Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၄

ပလၢင်ႇၼႂ်းမိူင်းၵၢင်ႁၢဝ်

၁ ဝၢႆးၼၼ်ႉၵဝ်တူၺ်းလႄႈႁၼ်ၽၵ်းတူၽုၺ်ႇဝႆႉၵႃႈၼိူဝ်ၵၢင်ႁၢဝ်ဢေႃႈ။သဵင်ဢၼ်ၵဝ်လႆႈငိၼ်းဢွၼ်တၢင်းလႄႈလင်ႊမေႃးမိူၼ်ၸိူဝ်ႉၼင်ႇသဵင်ၼႄးၶရႃႇဢၼ်လၢတ်ႈတေႃႇၵဝ်ၼၼ်ႉလႄႈဝႃႈၸမ်း၊-

၂ ၶိုၼ်ႈမႃးၵႃႈတီႈၼႆႉတႃႉ။ၵဝ်တၵ်းၼႄပျႃႉလွင်ႈတၢင်းဢၼ်တၵ်းလႆႈပဵၼ်မႃးၵႃႈတီႈၶိင်ႇၵႃႇလႃႉၵမ်းလိုၼ်းၼၼ်ႉဢေႃႈ၊ဝႃႈၼင်ႇၼႆဢေႃႈ။

မိူဝ်ႈၼၼ်ႉၵဝ်လႆႈၶၢမ်ႇဢဝ်ဝိၺိၺ်ႇၸဝ်ႈၵမ်းလဵဝ်ဢေႃႈ။မီးပလၢင်ႇဢၼ်ၼိုင်ႈဢၼ်တႄႇဝႆႉမီးယူႇၵႃႈၼႂ်းမိူင်းၵၢင်ႁၢဝ်ပုၼ်ႉလႄႈၵေႃႉဢၼ်ၼင်ႈယူႇၵႃႈၼိူဝ်ပလၢင်ႇၼၼ်ႉၵေႃႈမီးယူႇဢေႃႈ။ႁၢင်ႊၽၢင်ငဝ်းဢရွင်ႇၵေႃႉဢၼ်ၼင်ႈယူႇၼၼ်ႉမိူၼ်ၸိူဝ်ႉၼင်ႇသႅင်ၼၵႃးသွႆႈဢိၵ်ႇတင်းသႅင်ပတ်ႈတမျႃးဢေႃႈ။

၃ ၵႃႈတီႈႁိမ်းပလၢင်ႇၼၼ်ႉၸမ်းမီးႁူင်းႁႆးဢၼ်ငဝ်းဢရွင်ႇမၼ်းမိူၼ်ၸိူဝ်ႉၼင်ႇသႅင်မျႃႉၼၼ်ႉဢေႃႈ။ၵႃႈတီႈႁိမ်းပလၢင်ႇၼၼ်ႉ၄မီးပလၢင်ႇသၢဝ်းသီႇဢၼ်ဢေႃႈ။

၄ ၵႃႈၼိူဝ်ပလၢင်ႇၼၼ်ႉမီးၵေႃႉဢၼ်ဢသၢၵ်ႈယႂ်ႇသၢဝ်းသီႇပႃးၼုင်ႈၶူဝ်းဢၼ်ၽိူၵ်ႇဢၼ်ၶၢဝ်လႄႈၵႃႈၼိူဝ်ႁူဝ်ၶဝ်ၵေႃႈတိုဝ်းသရၽူႇဝႆႉသေလႄႈၼင်ႈယူႇဢေႃႈ။

၅ ၵႃႈတီႈၼႂ်းပလၢင်ႇၸဝ်ႈၼၼ်ႉၽႃႉမႅပ်ႈဢိၵ်ႇတင်းသဵင်လၢတ်ႈၵႂၢမ်းတင်းသဵင်ၽႃႉလင်ႊဢၼ်မေႃးဢၼ်ၼၼ်းၼၼ်ႉဢွၵ်ႇယူႇဢေႃႈ။ၵႃႈတီႈၽၢႆႇၼႃႈပလၢင်ႇၸဝ်ႈၼၼ်ႉၵွၵ်းတႆႈၽႆးၸဵတ်းလုၵ်ႈဢၼ်ဝႃႈဝိၺိၺ်ႇၽြႃးပဵၼ်ၸဝ်ႈၸဵတ်းပႃးၼၼ်ႉတႆႈယူႇဢေႃႈ။

၆ ၵႃႈတီႈၽၢႆႇၼႃႈပလၢင်ႇၸဝ်ႈၵေႃႈမီးပၢင်ႇလၢႆႇၽၢၼ်ႇပၢင်ႇၸိုၼ်မိူၼ်ၸိူဝ်ႉၼင်ႇမၢၵ်ႇႁိၼ်ၸမ်ၼၼ်ႉဢေႃႈ။ၵႃႈတီႈၽၢႆႇၼႃႈပလၢင်ႇၸဝ်ႈဢိၵ်ႇတင်းၵႃႈၼႂ်းတီႈႁိမ်းပလၢင်ႇၸဝ်ႈၼၼ်ႉမီးသတ်ႉတဝႃႇသီႇတူဝ်ဢၼ်မီးမၢၵ်ႇတႃၸွတ်ႇတူဝ်တင်းတူဝ်တင်းၶိင်းၼၼ်ႉဢေႃႈ။

