၢႆႇၼႃႈသူၼၼ်ႉယင်းဢမ်ႇၸႅတ်ႈဢမ်ႇထၢမ်သင်လႄႈၵိၼ်တႃႉ။

၂၈ ၼႂ်းဝႃႈၼၼ်သေၵေႃႈပေႃးသေၵေႃႉသေၵူၼ်းလၢတ်ႈဝႃႈ၊ပဵၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉဢေႃႈ၊ဝႃႈၼင်ႇၼႆၸိုင်ၵွပ်ႈပိူဝ်ႈဢၼ်ႁူႉတူဝ်ၸဝ်ႈၵဝ်ႇၼၼ်ႉလႄႈသင်၊ၵွပ်ႈပိူဝ်ႈၵေႃႉၼၼ်ႉလႄႈသင်၊ယႃႇပေၵိၼ်။

၂၉ မိူဝ်ႈဢၼ်ဝႃႈၸႂ်ဢၼ်ႁူႉတူဝ်ၸဝ်ႈၵဝ်ႇဢၼ်ဝႃႈၼၼ်ႉဢမ်ႇၶႂ်ႈဝႃႈၸႂ်ဢၼ်ႁူႉတူဝ်ၸဝ်ႈၵဝ်ႇသူ။ၶႂ်ႈဝႃႈၸႂ်ဢၼ်ႁူႉတူဝ်ၸဝ်ႈၵဝ်ႇပိူၼ်ႈဢေႃႈ။ႁဵတ်းသင်လႄႈတေႁႂ်ႈၸႂ်ဢၼ်ႁူႉတူဝ်ၸဝ်ႈၵဝ်ႇပိူၼ်ႈတၢင်ႇၵေႃႉလႆႈမႃးၸႅတ်ႈထၢမ်ၸီႇယၢင်ႇဢၶႂၢင်ႉၵဝ်။

၃၀ ပေႃးၵဝ်ယွင်ႈယေႃးၵျေးၸူးၸဝ်ႈလႄႈၵိၼ်ၸိုင်ႁဵတ်းသင်လႄႈၵဝ်တၵ်းလႆႈၶၢမ်ႇတၢင်းဢၼ်သေႉသွမ်းတၢင်ႇဢပျႅတ်ႈၼႂ်းလွင်ႈဢၼ်ၵဝ်ယွင်ႈယေႃးၵျေးၸူးၸဝ်ႈလႄႈၵိၼ်ၼၼ်ႉ။

၃၁ ပိူဝ်ႈၼႆလႄႈမိူဝ်ႈဢၼ်သူၵိၼ်သူတ်ႉမိူဝ်ႈဢၼ်သူႁဵတ်းၵႃႈသင်သေဢမ်ႇဝႃႈထွၵ်ႈလူၺ်ႈမူၼ်ၽုင်းၽြႃးပဵၼ်ၸဝ်ႈသေလႄႈႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်တႃႉ။

၃၂ ယႃႇပေႁဵတ်းလွင်ႈတၢင်းဢၼ်တၵ်းႁဵတ်းႁႂ်ႈၵူၼ်းယုတ၊ၵူၼ်းႁေႇလသ၊ၵူၼ်းၶဝ်ႈၸိူဝ်းၸဝ်ႈၽြႃးပဵၼ်ၸဝ်ႈတင်းလၢႆတၵ်းတိူဝ်ႉမႅၼ်ႈလႄႈလူမ်ႉၼၼ်ႉ။

၃၃ ၼင်ႇႁိုဝ်ၵူၼ်းၼမ်ၼႃႇတၵ်းႁွတ်ႈထိုင်တၢင်းဢၼ်ၵႄႇၶျွတ်ႈၸိုင်ၵဝ်ယင်းဢမ်ႇႁႃဢၵျူဝ်းတူဝ်ၸဝ်ႈၵဝ်ႇႁႃဢၵျူဝ်းပိူၼ်ႈၵူၺ်းလႄႈႁဵတ်းႁႂ်ႈၵူၼ်းတင်းသဵင်ႈတင်းလူင်ၸူမ်းသိူဝ်းဢေႃႈ။