Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၁၁ 

လွင်ႈတၢင်းဢၼ်မေႈယိင်းတင်းလၢႆလႆႈႁူမ်ႇႁူဝ်

၁ ၸိူဝ်ႉၼင်ႇဢၼ်ၵဝ်ၵမ်ၵျၢင်ႉမိူၼ်ၸိူဝ်ႉၼင်ႇၸဝ်ႈၶရိၸ်ႉၼၼ်ႉသူၵေႃႈၵမ်ၵျၢင်ႉမိူၼ်ၸိူဝ်ႉၼင်ႇၵဝ်တႃႉ။

၂ ပီႈၼွင်ႉၶဝ်ဢိူၺ်း၊ၵွပ်ႈပိူဝ်ႈဢၼ်သူၶုၵ်းၸႂ်လႆႈၶႆႈၸႂ်ထူပ်းၵဝ်ၵႃႈၼႂ်းၵူႈၸိူဝ်ႉၵူႈပိူင်လႄႈၸွႆးၸပ်းၼႄးဢူႉပတေႇဢၼ်ၵဝ်ဢၢပ်ႈပၼ်ဝႆႉၼၼ်ႉလႄႈၵဝ်ယွင်ႈသူယူႇဢေႃႈ။

၃ ႁူဝ်ၵူၼ်းၸၢႆးၸမ်းပဵၼ်ၸဝ်ႈၶရိၸ်ႉဢေႃႈ၊ဝႃႈၼႆလႄႈသင်၊ႁူဝ်ၵူၼ်းယိင်းၸမ်း၊ပဵၼ်ၵူၼ်းၸၢႆးဢေႃႈ၊ဝႃႈၼႆလႄႈသင်၊ႁူဝ်ၸဝ်ႈၶရိၸ်ႉၸမ်း၊ပဵၼ်ၽြႃးပဵၼ်ၸဝ်ႈဢေႃႈ၊ဝႃႈၼႆလႄႈသင်၊ၵဝ်မီးဢလူဝ်ႇၶႂ်ႈႁႂ်ႈသူမၢတ်ႈတွင်းဝႆႉဢေႃႈ။

၄ ၵူၼ်းၸၢႆးၵေႃႉလႂ်သေဢမ်ႇဝႃႈ၊မိူဝ်ႈဢၼ်သူးတွင်းလႄႈသင်၊မိူဝ်ႈဢၼ်ႁဵတ်းပရေႃးၽႅတ်ႈလႄႈသင်ပေႃးႁူမ်ႇႁူဝ်ၸဝ်ႈၵဝ်ႇဝႆႉၸိုင်ပဵၼ်တၢင်းဢၼ်ယႃႉသရေႇႁူဝ်တူဝ်ၸဝ်ႈၵဝ်ႇဢေႃႈ။

၅ ၵူၼ်းယိင်းၵေႃႉလႂ်သေဢမ်ႇဝႃႈမိူဝ်ႈဢၼ်သူးတွင်းလႄႈသင်၊မိူဝ်ႈဢၼ်ႁဵတ်းပရေႃးၽႅတ်ႈလႄႈသင်၊ပေႃးဢမ်ႇႁူမ်ႇႁူဝ်ၸဝ်ႈၵဝ်ႇဝႆႉၸိုင်ပဵၼ်တၢင်းဢၼ်ယႃႉသရေႇႁူဝ်တူဝ်ၸဝ်ႈၵဝ်ႇဢေႃႈ။ပေႃးႁဵတ်းၸိူဝ်ႉၼင်ႇၼၼ်ၸိုင်မိူၼ်ၸိူဝ်ႉၼင်ႇဢၼ်မၼ်းၶၢမ်ႇတၢင်းဢၼ်ထႃႁူဝ်မၼ်းဢေႃႈ။

၆ ပေႃးၵူၼ်းယိင်းဢမ်ႇႁူမ်ႇႁူဝ်တူဝ်ၸဝ်ႈၵဝ်ႇဝႆႉၸိုင်ႁႂ်ႈမၼ််းၵႅတ်းၶူၼ်ႁူဝ်မၼ်းသေ။ပေႃးတၢင်းဢၼ်ၵႅတ်းၶူၼ်ႁူဝ်ဢိၵ်ႇတင်းတၢင်းဢၼ်ထႃႁူဝ်ၼၼ်ႉပဵၼ်လွင်ႈဢၼ်လီဢူၵ်းလီဢၢႆၸိုင်ႁႂ်ႈမၼ်းႁူမ်ႇႁူဝ်မၼ်းသေ။

