Shan Missions

လိၵ်ႈဢေႃးဝႃႇတႃႉယူဝ်းႁၢၼ်ႇၽိုၼ်ပထမ

Chapter         ၁          ၂          ၃          ၄          ၅         

၄

ၸႅတ်ႈတူၺ်းဝိၺိၺ်ႇ

၁ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ယႃႇပေယုမ်ႇဝိၺိၺ်ႇၵူႈၸိူဝ်ႉၵူႈမဵဝ်းၼၼ်ႉ။ၸႅတ်ႈတူၺ်းဝိၺိၺ်ႇၼၼ်ႉလႄႈႁႂ်ႈလႆႈႁူႉၸွင်ႇၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈႁိုဝ်ဢမ်ႇၸၢပ်ႈသႅင်ႇႁိုဝ်ၼၼ်ႉတႃႉ။

၂ လွင်ႈမၼ်းၸမ်းမိၵ်ႉသႃႇပရေႃးၽႅတ်ႈၼမ်ၼႃႇၵႂႃႇၵႃႈတီႈၼႂ်းလေႃးၵႃႉၼၼ်ႉယဝ်ႉ။သူတၵ်းႁဵတ်းၸိူဝ်ႉႁိုဝ်လႄႈႁူႉၸၵ်းဝိၺိၺ်ႇၽြႃးပဵၼ်ၸဝ်ႈလႆႈဝႃႈၼႆၸမ်းဝိၺိၺ်ႇဢၼ်ႁပ်ႉတုင်းဢဝ်ၸဝ်ႈယေႇသုၶရိၸ်ႉဢၼ်ၶမ်ႇဢဝ်ၸႃႇတိၵူၼ်းမႃးၼၼ်ႉၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈဢေႃႈ။

၃ ဝိၺိၺ်ႇဢၼ်ဢမ်ႇႁပ်ႉတုင်းဢဝ်ၸဝ်ႈယေႇသုၶရိၸ်ႉဢၼ်ၶမ်ႇဢဝ်ၸႃႇတိၵူၼ်းမႃးၼၼ်ႉၸမ်းဢမ်ႇၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈ။ဝိၺိၺ်ႇၸိူဝ်ႉၼင်ႇၼၼ်ၼၼ်ႉပဵၼ်ဝိၺိၺ်ႇဢၼ်ႇတိၶရိၸ်ႉဢၼ်သူလႆႈငိၼ်းဝႃႈတၵ်းမႃးၼၼ်ႉလႄႈမိူဝ်ႈလဵဝ်ၼႆႉၵေႃႈယင်းပေႃးမီးယူႇၼႂ်းလေႃးၵႃႉၼႆႉယဝ်ႉ။

၄ လုၵ်ႈလၢင်းဢၼ်ၵဝ်ႁၵ်ႉၶဝ်ဢိူၺ်း၊သူၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈဢေႃႈ။ၶဝ်ၼၼ်ႉၵေႃႈသူလႆႈပႄႉၼႅင်ႇယဝ်ႉ။လွင်ႈမၼ်းၸမ်းၵေႃႉဢၼ်မီးၽၢႆႇသူၼၼ်ႉယႂ်ႇၼႃႇသေၵေႃႉဢၼ်မီးၽၢႆႇလေႃးၵႃႉၼၼ်ႉဢေႃႈ။

၅ ၶဝ်ၼၼ်ႉပိူဝ်ႈဢၼ်ၸၢပ်ႈသႅင်ႇၵၼ်တင်းလေႃးၵႃႉၼႆႉလႄႈၸၢင်ႊလၢတ်ႈလွင်ႈလေႃးၵီႇတင်းလၢႆဢေႃႈ။ၵူၼ်းလေႃးၵီႇတင်းလၢႆၵေႃႈၸၢင်ႊထွမ်ႇဢဝ်ၵႂၢမ်းၶဝ်ၼၼ်ႉဢေႃႈ။

