Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၂၀

တၢင်းဢၼ်မတ်ႉၽုၵ်ႇၸႃႇတၢၼ်ႇမႃႇၼၢတ်ႈ

၁ ၵမ်းၼၼ်ႉၵဝ်ႁၼ်တမၢၼ်ႇၵၢင်ႁၢဝ်ပႃးၼိုင်ႈယိပ်းၵမ်ဢဝ်သေႃးၶုမ်သေႃးႁူးဢၼ်လိုၵ်ႉၼႃႇသေပိူၼ်ႈဢိၵ်ႇတင်းၸိူၵ်ႈလဵၵ်းလူင်သေလႄႈလုၵ်ႉသေၵႃႈၼိူဝ်ၵၢင်ႁၢဝ်လူင်းမႃးဢေႃႈ။

၂ မၼ်းၼၼ်ႉတီႉၵမ်ဢဝ်ၼၵႃးဢၼ်ဝႃႈငူးၵဝ်ႇၵဝ်ႇမိူဝ်ႈၵွၼ်ႇဢွၼ်ဢၼ်ပဵၼ်ၸႃႇတၢၼ်ႇမႃႇၼၢတ်ႈၼၼ်ႉသေလႄႈမတ်ႉၽုၵ်ႈဝႆႉပီႊမိူင်းႁဵင်ၼိုင်ႈလႄႈဢဝ်ၶျႃးတူၵ်းသႂ်ႇၵႃႈၼႂ်းၶုမ်ၼႂ်းႁူးဢၼ်လိုၵ်ႉၼႃႇသေပိူၼ်ႈၼၼ်ႉလႄႈ

၃ ဢိုတ်းဝႆႉသေယဝ်ႉတွၵ်ႇတၼ်းသိၵ်ႈဝႆႉလွင်ႈၼင်ႇႁိုဝ်ၸူဝ်ႈဢၼ်ပီႊမိူင်းႁဵင်ၼိုင်ႈဢမ်ႇပႆႇသဵင်ႈၼၼ်ႉၸိုင်မၼ်းတၵ်းဢမ်ႇလႆႈပႅတ်ႉလႆႈလႅၼ်ၵူၼ်းၵူႈၸိူဝ်ႉၵူႈမဵဝ်းဢေႃႈ။မိူဝ်ႈဢၼ်ပီႊမိူင်းႁဵင်ၼိုင်ႈသဵင်ႈယဝ်ႉၼၼ်ႉၸိုင်မၼ်းတၵ်းလႆႈၶၢမ်ႇတၢင်းဢၼ်ပွႆႇလွတ်ႈၵမ်းဢွၼ်ႇၼိုင်ႈဢေႃႈ။

ႁဵင်ပီႊမိူင်း

၄ ပလၢင်ႇၼမ်ၼႃႇၵေႃႈၵဝ်ႁၼ်ဢေႃႈ။ၶဝ်ၸိူဝ်းဢၼ်ၼင်ႈယူႇၵႃႈၼိူဝ်ပလၢင်ႇၸိူဝ်းၼၼ်ႉလႆႈဢၶႂၢင်ႉဢၼ်လႆႈၸီႇယၢင်ႇတြႃးဢေႃႈ။ၵဝ်လႆႈႁၼ်ဝိၺိၺ်ႇၶဝ်ၸိူဝ်းဢၼ်လႆႈၶၢမ်ႇတၢင်းဢၼ်တႅပ်းၶေႃးၽၼ်းၶေႃးၵွပ်ႈပိူဝ်ႈၼုၵ်ႉၵပၢတ်ႈၽြႃးပဵၼ်ၸဝ်ႈၵႂပ်ႈပိူဝ်ႈလွင်ႈတၢင်းဢၼ်ၶၢမ်ႇသၢၵ်ႈသေႇၸဝ်ႈယေႇသုၵႂပ်ႈပိူဝ်ႈၶဝ်ဢမ်ႇၵူဝ်းၵႂၢႆႇတူဝ်ထိူၼ်ႇႁၢႆႉဢိၵ်ႇတင်းရူၵ်ႈထူႉမၼ်းၵႂပ်ႈပိူဝ်ၶဝ်ဢမ်ႇၶၢမ်ႇတၼ်းသိၵ်ႈလၢၵ်ႈမၢတ်ႈမၼ်းၵႃႈတီႈၼႃႈၽၢၵ်ႇဢိၵ်တင်းၵႃႈတီႈမိုဝ်းၶဝ်ၼၼ်ႉဢေႃႈ။ၶဝ်ၼၼ်ႉဢသၢၵ်ႈလိပ်းယူႇလႄႈၸၢမ်ႇၸႃးလူၺ်ႈၵၼ်တင်းၸဝ်ႈၶရိၸ်ႉပီႊမိူင်းႁဵင်ၼိုင်ႈတဵမ်တဵမ်ဢေႃႈ။