၇ ၵူၼ်းၸၢႆးၸိုင်ၵွပ်ႈပိူဝ်ႈဢၼ်ပဵၼ်ပုင်ႇႁၢင်ႊမူၼ်သရေႇၽြႃးပဵၼ်ၸဝ်ႈလႄႈဢမ်ႇလႆႈႁူမ်ႇႁူဝ်တူဝ်ၸဝ်ႈၵဝ်ႇ။

၈ ၵူၼ်းယိင်းၸမ်းပဵၼ်မူၼ်သရေႇၵူၼ်းၸၢႆးဢေႃႈ။လွင်ႈမၼ်းၸမ်းၵူၼ်းၸၢႆးပဵၼ်မႃးၵွပ်ႈပိူဝ်ႈၵူၼ်းယိင်းဢမ်ႇၸႂ်ႈ။

၉ ၵူၼ်းယိင်းပဵၼ်မႃးၵွပ်ႈပိူဝ်ႈၵူၼ်းၸၢႆးဢေႃႈ။မၼ်းၸဝ်ႈၽၢၼ်ႇသၢင်းႁဵတ်းပဵၼ်ၵူၼ်းၸၢႆးပုၼ်ႈၵူၼ်းယိင်းဢမ်ႇၸႂ်ႈ။ၽၢၼ်ႇသၢင်းႁဵတ်းပဵၼ်ၵူၼ်းယိင်းပုၼ်ႈၵူၼ်းၸၢႆးဢေႃႈ။

၁၀ ပိူဝ်ႈၼႆလႄႈၵူၼ်းယိင်းတၵ်းလႆႈမီးလၵ်ႈၶၼႃႇတၢင်းဢၼ်ဢုပ်ႉပိူင်ႇၼၼ်ႉၵႃႈၼိူဝ်ႁူဝ်မၼ်းၵွပ်ႈပိူဝ်ႈတမၢၼ်ႇၵၢင်ႁၢဝ်တင်းလၢႆဢေႃႈ။

၁၁ ၵူၺ်းၵႃႈၼႂ်းၸဝ်ႈၽြႃးၼၼ်ႉၵူၼ်းၸၢႆးလႆႈဢိင်ၵူၼ်းယိင်းဢေႃႈ။

၁၂ ၵူၼ်းယိင်းလႆႈဢိင်ၵူၼ်းၸၢႆးဢေႃႈ။လွင်ႈမၼ်းၸမ်းၵူၼ်းယိင်းပဵၼ်မႃးၵွပ်ႈပိူဝ်ႈၵူၼ်းၸၢႆးလႄႈၵူၼ်းၸၢႆးၵေႃႈပဵၼ်မႃးၵႃႈတီႈၵူၼ်းယိင်းဢေႃႈ။ၵႃႈမီးတင်းသဵင်ႈတင်းလူင်လုၵ်ႉသေၵႃႈတီႈၽြႃးပဵၼ်ၸဝ်ႈမႃးဢေႃႈ။

၁၃ ပေႃးၵူၼ်းယိင်းယင်းဢမ်ႇႁူမ်ႇႁူဝ်လႄႈသူးတွင်းတီႈၽြႃးပဵၼ်ၸဝ်ႈၸိုင်တၵ်းထုၵ်ႇႁိုဝ်ဢမ်ႇထုၵ်ႇႁိုဝ်ဝႃႈၼႆၶႆႈၸႂ်တူၺ်းလႄႈၸီႇယၢင်ႇႁင်းၽႂ်ႁင်းမၼ်းတႃႉ။

၁၄ ပေႃးၵူၼ်းၸၢႆးမီးၶူၼ်ႁူဝ်ဢၼ်ယၢဝ်းၸိုင်ပဵၼ်လွင်ႈဢၼ်လီဢူၵ်းလီဢၢႆ။ပေႃးၵူၼ်းယိင်းမီးၶူၼ်ႁူဝ်ဢၼ်ယၢဝ်းၸိုင်ပဵၼ်မူၼ်သရေႇ၊ဝႃႈၼႆပၵတိတြႃးသင်ႇသွၼ်သူယူႇဢမ်ႇၸႂ်ႈႁိုဝ်။