၆ ႁဝ်းၸမ်းၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈဢေႃႈ။ၵေႃႉဢၼ်ႁူႉၸၵ်းၽြႃးပဵၼ်ၸဝ်ႈၼၼ်ႉၸၢင်ႊထွမ်ႇဢဝ်ၵႂၢမ်းႁဝ်းဢေႃႈ။ၵေႃႉဢၼ်ဢမ်ႇၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈၼၼ်ႉဢမ်ႇၸၢင်ႊထွမ်ႇဢဝ်ၵႂၢမ်းႁဝ်း။ႁဝ်းထွၵ်ႈလူၺ်ႈလွင်ႈတၢင်းၼၼ်ႉလႄႈလႆႈႁူႉသမ်ႇမႃႇဝိၺိၺ်ႇတင်းမိၵ်ႉသႃႇဝိၺိၺ်ႇဢေႃႈ။

တၢင်းႁၵ်ႉမႅတ်ႈတႃႇၽြႃးပဵၼ်ၸဝ်ႈ

၇ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ႁဝ်းၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်တႃႉႁဝ်း။လွင်ႈမၼ်းၸမ်းတၢင်းႁၵ်ႉမႅတ်ႈတႃႇၼႆႉၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈဢေႃႈ။ၵေႃႉဢၼ်ၸၢင်ႊႁၵ်ႉၼၼ်ႉပဵၼ်ၵေႃႉဢၼ်ၵိူတ်ႇပဵၼ်မႃးၼႂ်းၽြႃးပဵၼ်ၸဝ်ႈဢေႃႈ။

၈ ၵေႃႉဢၼ်ဢမ်ႇမီးတၢင်းႁၵ်ႉမႅတ်ႈတႃႇၼၼ်ႉဢမ်ႇႁူႉၸၵ်းၽြႃးပဵၼ်ၸဝ်ႈ။လွင်ႈမၼ်းၸမ်းၽြႃးပဵၼ်ၸဝ်ႈပဵၼ်တၢင်းႁၵ်ႉမႅတ်ႈတႃႇဢေႃႈ။

၉ မႅတ်ႈတႃႇဢၼ်ၽြႃးပဵၼ်ၸဝ်ႈႁၵ်ႉၼၼ်ႉထၢင်ႇသႃးၵႃႈၼႂ်းႁဝ်းၼႂ်းလွင်ႈတၢင်းဢၼ်မၼ်းၸဝ်ႈပွႆႇၸႂ်ႉလုၵ်ႈမၼ်းၸဝ်ႈဢၼ်မီးပႃးလဵဝ်ၵူၺ်းၼၼ်ႉမႃးၵႃႈၼႂ်းလေႃးၵႃႉၼႆႉလႄႈႁႂ်ႈႁဝ်းလႆႈမီးဢသၢၵ်ႈၵွပ်ႈပိူဝ်ႈလုၵ်ႈမၼ်းၸဝ်ႈၼၼ်ႉဢေႃႈ။

၁၀ တၢင်းႁၵ်ႉမႅတ်ႈတႃႇမီးၼႂ်းတၢင်းဢၼ်ႁဝ်းႁၵ်ႉၽြႃးပဵၼ်ၸဝ်ႈၼၼ်ႉဢမ်ႇၸႂ်ႈ။မီးၼႂ်းတၢင်းဢၼ်ၽြႃးပဵၼ်ၸဝ်ႈႁၵ်ႉႁဝ်းလႄႈပွႆႇၸႂ်ႉလုၵ်ႈၸဝ်ႈမႃးႁႂ်ႈလႆႈပဵၼ်လွင်ႈဢၼ်တၵ်းၽေႇဢပျႅတ်ႈႁဝ်းၼၼ်ႉဢေႃႈ။

၁၁ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ပေႃးၽြႃးပဵၼ်ၸဝ်ႈႁၵ်ႉႁဝ်းထၢၼ်ႇၼႆႉဢမၢၼ်ႇၶၼ်ပဵၼ်ၸိုင်ႁဝ်းၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်တၵ်းလႆႈႁၵ်ႉၵၼ်ဢေႃႈ။