၅ ၵူၼ်းတၢႆဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉၸူဝ်ႈဢၼ်ပီႊမိူင်းႁဵင်ၼိုင်ႈဢမ်ႇပႆႇသဵင်ႈပႆႇမူတ်းၼၼ်ႉၸိုင်ဢမ်ႇလႆႈဢသၢၵ်ႈၶိုၼ်းလိပ်း။တၢင်းဢၼ်လုၵ်ႉၶိုၼ်းလိပ်းၼႆႉၸမ်းပဵၼ်တၢင်းဢၼ်လုၵ်ႉၶိုၼ်းလိပ်းပထမဢေႃႈ။ၵေႃႉဢၼ်လႆႈၶဝ်ႈၸၢမ်ႇၸႃးၼႂ်းတၢင်းဢၼ်လုၵ်ႉၶိုၼ်းပထမၼၼ်ႉပဵၼ်ၵေႃႉဢၼ်မီးမင်ႇၵလႃႇၵေႃႉဢၼ်မူတ်းၸၢင်ႇဢေႃႈ။

၆ ၶဝ်ၼၼ်ႉၵၢင်းလွတ်ႈတင်းတၢင်းတၢႆတုတိယလႄႈတၵ်းလႆႈပဵၼ်ပရေႃးႁိၵ်ႈၸဝ်ႈၶရိၸ်ႉလႄႈၸၢမ်ႇၸႃးလူၺ်ႈၵၼ်တင်းၸဝ်ႈၶရိၸ်ႉပီႊမိူင်းႁဵင်ၼိုင်ႈတဵမ်တဵမ်ဢေႃႈ။

ၸႃႇတၢၼ်ႇမႃႇၼၢတ်ႈလွတ်ႈဢွၵ်ႇထွင်ႇ

၇ မိူဝ်ႈဢၼ်ပီႊမိူင်းႁဵင်ၼိုင်ႈသဵင်မူတ်းယဝ်ႉၸိုင်ၸႃႇတၢၼ်ႇမႃႇၼၢတ်ႈတၵ်းလႆႈဢၶႂၢင်ႉဢၼ်လွတ်ႈဢွၵ်ႇသေၵႃႈၼႂ်းထွင်ႇလႄႈၶိုၼ်းၵႂႃႇႁႂ်ႈလႆႈပႅတ်ႉလႅၼ်ၵူႈၸိူဝ်ႉၵူႈမဵဝ်း

၈ ဢၼ်ယူႇၵႃႈၼိူဝ်လိၼ်မိူင်းသီႇၼႃႈပႅတ်ႇၽၢႆႇဢၼ်ဝႃႈ၊ၵေႃႇၵႃႉတင်းမႃႇၵေႃႇၵႃႉ၊ဢၼ်မီးၼမ်ၼႃႇၸိူဝ်ႉၼင်ႇသၢႆးၼမ်ႉသမ်ႇမုၵ်ႉတြႃႇၼၼ်ႉႁႂ်ႈၶဝ်လႆႈၸူႉၵၼ်တုမ်ၵၼ်ပုၼ်ႈဢၼ်တၵ်းတိုၵ်းသိုၵ်းဢေႃႈ။

၉ ၶဝ်ၼၼ်ႉၶိုၼ်ႈမႃးၵႃႈၼိူဝ်ၼႃႈလိၼ်သေလႄႈဝႅင်းႁွပ်ႈတပ်ႉၵူၼ်းမူတ်းၸၢင်ႇတင်းလၢႆဢိၵ်ႇတင်းဝဵင်းဢၼ်ၸဝ်ႈႁၵ်ႉၼႃႇၼၼ်ႉဢေႃႈ။မိူဝ်ႈၼၼ်ႉၽႆးလုၵ်ႉသေၵႃႈၼိူဝ်ၵၢင်ႁၢဝ်တူၵ်းမႃးလႄႈမႆႈၶဝ်ပႅတ်ႈဢေႃႈ။

၁၀ ၸႃႇတၢၼ်ႇမႃႇၼၢတ်ႈဢၼ်ပႅတ်ႉလႅၼ်ၶဝ်ၼၼ်ႉၵေႃႈလႆႈၶၢမ်ႇတၢင်းဢၼ်ၶျႃးတူၵ်းသႂ်ႇၵႃႈၼႂ်းၼွင်ႆးဢၼ်လေႃးၵၼ်တင်းၵၢၼ်ႉတီႈဢၼ်တူဝ်ထိူၼ်ႇႁၢႆႉဢိၵ်ႇတင်းမိၵ်ႉသႃႇပရေႃးၽႅတ်ႈၶဝ်မီးၼၼ်ႉသေယဝ်ႉၶဝ်ၼၼ်ႉတၵ်းလႆႈၶၢမ်ႇဝူၺ်ႇတၼႃႇဢၼ်ယႂ်ႇၼႃႇလူင်လၢင်ၵူႈဝၼ်းၵူႈၶိုၼ်းၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈဢေႃႈ။

