Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၈

လွင်ႈတၢင်းၵိၼ်ဢၼ်ပုၵ်ႉၸေႃႇရူၵ်ႈထူႉသၢင်းထူႉ

၁ လွင်ႈတူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉၼၼ်ႉၸမ်းႁဝ်းႁူႉလွင်ႈဢၼ်ႁဝ်းၵႃႈမီးတင်းသဵင်ႈတင်းလူင်မီးၺၢၼ်ႇဢၼ်ၸၢင်ႊၸၵ်းၽႄလႄႈႁူႉၼၼ်ႉယူႇဢေႃႈ။ၺၢၼ်ႇၸၢင်ႊႁႂ်ႈႁူဝ်ၸႂ်သုင်ဢေႃႈ။

၂ မႅတ်ႈတႃႇၸမ်းၸၢင်ႊတႄႇႁဵတ်းဢေႃႈ။ပေႃးသေၵေႃႉသေၵူၼ်းထၢင်ႇမၼ်းမီးပိင်ႇၺႃႇၸိုင်မၼ်းၼၼ်ႉဢမ်ႇပႆႇႁူႉၼင်ႇၵႃႈဢၼ်မၼ်းထုၵ်ႇလီႁူႉၼၼ်ႉသေဢိတ်း။

၃ ၵေႃႉဢၼ်ႁၵ်ႉၽြႃးပဵၼ်ၸဝ်ႈၼၼ်ႉၸမ်း၊ပဵၼ်ၵေႃႉဢၼ်မၼ်းၸဝ်ႈႁူႉၸၵ်းဢေႃႈ။ပိူဝ်ႈၼႆလႄႈလွင်ႈတၢင်းဢၼ်ၵိၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉၼၼ်ႉၸမ်း

၄ ႁဝ်းႁူႉလွင်ႈဢၼ်ရူၵ်ႈထူႉၼၼ်ႉပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်ၼႂ်းလေႃးၵႃႉၼႆႉၼၼ်ႉလႄႈလိူဝ်သေၽြႃးပဵၼ်ၸဝ်ႈသူႇလဵဝ်ပႃးလဵဝ်ၵူၺ်းၼၼ်ႉဢမ်ႇမီးၽြႃးပဵၼ်ၸဝ်ႈတၢင်ႇတီႈတၢင်ႇသူႇတၢင်ႇပႃး။

၅ ပဵၵ်ႉသမ်ႉမီးၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ႁွင်ႉဝႃႈၽြႃးဢၼ်ဝႃႈၼၼ်ႉမီးၼမ်ၼႃႇၵႃႈၼိူဝ်ၵၢင်ႁၢဝ်ၵႃႈၼိူဝ်လိၼ်မိူင်းၼႆႉၵႃႈၼင်ႇဢၼ်ပိူၼ်ႈဝႃႈမီးၽြႃးၼမ်ၼႃႇမီးၸဝ်ႈၼမ်ၼႃႇသေၵေႃႈယႃႇတီႈႁဝ်းၼႆႉၸမ်းမီးပေႃႈၸဝ်ႈၽြႃးပဵၼ်ၸဝ်ႈသူႇလဵဝ်ပႃးလဵဝ်ၵူၺ်းဢေႃႈ။လွင်ႈတၢင်းၵႃႈမီးတင်းသဵင်ႈတင်းလူင်ပဵၼ်မႃးၵႃႈၼႂ်းမၼ်းၸဝ်ႈလႄႈႁဝ်းၵေႃႈပဵၼ်မႃးပုၼ်ႈမၼ်းၸဝ်ႈဢေႃႈ။

၆ တီႈႁဝ်းၼႆႉမီးၸဝ်ႈယေႇသုၶရိၸ်ႉပႃးလဵဝ်ၵူၺ်းဢေႃႈ။ၸႃႉၸဵမ်ႁဝ်းလႄႈလွင်ႈတၢင်းၵႃႈမီးတင်းသဵင်ႈတင်းလူင်ပဵၼ်မႃးၵွပ်ႈပိူဝ်ႈမၼ်းၸဝ်ႈဢေႃႈ။