၁၂ ၽူႈလႂ်ဢမ်ႇတွၼ်ႉလႆႈႁၼ်ၽြႃးပဵၼ်ၸဝ်ႈ။ၼႂ်းဝႃႈၼၼ်သေၵေႃႈပေႃးႁဝ်းႁၵ်ႉၵၼ်ၸိုင်ၽြႃးပဵၼ်ၸဝ်ႈတႄႇယူႇၼႂ်းႁဝ်းလႄႈႁဝ်းၵေႃႈတဵမ်ဝႆႉတင်းတၢင်းႁၵ်ႉမႅတ်ႈတႃႇၸဝ်ႈၼၼ်ႉဢေႃႈ။

၁၃ ႁဝ်းႁူႉလွင်ႈဢၼ်ႁဝ်းတႄႇယူႇၼႂ်းၽြႃးပဵၼ်ၸဝ်ႈဢိၵ်ႇတင်းလွင်ႈဢၼ်မၼ်းၸဝ်ႈတႄႇယူႇၼႂ်းႁဝ်းၵွပ်ႈပိူဝ်ႈဢၼ်မၼ်းၸဝ်ႈပၼ်သူႉၵျေးၸူးဝိၺိၺ်ႇမူတ်းၸၢင်ႇၸဝ်ႈတီႈႁဝ်းၼၼ်ႉဢေႃႈ။

၁၄ ႁဝ်းႁူႉႁၼ်လွင်ႈဢၼ်ပေႃႈၸဝ်ႈပွႆႇၸႂ်ႉလုၵ်ႈၸဝ်ႈမႃး၊ႁႂ်ႈလႆႈပဵၼ်ၸဝ်ႈဢၼ်ၵႄႇၶျွတ်ႈဢဝ်ၵူၼ်းလေႃးၵီႇတင်းလၢႆၼၼ်ႉလႄႈပဵၼ်ဢၼ်ၶၢမ်ႇသၢၵ်ႈသေႇဢေႃႈ။

၁၅ ၵေႃႉဢၼ်ႁပ်ႉတုင်းဢဝ်လႄႈဝႃႈ၊-ၸဝ်ႈယေႇသုပဵၼ်လုၵ်ႈၽြႃးပဵၼ်ၸဝ်ႈဢေႃႈ၊ဝႃႈၼင်ႇၼႆၼၼ်ႉပဵၼ်ၵေႃႉဢၼ်တႄႇယူႇၼႂ်းၽြႃးပဵၼ်ၸဝ်ႈဢေႃႈ။ၽြႃးပဵၼ်ၸဝ်ႈၵေႃႈတႄႇယူႇၼႂ်းၵေႃႉၼၼ်ႉဢေႃႈ။ႁဝ်းႁူႉမႅတ်ႈတႃႇတၢင်းဢၼ်ၽြႃးပဵၼ်ၸဝ်ႈႁၵ်ႉႁဝ်းၼၼ်ႉလႄႈဢိင်ပိုင်ႈဢေႃႈ။

၁၆ ၽြႃးပဵၼ်ၸဝ်ႈပဵၼ်တၢင်းႁၵ်ႉမႅတ်ႈတႃႇဢေႃႈ။ၵေႃႉဢၼ်တႄႇယူႇၼႂ်းတၢင်းႁၵ်ႉမႅတ်ႈတႃႇၼၼ်ႉတႄႇယူႇၼႂ်းၽြႃးပဵၼ်ၸဝ်ႈဢေႃႈ။

