Shan Missions

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

Chapter     ၁          ၂          ၃          ၄          ၅          ၆          ၇          ၈          ၉          ၁၀           ၁၁          ၁၂          ၁၃     

၃

ၵၢၼ်သႃႇသၼႃႇဢၼ်လႆႈယွင်ႈယေႃး

၁ ႁဝ်းယွင်ႈယေႃးတူဝ်ၸဝ်ႈၵဝ်ႇၵႃႈတီႈၽၢႆႇၼႃႈသူထႅင်ႈယူႇႁိုဝ်။ဢမ်ႇၼၼ်ၵေႃႈၸွင်ႇႁဝ်းလူဝ်ႇလိၵ်ႈဢၼ်ယွင်ႈယေႃးဢၼ်ပိူၼ်ႈတႅမ်ႈပၼ်ဢမ်ႇၼၼ်ဢၼ်သူတႅမ်ႈပၼ်ၼၼ်ႉႁိူဝ်။

၂ သူပဵၼ်လိၵ်ႈႁဝ်းဢၼ်တႅမ်ႈဝႆႉၵႃႈၼိူဝ်ႁူဝ်ၸႂ်ႁဝ်းဢၼ်ၵူၼ်းတင်းသဵင်ႈတင်းလူင်ၽတ်းလႄႈႁူႉၼၼ်ႉဢေႃႈ။

၃ သူပဵၼ်လိၵ်ႈၸဝ်ႈၶရိၸ်ႉဢၼ်ႁဝ်းပွင်ႁဵတ်းဢၼ်ဢဝ်တင်းၼမ်ႉမိုၵ်ႉတႅမ်ႈဝႆႉၼၼ်ႉဢမ်ႇၸႂ်ႈ။ဢဝ်တင်းဝိၺိၺ်ႇၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉတႅမ်ႈဝႆႉဢေႃႈ။

၄ ဢမ်ႇတႅမ်ႈဝႆႉၵႃႈၼိူဝ်မၢၵ်ႇႁိၼ်ၽႅပ်ႈ။တႅမ်ႈဝႆႉၵႃႈၼိူဝ်ႁူဝ်ၸႂ်ၽႅပ်ႈၵူၼ်းဢေႃႈ။ႁဝ်းမီးတၢင်းဢၼ်တမ်းၸႂ်ၵွပ်ႈပိူဝ်ႈတၢင်းယုမ်ႇယမ်ႁဝ်းၵႃႈတီႈၽြႃးပဵၼ်ႈၸဝ်ႈၵႃႈၼႂ်းၸဝ်ႈၶရိၸ်ႉၼၼ်ႉဢေႃႈ။

၅ ႁဝ်းဢိင်ႈပိူင်တူဝ်ၸဝ်ႈၵဝ်ႇသေလႄႈတတ်ႈၼိုင်ႇႁႂ်ႈလႆႈပဵၼ်ၸွမ်းဢလူဝ်ႇတူဝ်ၸဝ်ႈၵဝ်ႇဢမ်ႇၸႂ်ႈ။

၆ ႁဝ်းဢိင်ၽြႃးပဵၼ်ၸဝ်ႈသေလႄႈတတ်ႈၼိုင်ႇလႆႈဢေႃႈ။မၼ်းၸဝ်ႈၼၼ်ႉႁဵတ်းႁႂ်ႈႁဝ်းတတ်ႈၼိုင်ႇလႆႈႁႂ်ႈလႆႈပဵၼ်သြႃႇပတိၺိၺ်ႇတြႃးဢၼ်မႂ်ႇဢေႃႈ။မိူဝ်ႈဢၼ်ဝႃႈၼင်ႇၼႆၸိုင်ဢမ်ႇၶႂ်ႈဝႃႈတြႃးဢၼ်တႅမ်ႈဝႆႉၼႂ်းလိၵ်ႈ။ၶႂ်ႈဝႃႈတြႃးဝိၺိၺ်ႇၸဝ်ႈဢေႃႈ။တြႃးၼႂ်းလိၵ်ႈၼၼ်ႉႁႂ်ႈဢသၢၵ်ႈတၢႆဢေႃႈ။တြႃးဝိၺိၺ်ႇၸဝ်ႈၸမ်းပၼ်ဢသၢၵ်ႈဢေႃႈ။