၇ သတ်ႉတဝႃႇပထမၼၼ်ႉမိူၼ်ၸိူဝ်ႉၼင်ႇသၢင်ႇသီႈဢေႃႈ။သတ်ႉတဝႃႇတုတိယၼၼ်ႉမိူၼ်ၸိူဝ်ႉၼင်ႇဝူဝ်းဢွၼ်ႇဢေႃႈ။သတ်ႉတဝႃႇတတိယၼၼ်ႉမီးၼႃႈမိူၼ်ၸိူဝ်ႉၼင်ႇၼႃႈၵူၼ်းဢေႃႈ။သတ်ႉတဝႃႇၸတုၵ်ႉထၼၼ်ႉမိူၼ်ၸိူဝ်ႉၼင်ႇႁၢင်ႊႁူင်ႉၶမ်းဢၼ်မိၼ်ယူႇၼၼ်ႉဢေႃႈ။

၈ ၵႃႈတီႈတူဝ်သတ်ႉတဝႃႇသီႇတူဝ်ၼၼ်ႉယေႈတူဝ်ယေႈတူဝ်မီးပိၵ်ႇႁူၵ်းဢၼ်လႄႈၵႃႈတီႈၽၢႆႇၼႂ်းပိၵ်ႇတင်းၵႃႈတီႈႁိမ်းပိၵ်ႇၸိူဝ်းၼၼ်ႉမီးမၢၵ်ႇတႃၸွတ်ႇတူဝ်ဝႆႉဢေႃႈ။ၶဝ်ၼၼ်ႉယင်းဢမ်ႇလိုဝ်ႈဢမ်ႇသဝ်းၵူႈဝၼ်းၵူႈၶိုၼ်းတႃႇသေႇဢမ်ႇထၢတ်ႇလၢတ်ႈလႄႈဝႃႈ၊-ထႃႇဝရႃႉၽြႃးပဵၼ်ၸဝ်ႈဢၼ်မီးယူႇပိတ်ႉၸူၵ်ႉပၢၼ်ႇဢတိၵ်ႉဢၼႃႇၵၢတ်ႈၵႃႇလႃႉလႄႈတဵမ်ဝႆႉတင်းဢၼၼ်ႇတႃႉတၼ်းၶူဝ်းၼႆႉမူတ်းၸၢင်ႇတီႈၶႃႈဢေႃႈ။မူတ်းၸၢင်ႇတီႈၶႃႈဢေႃႈ။မူတ်းၸၢင်ႇတီႈၶႃႈဢေႃႈ၊ဝႃႈၼင်ႇၼႆယူႇဢေႃႈ။

၉ မိူဝ်ႈဢၼ်သတ်ႉတဝႃႇၸိူဝ်းၼၼ်ႉယွင်ႈယေႃးမုၼ်သရေႇၵုင်ႇၵျေးၸူးၸဝ်ႈဢၼ်ၼင်ႈယူႇၵႃႈၼိူဝ်ပလၢင်ႇၸဝ်ႈလႄႈဢသၢၵ်ႈလိပ်းယူႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈၼၼ်ႉၸိုင်ၵေႃႉဢၼ်ဢသၢၵ်ႈယႂ်ႇသဝ်းသီႇပႃးၼၼ်ႉၶုပ်ႉမူပ်ႇၵႃႈတီႈၽၢႆႇၼႃႈၸဝ်ႈဢၼ်ၼင်ႈယူႇၵႃႈၼိူဝ်ႈပလၢင်ႇၼၼ်ႉလႄႈၵူဝ်းၵႂၢႆႇၸဝ်ႈဢၼ်ဢသၢၵ်ႈလိပ်းယူႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈၼၼ်ႉဢေႃႈ။

၁၀ ၶဝ်ပူတ်းသရၽူႇတူဝ်ၸဝ်ႈၵဝ်ႇတင်းလၢႆသေယဝ်ႉၶျႃးဝႆႉၵႃႈတီႈၽၢႆႇၼႃႈပလၢင်ႇၸဝ်ႈၼၼ်ႉသေလႄႈလဝ်ႈလၢတ်ႈလႄႈဝႃႈ၊-

၁၁ ၽြႃးပဵၼ်ၸဝ်ႈႁဝ်းၶႃႈထႃႇဝရႃႉၽြႃးတီႈၶႃႈ။ၵွပ်ႈပိူဝ်ႈၸဝ်ႈႁဝ်းၽၢၼ်ႇသၢင်းႁဵတ်းပဵၼ်လွင်ႈတၢင်းၵႃႈမီးတင်းသဵင်ႈတင်းလူင်ယဝ်ႉလႄႈလွင်ႈတၢင်းၸိူဝ်းၼၼ်ႉပဵၼ်ၵွပ်ႈပိူဝ်ႈဢလူဝ်ႇၸဝ်ႈႁဝ်းလႄႈလႆႈၶၢမ်ႇတၢင်းဢၼ်ၸဝ်ႈႁဝ်းၽၢၼ်ႇသၢင်းႁဵတ်းပဵၼ်ဝႆႉလႄႈၸဝ်ႈႁဝ်းထိူၵ်ႈၸၢမ်ႇၸႃးမုၼ်သရေႇတၼ်းၶူဝ်းတီႈၶႃႈဢေႃႈ၊ဝႃႈၼင်ႇၼႆယူႇဢေႃႈ။