၇ ၵူၺ်းၵႃႈၵူၼ်းၵူႈၵေႃႉလႆႈၺၢၼ်ႇၼၼ်ႉဢမ်ႇၸႂ်ႈ။ၵူၼ်းၵမ်ႈၽွင်ႈတေႃႇထိုင်ႁွတ်ႈမိူဝ်ႈလဵဝ်ၼႆႉယၢမ်ႈၵိၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉၼၼ်ႉႁႂ်ႈပဵၼ်တၢင်းပုၵ်ႉၸေႃႇၼႂ်းၸႂ်တူဝ်ၸဝ်ႈၵဝ်ႇလႄႈမီးတၢင်းဢၼ်ၵူဝ်ႈၵိူၵ်ႇၵွပ်ႈပိူဝ်ႈတၢင်းႁႅင်းလဵၵ်ႉႁႅင်းၵေႇၶဝ်ၼၼ်ႉဢေႃႈ။

၈ ၵွပ်ႈပိူဝ်ႈတၢင်းၵိၼ်တၢင်းၶူပ်းလႄႈႁဝ်းတၵ်းလႆႈၼႃႈလႆႈတႃၵႃႈတီႈၽၢႆႇၼႃႈၽြႃးပဵၼ်ၸဝ်ႈဢမ်ႇၸႂ်ႈ။ပေႃးၵိၼ်ၵေႃႈႁဝ်းတၵ်းမျၢတ်ႈလီဢမ်ႇၸႂ်ႈ။ပေႃးဢမ်ႇၵိၼ်ၵေႃႈႁဝ်းတၵ်းယုတ်ႈဢမ်ႇၸႂ်ႈ။

၉ ၵူၺ်းၵႃႈၼင်ႇႁိုဝ်ဢၶႂၢင်ႉဢၼ်သူမီးၼၼ်ႉတၵ်းဢမ်ႇပဵၼ်လွင်ႈဢၼ်ႁဵတ်းႁႂ်ႈၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇတၵ်းတိူဝ်ႉမႅၼ်ႈလႄႈလူမ်ႉၸိုင်ႁဵတ်းသတိတႃႉ။

၁၀ လွင်ႈမၼ်းၸမ်းပေႃးပိူၼ်ႈတၢင်ႇၵေႃႉႁၼ်မႂ်းဢၼ်မီးၺၢၼ်ႇဢၼ်ၸၢင်ႊၸၵ်းၽႄႁူႉလႆႈၼႆႉယင်းၼင်ႈႁိမ်းၶူင်ႇတီႈၵိၼ်ၶဵင်ႇႁူၵ်ႈထူႉလႄႈၵိၼ်ယူႇၸိုင်တတ်းပဵၼ်တၢင်းဢၼ်ပၼ်ႁႅင်းၵေႃႉဢၼ်ႁႅင်းလဵၵ်ႉႁႅင်းၵေႇႁႂ်ႈယိင်ၶႅၼ်းႁတ်းၵိၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈရူၵ်ႈထူႉၼၼ်ႉဢမ်ႇၸႂ်ႈႁိုဝ်။

၁၁ ၵွပ်ႈၸိူဝ်ႉၼင်ႇၼႆလႄႈပီႈၼွင်ႉဢၼ်ႁႅင်းလဵၵ်ႉႁႅင်းၵေႇဢၼ်ၸဝ်ႈယေႇသုၶၢမ်ႇတၢင်းတၢႆပုၼ်ႈၼၼ်ႉလႆႈႁွတ်ႈထိုင်တၢင်းလူႉတၢင်းလႅဝ်ၵွပ်ႈပိူဝ်ႈၺၢၼ်ႇသူလူင်ပေႇ။

၁၂ မိူဝ်ႈဢၼ်သူၽိတ်းပိူင်ႈပီႈၼွင်ႉၸိူဝ်ႉၼင်ႇၼၼ်လႄႈႁဵတ်းႁႂ်ႈၸႂ်ၶဝ်ဢၼ်ႁူႉတူဝ်ၸဝ်ႈၵဝ်ႇဢၼ်ႁႅင်းလဵၵ်ႉႁႅင်းၵေႇၼၼ်ႉလႆႈၸဵပ်းၸႂ်ၸိုင်သူႁွတ်ႈထိုင်တၢင်းဢၼ်ၽိတ်းပိူင်ႈၸဝ်ႈၶရိၸ်ႉဢေႃႈ။

၁၃ ပိူဝ်ႈၼႆလႄႈပေႃးတၢင်းၵိၼ်တၢင်းၶူပ်းၵဝ်တၵ်းႁႂ်ႈပီႈၼွင်ႉၵဝ်ၽိတ်းပိူင်ႈၸိုင်ၵဝ်တၵ်းဢမ်ႇၵိၼ်ၼိူဝ်ႉသေပွၵ်ႈလႄႈဢမ်ႇႁႂ်ႈပီႈၼွင်ႉၵဝ်လႆႈၽိတ်းပိူင်ႈ။