၁၅ လွင်ႈမၼ်းၸမ်း၊ၶူၼ်ႁူဝ်ၵူၼ်းယိင်းၼၼ်ႉပဵၼ်ပုၼ်ႈဢၼ်တၵ်းႁူမ်ႇႁူဝ်ဢေႃႈ။

၁၆ ၵူၺ်းၵႃႈပေႃးသေၵေႃႉသေၵူၼ်းမီးတၢင်းဢၼ်ၶႂ်ႈတွပ်ႇၶႂ်ႈထဵင်ၸိုင်ႁဝ်းဢမ်ႇမီးထုင်းၸၢမ်ႇတၢင်ႇၸိူဝ်ႉတၢင်ႇဢၼ်။တီႈၸိူဝ်းၸဝ်ႈၽြႃးပဵၼ်ၸဝ်ႈတင်းလၢႆၵေႃႈဢမ်ႇမီး။

ၶဝ်ႈၶမ်ႈၸဝ်ႈယေႇသုဢၼ်ဝႃႈပွႆးၸဝ်ႈ

၁၇ ပိူင်ၼိုင်ႈၸမ်း၊တၢင်းဢၼ်သူၸူႉတုမ်ၵၼ်ၼၼ်ႉပွင်ႁဵတ်းဢၵျူဝ်းဢမ်ႇၸႂ်ႈ။တၢင်းၸူႉတုမ်သူၼၼ်ႉႁႂ်ႈဢၵျူဝ်းလႆႈလဵၵ်ႉလႆႈၵေႇၵႂႃႇၵူၺ်းလႄႈၵဝ်ဢမ်ႇယွင်ႈယေႃးသူ။

၁၈ ဢွၼ်တၢင်းသုတ်း၊မိူဝ်ႈဢၼ်သူၸူႉၵၼ်တုမ်ၵၼ်ၼႂ်းၸိူဝ်းၸဝ်ႈၼၼ်ႉၵဝ်လႆႈငိၼ်းဝႃႈသူမီးတၢင်းဢၼ်ၽႄၵိုင်းၶႂၢႆးၵိုင်းၵၼ်ဢေႃႈ။

၁၉ ၵႃႈၼင်ႇဢၼ်လႆႈငိၼ်းၼၼ်ႉၸၢင်ႊၶႄးၸႂ်ႈဢေႃႈ။လွင်ႈမၼ်းၸမ်းၼင်ႇႁိုဝ်ၶဝ်ၸိူဝ်းဢၼ်လီငၢမ်းတႄႉၼၼ်ႉတၵ်းလႆႈထၢင်ႇသႃးၵႃႈၼႂ်းသူၸိုင်တၢင်းဢၼ်ပႅၵ်ႇပိူင်ႈၵၼ်တၵ်းလႆႈမီးယူႇဢေႃႈ။

၂၀ မိူဝ်ႈဢၼ်သူၸူႉၵၼ်တုမ်ၵၼ်ၼၼ်ႉၸိုင်၊သူၸူႉၵၼ်တုမ်ၵၼ်ႁႂ်ႈလႆႈၵိၼ်ပွႆးၸဝ်ႈၽြႃးဢမ်ႇၸႂ်ႈ။

၂၁ လွင်ႈမၼ်းၸမ်းသူဢမ်ႇပႂ်ႉပိူၼ်ႈလႄႈသူဢွၼ်ၵၼ်ၵိၼ်တၢင်းၵိၼ်ဢွၼ်ႈတၢင်းႁင်းၽႂ်ႁင်းမၼ်းလႄႈၵမ်ႈၽွင်ႈယင်းတွင်ႉမႆႈယူႇၵမ်ႈၽွင်ႈသမ်ႉပေႃးၵိၼ်ပူၼ်ႉၵိၼ်လိူဝ်လႄႈမဝ်းယူႇဢေႃႈ။

၂၂ ၸွင်ႇသူဢမ်ႇမီးႁိူၼ်းပုၼ်ႈဢၼ်သူတၵ်းၵိၼ်ႁိုဝ်။ဢမ်ႇၼၼ်သူႁဵတ်းဢမ်ႇပေႃးၼင်ႇႁိုဝ်တီႈၸိူဝ်းၸဝ်ႈၽြႃးပဵၼ်ၸဝ်ႈလႄႈႁႂ်ႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉလႆႈဢူၵ်းလႆႈဢၢႆႁိုဝ်။