ၵၢၼ်သႃႇသၼႃႇဢၼ်တဵမ်ဝႆႉတင်းမူၼ်ၽုင်းဢႃႇၼူႉၽေႃႇ

၇ ပေႃးတြႃးတၢင်းတၢႆဢၼ်ဢဝ်တူဝ်လိၵ်ႈဢႅၵ်ႉၶရႃႇတႅမ်ႈဝႆႉၼၼ်ႉတဵမ်ဝႆႉတင်းမူၼ်ၽုင်းဢႃႇၼူႉၽေႃႇတေႃႇထိုင်ႁွတ်ႈထၼ်ႈပေႃးၵူၼ်းဢိသရေႇလတင်းလၢႆဢမ်ႇတူၺ်းၼႃႈမုဝ်းသေႇ

၈ ၸေးၸေးၸွတ်ႇၸွတ်ႇလႆႈၵွပ်ႈပိူဝ်ႈသၢႆဢရွင်ႇဢၼ်ဢွၵ်ႇၵႃႈတီႈမၼ်းဢၼ်ဝႃႈသၢႆဢရွင်ႇဢၼ်ၸၢင်ႊႁၢႆၵႂႃႇၼၼ်ႉၸိုင်တြႃးဝိၺိၺ်ႇၸဝ်ႈၼႆႉယဵင်ႈၶႅၼ်းတၵ်းတဵမ်ဝႆႉတင်းမူၼ်ၽုင်းဢႃႇၼူႉၽေႃႇဢမ်ႇၸႂ်ႈႁိုဝ်။

၉ ပေႃးတြႃးဢၼ်ၸီႇယၢင်ႇဢပျႅတ်ႈၼၼ်ႉမီးမူၼ်ၽုင်းဢႃႇၼူႉၽေႃႇၸိုင်တြႃးဢၼ်ႁႂ်ႈသိုဝ်ႈတေႃႇၼႆႉယဵင်ႈၶႅၼ်းတၵ်းတဵမ်ဝႆႉတင်းမူၼ်ၽုင်းဢႃႇၼူႉၽေႃႇဢေႃႈ။

၁၀ ၵွပ်ႈပိူဝ်ႈမူၼ်ၽုင်းဢၼ်ပဵၼ်မႃးၵမ်းလိုၼ်းၼႆႉယဵင်ႈၶႅၼ်းယႂ်ႇမျၢတ်ႈၼႃႇလႄႈမူၼ်ၽုင်းဢၼ်ယၢမ်ႈမီးမိူဝ်ႈဢွၼ်တၢင်းၼၼ်ႉတၵ်းႁၢႆၵႂႃႇဢေႃႈ။

၁၁ ပေႃးလွင်ႈတၢင်းဢၼ်ၸၢင်ႊႁၢႆၵႂႃႇၼၼ်ႉမီးမူၼ်ၽုင်းၸိုင်လွင်ႈတၢင်းဢၼ်တႄႇဝႆႉမီးယူႇၼႆႉယဵင်ႈၶႅၼ်းတၵ်းမီးမူၼ်ၽုင်းဢေႃႈ။

၁၂ ၵွပ်ႈပိူဝ်ႈမီးတၢင်းဢၼ်မုင်ႈထႃႈမွင်းထႃႈၸိူဝ်ႉၼင်ႇၼႆလႄႈႁဝ်းဢမ်ႇမီးတၢင်းဢၼ်သိူင်ႇဝႆႉမႅပ်းဝႆႉလႃးလႃး။

၁၃ ႁဝ်းႁေႃးလၢတ်ႈလႅင်းလႅင်းဢေႃႈ။ႁဝ်းဢမ်ႇမိူၼ်ၼင်ႇမုဝ်းသေႇဢၼ်ႁူမ်ႇသုမ်ႇၼႃႈတူဝ်ၸဝ်ႈၵဝ်ႇဝႆႉႁႂ်ႈၵူၼ်းဢိသရေႇလတင်းလၢႆဢမ်ႇလႆႈတူၺ်းလႆႈႁၼ်တီႈသုတ်းတီႈၵွႆလွင်ႈတၢင်းဢၼ်ၸၢင်ႊႁၢႆၵႂႃႇၼၼ်ႉ။