ပလၢင်ႇဢၼ်ၽိူၵ်ႇၶၢဝ်

၁၁ ၵမ်းၼၼ်ႉၵဝ်ႁၼ်ပလၢင်ႇလူင်ဢၼ်ၽိူၵ်ႇဢၼ်ၶၢဝ်ဢိၵ်ႇတင်းၸဝ်ႈဢၼ်ၼင်ႈယူႇၵႃႈၼိူဝ်ပလၢင်ႇၼၼ်ႉဢေႃႈ။ၵၢင်ႁၢဝ်တင်းလိၼ်မိူင်းပၢႆဢွၵ်ႇသေၵႃႈတီႈၽၢႆႇၼႃႈၸဝ်ႈၼၼ်ႉၵႂႃႇလႄႈတီႈဢၼ်ၶဝ်တၵ်းယူႇဢမ်ႇမီး။

၁၂ ၵဝ်ႁၼ်ၶဝ်ၸိူဝ်းဢၼ်တၢႆၵႂႃႇယဝ်ႉၸဵမ်လဵၵ်ႉၸဵမ်ယႂ်ႇၼၼ်ႉၸုၵ်းယူႇၵႃႈတီႈၽၢႆႇၼႃႈပလၢင်ႇၸဝ်ႈဢေႃႈ။ၽိုၼ်လိၵ်ႈတင်းလၢႆၵေႃႈၽုၺ်ႇဝႆႉမီးယူႇဢေႃႈ။ၽိုၼ်လိၵ်ႈတၢင်ႇၽိုၼ်ဢၼ်ဝႃႈၽိုၼ်လိၵ်ႈဢသၢၵ်ႈၼၼ်ႉၵေႃႈၽုၺ်ႇဝႆႉမီးယူႇဢေႃႈ။ၶဝ်ၸိူဝ်းဢၼ်တၢႆယဝ်ႉၼၼ်ႉလႆႈၶၢမ်ႇတၢင်းဢၼ်ၸီႇယၢင်ႇတြႃးၸွမ်းၵႃႈၼင်ႇဢၼ်တၢင်းၵမ်တၢင်းၵျၢင်ႉၶဝ်မႅၼ်ႈၸွမ်းၼင်ႇၵႃႈဢၼ်မီးဝႆႉတႅမ်ႈဝႆႉၵႃႈၼိူဝ်ၽိုၼ်လိၵ်ႈၸိူဝ်းၼၼ်ႉဢေႃႈ။ၼမ်ႉသမ်ႇမုၵ်ႉတြႃႇၵေႃႈဢဝ်ၵူၼ်းတၢႆတင်းလၢႆၵႃႈဢၼ်မီးၵႃႈၼႂ်းမၼ်းၼၼ်ႉဢၢပ်ႈဢေႃႈ။

၁၃ မရႃႇၼႃႉဢိၵ်ႇတင်းမိူင်းမရႃႇၼႃႉၵေႃႈဢဝ်ၵူၼ်းတင်းလၢႆၵႃႈဢၼ်မီးၵႃႈၼႂ်းၶဝ်ၼၼ်ႉဢပ်ႈဢေႃႈ။ၶဝ်လႆႈၶၢမ်ႇတၢင်းဢၼ်ၸီႇယၢင်ႇတြႃးၸွမ်းၵႃႈၼင်ႇဢၼ်တၢင်းၵမ်တၢင်းၵျၢင်ႉၶဝ်မီးၼၼ်ႉဢေႃႈ။

၁၄ မိူဝ်ႈၼၼ်ႉမရႃႇၼႃႉဢိၵ်ႇတင်းမိူင်းမရႃႇၼႃႉၼၼ်ႉလႆႈၶၢမ်ႇတၢင်းဢၼ်ၶျႃးတူၵ်းသႂ်ႇၵႃႈၼႂ်းၼွင်ၽႆးဢေႃႈ။

၁၅ ၼွင်ၽႆးၼၼ်ႉၸမ်းပဵၼ်တၢင်းတၢႆတုတိယဢေႃႈ။ပေႃးသေၵေႃႉသေၵူၼ်းဢမ်ႇၶဝ်ႈပႃးၼႂ်းၸရၢင်းၽိုၼ်လိၵ်ႈဢသၢၵ်ႈၼၼ်ႉၸိုင်ၵေႃႉၼၼ်ႉလႆႈၶၢမ်ႇတၢင်းဢၼ်ၶျႃးတူၵ်းသႂ်ႇၵႃႈၼႂ်းၼွင်ၽႆးဢေႃႈ။