၂၃ ၵဝ်တၵ်းလႆႈဝႃႈတီႈသူၸိူဝ်ႉၼင်ႇႁိုဝ်။ၼႂ်းတီႈႁႅင်းၼႆႉၵဝ်တၵ်းလႆႈယွင်ႈသူႁိုဝ်။ၵဝ်ဢမ်ႇယွင်ႈသူၵူၺ်း။လွင်ႈမၼ်းၸမ်းလွင်ႈဢၼ်ၵဝ်ဢၢပ်ႈပၼ်တီႈသူၼၼ်ႉၵဝ်လႆႈၶၢမ်ႇဢဝ်ၵႃႈတီႈၽြႃးဢေႃႈ။

၂၄ လွင်ႈဢၼ်ၵဝ်လႆႈၶၢမ်ႇဢဝ်ၼၼ်ႉၸမ်းမိူဝ်ႈၶမ်ႈဢၼ်ၸဝ်ႈယေႇသုၶၢမ်ႇတၢင်းဢၼ်ဢၢပ်ႈၵႃႈၼႂ်းမိုဝ်းရၢၼ်ႇသူၼၼ်ႉမၼ်းၸဝ်ႈဢဝ်ၶဝ်ႈမုၼ်းလႄႈယွင်ႈယေႃးၵျေးၸူးၸဝ်ႈသေယဝ်ႉမိတ်းၶဝ်ႈမုၼ်းၼၼ်ႉလႄႈဝႃႈ၊-ၶဝ်ႈမုၼ်းၼႆႉၸမ်းပဵၼ်တူဝ်ၵဝ်ဢၼ်လႆႈၶၢမ်ႇတၢင်းဢၼ်ႁၵ်းပႅတ်ႈပုၼ်ႈသူဢေႃႈ။ဢွၼ်ၵၼ်ဢဝ်လႄႈၵိၼ်တႃႉ။ပုၼ်ႈဢၼ်တၵ်းၶုၵ်းၸႂ်လႆႈၶႆႈၸႂ်ထူပ်းၵဝ်ၸိုင်ဢွၼ်ၵၼ်ႁဵတ်းၸိူဝ်ႉၼင်ႇၼႆတႃႉ၊ဝႃႈၼင်ႇၼႆဢေႃႈ။

၂၅ မိူၼ်ၼင်ႇၼၼ်ၵိၼ်ၶဝ်ႈၶမ်ႈသေယဝ်ႉၵွၵ်းၵေႃႈမၼ်းၸဝ်ႈဢဝ်လႄႈဝႃႈ၊-ၵွၵ်းၼႆႉၸမ်း၊ပဵၼ်ပတိၺိၺ်ႇတြႃးဢၼ်မႂ်ႇဢၼ်တႄႇယူႇၼႂ်းလိူတ်ႈၵဝ်ၼၼ်ႉဢေႃႈ။ယၢမ်းမိူဝ်ႈဢၼ်သူၵိၼ်ၵွၵ်းၼႆႉၵူႈပွၵ်ႈပုၼ်ႈဢၼ်တၵ်းၶုၵ်းၸႂ်လႆႈၶႆႈၸႂ်ထူပ်းၵဝ်ၸိုင်ဢွၼ်ၵၼ်ၵိၼ်တႃႉ၊ဝႃႈၼင်ႇၼႆဢေႃႈ။

၂၆ လွင်ႈမၼ်းၸမ်းယၢမ်းမိူဝ်ႈဢၼ်သူၵိၼ်ၶဝ်ႈမုၼ်းဢိၵ်ႇတင်းၵွၵ်းၼၼ်ႉၵူႈပွၵ်ႈသူၼႄပျႃးတၢင်းဢၼ်ၸဝ်ႈၽြႃးၶၢမ်ႇတၢင်းတၢႆၼၼ်ႉတေႃႇထိုင်ႁွတ်ႈၶိင်ႇဝၼ်းဢၼ်မၼ်းၸဝ်ႈတၵ်းမႃးၼၼ်ႉဢေႃႈ။

၂၇ ပိူဝ်ႈၼႆလႄႈၵေႃႉဢၼ်ယင်းဢမ်ႇထိူၵ်ႈတၢၼ်ႇလႄႈၵိၼ်ၶဝ်ႈမုၼ်းဢိၵ်ႇတင်းၵွၵ်းၸဝ်ႈၽြႃးၼၼ်ႉႁွတ်ႈထိုင်တၢင်းဢၼ်ၽိတ်းပိူင်ႈတူဝ်ဢိၵ်ႇတင်းလိူတ်ႈၸဝ်ႈဢေႃႈ။