၁၄ ႁူဝ်ၸႂ်ၶဝ်ၼၼ်ႉၵႅၼ်ႇၶႅင်ဢေႃႈ။လွင်ႈမၼ်းၸမ်းႁၢၼ်ႉတေႃႇထိုင်မိူဝ်ႈလဵဝ်ၼႆႉမိူဝ်ႈဢၼ်ၽတ်းဢၢၼ်ႇထမ်ႇမႃႉၵျၢမ်းၵဝ်ႇၼၼ်ႉ၊တၢင်းဢၼ်ႁူမ်ႇသုမ်ႇၼႃႈၼၼ်ႉယင်းဢမ်ႇၽုၺ်ႇပိုတ်ႇလႄႈယင်းႁူမ်ႇဝႆႉယူႇဢေႃႈ။လွင်ႈတၢင်းဢၼ်ႁူမ်ႇသုမ်ႇဝႆႉၼၼ်ႉလႆႈႁၢႆၵႂႃႇၵွပ်ႈပိူဝ်ႈၸဝ်ႈၶရိၸ်ႉၵူၺ်းဢေႃႈ။

၁၅ ႁၢၼ်ႉတေႃႇထိုင်ႁွတ်ႈမိူဝ်ႈလဵဝ်ၼႆႉမိူဝ်ႈဢၼ်ၽတ်းၵျၢမ်းလိၵ်ႈမုဝ်းသေႇၼၼ်ႉလွင်ႈတၢင်းဢၼ်ႁူမ်ႇသုမ်ႇၼၼ်ႉယင်းႁူမ်ႇသုမ်ႇႁူဝ်ၸႂ်ၶဝ်ဝႆႉယူႇလူးၵွၼ်ႇဢေႃႈ။

၁၆ ၼႂ်းဝႃႈၼၼ်သေၵေႃႈၵေႃႉဢၼ်ၶၢႆႉသေလႄႈမႃးၸူးၵႃႈတီႈၸဝ်ႈၽြႃးၼၼ်ႉလွင်ႈတၢင်းဢၼ်ႁူမ်ႇသုမ်ႇဝႆႉၼၼ်ႉတၵ်းႁၢႆၵႂႃႇဢေႃႈ။

၁၇ ၸဝ်ႈၽြႃးၼၼ်ႉပဵၼ်ဝိၺိၺ်ႇဢေႃႈ။တီႈဢၼ်ဝိၺိၺ်ႇၸဝ်ႈၽြႃးမီးၼၼ်ႉမီးတၢင်းလွတ်ႈလႅဝ်းဢေႃႈ။

၁၈ ႁဝ်းၵႃႈမီးၼႆႉၽုၺ်ႇပိုတ်ႇၽႃႈဢၼ်ႁူမ်ႇသုမ်ႇၼႃႈၼၼ်ႉပႅတ်ႈယဝ်ႉလႄႈလႆႈႁၼ်မူၼ်ၽုင်းၸဝ်ႈၽြႃးမိူၼ်ၸိူဝ်ႉၼင်ႇတူၺ်းၵႃႈၼႂ်းမၢၼ်ႇၸမ်ၼၼ်ႉလႄႈမီးတၢင်းဢၼ်ၶၢႆႉပုတ်ႈႁႂ်ႈပဵၼ်မိူၼ်ၼင်ႇပုင်ႇႁၢင်ႊမၼ်းၸဝ်ႈ၊မူၼ်ၽုင်းပႃးၼိုင်ႈယဝ်ႉပႃးၼိုင်ႈထၢပ်ႈထႅင်ႈၼမ်မႃးၵႃႈၼင်ႇဢၼ်ဝိၺိၺ်ႇၸဝ်ႈၽြႃးပွႆႇမူၼ်ၽုင်းၸဝ်ႈမႃးၼၼ်ႉဢေႃႈ။