၁၇ ၽြႃးပဵၼ်ၸဝ်ႈၵေႃႈတႄႇယူႇၼႂ်းၵေႃႉၼၼ်ႉဢေႃႈ။ၼင်ႇၼၼ်လႄႈပိူဝ်ႈဢၼ်ႁဝ်းတဵမ်ဝႆႉတင်းတၢင်းႁၵ်ႉမႅတ်ႈတႃႇလႄႈႁဝ်းတၵ်းမီးဢၶႂၢင်ႉဢၼ်လႆႈတမ်းၸႂ်ၼႂ်းဝၼ်းဢၼ်တၵ်းၸီႇယၢင်ႇတြႃးၼၼ်ႉဢေႃႈ။လွင်ႈမၼ်းၸမ်းႁဝ်းမိူၼ်မၼ်းၸဝ်ႈၼႂ်းလေႃးၵႃႉၼႆႉဢေႃႈ။

၁၈ ၼႂ်းတၢင်းႁၵ်ႉမႅတ်ႈတႃႇၼၼ်ႉဢမ်ႇမီးတၢင်းဢၼ်ၵူဝ်ဢၼ်ႁႄ။မႅတ်ႈတႃႇဢၼ်တဵမ်ထူၼ်ႈၼၼ်ႉပႄႉၼႅင်ႇတၢင်းဢၼ်ၵူဝ်ႁႄဢေႃႈ။လွင်ႈမၼ်းၸမ်းတၢင်းဢၼ်ၵူဝ်ႁႄၼၼ်ႉၸၢပ်ႈသႅင်ႇၵၼ်တင်းတၢင်းဢၼ်ၸီႇယၢင်ႇပၼ်တၢမ်ႇဢေႃႈ။ၵေႃႉဢၼ်မီးတၢင်းဢၼ်ၵူဝ်ႁႄၼၼ်ႉဢမ်ႇတဵမ်ထူၼ်ႈၼႂ်းတၢင်းႁၵ်ႉမႅတ်ႈတႃႇ။

၁၉ ႁဝ်းႁၵ်ႉၽြႃးပဵၼ်ၸဝ်ႈၵွပ်ႈပိူဝ်ႈမၼ်းၸဝ်ႈႁၵ်ႉႁဝ်းဢွၼ်တၢင်းၼၼ်ႉဢေႃႈ။ပဵၵ်ႉသမ်ႉသေၵေႃႉသေၵူၼ်းလၢတ်ႈလႄႈဝႃႈ၊-ၵဝ်ႁၵ်ႉၽြႃးပဵၼ်ၸဝ်ႈဢေႃႈ၊ဝႃႈၼင်ႇၼႆသေၵေႃႈ၊ပေႃးမၼ်းသမ်ႉယင်းၸင်းပီႈၼွင်ႉမၼ်းယူႇၸိုင်ၵေႃႉၼၼ်ႉပဵၼ်ၵေႃႉဢၼ်လၢတ်ႈၵႂၢမ်းမူႉသႃႇဢေႃႈ။

၂၀ ပေႃးမၼ်းဢမ်ႇႁၵ်ႉပီႈၼွင်ႉမၼ်းဢၼ်မၼ်းလႆႈႁၼ်ယူႇၼၼ်ႉၸိုင်မၼ်းတၵ်းႁၵ်ႉၽြႃးပဵၼ်ၸဝ်ႈဢၼ်မၼ်းဢမ်ႇတွၼ်ႉလႆႈႁၼ်သေပွၵ်ႈၼၼ်ႉလႆႈၸိူဝ်ႉၼင်ႇႁိုဝ်။ပိင်းၺၢပ်ႈဢၼ်ဝႃႈ၊-ၵေႃႉဢၼ်ႁၵ်ႉၽြႃးပဵၼ်ၸဝ်ႈၼၼ်ႉတၵ်းလႆႈႁၵ်ႉပီႈၼွင်ႉမၼ်းဢေႃႈ၊ဝႃႈၼင်ႇၼႆၼၼ်ႉ၊ႁဝ်းလႆႈၶၢမ်ႇဢဝ်ၵႃႈၼႂ်းၸဝ်ႈၶရိၸ်ႉယဝ်ႉ။