၂၈ ၵွပ်ႈႁွႆးၼႆႉလႄႈႁႂ်ႈၵူၼ်းၵူႈၵေႃႉၸႅတ်ႈထၢမ်ၸႅတ်ႈတူၺ်းတူဝ်ၸဝ်ႈၵဝ်ႇယဝ်ႉၸင်ႇၵိၼ်ၶဝ်ႈမုၼ်းၼၼ်ႉသေၵမ်း။

၂၉ မိူၼ်ၼင်ႇၼၼ်ၵွၵ်းၼၼ်ႉၵေႃႈႁႂ်ႈမၼ်းၵိၼ်သေၵမ်း။လွင်ႈမၼ်းၸမ်းၵေႃႉဢၼ်ယင်းဢမ်ႇထိူၵ်ႈဢမ်ႇတၢၼ်ႇလႄႈၵိၼ်ၼၼ်ႉၵွပ်ႈပိူဝ်ႈဢၼ်မၼ်းဢမ်ႇႁူႉဢမ်ႇႁၼ်တူဝ်ၽြႃးလႄႈပဵၼ်ၵေႃႉဢၼ်ၵိၼ်ႁႂ်ႈဢပျႅတ်ႈႁွတ်ႈထိုင်ၵႃႈၼိူဝ်တူဝ်ၸဝ်ႈၵဝ်ႇဢေႃႈ။

၃၀ ၵွပ်ႈပိူဝ်ႈလွင်ႈၼၼ်ႉလႄႈၼႂ်းသူၼၼ်ႉၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၶဝ်ၸိူဝ်းဢၼ်ဢမ်ႇယူႇလီမီးၼမ်ၼႃႇဢေႃႈ။

၃၁ ၶဝ်ၸိူဝ်းဢၼ်ၼွၼ်းလပ်းၵႂႃႇၼၼ်ႉၵေႃႈမီးၼမ်ၼႃႇဢေႃႈ။ပေႃးႁဝ်းၸႅတ်ႈထၢမ်ၸီႇယၢင်ႇတူဝ်ၸဝ်ႈၵဝ်ႇၸိုင်ႁဝ်းတၵ်းၵၢင်းလွတ်ႈတင်းတၢင်းဢၼ်မၼ်းၸဝ်ႈၸႅတ်ႈထၢမ်ၸီႇယၢင်ႇဢေႃႈ။

၃၂ မိူဝ်ႈဢၼ်ႁဝ်းလႆႈၶၢမ်ႇတၢင်းဢၼ်မၼ်းၸဝ်ႈၸႅတ်ႈထၢမ်ၸီႇယၢင်ႇၼၼ်ႉႁဝ်းလႆႈၶၢမ်ႇတၢင်းဢၼ်မၼ်းၸဝ်ႈသင်ႇသွၼ်ပၼ်ႁႂ်ႈလႆႈၵၢင်းလွတ်ႈတင်းတၢင်းဢၼ်ၸီႇယၢင်ႇဢပျႅတ်ႈလူၺ်ႈၵၼ်တင်းၵူၼ်းလေႃးၵီႇတင်းလၢႆဢေႃႈ။

၃၃ ပိူဝ်ႈၼႆလႄႈပီႈၼွင်ႉၶဝ်ဢိူၺ်း၊မိူဝ်ႈဢၼ်သူၸူႉၵၼ်တုမ်ၵၼ်ႁႂ်ႈလႆႈၵိၼ်ၼၼ်ႉၸိုင်ၵေႃႉၼိုင်ႈလႄႈၵေႃႉၼိုင်ႈပႂ်ႉထႃႈၵၼ်တႃႉ။

၃၄ ပေႃးသေၵေႃႉသေၵူၼ်းတွင်ႉမႆႈၸိုင်ၼင်ႇႁိုဝ်တၵ်းဢမ်ႇလႆႈၶၢမ်ႇဢပျႅတ်ႈၼၼ်ႉႁႂ်ႈမၼ်းၵိၼ်ၵႃႈတီႈႁိူၼ်းမၼ်းဢွၼ်ႈတၢင်း။လွင်ႈတၢင်းဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉမိူဝ်ႈဢၼ်ၵဝ်ႁွတ်ႈမႃးၸင်ႇၵဝ်တၵ်းသွၼ်ပၼ်ထႅင်ႈယူႇဢေႃႈ။